• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

مەرگی نووسەر

زایینی: ٢٢-١٠-٢٠١٧ - هەتاوی: ١٣٩٦/٠٧/٣٠ - ١٨:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مەرگی نووسەر
ن: رۆڵان بارت

و: رامان سۆفی سوڵتانی

بەشی یەکەم


باڵزاک له‌ چیرۆکەکەیدا بە ناوی "سارازین"، له‌ باسی ئه‌و خواجه‌یه‌دا که‌ جل و به‌رگی ژنانه‌ی پۆشیبوو، ده‌نووسێ: ئه‌و له‌ راستیدا هه‌ر ژن بوو، به‌ فرمێسکه‌کانیدا که‌ هه‌ر له‌ رێوه‌ ده‌هاتنه‌ خوار، ئه‌و خه‌ون وخه‌یاڵاته‌ی هیچ ئه‌قڵ وئاوه‌زێکی تێدا به‌دی نه‌ده‌کرا، دڵه‌کوتێ سرووشتیەکانی، ئازایه‌تی و هەڵچوون ودڵه‌راوکێ و سڵۆکی ژنانه‌ی..."؛

کێیه‌ ئاوا ده‌دوێ؟ تۆ بڵێی ئه‌مه‌ پاڵه‌وانی داستانه‌که‌ بێ که‌ ده‌یهه‌وێ چاو بنووقێنێ له‌و ڕاستییه‌ی که‌ ئه‌وه‌ خواجه‌یه‌که‌ و‌ له‌ جل و به‌رگی ژنانه‌دا‌ خۆی گۆڕیوه‌؟ بڵێی ئه‌مه‌ باڵزاک هەر خۆی بێ به‌ ئه‌زموونه‌کانی خۆیه‌وه‌ سەبارەت بە ژن؟ یانی ئه‌مه‌ باڵزاکی نووسه‌ره‌ خەریکە بۆچوونی " ئەدەبی" خۆی لە سەر "ژنێتی " بۆ ئێمه‌ دەخاتە ڕوو؟ تۆ بڵێی ئه‌مه‌ درکاندنی حیکمه‌تێکی جیهانی نه‌بێ؟ یاخۆ دەروونناسییەکی رۆمانتیک؟

وڵامی ئه‌و پرسیارانه‌مان قه‌ت بۆ ده‌رناکه‌ون. له‌ به‌رهۆکارێکی سەلمێندراو، ئەویش ئەوەیە نووسین یانی داڕمانی یه‌ک به‌ یه‌کی ده‌نگه‌کان و ئاخێزگەی نووسینەکەش بە گشتی.

نووسین، ئه‌و پانتا سڕ و تێکچنراو و خلیسکەیە که‌‌ بابه‌ته‌که‌ی به‌ر سه‌رنجمان له‌وێدا لە دەست دەخزێ و دەدۆڕێ. پانتایه‌کی نەرێنی لە چەشنی گێژەنێک، که‌ هه‌موو جۆره‌ پێناسه‌یه‌‌ک له‌وێدا بزر ده‌بێ وسه‌ر هه‌ڵدانەوەشی هاوتەریب لە گەڵ پێناسەی هەیکەلی خودی نووسینەکە دەست پێ دەکاتەوە. سه‌رهه‌ڵدانی پێناسه‌ ودیارده‌کانی خودی ئه‌و کۆمه‌ڵه‌ شته‌ی بڕیاره‌ بنووسرێ.

بێ شک هه‌روا هاتووه‌ وهه‌ر واش ده‌بێ. ئەوەی راستی بێ ئه‌و دابڕانە ئه‌و کاته ده‌رده‌که‌وێ که‌ بەسەرهات بە شێوەیەکی خۆبەخۆ، یانی به‌ دوور له‌ هه‌ر جۆره‌ کارکردێکی ده‌ره‌کی، ته‌نیا به‌ که‌ڵک وه‌رگرتن له‌ ڕه‌مزکان وهێماکان دێته‌ گێڕانه‌وه‌.( یانی نه‌ک به‌ دەست تێبردنی راستەوخۆ ‌بۆ سه‌ر جیهانی ده‌ره‌وه‌ی).

ده‌نگ، سه‌رچاوه‌که‌ی خۆی بزر ده‌کا، نووسه‌ر ئاوقای مه‌رگی خۆی ده‌بێ و نووسین ده‌ست پێ ده‌کا. بەوحاڵەوە چەمکی ئەم دیاردەیەش جیاوازی تێکەوتووە. له‌ کۆمه‌ڵگا ئیتنیکییەکاندا ئەرکی "گێڕانەوە" ناکەوێتە سەر شانی "تاکە کەسێـ"ک. گێڕانه‌وه‌ی به‌سه‌رهاته‌کان پیشەی راسپێردراوێک ، جادووبازێک یان شایەتحاڵێکە. ئه‌ویش نه‌ک له‌ سۆنگه‌ی "بلیمەتی "کەسەکەوە، بەڵکوو ئاستی " نواندنـ" ه‌که‌ی - ‌‌واتە پسپۆڕی و لێزانی ئه‌و به‌ سه‌ر رەمز و رازەکانی گێڕانه‌وه‌دا- یه‌ کە دەکەوێتە بەر سەرنج و رێزی لێ دەگیرێ.

نووسه‌ر که‌سایه‌تییه‌که‌ ئه‌مڕۆیی، به‌ر‌هه‌می کۆمه‌ڵگای خۆمانه.‌ هه‌ربۆیه‌ش له‌ رەوتی سەرهەڵدانی لە جەرگەی سەدەکانی ناوەراستەوە، به‌ ڕێبازی ئه‌زموونخوازی ئینگلیزی وهزرخوازی فه‌رانسه‌وی وباوه‌ڕهێنان به‌ بزووتنه‌وه‌ی چاکسازی ئایینی –واته‌ داشکانه‌وه‌ی ئایین بۆ باوه‌ڕی تاکه‌که‌سی له‌ کۆمه‌ڵگادا- توانی بایه‌خی تاکه‌که‌س، به‌ واتایه‌کی گه‌وره‌تر،" خودی مرۆڤ" بدۆزێته‌وه‌. جێی‌ خۆشیه‌تی ئه‌گه‌ر،‌ هه‌ر ئه‌م ئەزموونخوازییە که‌ پاڵاوته‌ و لووتکه‌ی جیهانبینی سه‌رمایه‌دارییه‌، زۆرترین بایه‌خ ده‌دات به‌ خودی نووسه‌ر. نووسه‌ر به‌رده‌وام به‌ سه‌ر کتێبه‌ مێژووییە ئه‌ده‌بیه‌کاندا، به‌ سه‌ر ژیاننامه‌ی نووسه‌ران و دیمانه‌ی گۆواره‌کاندا حکوومه‌ت ده‌کا. نووسه‌ر ئێستاش به‌ سه‌ر خودی وشیاری "قه‌ڵه‌م به‌ ده‌ستاندا-که‌ ئارەزوو دەکەن خۆیان و به‌رهه‌مه‌کانیان له‌ رێگه‌ی له‌خۆدوان و گێڕانه‌وه‌ی بیره‌وه‌ریه‌کانیانه‌وه‌، له‌ یه‌ک شه‌ته‌ک بده‌ن- ده‌سه‌ڵاتداری ده‌کا.

سیمایه‌کی که‌ له‌ نێو فه‌رهه‌نگی جه‌ماوه‌ردا، له‌ ئه‌ده‌بیات خۆ ده‌خاته‌‌ به‌رچاو، دیمه‌نێکه‌ که‌ به‌شێوه‌یه‌کی چڕ و ملهۆڕانه ‌به‌ سه‌ر جه‌غزی نووسه‌ردا، واته‌ خودی خۆی، ژیانی، حه‌ز و سه‌لیقه‌ و سۆز و خرۆشه‌کانیدا ده‌خولێته‌وه‌. ئێستاش زۆربه‌ی ڕه‌خنه‌کان هه‌ر ئه‌و واتایه‌ ده‌گرێته‌وه‌ که‌: ئاکام و به‌رهه‌می کاری بۆدلێر، یانی نامرادی و جوانه مه‌رگی خودی بۆدلێر، کاری وانگۆک یانی شێتیه‌که‌ی و کاری چایکۆفسکی به‌رامبه‌ره‌ ده‌گه‌ڵ رەزیلی و نەگبەتی چایکۆڤسکی.

لێکدانه‌وه‌ی به‌رهه‌مێک، هه‌میشه‌ له‌ ناو پیاوێک یان ژنێكدا که‌ خوڵقێنه‌ری ئه‌و به‌رهه‌مه‌یه‌، مسۆگه‌ر ده‌بێ. هه‌ر ده‌ڵێی ئه‌م به‌رهه‌مه‌ - له‌ ڕێگه‌ی بە تەمسیل کردنی - تا ڕادەیەک بێ گرێ و گۆڵی – نووسراوەی خەیاڵکردەوە - ئاکامی ده‌نگی که‌سێکی تاقانەمان بە گوێدا دەچرپێنێ ‌. ده‌نگی نووسه‌ر، که‌ ئێمه‌ به ‌"مه‌حره‌می ڕازی خۆی" ده‌زانێ.

هه‌ر چه‌نده‌ زاڵیه‌تی نووسه‌ر به‌رده‌وام به‌ته‌واوی هێزیه‌وه‌ خۆی ده‌رده‌خا.(ره‌خنه‌ی نوێ جگه‌ له‌ داسه‌پاندنی ئه‌و، ئه‌م زاڵیه‌تیه‌ هیچی تری له‌ ده‌ست نه‌هاتووه‌.) به‌ڵام حاشای لێناکرێ؛ گەلێ نووسه‌ریش بوون زۆر له‌مه‌و به‌ره‌وه‌ بێ‌وچان هه‌وڵیان بۆ کاڵ کردنه‌وه‌ی ئه‌م ڕه‌نگه‌ زاڵه‌ داوه‌.

له‌ فه‌رانسە، بێ شک مالارمه‌ بوو بۆ یه‌که‌م جار به‌ چاکی هه‌ستی به‌و پێویستییه‌‌ کرد، که‌ ده‌بێ خودی زمان له‌ جێگای ئه‌و که‌سه‌ دابندرێ، که‌ تا دوێنێ به‌ خاوه‌نی زمانه‌که‌ داده‌ندرا. ئه‌و له‌ زووتره‌وه ‌ئه‌و نیازه‌ی هه‌ست پێکردبوو. بۆ مالارمه‌ و هه‌روه‌ها بۆ ئێمه‌ش ئه‌وه‌ زمانه‌ که‌ ده‌ئاخوێ نه‌ک نووسه‌ر. نووسین له‌ سۆنگەی جۆرێک لە پێشکاری بۆ کەسایەتی سڕینەوە (هەڵبەت نابێ ئەمەمان لە گەڵ مژاری بابەتێتی دەست و پێ گری رۆماننووسی ریالیست لێ تێک بچێ) گه‌یشتۆته‌ ئەو ئاستەی کە زمان بە تەنیا خۆی کاریگەرە و "نواندن" دەکا نەک " من". سەرلەبەری بوتیقای مالارمە بریتییە لە دامرکانەوەی نووسەر لە پێناو نووسیندا.(دیارە ئەوەش بە واتای ئەوەیە دەیهەوێ خوێنەر بۆ پلە و ئاستی خۆی هەڵکێشێتەوە )
والری که‌ له‌ سۆنگه‌ی ده‌روونناسی "خودەوە" ‌ده‌ست و باڵی گیرابوو، به‌ راده‌یه‌کی به‌ر چاو ئاستی ده‌سه‌ڵات و کارتێکردنی تیۆری مالارمه‌ی نزم کرده‌وه‌. به‌ڵام ئۆگری مالارمه‌ به‌ کلاسیزم وای کرد روو بکاته‌ وانه‌کانی هونەری "به‌یان". والری هیچ کات ده‌ستی له‌ لۆمه‌ و گاڵته‌ کردن به‌ نووسه‌ر هه‌ڵنه‌‌گرت. والری شێلگیرانه‌ جه‌ختی کرده‌ ‌ سه‌ر سرووشتی زمانناسانە (یان وه‌ک ده‌ڵێن سرووشتی بە مەترسی‌) کاره‌که‌یی و له‌ ‌ په‌خشانه‌کانی دا به‌رده‌وام لایه‌نگریی له‌ بیچمی سەرەکی، که‌لامیی بوونی ئه‌ده‌بیات کرد. که‌ له‌ به‌رانبه‌ر ئه‌مدا هه‌ر جۆره‌ داڵده‌ بردنه‌ به‌ر "ده‌رووناوی بوون"ی نووسه‌ری بێ یه‌ک ودوو به‌ خورافە دێته‌ به‌ر چاو.

پرۆست خۆی، به‌ پێچه‌وانه‌ی ئه‌و شته‌ ده‌وونناسیانه‌ی که‌ به‌ ڕواڵه‌ت وه‌ک لێکدانه‌وه‌کانی ئه‌و سه‌یری ده‌که‌ن، به‌ راشکاوی و ئازایانه‌ و هه‌روه‌ها به‌وپه‌ڕی وردبینیه‌وه‌ هه‌وڵی ده‌دا بۆ شێواندنی پێوه‌ندی نێوان نووسه‌ر و که‌سایه‌تییه‌کانی نێو به‌رهه‌مه‌که‌ی. بۆیه‌ش له‌ به‌رهه‌مه‌کانی پرۆست دا ئه‌و که‌سه‌ی که‌ چیرۆک ده‌گێڕێته‌وه‌ ئه‌و که‌سه‌ نییه‌ که‌ دیویه‌تی و هه‌ستی پێکردووه‌، ته‌نانه‌ت ئه‌و که‌سه‌ش نییه‌ که‌ له‌ ناوه‌ندی نووسین دایه‌. به‌ڵکوو ئه‌و که‌سه‌یه‌ که‌ ته‌مایه‌تی‌ بنووسێ. (ئه‌وه‌ی چیرۆکه‌که‌ ده‌گێڕێته‌وه‌/بگێڕەوە/ پیاوه‌ گه‌نجه‌که‌ی ناو چیرۆکه‌که‌یه‌، به‌ڵام له‌ ڕاستیدا ئه‌و پیاوه‌ کێیه‌ و چه‌ند ساڵی ته‌مه‌نه‌؟ ده‌یهه‌وێ بنووسێ به‌ڵام ناتوانێ.

رۆمان له‌و شوێنه‌وه‌ ده‌ست پێ ده‌کا، که‌ نووسین مسۆگه‌ر ده‌بێ.) پرۆست له‌ راستیدا حیماسه‌ی نووسینی نوێی خوڵقاند. ئه‌و له‌ کوێن گێڕانەوەی ژیانی خۆی لە دوو توێی رۆمانه‌که‌یدا(وەک ئەوەی زۆربەی جار وای بۆ دەچین) له‌ بنه‌ڕه‌تدا به‌ لایه‌کی پێچه‌وانه‌دا هه‌نگاوی نا و دەقاودەق ژیانی خۆی کرد بە بەرهەمێک ، کە لە کتێبەکەیدا خۆ دەردەخا. به‌و پێودانه‌ بۆمان ده‌رده‌که‌وێ که‌ شارلۆس لاسایی مو‌نتسکیو ناکات ومو‌نتسکیوش- له‌واقعی حیکایه‌تی و مێژوویی خۆیدا- بەدەر له بوونێکی دووهه‌میی نییە که‌ ئەویش له‌ شارلۆسه‌وه‌ سه‌رچاوه‌ی گرتووه‌. له‌ کۆتاییشدا بێ ئه‌وه‌ی پێویست بکا پشوومان له‌م" پێش‌مێژوویی نوێخوازیه"‌ زیاترهه‌ڵکێشین، ده‌بێ ئاوڕێک له‌ سوررئالیسم بده‌ینه‌وه‌. هەرچەندە سوررئالیسم نه‌یتوانی ئاستێکی به‌رزو شیاو بۆ زمان قاییل بێ.[زمان سیستمێکی بەرهەم هاتوو له‌ ڕه‌مزه‌کانه‌ و ئامانجی ئه‌م بزووتنه‌وه‌یه‌ش، رۆمانتیکانه‌ خاپوورکردنی راسته‌وخۆی ره‌مزه‌کان بوو. ئەمەش خۆی له‌ خۆیدا لە خەیاڵێکی خاو بەدەر نەبوو. چونکه‌ ره‌مز بۆی نییە خاپوورببێ. ره‌مز ته‌نیا ده‌کرێ "بخرێتەوە گەڕ").

به‌ڵام هه‌ر چی بێ توانی له‌ هێنانه‌ خواری ئاستی پیرۆزێتی سیمای نووسەردا کاریگه‌ر بێ .

سورئالیسم ئه‌م ئه‌رکه‌ی به‌ پێشنیارە یەک لە دوای یەکەکانی خۆی، له‌ پێناو تێک ڕماندنی له‌ نا‌کاوی خواستەکان لە مانا (هه‌مان چه‌مکه‌ به‌ ناو بانگه‌که‌ی – هەژان- له‌ سوررئالیسمدا)جێ به‌ جێ کرد.ئه‌ویش به‌ سپاردنی ئه‌رکی نووسین به‌ حاڵه‌تێکی وا که‌ له‌ خۆڕا و به‌ پڕتاو ده‌ست بکه‌ی به‌ نووسین.(ئه‌و شته‌ی که‌ ئاوەز خۆی لێی بێ خه‌به‌ره‌-به‌ ده‌ست وبە بڕوا هەبوون بە ماک وئه‌زموونێک له‌ سه‌ر بنه‌مای نووسینی هاوکات و لە گەڵ یەکتر، له‌ سۆنگه‌ی چه‌ند که‌سه‌وه‌.

کۆتایی بەشی یەکەم
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.