• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

حیزبی دێموکراتی کوردستانی ئێران، بە بۆنەی بەڕێوەچوونی سەرکەوتووانەی گشتپرسی بۆ سەربەخۆیی لە باشوور، پیرۆزبایی لە سەرجەم ڕۆڵەکانی نەتەوەی کورد لە هەموو پارچەکانی کوردستان دەکات

زایینی: ٢٦-٠٩-٢٠١٧ - هەتاوی: ١٣٩٦/٠٧/٠٤ - ١٧:٢٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حیزبی دێموکراتی کوردستانی ئێران، بە بۆنەی بەڕێوەچوونی سەرکەوتووانەی گشتپرسی بۆ سەربەخۆیی لە باشوور، پیرۆزبایی لە سەرجەم ڕۆڵەکانی نەتەوەی کورد لە هەموو پارچەکانی کوردستان دەکات
کوردستان میدیا: دەفتەری سیاسیی حیزبی دێموکراتی کوردستانی ئێران، سەبارەت بە بەڕێوەچوونی ڕێفراندۆم بۆ سەربەخۆیی لە باشووری کوردستان راگەیەندراوێکی بڵاو کردەوە.

دەقی ڕاگەیەندراوەکە بەم چەشنەیە:

ڕاگەیەندراوی دەفتەری سیاسیی حیزبی دێموکراتی کوردستانی ئێران
سەبارەت بە بەڕێوەچوونی ڕێفراندۆم بۆ سەربەخۆیی لە باشووری کوردستان

هاونیشتمانییە بەڕێزەکان

ڕۆڵە بەئەمەگ و کوردپەروەرەکانی کوردستان


ڕۆژی دووشەممە ٣ی رەزبەری ١٣٩٦ی هەتاوی بەرانبەر بە ٢٥ی سپتامبری ٢٠١٧ی زایینی، گشتپرسی بۆ سەربەخۆیی باشووری کوردستان، بەپێی بەرنامەی داڕێژراو و سەرەڕای هەموو هەڕەشەکانی وڵاتانی ناوچە و خوێندنەوەی جۆراوجۆری بەشێک لە وڵاتانی جیهان بە سەرکەوتوویی و لە کەشوهەوایەکی بەتەواوی دێموکراتیک و ئازاددا بەڕێوە چوو.

بەمجۆرە ڕۆژێکی گرنگی نیشتمانی و نەتەوەیی لە مێژووی خۆێناوی و پڕکارەساتی کورد و لە هەمان کاتدا تەژی لە خەبات و خۆڕاگری کورد و کوردستان تۆمار کرا، لەسەرخستنی ئەو پرۆسە دێموکراتیکەدا خۆڕاگری و ئیرادەی بەهێزی سەرکردایەتی کورد لە باشووری کوردستان و کۆدەنگی هێزە سیاسییەکانی ئەو پارچەیە لە کوردستان دەورێکی شیاو و شوێندانەر و پڕ لە شانازی گێڕا.

حیزبی دێموکراتی کوردستانی ئێران هەر لە سەرەتای هاتنە ئارای ئەو پرسە گرینگەدا لە ڕێگای چەند ڕاگەیەندراوی ڕەسمی و دەیان وتووێژی میدیاییدا وێڕای پشتیوانی لە ئەنجام دانی گشتپرسی بۆ سەربەخۆیی باشووری کوردستان، ئەو پرسەی وەک هەلێکی زێڕین و هەنگاوێکی نەتەوەیی و نیشتمانی دانا و داوای لە هەموو ئەندامان و لایەنگرانی خۆی لە باشووری کوردستان، لە وڵاتانی دەرەوە و کوردستانی ڕۆژهەڵات کرد، چی لە توانایان دایە بۆ ئاسانکاری و سەرخستنی ئەو بڕیارە مێژوووییە و پشتیوانی کردنی بگرنە بەر و لە هەموو شوێنێک دەنگیان لە پاڵ دەنگی خۆشک و برایانیان لە باشووری کوردستان بێ و پاڵپشتی سەرخستنی ئەو هەنگاوە چارەنووسسازە بن، بە خۆشییەوە لە چوارچێوەی ئەو بڕیار و چالاکی نواندنەدا کادر و پێشمەرگەکانی حیزبی دێموکراتی کوردستانی ئێران و ئەندامانی حیزب نیشتەجێ لە باشوور لە کارنەڤاڵێکدا بە شێوەیەکی بەرین بەشدار بوون، کە ڕۆژی ٥شەممە ٣٠ی خەرمانانی ١٣٩٦ی هەتاوی، لە ناوەندی ٣ی کوردستان لە لایەن حیزبی دێموکراتی کوردستانی ئێرانەوە و بە وتاری سکرتێری گشتی حیزب و ئامادە بوونی ژمارەیەک هونەرمەند و کەسایەتی بەڕێوە چوو.

لە دەرەوەی وڵاتیش ئەندامان و لایەنگرانی حیزبی دێموکراتی کوردستانی ئێران، بە شێوەیەکی بەرین لە کارنەڤاڵەکانی کوردانی تاراوگە لە وڵاتان بەشدار بوون و دەورێکی شیاو و بەرچاویان لە بەڕێوەبردن و بە ئەنجام گەیاندنیاندا گێڕا.

لە نێوخۆی کوردستانی ڕۆژهەڵات لەسەر ڕاسپاردە و ڕێنوێنی حیزب، کۆمەڵە چالاکییەک وەک بڵاوکردنەوەی تراکت، پووستەر و دروشم بەڕێوە چوون. جیا لەوە لە شارەکانی کوردستانی ڕۆژهەڵات، خەڵک بە شێوەیەکی بەرین و کەموێنە ڕژانە سەر شەقام و شوێنە گشتییەکان و بە شادی و شیرینی بەخشینەوە و خوێندنەوەی سروودی نیشتمانی "ئەی رەقیب" و دانی دروشمی "قاسملوو، قاسملوو رێگات درێژەی هەیە" و "دێموکرات، دێموکرات" و شەکاندنەوەی ئاڵای کوردستان هەستی خۆشحاڵی خۆیان لە بەڕێوەچوونی سەرکەوتووانەی پرۆسەی گشتپرسی دەربڕی. هەر لەو پێوەندییەدا، لە کەمپەینێکدا کە لە لایەن تەشکیلاتی حیزبەوە بۆ پشتیوانی لە گشتپرسی و سەربەخۆیی کوردستان پێکهات زیاتر لە ٢٠ هەزار کەس بەشدار بوون.

لەو پێوەندییەدا پێویستە سپاس و پێزانینی حیزبی دێموکراتی کوردستانی ئێران ئاراستەی هەموو ئەو کەس و ئورگان و خەڵکە بەهەستە بکەین، کە لە ئەنجام دان و بەڕێوەبردنی ئەو چالاکییانەدا بەشدار بوون و دەوری بەرچاویان گێڕاوە.

ئەو چالاکییانە لە نێوخۆی کوردستانی ڕۆژهەڵات، لە کاتێکدا بەڕێوە چوون کە ڕێژیمی کۆماری ئیسلامی، شارەکانی کوردستانی بە هێزی نیزامی و ئیتلاعاتی و ... تەنی بوو و لە سنوورەکانیش جموجۆڵی وە ڕێ خست، بەڵام بە هۆی بەربڵاوی خەڵک بۆ پێشوازی لە گشتپرسی توانای سەرکوتی خەڵکیان لێی بەربەست کرا بوو، بەو حاڵەش ژمارەیەک لە خەڵک لە شارەکان دەستبەسەر کراون و ڕەوتی گرتن هەروا درێژەی هەیە.

گشتپرسی بۆ سەربەخۆیی لە باشووری کوردستان، ئەو ڕاستییەی سەلماند کە سەرەڕای هەر جۆرە جیاوازی بۆچوون لە نێوان هێزە سیاسییەکان، خەڵکی کوردستان لە بڕیارە نەتەوەیی، نیشتمانی و چارەنووسسازەکاندا هەموو یەکدەنگ، یەک‌هەڵویست و یەک‌هەنگاون و بەم کارەیان دوژمنانی کورد و کوردستانیان لەگەڵ نائومیدی بەرەوڕوو کردەوە. گشتپرسی بۆ سەربەخۆیی باشووری کوردستان و هەڵویستی دژبەرانە و دژ بە ئازادی کورد، دەوڵەتانی ناوچە و ڕاسپاردەکانی وڵاتانی دیکە بۆ پاشگەز بوونەوەی کورد لە گشتپرسی و یا وە دوا خستنی، جارێکی دیکە نێوەڕۆکی دژبەرانەی هەر کام لەو وڵاتانەی کە کوردیان بەسەردا دابەش کراوە بە دنیا نیشان دا و لە ڕاستیدا تاقیکارێک بوو، کە کورد بەگشتی دۆستان و دوژمنانی ناوچەیی و جیهانی خۆی باشتر بناسێ و لە پێوەندییەکانی خۆیدا لەگەڵ هەر کامیان ئەو ناسیاوییە ڕەچاو بکات.

حیزبی دێموکراتی کوردستانی ئێران بە بۆنەی بەڕێوەچوونی سەرکەوتووانەی گشتپرسی بۆ سەربەخۆیی لە باشووری کوردستان پیرۆزبایی لە سەرکردایەتی کورد، خۆشک و براکانمان لە باشووری کوردستان و هێزە سیاسییەکانی و سەرجەم ڕۆڵەکانی نەتەوەی کورد لە هەموو پارچەکانی کوردستان و دنیا دەکات و ئاواتی ئەوە دەخوازێ ئەم هەنگاوە سەرەتای کۆتایی هاتن بە نەهامەتی و ڕەنج و ئازارەکانی کورد لە باشووری کوردستان بێ و بەدی‌هێنەری ئاوات و ئامانجە نەتەوەیی و نیشتمانییەکانیان بێ، کە بێگومان لە سەر چارەنووسی کورد بە گشتی شوێندانەر دەبێ.

حیزبی دێموکراتی کوردستانی ئێران
دەفتەری سیاسی

٤ی رەزبەری ١٣٩٦ی هەتاوی
٢٦ی سێپتامبری٢٠١٧ی زایینی


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.