• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

شکستێکی دیکەی ڕێژیمی ئێران لە فلستین

زایینی: ٠٨-١٠-٢٠١٧ - هەتاوی: ١٣٩٦/٠٧/١٦ - ١١:٤٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
شکستێکی دیکەی ڕێژیمی ئێران لە فلستین
کوردستان میدیا: حەماس ئەساسنامەیەکی نوێی دەرکرد و پشتی لە ڕێژیمی ئێران کرد.

دوای سەردانەکەی وەفدی ڕێکخستنی خۆبەڕێوەبەری فلستین بە سەرپەرستی "ڕامی حەمدوڵا" وەزیری ئەم خۆبەڕێوەبەرییە لە رۆژی دووشەممە ١٠ی رەزبەری ١٣٩٦ی هەتاوی دەروازەیەکی راوێژکاری نوێ لە نێوان فەتح و حەماس ساز بوو و چاوەڕوانی دەرئەنجامی باش بۆ گەلی فلستینی لێکەوتەوە.

ڕامی حەمدوڵا وتبووی کە دامەزراندنی وڵاتی فلستین بە بێ یەکڕیزی و یەکگرتویی کەنارەی ڕۆژئاوایی ڕوباری ئۆردۆن و باریکەی غەزە جێبەجێ نابێت.

دوای سەردانی ڕامی حەمدوڵا و لێدوانەکانی لە هەمبەر گەلی فلستین، نێتانیاهو سەرۆک وەزیرانی ئیسراییل رایگەیاند کە هەرکەس بیهەوێ قسە لە ئاشتی بکا، دەبێ پێش لە هەموو شتێک دان بە بوونی ئیسراییل وەک وڵاتێکی یەهوودی دابنێ.

وتوویشیەتی: ئێمە روانگەیەکی روونمان هەیە ئەویش ئەوەیە کە لقی سەربازی حەماس هەڵوەشێتەوە و حەماس پشت لە ئێران بکات و چیدیکە یارمەتی لە ئێران وەرنەگرێت.

دوای لێدوانەکانی نێتانیاهو سەرۆک وەزیرانی ئیسراییل، مەحموود عەباس سەرۆکی ڕێکخستنی خۆبەڕێوەبەری فلستین وێڕای تەئیدی قسەکانی نێتانیاهو ڕایگەیاند: حەماس دەبێ چەک دابنێ.

حەماس بەدوای ئەو ڕوداوانەدا ئەساسنامەیەکی نوێی پەسند کرد کە تێیدا باس لە شەڕی چەکدارانە لەگەڵ ئیسراییل نەکراوە و تەنیا باس لە مافی رەوای فلستینییە ئاوارەکان کراوە کە بتوانن بگەڕێنەوە زێدی خۆیان.

لەو ئەساسنامە تازەیەدا ڕێکخستنی خۆبەڕێوەبەری فلستین بانگهێشت کراوە کە ئیدارەی باریکەی غەزە وەئەستۆ بگرێت.

ئەو بڕیارە نوێیانەی حەماس لەلایەن شڕۆڤەکارانەوە وەک شکستی ڕێژیمی ئێران چاوی لێدەکرێت هەر بۆیە بەشێک لە بەرپرسانی ڕێژیمی تێرۆریست پەروەری تاران ئەو ئەساسنامەیەیان بە "گەمژانە" لە قەڵەم داوە.

باریکەی غەزە دوای دەرکردنی ئیسماعیل هەنیە لە لایەن مەحموود عەباس سەرۆکی ڕێکخستنی خۆبەڕێوەبەری فلستین و دەوڵەتێکی سەربەخۆی بە پشتیوانی وڵاتانی ئێران، تورکیە و قەتەر لەو ناوچەیە ساز کرد کە لەگەڵ گەمارۆی ئیسراییل و میسر و ڕێکخستنی خۆبەڕێوەبەری فلستین بەڕەوڕوو بووە.

تا ئێستا چەندین جار ڕێکخستنی خۆبەڕێوەبەری فلستین هەوڵی داوە دۆخەکە ئارام بکاتەوە بەڵام ڕێژیمی ئێران پەرەی بە ئاڵۆزییەکانی فلستین داوە و نەیهێشتووە ئەو وڵاتە سەقامگرتوو بێت بەڵام لە ئاکامدا حەماس وەڵامی ڕێژیمی ئێرانی نەدایەوە و دەروازەی وتووێژ و چارەسەری کێشەکانی کردەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک