• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

ڕۆژهەڵاتی كوردستان دیسان لە نرخی بێكاریدا میداڵی زێڕی وەرگرت

زایینی: ٢٢-١٠-٢٠١٧ - هەتاوی: ١٣٩٦/٠٧/٣٠ - ١٧:٥٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕۆژهەڵاتی كوردستان دیسان لە نرخی بێكاریدا میداڵی زێڕی وەرگرت
هیوا میرزایی

مرۆڤ لەوەتەی هاتووەتە سەر گۆی زەوی هەوڵی ئەوەی داوە، گوزەران و باری ژیانی خۆی بەچەشنێك بڕەخسێنی كە چێژ لە ژیان ببا و بژیوی ژیانی خۆی دابین بكا و هەر ئەم ئارەزوو و ئامانجە وای لە مرۆڤ كرد كە قۆناغ بە قۆناغ هەوڵی گەشەی شارستانییەتەكان بدا و ئەم گەشەكردنە هەلی زۆرتری بۆ مرۆڤ ڕەخساندووە كە بتوانێ خۆی لە نێو كۆمەڵگادا زیاتر ببینێتەوە و لە بواری ئابووریشەوە بتوانێ پیشەی گونجاوی خۆی هەبێ و لەم ڕێگەیەوە باری گوزەران و بژیوی ژیانی خۆی دابین بكا. بەڵام گەشەی شارستانییەتەكان و بە پیشەیی بوونی وڵاتان بە تایبەت لەو وڵاتانەی كە خاوەن بەڕێوەبەرییەكی پسپۆڕ و دادپەروەرانە نین بووەتە هۆی بیچمگرتنی جیاوازی چینایەتی و هەڵاواردن ئابووری لە نێو كۆمەڵگا و دابەش نەبوونی داهاتی نەتەوەیی و نەبوونی سەرمایەگوزاری دروست و لێزانانە لەو وڵاتانە.

ئێران وەك وڵاتێكی دەوڵەمەند لە ڕووی ژێرخانی ئابووری و بوونی حەشیمەتێكی گەنج دەیتوانی یەكێك لەو وڵاتانە بێ كە لە بواری ئابووری و پێكهێنانی هەلی كار بۆ خەڵكی وڵاتەكەی پلەیەكی بەرزی هەبێ و بوار و ژیانی خەڵكی ئێران لە ڕووی ئابوورییەوە زۆر گونجاو بێ بەڵام بەداخەوە وەك دەبینین بووەتە یەكێك لەو وڵاتانەی كە تووشی قەیرانێكی ئابووری قووڵ بووە و سەرمایە و داهاتی ئێران لە ژێر كونترۆڵی بەشێكی كەم لە خەڵكی ئێران دایە و جیاوازییەكی بەرچاوی چینایەتی لە ئەمڕۆی ئێراندا بەرچاوە و هێڵی هەژاری تا بێت زیاتر خەڵكی ئێران دەخاتە بازنەی هەژاری و بێكاری و ماڵوێرانییەوە.

"عەبدوڵڕەزا ڕەحمانی فەزڵی" وەزیری نێوخۆی ڕێژیمی ئێران دەڵێت لە كاتێكدا نێونجی ڕێژەی بێكاری لە ئێراندا ١٢ لەسەد ڕاگەیەندراوە بەڵام لە هێندێك لە شارەكاندا ئەم ڕێژەیە گەیشتووەتە ٦٠ لەسەد. بەرزبوونەوەی ڕێژەی بێكاری خۆی هۆكارێكە بۆ سەرهەڵدانی دەیان نەخۆشی و دیاردەی دزێوی كۆمەڵایەتی وەك دزی، تەڵاق، بازرگانی و بەكارهێنانی ماددە هۆشبەرەكان و خەمۆكی، لە وڵاتدا.

ئەوەی لە ئاماری وەزیری نێوخۆی ئێراندا چاوەڕوان دەكرا وەك ساڵانی پێشوو ئاستی بەرزی بێكاری لە شارەكانی ڕۆژهەڵاتی كوردستانە كە لە ئامارەی ئەمساڵیشدا ئەو ٩ شارەی كە بەرزترین پلەكانی بێكاریان تۆماركردووە شارەكانی ڕۆژهەڵاتن.

كۆماری ئیسلامیی ئێران هەر لە سەرەتای هاتنە سەركارییەوە بە شێوەی سیستماتیك و بەرنامەداڕێژراو هەوڵی ئەوەی داوە كە لە بواری ئابووریدا هاوتەریب لەگەڵ بوارەكانی دیكە، ڕۆژهەڵاتی كوردستان گەمارۆ بدات و سەرەڕای ئەوەی كە ڕۆژهەڵات هەم لە بواری ژێرخانی ئابووری و هەمیش كشتوكاڵ وڵاتێكی دەوڵەمەندە بەڵام بە سەرمایەگوزاری نەكردن و درووست نەكردنی كارگە و هەلی كاری باشتر ڕۆڵی هەبووە لە دواكەوتووی ئابووری لە ڕۆژهەڵات. نەبوونی هەلی كار و بواری گوزەرانی خراپ لە ڕۆژهەڵاتی كوردستان وایكردووە كە بەشێكی خەڵك بەتایبەت ناوچە سنوورییەكان ڕوو بكەنە كاری مەترسیدار و تاقەت پرۆكێنی كۆڵبەری كە زۆرجار بەهۆی تەقەی ڕاستەخۆی هێزەكانی كۆماری ئیسلامییەوە دەكوژرێن و بەپێی ئاماری ئاژانسی هەواڵدەری كوردپا لە ساڵی ڕابردوو ١٥٤ كۆڵبەر بەهۆی ڕووداوەكانی تەقەكردن، تەقینەوەی مین و سەرما و ... بوونەتە قوربانی.

كۆماری ئیسلامی بەبیانۆی بوونی بزووتنەوەیەكی مافخوازی و بەردەوامبوونی خەبات و تێكۆشان لە ڕۆژهەڵاتی كوردستان لەماوەی تەمەنی خۆیدا بەچاوێكی ئەمنیەتییەوە سەیری كوردستانی كردووە و بە دواكەوتوو هێشتنەوەی كوردستان لە ڕووی ئابوورییەوە هەوڵی ئەوە دەدات كە لای خەڵك وانیشان بدا كە ئەوە شێلگیربوونی ئێوە و پشتیوانی ئێوە لە هێزە سیاسییەكانە كە بووەتە هۆی دروستبوونی كەشی ئەمنیەتی لە كوردستان و نەرەخسانی هەلی كار و بژێوی گونجاو بەڵام بەخۆشحاڵیەوە خەڵكی ڕۆژهەڵات بەجوانی كۆماری ئیسلامییان ناسیوە و دەزانن ئەوان بە تاوانی كوردبوونە كە لە بواری ئابوورییەوە دەچەوسێنرێنەوە ئەگینا لەماوەی ٢٠ ساڵی ڕابردوودا كە هێزە سیاسییەكانی كوردستان وازیان لە خەباتی چەكداری هێنابوو ئەدی بۆچی هیچ پێشكەوتنێك لە بواری ئابووری لە ڕۆژهەڵات ڕووی نەداوە و ڕۆژ لە دوای ڕۆژ بواری ژیان و گوزەرانی ئەوان بەرەو خراپتر بوون دەڕوا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.