• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی نوامبری ٢٠١٧ی زایینی - ٠٢ی سەرماوەزی ١٣٩٦ی هەتاوی  

ئامریکا سپای پاسداران دەخاتە لیستەی تێرۆرەوە

زایینی: ٠٨-١٠-٢٠١٧ - هەتاوی: ١٣٩٦/٠٧/١٦ - ١١:٢٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئامریکا سپای پاسداران دەخاتە لیستەی تێرۆرەوە
کوردستان میدیا: دوناڵد ترامپ سەرکۆماری ئامریکا لە پڕۆژەیەکی نوێدا هەوڵ دەدات سپای پاسدارانی ڕێژیمی ئێران بخاتە نێو لیستەی تێرۆرەوە.

"ڕۆژنامەی فاینێنشیاڵ تایمز"ی بەریتانیا لە ڕاپۆرتێکدا بڵاوی کردووەتەوە ئەگەری زۆرە ئامریکا لە پڕۆژەیەکی نوێدا دژی ڕێژیمی ئێران، سپای پاسداران بخاتە لیستەی گرووپە تێرۆریستییەکانەوە.

ئەو ڕۆژنامە بریتانیاییە لە بەشێکی دیکەی ئەو ڕاپۆرتەدا نووسیویەتی: "دەوڵەتی ترامپ وەک بەشێک لە ستراتیژی نوێی خۆی دژی ئێران، ئەگەری زۆرە سپای پاسدارانی ڕێژیمی ئیسلامیی ئیران وەک "ڕێکخراوێکی تێرۆریستی" بناسێت و گەمارۆی بخاتە سەر".

بەرپرسێکی باڵای دەوڵەتی ئامریکا کە ناوی ئاشکرا نەکراوە لەو باریەوەیە گوتوویەتی: "چاوەڕوان دەکرێت هەوڵی نوێ دژی هەڵوێست و کردەوەکانی ڕێژیمی ئێران بگیرێتەبەر، کە ئەویش ناساندنی سپای پاسدارانە وەک ڕێکخراوێکی تیرۆریستی و هاوکات چەندین هێزی دیکەی وەک نوێنەری سپای پاسداران وەک حەماس، حیزبوڵڵا و حەشدی شەعبی لە عێراق، سووریه و عێراق دەکەونە ناو ئەو گەمارۆیەی ئامریکاوە".

پێشتریش کۆنگرەی ئامریکا لە گەڵاڵەیەکدا سەرکۆماری ئەو وڵاتەی ئەرکدار کردبووکە سپای تێرۆریستی پاسداران لە لیستەی تێرۆرەوە بهاوێت.

هەروەها "پۆل ڕایان" نوێنەری مەجلیسی نوێنەرانی ئامریکا بە توندی ڕەخنەی لە ڕێککەوتنی ناوکی لەگەڵ ڕێژیمی ئێران گرت، و باسی لەوەش کردووە کە؛ ڕێکخراوی سپای پاسدارانی ڕێژیمی ئێران لە لیستەی تێرۆر بهاوێن.

نوێنەری مەجلیسی نوێنەرانی ئامریکا لە "ئایپەک" (کۆمیتەی پێوەندیی گشتیی ئامریکا و ئیسرائیل) باسی لەوە کردووە کە؛ دەبێ ناوی سپای پاسداران بخرێتە لیستەی تێرۆریزمەوە.

ڕێکەوتی٢٢ی ڕێبەندانی ساڵی ڕابردوو، هه‌ڵمه‌تی "گه‌رده‌لوولی تویتێری" بۆ پشتیوانی له‌ داوای به‌ تێرۆریست ناساندنی سپای پاسداران، ده‌ستی پێكرد و چالاكانی ئه‌و كه‌مپەینه‌، هه‌ڵمه‌ته‌كه‌ به‌ سه‌ركه‌وتوو وه‌سف ده‌كه‌ن.

ئامریكا ساڵی ٢٠٠٧، سپای قودسی، كه‌ لقی ده‌ره‌وه‌ی وڵاتی سپای پاسدارانه‌، خسته‌ نێو لیستی گرووپه‌ تێرۆریستییه‌كانەوە. له‌م ساڵانه‌ی دواییشدا دەیان فه‌رمانده‌ی سپا له‌لایه‌ن ئامریكا و وڵاتانی دیكه‌ی ڕۆژئاواییەوە، خراونه‌ته‌ لیستی ڕه‌شی تێرۆر یان ته‌حریم كراون.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک