• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

دیپلۆماسیی درۆزنەی نێوخۆیی

زایینی: ٠٧-١٠-٢٠١٧ - هەتاوی: ١٣٩٦/٠٧/١٥ - ١٨:٥٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دیپلۆماسیی درۆزنەی نێوخۆیی
ئاگری ئیسماعیل نژاد

کۆتایی مانگی گەلاوێژ لە ڕواڵەتێکیدا کە دەکرێت پێی بڵێین "دیپلۆماسیی درۆزنەی نێوخۆیی" مەجلیسی کۆماری ئیسلامی دەنگی بە ١٦ بەربژێر بۆ ئەنجوومەنی وەزیران دا و بەو شێوەیە دوازدەیەمین ئەنجوومەنی وەزیرانی کۆماری ئیسلامی پێکهات.

جیا لەو باسەی کە لێهاتوویی وەزیرەکان هەتا چەند لەگەڵ دروشمەکانی سەردەمی هەڵبژاردن و ستراتێژی ڕاگەیەندراوی روحانی دەگونجێت، پەراوێزی سیاسی پێناساندنی بەربژێری وەزارەتەکان بە مەجلیس و دەنگهێنانەوە و دەنگ‌نەهێنانەوەی یەکێک لەو بەربژێرانە زۆر ڕاستی نێو سیاسەتی کۆماری ئیسلامی دەرخست.

پرسیاری سەرەکی ئەوەیە بە چ پێوەرێک مەجلیسی ڕێژیم دەنگی بە بەربژێرەکان داوە؟

لە گەرمەی بانگەشەی هەڵبژاردنی خولی دوازدەیەمی سەرکۆماریدا، حەسەن روحانی رۆژی ١٩ گوڵانی ١٣٩٦ باسی لە ئێعدام لەلایەن دەزگای دادەوەری ڕێژیمی هێناگۆڕێ و ئەو کات زۆربەی لێکۆڵەرە سیاسییەکانی سیاسەتی نێوخۆی ئێران ، باس‌کردن لەوەی "کەسانێک تەنیا کاریان بڕینەوەی حوکمی ئێعدام بووە" گەڕاندەوە سەر ئەو جینایەتانەی کە براییم رەئیسی لە ٦٠کاندا لە دژی بەرهەڵستکارانی ڕێژیم کردوویەتی؛ هەر لەو سەردەمەدا و لە رۆژی ٢٠ی گوڵانی ١٣٩٦ خامنەیی لە زانکۆی "ئیمام حوسێن" لە رێوڕەسمی کۆتایی خولی ئەفسەری سپادا گوتی: "نابێت وابکەین کە جێگای قوربانی و تاوانبار بگۆڕدرێت".

چەند رۆژ پێش ڕاگەیاندنی ناوی بەربژێرەکان و لە رۆژی ٦ گەلاوێژی ١٣٩٦دا، ماڵپەری فەرمی عەلی خامنەیی لە ڕوونکردنەوەیەکدا باسی لەوە کرد کە ئەو تەنیا لە هەڵبژاردنی سێ وەزیردا دەم دەکوتێ و لەسەر هەڵبژاردنی سێ‌ وەزیری دیکەش کە چالاکییەکانیان دەکەوێتە جەغزی فەرهەنگ و پەروەردەوە کەڵکەڵەی هەیە، بەڵام دەم ناکوتێ و راستەوخۆ کاری بەسەریانەوە نییە .

هەڵبەت ئەوە هەموو ڕاستییەکان نییە، چونکە کاتێک خامنەیی سێ ساڵی دوایی وەک ساڵی "ئابووری خۆڕاگرانە" ڕاگەیاندووە، چۆن دەکرێت باوەڕ بکەین، کە ئەو لە هەڵبژاردنی وەزیرەکانی بەشی ئابووری هیچ دەم ناکوتێ، ئەمەش سەرەڕای ئەوەیە کە وەزیری وەرزش و لاوانیش هەر چالاکییەکانی دەکەوێتە جەغزی فەرهەنگ و پەروەردە، بۆیە ئەگەر قسەکەی خامنەیی لەبەر چاوبگرین، بێگومان ئەو لە سەر هەڵبژاردنی وەزیری وەرزش ولاوانیش کەڵکەڵەی هەیە، ئەو ڕوونکردنەوەی ماڵپەڕی خامنەیی لە کاتێدایە کە لە رێبەندانی ١٣٩٥ لە گرتە دەنگییەکدا کە دوکتور عەبدولکەریم سروش بڵاوی کردەوە ڕایگەیاند کە خامنەیی لە سەردەمی سەرکۆماری هاشمی رەفسنجانیشدا بەرپرسیارێتی ڕاستەوخۆی بابەتی فەرهەنگی لە ئێران لە ژێرچۆکی خۆی ناوە . سروش لەو گرتە دەنگییەدا دەڵێت: هەموو ستراتێژییەکی فەرهەنگی لە چوارچێوەی کۆماری ئیسلامی‌دا راستەوخۆ لەلایەن خامنەییەوە دەستنیشان دەکرێت.

هاوکات لەگەڵ ئەو باسانە لە گەرمەی باس‌وخواستی بەربژێری وەزارەتەکاندا، عەلی موتەهەری جێگری سەرۆکی مەجلیسی ئێران باسی ئەوەی هێناگۆڕێ کە پێش مەجلیس، رووحانی ناوی بەربژێرەکان دەدا بە خامنەیی و پاشان بۆ مەجلیسی دەنێرێ.

کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"

دیارە ئەم شێر و رێویەم بۆیە هێناوە، بۆ ئەوەی باس لە دیارەدەیەکی‌تر بکەم، وەک هەموو دەزانن لانیکەم لە ٢٠ ساڵی ڕابردوودا بەگشتی و لە دوو هەڵبژاردنی ئەم دواییەی سەرکۆماریدا بەتایبەتی لە وەرزی هەڵبژاردندا، دوولایەنی رێفۆرمخوازی و بناژۆخوازی سەروکڵاویان پەیدا دەبێت و دۆخی هەڵبژاردنی ئێران وا نیشان دەدن، وەک بڵێی دوو بەرەی خەڵکی و دژە خەڵکی لە گۆڕەپانەکەن و بۆ ئەوەی شەڕ ساز نەبێت و قەیرانی ئابووری چارەسەر بێت و پەیوەندی ڕێژیم لەگەڵ جیهان ئاسایی بێتەوە، پێویستە دەنگ بە رێفۆرمخوازان بدرێت، پێچەوانەکەشی ئەگەر بێت‌و دەنگ بە بناژۆخواز بدرێت، یان تەنانەت دەنگ ندەی و هەڵبژاردن لە چوارچێوەی کۆماری ئیسلامیدا بە ڕەوا نەزانرێ، ئەوە بەو مانایەیە کە تۆ باوەرت بەوەیە خەڵکی ئێران تووشی شەڕ بکەی ، جا لەو نێوانەدا وانیشان دەدرا کە روحانی و خامنەیی دوو جەمسەری دژ بەیەکن و رووحانی ئاشتی دەوێت و خامنەیی شەڕ کە ئێستا دەرکەوتووە ئەگەر تەنانەت ئەوەش ڕاست بێت، کە گوایە خامنەیی شەڕی دەوێت، و رووحانی ئاشتی ، ئەوە دەنگدانی خەڵک و بەناو هەڵبژاردنەکەی سەرکۆماری هیچ کارتێکەری لەسەر هەڵوێست و سیاسەتی ڕێژیم نەبووە، چونکە دواتر و پاش دەنگدان ئەوە خامنەییە، کە ئاراستەی دەسەڵات و دەسەڵاتداری دیاری دەکات، وەزیر و گزیر دادەنێ و لادەدا.

ئەوە جودا لەو باسەیە کە لە پێکهاتەی کۆماری ئیسلامی هەتا چەند دەسەڵاتەکان سەربەخۆن و دەسەڵاتی "رێبەر" و "سەرکۆمار" چ جۆرە پەیوەندی و کارتێکەریی و دابەشکارییان لەگەڵ یەک هەیە.

سەبارەت بە پرسی دەنگدانی مەجلیس بۆ بەربژێرەکانی ئەنجوومەنی وەزیران دەبێت بڵێین؛ لە کاتی رێکخستنی ئەنجوومەنی وەزیرانی خولی یازدەیەم، پەراوێزی سیاسی دەنگدان و دەنگ‌نەدان بە وەزیرەکان لەلایەن مەجلیسەوە، ئەو کات باسی بەشداری و بەشداری نەکردن لە نارەزایەتییەکانی هەڵبژاردنی خولی دەیەم بوو، دیارە هەر ئەو کاتیش سێ لە بەربژێرەکان کە رووحانی بە مەجلیسی ناساندبوو، بە "تاوانی بەشداری لە فیتنەی سەوز" لەلایەن مەجلیسەوە دەنگیان پێنەدرا، بەڵام لە پەراوێزی دەنگدانی مەجلیس بە بەربژێرەکانی ئەنجومەنی دوازدەیەم باسی پێچەوانەی هاتە گۆرێ، واتە بوونی کەسێک بە وەزیر کە لە سەرکوتی ڕاستەوخۆی خەڵک لەو قۆناغەدا، دەستی هەبووە، لەگەڵ ئەوەیکە زەختێکی ڕاگەیاندنی زۆر گەورە لەسەر ئەوە سازبوو، هەتا وابکرێت کە "جەواد ئازەری جەهرۆمی" دەنگ نەهێنێتەوە، بەڵام دەنگی هێنایەوە، لە ڕاستییدا دەنگ‌هێنانەوەی جەهرۆمی لە مەجلیس دەستخۆشانە لە ناوبراو بۆ ئەو سەرکوتە بوو کە دەستی تێدا هەبووە و هەیە، هاوکات لەگەڵ زەختی میدیایی لەسەر جەهرۆمی کە هەتا ئێستاش بەردەوامە، ماڵپەڕی فەرمی خامنەیی دەقی قسەکانی خامنەیی بڵاودەکاتەوە، کە لە ساڵی ١٣٧٧ و لە چلەی کوژرانی ئەسەدوڵڵا لاجوردی گوتویەتی . هاوکات لەگەڵ ئەو باسانە فیلمی سینەمایی "ماجراهای نیمروز" بڵاوکرایەوە و خامنەیی لەگەڵ ئەکتەر و دەرهێنەری فیلمەکە کۆبۆوە و داوای لێکردن کە فیلمێکش لەسەر ژیانی ئەسەدوڵڵا لاجوردی ساز بکرێت.

لەگەڵ ئەوەی کە جەهرۆمی دەنگی بەڵێی وەرگرت، حەبیب بێتەرەف، وەک تەنیا وەزیرێک کە بەناوی رێفۆرمخوازەکانەوە لە لیستی بەربژێرەکان ناوی هاتبوو، دەنگی نەهێنایەوە و لەلایان مەجلیسەوە وەلانرا، لە کاتێدایە کە هەر فراکسیۆنی "ئومید" کە سەربە رێفۆرمخوازەکانە، بەتەنیا دەیتوانی دەنگ بۆ وەزیر بوونی بێتەرەف دابین بکات.

ئەگەر ئەو پەراوێزانە لە تەنیشت ناوی ئەندامانی نوێی " کۆمەڵەی دەستنیشان کردنی بەرژوەندییە باڵاکانی ڕێژیم" بەتایبەتی "برایم رەئیسی" و "محەمەد باقر قالیباف" دانێین ، بەروونی بۆمان دەردەکەوێت، کە نەک دەنگهێنانەوەکەی ئازەری جەهرۆمی، دەستخۆشانەیەک بۆ ئەو سەرکوتە بوو کە جەهرۆمی لە دژی خەڵکی ئێران کردوویەتی، بەڵکوو ئاراستەی ڕێژیمیش بەرەو ئەو ئاقارەیە کە ئەو کەسانەی لە سەرکوتی خەڵکدا دەستیان هەبووە، بە شێوازی جۆراوجۆر دەستخۆشانەیان پێبدرێت، کەوایە ستراتێژی بۆ دابەشکردنی پلەو پایە، خواستی خەڵک(هەڵبژاردن) نییە، تەنانەت لێهاتوویی و توانایی بۆ دەستەبەرکردنی ئامانجەکانی ڕێژیمش نییە، بەڵکوو وەک خامنەیی خۆی گوتی: "نەگۆڕینی جێگای قوربانی و تاوانبارە" واتە ستراتێژی ڕێژیم ئەوەیە ئەوانەی لە سەرکوتی خەڵکی ئێراندا دەستیان هەبووە، خاوەنی "دەسەڵاتداری کۆماری ئیسلامین" و مافی خۆیانە لەسەر ئەو سفرەیەش بەشیان بەرکەوێت.

لە کۆتاییدا دەبێت بگوترێ، ئەوەی لە چوارچێوەی ڕێژیمدا وەک هەڵبژاردن، جیایی دەسەڵاتەکان لەیەک، پەیوەندی و کارتێکەری دەسەڵاتەکان لەسەر یەک، باسی لێدەکرێت تەنیا و تەنیا دیپلۆماسییەکەی درۆزنەی نێوخۆییەو هیچی تر و ئەوەی کە ئاراستەی ڕاستی سیاسەتی کۆماری ئیسلامی دیاری دەکات خامنەیی و بنەماڵەکەیەتی، نەک خەڵک و هەڵبژاردنەکان تەنانەت ئەگەر پڕۆسەی هەڵبژاردنەکەش بەتەواوی ساغ بێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.