کوردستان میدیا: لە دانیشتنی نێوان حیزبی دێموکراتی کوردستانی ئیران و کۆما جڤاکێن کوردستان لە سەر چەندین خاڵی گرینگ گفتوگۆیان کرد.
ڕۆژی چوارشەممە ڕێکەوتی ٢٤ی خەزەڵوەری ١٣٩٦ی هەتاوی، شاندێکی کەجەکە، بە سەپەرەستی ڕەزا ئاڵتون ئەندامی کۆنسەی بەڕێوەبەری کۆما جڤاکێن کوردستان (KCK) و چەند ئەندامێکی‌تری ڕێبەری سەردانی دەفتەری نوێنەرایەتی حیزبی دێموکراتی کوردستانی ئێرانیان لە شاری سلێمانی کرد و لە لایەن شاندێکی ڕێبەری حیزبی دێموکرات بە سەرپەرەستی محەممەد نەزیف قادری ئەندامی دەفتەری سیاسیی حیزبی دێموکرات پێشوازییان لێ کرا.
لەو دانیشتنەدا هەر دوو لایەن ڕوانگە و بۆچوونی سیاسیی خۆیان لە سەر پرسە سیاسییەکانی ڕۆژ و مەترسییەکانی سەر جووڵانەوەی کورد لە هەر کام لە بەشەکانی کوردستان خستەڕوو. لەو دانیشتنەدا باس لە کۆدەنگی ئەو وڵاتانەی که کوردستانیان بە سەردا دابەش کراوە و هەروەها لووتبەرزی نابەجێی ئەوان لە دوای ئاڵوگۆڕەکانی دوای ڕێفراندۆم و هێرش بۆ سەر کوردستان کرد کە دەبێ خوێندنەوەی دروستی بۆ بکرێت و هەر کام لە هێزە بەرپرسەکانی کوردستان هانی هێزە سیاسییەکانی باشوور بدەن بە کۆدەنگی و یەک هەڵوێستی و دوور بکەونەوە لە تۆمەت بەخشینەوە و تاوانبار کردنی یەکتر و ڕێگا نەدەن کاریگەری نەرێنی لە سەر جووڵانەوەی کورد لە بەشەکانی دیکەش دابنێ.
لە بەشێکی دیکەی ئەو دانیشتنەدا ڕۆڵی هەر کام لە هاوپەیمانان و ململانێی سەختی سیاسی و ئیدئۆلۆژی لە ناوچەکە و دەوری ئاژاوەگێڕانەی کۆماری ئیسلامی کەوتە بەرباس و پێویستی لێک نزیکبوونەوەی هەرچی زیاتری هێزە سیاسییەکانی ڕۆژهەڵات، بە پێویست زانرا.
دوای باسی چەندین خاڵی جێگای سەرنج بۆ هەردوو هێزی دوو بەشی سەرەکی باکووری کوردستان و ڕۆژهەڵاتی کوردستان واتە کەجەکە و حیزبی دێموکرات جەخت لە کۆبوونەوەی زیاتر و هەماهەنگی پێویست لە سەرجەم بوارەکان بەتایبەت بۆ پووچەڵ کردنەوەی پیلانی نەیارانی کوردستان کرایەوە.
ڕۆژی چوارشەممە ڕێکەوتی ٢٤ی خەزەڵوەری ١٣٩٦ی هەتاوی، شاندێکی کەجەکە، بە سەپەرەستی ڕەزا ئاڵتون ئەندامی کۆنسەی بەڕێوەبەری کۆما جڤاکێن کوردستان (KCK) و چەند ئەندامێکی‌تری ڕێبەری سەردانی دەفتەری نوێنەرایەتی حیزبی دێموکراتی کوردستانی ئێرانیان لە شاری سلێمانی کرد و لە لایەن شاندێکی ڕێبەری حیزبی دێموکرات بە سەرپەرەستی محەممەد نەزیف قادری ئەندامی دەفتەری سیاسیی حیزبی دێموکرات پێشوازییان لێ کرا.
لەو دانیشتنەدا هەر دوو لایەن ڕوانگە و بۆچوونی سیاسیی خۆیان لە سەر پرسە سیاسییەکانی ڕۆژ و مەترسییەکانی سەر جووڵانەوەی کورد لە هەر کام لە بەشەکانی کوردستان خستەڕوو. لەو دانیشتنەدا باس لە کۆدەنگی ئەو وڵاتانەی که کوردستانیان بە سەردا دابەش کراوە و هەروەها لووتبەرزی نابەجێی ئەوان لە دوای ئاڵوگۆڕەکانی دوای ڕێفراندۆم و هێرش بۆ سەر کوردستان کرد کە دەبێ خوێندنەوەی دروستی بۆ بکرێت و هەر کام لە هێزە بەرپرسەکانی کوردستان هانی هێزە سیاسییەکانی باشوور بدەن بە کۆدەنگی و یەک هەڵوێستی و دوور بکەونەوە لە تۆمەت بەخشینەوە و تاوانبار کردنی یەکتر و ڕێگا نەدەن کاریگەری نەرێنی لە سەر جووڵانەوەی کورد لە بەشەکانی دیکەش دابنێ.
لە بەشێکی دیکەی ئەو دانیشتنەدا ڕۆڵی هەر کام لە هاوپەیمانان و ململانێی سەختی سیاسی و ئیدئۆلۆژی لە ناوچەکە و دەوری ئاژاوەگێڕانەی کۆماری ئیسلامی کەوتە بەرباس و پێویستی لێک نزیکبوونەوەی هەرچی زیاتری هێزە سیاسییەکانی ڕۆژهەڵات، بە پێویست زانرا.
دوای باسی چەندین خاڵی جێگای سەرنج بۆ هەردوو هێزی دوو بەشی سەرەکی باکووری کوردستان و ڕۆژهەڵاتی کوردستان واتە کەجەکە و حیزبی دێموکرات جەخت لە کۆبوونەوەی زیاتر و هەماهەنگی پێویست لە سەرجەم بوارەکان بەتایبەت بۆ پووچەڵ کردنەوەی پیلانی نەیارانی کوردستان کرایەوە.
