• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

نوێنه‌ری پێوه‌ندییه‌کانی حیزبی دێموکرات سەردانی پارلەمانی سویدی کرد

زایینی: ٠٤-١٠-٢٠١٧ - هەتاوی: ١٣٩٦/٠٧/١٢ - ١٧:٠٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
نوێنه‌ری پێوه‌ندییه‌کانی حیزبی دێموکرات سەردانی پارلەمانی سویدی کرد
کوردستان میدیا: نوێنەری پێوەندییەکانی حیزبی دێموکراتی کوردستانی ئێران، سەردانی پارلەمانی سویدی کرد و لە بارەی بارودۆخی کوردستان گفتوگۆی کرد.

ڕۆژی سێشه‌ممه ڕێکەوتی ١١ی رەزبەری ١٣٩٦ی هەتاوی،‌ "حه‌مید ته‌یمووری" نوێنه‌ری پێوه‌ندییه‌کانی حیزبی دێموکراتی کوردستانی ئێران، له‌ وڵاتی سوید به‌ فه‌رمی سەردانی پارلەمانی ئه‌و وڵاتەی کرد ‌و له‌گه‌ڵ نوێنه‌ری نێونه‌ته‌وه‌یی و پارلەما‌نتارانی حیزبی چه‌پ خاتوو "یاسمین پووسیو نیلسون" (Yasmine posio Nilsson) و "ئووله‌ سڤان" (Olle Svhan) دیدار و چاوپێکه‌وتنی ئه‌نجام دا.

له‌م دیداره‌دا کۆمه‌ڵێک خاڵیان له‌ سه‌ر کوردستان به‌ گشتی ئاڵوگۆر کرد، کە لە خوارەوە هاتوون:

ته‌وه‌ری یه‌که‌می باسه‌که‌ له‌سه‌ر گشتپرسیی باشووری کوردستان بوو، که‌ له‌ ٢٥ سێپتامبردا له‌ لایه‌ن خه‌ڵکی کوردستانه‌وه‌ ئه‌نجام درا و زیاتر له‌ ٩٣ له‌سه‌دی ده‌نگی به‌ڵی بوو. دواتر باسی کێشه‌کانی دوای ڕێفراندۆم کرا. نوێنه‌ری پێوه‌ندییه‌کانی حیزبی دێموکرات وتی: که‌ ئه‌وان چاوه‌ڕوان بوون که‌ وڵاتانی ڕۆژئاوایی و زلهێزه‌کان و به‌تایبه‌تی وڵاتی سوید پشتیوانی له‌ گشتپرسی کوردستان بکه‌ن که‌چی وڵامه‌کانیان نه‌رێنی بوون دژ به‌ گشتپرسی گه‌لی کورد و چوونه‌ به‌ره‌ی نه‌یارانی کورده‌وە. باشه‌ بۆ ئەو دەم که‌ پێشمه‌رگه‌ی کورد له‌گه‌ڵ داعشدا له‌ شه‌ڕدا بوو‌ وشه‌ی پێشمه‌رگه‌ ببووه‌ وێردی سه‌ر زمانی وڵاتانی ڕۆژئاوایی و زلهێزه‌کان و ده‌یانگوت پێشمه‌رگه‌ شه‌ڕی ئێمه‌ش ده‌کات و پاڵه‌وانی مه‌یدانه‌، که‌چی ئێستا پێچه‌وانه‌کەی ده‌بینین. ئه‌ی بۆ له‌ نه‌ته‌وه‌یه‌کگرتووه‌کان و وڵاتان به‌گشتی باسی مافی مرۆڤ ده‌که‌ن و ده‌ڵێن، فڵان وڵات مافی مرۆڤی پێشێل کردووه‌، ئه‌ی ئه‌مه‌ پێشێل کردنی مافی کورد نییه‌ که‌ هه‌موو دنیا دژی سه‌ربه‌خۆیی کوردستان ڕاوه‌ستاوه ‌و ده‌یانه‌وێت به‌ هه‌ر نرخێک بووه‌ ئێراده‌ی گه‌لی کورد بشکێنن و ئه‌و گشتپرسییه‌ که‌ له‌ لایه‌ن خه‌ڵکه‌وه‌ ئه‌نجام دراوه‌ له‌ نێو به‌رن. ته‌یمووری وتی: ئێمه‌ وه‌ک کوردانی دانیشتووی سوید چاوه‌ڕوانیمان له‌ وڵاتی سوید نه‌بوو که‌ ئه‌ویش له‌ نه‌ته‌وه‌یه‌کگرتووه‌کان ده‌نگی خۆی به‌ نه‌رێنی بخاته‌ پاڵ نه‌یارانی کورده‌وه‌.

نوێنه‌ری حیزبی چه‌پ وتی: ئێمه‌ وه‌ک حیزبی خۆمان پشتیوانیی خۆمانمان به‌ گه‌لی کورد ڕاگه‌یاندووه ‌و هه‌رده‌میش یارمه‌تیده‌ر ده‌بین بۆ مافی ڕه‌وایان، ئه‌وه‌شمان باس کردووه‌ که‌ ئه‌م پرسه‌ش بێ‌گرفت نابێ؛ وه‌کوو ده‌وڵه‌تی سویدیش وتوومانه‌ که‌ ئه‌و پرسه‌ بێ‌کێشه‌ نییه‌ و ده‌بێ چاره‌سه‌ریی بۆ بدۆزرێته‌وه‌.

ته‌وه‌ری دووهه‌می باسه‌که‌، باسی هه‌ڕه‌شه‌کانی ئێران و تورکیه‌ و حه‌شدی شه‌عبی ده‌ستکردی ئێران و به‌غداد بوو، که‌ هه‌ڕه‌شه‌ له‌ ئۆپۆزیسیۆنی کوردی ئێران ده‌که‌ن و به‌تایبه‌تی هه‌ڕه‌شه‌ له‌ حیزبی دێموکراتی کوردستانی ئێران له‌ لایه‌ن ئێرانه‌وه‌ رۆژ لەدوای رۆژ په‌ره‌ ده‌سینێت. له‌ به‌ر ئه‌وه‌ی که‌ حیزبی دێموکراتی کوردستانی ئێران، له‌ دوو ساڵی ڕابردوودا ده‌ستی به‌ چالاکی کردووه‌ و پێشمه‌رگه‌کانی حیزبی دێموکرات له‌ نێوخۆی کوردستانی ئێران و له‌ نێو خه‌ڵکدا بوونیان هه‌یه‌ و ته‌بلیغاتی سیاسی و کۆمه‌ڵایه‌تی ئه‌نجام ده‌ده‌ن و ئێرانیش له‌و بواره‌دا ترسی لێ نیشتووه ‌و ته‌نانه‌ت فه‌رمانده‌ گه‌وره‌کان و هەتا بگاته‌ سه‌ره‌وه‌ی ڕێبه‌ری ئێران هه‌ڕه‌شه‌ی بۆردمان و له‌نێوبردنی حیزبی دێموکرات ده‌که‌ن.

هه‌ر چه‌ند پێشمه‌رگه‌کانی حیزب له‌ کێوه‌کان و سه‌ر سنوور دامه‌زراون و خه‌ریکی چالاکین.

له‌ درێژه‌ی باسه‌که‌دا نوێنه‌ری حیزب وتی: له‌ کاتی هه‌ڵبژاردن له‌ باشووری کوردستان خه‌ڵکی شاره‌کانی مەهاباد، سنه‌، سه‌قز، بۆکان، کرماشان و هتد... بۆ پشتیوانیی گشتپرسی ڕژانه‌ شه‌قام و کۆڵانه‌کان و جێژنیان گرت، به‌ڵام ئێران وه‌زاڵه‌ هات و هێزێکی زۆری ڕه‌وانه‌ی شاره‌کانی کوردستان کردووه ‌و له‌ هه‌موو لایه‌کەوە میلیتاریزه‌ی کرد، هه‌ر بۆیه‌ ئێران گشتپرسیی پێ ناخۆشه‌ و هه‌رده‌م هه‌ڕه‌شه‌ی داخستنی ده‌روازه‌ سنوورییه‌ ده‌ستکرده‌کان ده‌کا. هه‌ر چه‌ند به‌ ڕواڵه‌ت تاکوو ئێستاش به‌ ته‌واوه‌تی سنووره‌کان دانه‌خراون. سه‌ره‌ڕای ئه‌و هه‌ڕه‌شانه‌ سپای پاسداران له‌گه‌ڵ حه‌شدی شه‌عبی پێکه‌وه‌ له‌ سنووره‌کانی کوردستان و له‌ سنووری قه‌سری شیرینه‌وه‌ مانۆڕی نیزامیان ئه‌نجام داوه ‌و خۆیان بۆ هێرش بۆ سه‌ر کوردستان ئاماده‌ ده‌که‌ن، ئه‌گه‌ر کورد له‌ گشتپرسی پاشه‌کشه‌ نه‌کات.

ناوبراو وتی: کورد پاشه‌کشه‌ ناکات و پێشمه‌رگه‌ له‌ ئاماده‌باشی دایه،‌ چ‌ له‌ باشوور و چ له‌ ڕۆژهەڵاته‌وه؛‌ به‌ هه‌مان شێوه‌ش تورکیه‌ هه‌ڕه‌شه‌ ده‌کات که‌ سنووره‌کان له‌ سەر کوردستان داده‌خات و ده‌ڵێن: ناهێڵین خواردن بۆ کوردستان بڕوات، خه‌ڵکی کورد برسی ده‌که‌ن و لووله‌ نه‌وتیه‌کانیش ده‌به‌ستین. هه‌ر چه‌ند به‌ کردەوە تاکوو ئێستا هیچیان نه‌کردووه‌.
نوێنه‌ری حیزبی چه‌پ وتی: که‌ ئه‌وان ئه‌و کاره‌ ناکه‌ن و ته‌نیا ده‌یانه‌وێ خه‌ڵکی کورد بترسێنن. ئه‌گه‌ریش شه‌ڕ بێته‌ ئاراوه‌ بۆ هیچ لایه‌ک قازانجی نابێ و ئه‌وانیش واته‌ ده‌وڵه‌تی ئێران و تورکیه‌ش زه‌ره‌رمه‌ند ده‌بن، ئه‌و سووده‌ی که‌ له‌ کوردستان‌ ده‌ستیان ده‌که‌وێ مه‌حاڵه‌ شه‌ڕ بکه‌ن.

ته‌وه‌ری سێهه‌م باس کردن لەسەر حیزبی دێموکرات و ئێران به‌گشتی بوو.

باسی ئێران کرا که‌ لە به‌رچاوی دنیاوه‌ ده‌ستێوەردانی وڵاتانی عێراق، سوریه‌، یه‌مه‌ن دەکات و له‌م لاشه‌وه‌ هاندانی حێزبوللا بۆ نانه‌وه‌ی شه‌ڕ و ئاژاوه‌ له‌گه‌ڵ ئیسرائیل و ناردنی میلیشیای حیزبوڵڵا و داعش بۆ سنووره‌کانی عێراق و نانه‌وه‌ی شه‌ڕ له‌گه‌ڵ کوردستان و هاندانی حه‌شدی شه‌عبی بۆ هێرش کردنه‌ سه‌ر شاری که‌رکووک و ده‌وروبه‌ری شاره‌که‌ و تۆقاندنی خه‌ڵک له‌ ناوچه‌که‌. هه‌ڕه‌شه‌ له‌ کورده‌کانی نیشته‌جێی باشوور که‌ به‌ جۆرێک دژبه‌ری ڕێژیمی ئێرانن، ئه‌مانه‌ش هه‌مووی بۆ ئه‌وه‌یه‌ که‌ ئێران کێشه‌ ناوخۆییه‌کانی خۆی وه‌ک کێشه‌ی کورد بشارێته‌وه‌ که‌ یه‌خه‌ی گرتوون، عه‌ره‌ب، به‌لووچ، ئازه‌ری و تورکمه‌ن و که‌مینه‌ ئایینیه‌کانی وه‌ک کریستیان، به‌هایی، یەهوودی‌، یارسان و هه‌تا دوایی. جگه‌ له‌مانه‌ش ئێران له‌ بواری بێکاریدا رێکۆردی جیهانی شکاندووه‌ و خه‌تی هه‌ژاری له‌ ژێر سفر دایه‌. دژایه‌تی دژی ژنان، کرێکاران، مامۆستایان و ده‌یان کێشه‌ی دیکە که‌ ئێران به‌ نانه‌وه‌ی ئاژاوه‌ ده‌یه‌وێ ئه‌م کێشانه‌ هه‌موو داپۆشێ. نه‌بوونی ئاوی خواردن له‌ ناوچه‌کانی سیستان و به‌لووچستان و ناوچه‌ عه‌ره‌بنشینه‌کان، نه‌بوونی ده‌وا و ده‌رمان و بنکه‌ی ته‌ندروستی، نه‌بوونی مامۆستا و بنکه‌ی ڕاهێنان و په‌روه‌رده‌ و ده‌یان کێشه‌ی دیکە، سه‌ره‌ڕای ئه‌مانه‌ش نه‌بوونی ئازادی و پێشێل کردنی مافی مرۆڤ. که‌چی وڵاتانی ڕۆژئاوایی و ئامریکا له‌سه‌ر وزه‌ی ناوکیی ئیمتیاز به‌ ئێران ده‌ده‌ن و میلیۆنان دولار له‌ لایه‌ن ئامریکاوه‌ ده‌چێته‌ گیرفان سپای پاسدارانەوە و سپا‌ش ئه‌م پارانه‌ خه‌رجی میلیشیاکانی عێراق و سووریه‌ و لوبنان ده‌کات و ئاژاوه‌ی پێ ده‌نێته‌وه‌ و ناسه‌قامگیری له‌ ناوچه‌که‌ پێک دێنێ. ته‌یمووری له‌ درێژه‌ی باسه‌که‌یدا وتی: ئه‌گه‌ر وڵاتانی ڕۆژئاوایی و زلهێزه‌کان و وڵاتی سوید پشتیوانی له‌ نه‌ته‌وه‌کانی ئێران بکه‌ن وه‌ک کورد و عه‌ره‌ب و به‌لووچ ئه‌وه‌ به‌ کرده‌وه‌ له‌ ئێراندا ئاڵوگۆڕ پێک دێ و سیستمێکی فیدراڵی له‌ ئێراندا ده‌چه‌سپێ.

نوێنه‌ری چه‌پ "خاتوو نیلسون" و به‌ڕێز "ئووله‌ سڤان" وتیان: که‌ ئه‌مان ئه‌م کێشانه‌ هه‌موو ده‌زانن که‌ له‌ ئێراندا هه‌یه‌ و نه‌ته‌وه‌کانی دیکە گوشاریان له‌ سه‌ره‌، به‌ڵام ئێمه‌ له‌گه‌ڵ ئێراندا له‌ بواری مافی مرۆڤدا له‌ سەر ئێران جه‌خت ده‌که‌ینه‌وه‌ و هه‌ر چه‌ند وڵاتی سوید بازرگانی له‌گه‌ڵ ئێراندا هه‌یه‌ و بڕیاریش له‌ نێوانیاندا هه‌یه‌ که‌ مافی مرۆڤ له‌ ئێراندا ڕێزی لێ بگیردرێ و پێشێلی نه‌که‌ن.

ناوبراو وتی: ئێمه‌ له‌و بوارانه‌دا له‌گه‌ڵ ئێراندا له‌ وتووێژ داین و هه‌وڵی خۆمان ده‌ده‌ین.

له‌ کۆتایشدا نوێنه‌ری حیزبی چه‌پ سپاسی نوێنەری حیزبی کرد بۆ زانیاریه‌کانیان و وتی: که‌ ئه‌م دانیشتنانه‌ ده‌بێ به‌رده‌وام بێ، ئه‌وان پێویستیان به‌ زانیاری نوێ هه‌یه‌.

نوێنه‌ری حیزبیش سپاسی ئه‌وانی کرد، بۆ ئه‌و ده‌رفه‌ته‌ی بەوانی دا، هەتا بیروڕایان بگۆڕن‌.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.