• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ئوکتۆبەری ٢٠١٧ی زایینی - ٣٠ی رەزبەری ١٣٩٦ی هەتاوی  

حیزبی دێموکرات: ڕێژیمی ئێران تۆڵەی شکستە سیاسییەکانی خۆی لە خەڵکی ئاسایی دەکاتەوە

زایینی: ٢٨-٠٩-٢٠١٧ - هەتاوی: ١٣٩٦/٠٧/٠٦ - ١٩:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حیزبی دێموکرات: ڕێژیمی ئێران تۆڵەی شکستە سیاسییەکانی خۆی لە خەڵکی ئاسایی دەکاتەوە
کوردستان میدیا: حیزبی دێموکراتی کوردستانی ئێران لە بەیانییەیەکدا دەستبەسەرکردنی بە کۆمەڵی خەڵکی ڕۆژهەڵات و میلیتاریزەکردنی کوردستان مەحکووم دەکات و داوا لە هەموو کۆڕ و کۆمەڵە سیاسی و ناوەندە جیهانیە پێوەندیدارەکان دەکات گوشار بۆ کۆماری ئیسلامی بێنن کە هەرچی زووتر دەستبەسەرکراوەکان ئازاد بکرێن و شارەکانی کوردستانی ڕۆژهەڵات لە هێزی نیزامی چۆڵ بکرێن.

دەقی بەیاننامەکە:

"ڕێژیم شایی خەڵک بە میلیتاریزەکردنی شارەکان وەڵام دەداتەوە"

هاونیشتمانیانی بەڕێز

کۆڕو کۆمەڵە مرۆڤدۆستەکانی جیهان


ڕۆژی ٣ی ڕەزبەری ١٣٩٦ بەدوای بەڕێوەچوونی گشتپرسی لە کوردستانی عێراق بۆ دەنگدان لەسەر چارەنووسی نەتەوەی کورد لەو بەشەدا، خەڵکی کوردستانی ڕۆژهەڵات بەنیشانەی هاوپێوەندیی نەتەوەیی و دەربڕینی هاوسۆزییان، بە شێوەیەکی ئاشتیانە و تەنیا بە شایی و خۆشیی مەدەنیانە، ڕژانە شەقامەکانی شارەکانی کوردستان و لە کۆبوونەوە و کۆڕی دەیان هەزارکەسیدا، شایی و خۆشیی خۆیان بۆ ئەو ڕۆژە مێژووییە دەربڕی. ڕۆژێکی مێژوویی کە لەودا هاوزمان و هاونەتەوەکەیان لە بەشێکی دیکەی کوردستان بە ڕێگەی دێموکراتیک و ئاشتییانە و بە میکانیزمی گشتپرسیی هێمنانە ڕای خۆیان لەسەر چارەنووسی خۆیان دەربڕی و هەر وەک ئاکامەکەشی ڕاگەیەندرا بە زۆرینەیەکی یەکجار بەرچاو، واتە بە ڕێژەی ٩٢.٧٣% دەنگیان بۆ سەربەخۆبوونی کوردستانی باشوور دا.

کۆماری ئیسلامی کە ماوەیەکی زۆرە هێز و چەک و تەقەمەنیی زۆری هێنابووە ناوچە سنوورییەکان و هەڕەشەی ئەوەی دەکرد کە دژی بەڕێوەچوونی گشتپرسی لە کوردستانی باشوور دایە و ئەو گشتپرسیە ئاژاوە لە ناوچە پەرە پێ دەدا و تێرۆریستان پێی بەهێز دەبن، لە بەرامبەر شایی و خۆشیی ئاشتیانە و ئاسایی خەڵکی شارەکانی کوردستانی ڕۆژهەڵاتدا حەپەسا و دەستی دایە ئاژاوەنانەوە و کردەوەی دڕندانەتر لە تیرۆریستی.

تەنیا تاوانی خەڵکی کوردستانی ڕۆژهەڵات ئەوە بوو کە بە نیشانەی خۆشی و هاوسۆزی لەگەڵ هاوزمان و هاونەتەوەکانیان لەوبەری سنووری داسەپاوەوە، شایی مەدەنییان دەربڕی و بەپێچەوانەی کۆماری ئیسلامی کە هەڕەشەی لە بەڕێوەچوونی ئەو گشتپرسیە دەکرد، خەڵکی ڕۆژهەڵات بەپێشوازییەوە چوون و ئەمە هەموو هەڕەشە و پیلانەکانی ڕێژیمی ئیسلامیی تارانی کردە بڵقی سەرئاو و سپای پاسداران و دەزگا ئیتلاعاتیەکانی ڕێژیم کەوتنە تۆڵەکردنەوە لە خەڵک.

لە چەند ڕۆژی ڕابردووودا لە زۆربەی شارەکانی کوردستانی ئێراندا بە سەدان کەس لە خەڵکی ئاسایی لە لایەن دام و دەزگا ئیتلاعاتی و سەرکوتکەرەکانی ڕێژیمەوە دەستبەسەر کراون و لە چارەنووسیان زانیاریەکی ئەوتۆ لەبەردەستدا نیە. هەر لەم ڕۆژانەدا هێزێکی ئێجگار زۆری پاسدار، بە چەک و تەقەمەنیی قورسەوە ڕەوانەی نێوشارەکانی کوردستانی کردووە کە لە شەڕێکی دوو ئەرتەشی پۆشتە و پەرداخدا ئەو چەکە قورسانە بەکار دەبرێن، نەک بۆ داپڵۆسینی خەڵکی مەدەنی لە نێو شاردا.

کۆماری ئیسلامی بۆ جارێکی دیکە سەلماندیەوە کە هەموو هەڕەشە و گوڕەشە دەرەکیەکانی پووچەل و بێبنەمان و تەنیا توانای داپڵۆسین وسەرکوتی خەڵکی مەدەنی و بێتاوانی هەیە و تۆڵەی شکستە سیاسیەکانی لە خەڵکی ئاسایی دەکاتەوە.

ئەو شایی و خۆشیەی خەڵکی شارەکانی کوردستانی ئێران سەلماندیان کە بەپێچەوانەی سیاسەتە نگریسەکانی ڕێژیم، نەتەوەی کورد وشیار و ئاگایە و لەبەردەم چەواشەکاریەکانی کۆماری ئیسلامیدا چۆک دانادا.

ئێمە وێڕای مەحکوومکردنی ئەو کردەوە دڕندانەیەی کۆماری ئیسلامی، داوادەکەین هەرچی زووتر دەسبەسەرکراوەکان ئازاد بکرێن و هەموو ئەو هێزە نیزامیانە ببردرێنە دەر لە نێو شارەکانی کوردستان و بگەڕێندرێنەوە بۆ ئەو شوێنانەی لێوەی هێنراون.

داوا لە هەموو کۆڕو کۆمەڵە سیاسی و ناوەندەجیهانیە پێوەندیدارەکان دەکەین کە گوشار بۆ کۆماری ئیسلامی بێنن کە هەرچی زووتر دەستبەسەرکراوەکان ئازاد بکرێن و شارەکانی کوردستانی ڕۆژهەڵات لە هێزی نیزامی چۆڵ بکرێن.

حیزبی دێموکراتی کوردستانی ئێران
دەفتەری سیاسی

٦ی رەزبەری ١٣٩٦
٢٨ی ٩ی ٢٠١٧


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.