• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی نوامبری ٢٠١٧ی زایینی - ٢٩ی خەزەڵوەری ١٣٩٦ی هەتاوی  

هەواڵی هەڕەشەئامێزی کەیهان، هۆشداری و دژکردەوەی لێ کەوتەوە

زایینی: ٠٧-١١-٢٠١٧ - هەتاوی: ١٣٩٦/٠٨/١٦ - ١٧:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەواڵی هەڕەشەئامێزی کەیهان، هۆشداری و دژکردەوەی لێ کەوتەوە
کوردستان میدیا: لێژنەی چاوەدێریی ڕاگەیاندنەکانی ئێران، بە هۆی دانانی هەواڵێکی هەڕەشەئامێز لە ڕۆژنامەی کەیهان، هۆشداریان بەو ڕۆژنامەیە دا.

ڕۆژی سێشەممە ١٦ی خەزەڵوەری ١٣٩٦ی هەتاوی، ڕۆژنامەی کەیهان کە لە لایەن حوسێن شەریعەتمەداری نوێنەری خامنەیی بەڕێوە دەبرێت، پاش هێرشی مووشەکی بالستیکی بۆ سەر عەرەبستان، هەواڵێکی بە ناوی "هاویشتنی مووشەکی ئەنساروڵڵا بۆ ڕیاز، ئامانجی دوایی دوبەی" دانا.

لیژنەی چاوەدێران لە نامەیەکدا بۆ ڕۆژنامەی کەیهان نووسیانە، ئەم هۆشدارییە "بە مەبەستی وەبیر هێنانەوەی بەرپرسایەتی و ئەرکی دەزگاکانی ڕاگەیاندن لە هەمبەر پاراستن و پارێزگاریی لە بەرژەوەندییەکانی وڵات و ڕەچاوکردنی بەرژەوەندییەکانی وڵات بەپێی یاسا و ڕێساکان"، بە بەرپرسی یەکەمی ئەو ڕۆژنامەیە دراوە.

ئەم هۆشدارییە بە ڕۆژنامەیەک کە لایەن نوێنەری ڕێبەری ڕێژیم بەڕێوە دەچێت، بە هیچ کوێ ناگات و هیچ دەرئەنجامێکی نابێت، چونکە لە سەردێڕی بابەتێکی ئەو ڕۆژنامەیە هاتووە، "پێکەنین و گاڵتە لەوێ دایە کە ئەو دەزگا ڕاگەیاندنانەی کە بابەتەکانیان پڕە لە سەردێڕی دژەئاسایش و بەرژەوەندی نەتەوەیی، لە ناکاو نیگەرانی بەرژەوەندی نەتەوەیی دەبن"
هەروەها ڕۆژنامە ناوخۆییەکانی سەر بە ڕێژیمی ئێران، باسیان لەوە کردووە، کە ئەم بابەتە گاڵتەجاڕە لە ڕۆژنامەیەکی فەرمی وەکوو کەیهان، دەبێتە بەڵگەیەک لە دەستی عەرەبستان و ئامریکا و ڕۆڵی ئێران لە هاویشتنی مووشەک بەرەو عەرەبستان دەسەلمێنێت.

ئەم سەردێڕە کە تێیدا هەڕەشە لە دوبەی کراوە، لە ڕاگەیەندراوە دەرەکییەکان وەکوو پشتڕاست کەرەوەی ئەو تۆمەتانەیە کە وە پاڵ ڕێژیمی ئیسلامیی دراوە و هەروەها لە ڕاگەیەندراوە ناوخۆییەکانی ئێرانیش دژکردەوەی لێ کەوتەوە و بە باوەڕی زۆربەیان ئەم بابەتەی "کەیهان" کێشە و سەرئێشە دروست دەکات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا