• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی فێڤریەی ٢٠١٨ی زایینی - ٠٣ی رەشەمەی ١٣٩٦ی هەتاوی  

خەیانەت بە نەخۆشە کەم‌داهاتەکان لە ژێر سێبەری کۆماری ئیسلامی

زایینی: ٢٦-١٠-٢٠١٧ - هەتاوی: ١٣٩٦/٠٨/٠٤ - ١٧:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
خەیانەت بە نەخۆشە کەم‌داهاتەکان لە ژێر سێبەری کۆماری ئیسلامی
کوردستان میدیا: دابەش کردنی نادادپەروەرانەی سڵامەتی و هەڵاواردن و خەیانەت بە نەخۆشەکان لە ئێرانی ژێر دەسەڵاتی کۆماری ئیسلامی گەیشتۆتە ئاستی قەیران.

رێژیمی ئێران لە ڕوانگەی کۆمەڵاییەتییەوە خەڵکی خۆی بە شارۆمەندانی پلە یەک و دوو و سێ دابەش کردووە واتە نەتەوە غەیرە فارسەکان بە شارۆمەندانی پلە دوو و سێ دادەنێ و لە ڕوانگەی جوغرافیایی_نەتەوەییەوە، جگە لە جوغرافیای نەتەوەی فارس و بەشێک لە ناوچەکانی کە بوونەتە ئامرازی دەستی دەسەڵاتدارانی تاران، بە ناوچە بێبەشکراوەکان و شوێنە شەڕلێدراوەکان دادەنێ کە ئەوەش بۆتە هۆکارێک بۆ هەڵاواردنی نەتەوە غەیرە فارسەکان.

لەو نێوەدا بەشی دەرمان و سڵامەتی کە نەدەبا هیچ هەڵاواردنێکی تێدا بایە لەلایەن ڕێژیمەوە زەختێکی بەرچاوی لەسەرە و وای کردووە کە لە ناوچە شەڕ لێدراوەکانی ئێران کە نەتەوە پلە دوو و سێیەکانی ئێرانی تێدا دەژین سڵامەتی بکەوێتە ئاستی قەیران و ڕۆژانە بەشێکی بەرچاو لە هاووڵاتیانی سەر بە نەتەوەکانی ئێران ژیانیان بکەوێتە مەترسییەوە.
نموونەیەکی بەرچاوی نادادپەروەری سڵامەتی و هەڵاواردن، مردنی دایکان لە کاتی منداڵ بوون لە ناوچە بێبەشکراوەکانی ئێرانە.

نموونەیەکی بەرچاوی دیکە، کەسانی تووش بوو بە ماددە هۆشبەرەکانن، هیندێک سەرچاوەی فەرمی دەڵێن زیاتر لە سێ میلیۆن کەس لە ئێراندا تووشی ماددە هۆشبەرەکان بوون بەڵام سەرچاوە غەیرە فەرمییەکان باس لە زیاتر لە دە میلیۆن کەسی تووشبوو بە ماددەی هۆشبەر دەکەن.
وڵاتی پر داهاتی ئێران پلەی ١٠٦ی هەیە لە نێوان ١٩٥ وڵات لە ئاستی هیوا بە ژیان؛ ئەوەش بەو واتایە دێت کە داهاتی وڵات بۆ دابین کردنی سڵامەتی لە ئاستێکی قەیراناویدایە.

هەر بەپێی سەرچاوەکان ڕۆژانە ئەو کەسانەی بە ڕووداوی هات‌وچۆ گیانیان لەدەست دەدەن زیاترە لەو کەسانەی کە ڕۆژانە لە شەڕی ٨ ساڵەی ئێران و عێراق کوژراون.

دوای ئابلۆقە ئابوورییەکان بۆسەر ڕێژیمی تاران دابین کردنی دەرمان، کێشەی سەرەکی بۆ خەڵکی ئێران ساز کرد و ڕێژیم ئەو دەرمانانەی کە لە ڕێگای قاچاخ هاوردەی دەکرد لە نێوان شارۆمەندانی (وەک خۆی دەڵێ) پلە یەک و ناوچە پلە یەکەکان واتە نەتەوەی فارس دابەشی کردووە و ناوچە بێبەشکراوەکان و شارۆمەندانی پلە دوو و سێ بۆ دابین کردنی دەرمان دەبێ ڕێگایەکی دوور ببڕن و خۆیان بگەیێننە ئەو ناوچانەی خەڵکی پلە یەکی تێدا دەژی؛ دەنا دەبێ لە دەرمانی ئێرانی کە کوالێتی باشیان نییە کەڵک وەرگرن و ئەمەش هیچ کاریگەرییەکی ئەوتۆی لەسەر چارەسەری نەخۆشییەکان نییە.

لە ماوەی ڕابردوودا هەواڵی جۆراوجۆر و جێگەی داخ لە کوردستان بڵاو بۆتەوە کە جێگای تێڕامانن:

رۆژی هەینی ڕێکەوتی ٢١ی رەزبەری ١٣٩٦ی هەتاوی، کاتژمێر ٢:٤٠ خولەک تەقینەوەیەک لە نەخۆشخانەی زارای شاری میاندواو روویدا کە بووە هۆی کوژرانی هاووڵاتییەک و بریندار بوونی پێنج کەسی دیکە.

لەو تەقینەوەیەدا بەشی ICU نەخۆشخانە بە تەواوی لە نێو چووە و نەخۆشەکانیش ئاوریان تێبەربووە کە بووەتە هۆی مردنی یەک لەو نەخۆشانە و سووتانی پێنج کەسی دیکەیان.

بەباوەڕی کارناسان هۆکاری سەرەکی ڕوودانی ڕووداوگەلی لەم چەشنە بۆ کۆن و بێ‌کەڵک بوونی کەل‌وپەل و پێداویستییەکانی نەخۆشخانەکان دەگەڕێتەوە کە بە هۆی کەمتەرخەمی بەرپرسانی رێژیم هاتۆتە ئاراوە.

نموونەیەکی دیکە:

ژمارەیەک لە ژنانی شاری شنۆ، بە نیشانەی ناڕەزایەتی دەربڕین لە هەمبەر نەبوونی کەرەستە پێویستەکانی نەخۆشخانەی ئەو شارە نامەیەکەیان بڵاو کردووەتەوە و داوایان کردووە بەرپرسانی ڕێژیمی ئێران لەو شارە هەنگاوێک بۆ چارەسەریی ئەو کێشەیه هەڵبگرن.

نەخۆشخانەی "نەبی ئەکرەم" هەتا ئێستا ژوورێکی تایبەتی بە کەرەستەی پێشکەوتوو بۆ منداڵبوون تێدا نییە و ژنان لە کاتی منداڵبووندا بۆ شاری نەغەدە بەڕێ دەکرێن و ئەمەش هەڕەشە لە گیانی ژنانی دووگیان دەکات.

لە لایەکی دیکەوە نەبوونی کادر و پزیشکی شارەزا و پسپۆڕ لەو نەخۆشخانەیە بووەتە گرفتێکی دیکە و بەو هۆیەوە هاووڵاتییان بە تەواوەتی لەو نەخۆشخانەیە هیوابڕاو بوون و تەنیا لە کاتی ناچاریدا سەردانی نەخۆشخانەی "نەبی ئەکرەم" دەکەن.

لە نموونەیەکی دیکەی گەندەڵی و خەیانەتەکان بە خەلکی کەم‌داهاتی ئێران، سەرۆکی یەکێک لە دەرمانخانەکانی شاری تاران نامەیەک بۆ پزشکی نەخۆشخانەیەک لەم شارە دەنووسێ و داوای لێدەکا کۆمەڵە دەرمانێک کە ماوەیان بەسەر دەچێت لە نوسخەی دەرمانی نەخۆشەکاندا بیاننووسێ تاکوو بەمشێوەیە خەسارە ئابوورییەکانیان کەم بکەنەوە واتە بە یاری‌کردن بە گیانی هاووڵاتییان.

ئەو نموونەگەلە باس لە قەیراناوی بوونی دۆخی سڵامەتی لە ئێرانی ژێر دەسەڵاتی ڕێژیمی ئیسلامی تاران دەکەن؛ بەمشێوەیەش هەڕەشەی مردن و دابەزینی ئاستی سڵامەتی کۆمەڵگا لە ئێران ڕۆژ بە ڕۆژ زیاتر دەبێت؛ ئەم نیشانانە بەو دەرەنجامەمان دەگەیێنێت کە بەردەوامی ئەم ڕەوتە لە داهاتوودا دەبێتە هۆی ڕوودانی ڕووداوگەلی دڵتەزێنتر و هەژێنەرتر لە ئێراندا و بەتایبەت لەو هەرێمانەی کە نەتەوەکانی ئێرانی تێدا دەژین.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.