• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

" ئەمن چی بكەم، خۆتان دروستی بكەنەوە"

زایینی: ٢١-١١-٢٠١٧ - هەتاوی: ١٣٩٦/٠٨/٣٠ - ١٧:٥٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
عەبدوڵڵا رەسووڵی

چەند رۆژ پێش ئێستا بومەلەرزەیەك كە سەنتەری ئەو لە ئەزگەلی خۆرهەڵاتی كوردستان بوو هەر دوو بەشی باشوور و خۆرهەڵاتی كوردستانی هەژاند. هەرچەندە زیانەكانی ئەم بومەلەرزە لە باشووری كوردستان بەرچاو نەبوو، بەڵام لە خۆرهەڵاتی كوردستان كارەساتێكی مرۆیی لێكەوتەوە و ژمارەیەكی زۆر لە هاووڵاتیانی كورد لە پارێزگای كرماشان گیانیان لە دەست دا و ژمارەیەكی زۆرتریش بریندار بوون و بە سەدان هەزار كەسیش بێ حاڵ و ماڵ بوون.

بە هۆی ئەو رووداوەوە چاوەڕوان دەكرا حكومەتی ئێران وەك لایەنی دەسەڵاتدار بە هانای خەڵكەوە بڕوات و هەوڵی چارەسەركردنی كێشە و گرفتەكان بدات. بەڵام بەپێی ئەو زانیاریانەی كە لەبەر دەستدان نەتەنیا حكومەتی ئێران لە ئاست دانیشتوانی پارێزگای كرماشان ئەركی سروشتی و مرۆیی خۆی بەجێنەهێنا، بەڵكوو بە شێوازێكی تەواو كۆلۆنیالیستیانە هەندێ رێوشوێنی گرتەبەر.

سروشتی هەموو دەسەڵات و حكومەتێك(چاك و خراپی) ئەوەیە كە بودجەیەكی تایبەتی بۆ رووبەڕووبونەوەی كارەساتە سروشتییەكان هەبێت و لە كاتی تەنگانە سوودی لێوەربگرێت. بەڵام ئەوەی لە چەند رۆژی رابردوودا بینیمان ئەوە بوو كە حكومەتی ئێران هیچ هەنگاوێكی لەو بوارەوە نەنا. لێرەدا پرسیار ئەوەیە كە بۆچی حكومەتی ئێران ئەركی سروشتی خۆی لە ئاست خەڵكی كوردستان بە جێ نەهێنا؟

لێرەدا هەوڵ دەدەم بە شیكردنەوەی هەندێ رووداو پیشانی بدەم كە حكومەتی ئێران بە چ شێوەیەك سەیری كوردستان دەكات و ئەو رێوشوێنانە گرتوویەتە بەر پێویستە چۆن سەیر بكرێت.

حەسەن رۆحانی سەركۆماری رێژیمی ئێران لە دوایین سەردانی بۆ پارێزگای كرماشان و لە وتارێكدا كە پێشكەشی خەڵكی كرد دوو بابەتی باس كرد كە زۆر جێگای سەرنج بوون. سەركۆماری ڕێژیمی ئێران گووتی:" خەڵك خۆیان خانووەكانی خۆیان بنیات دەنێنەوە." ئەمە بەو مانایەیە كە رێژیم و كابینەی وەزیرانی ناوبراو هیچ بەرپرسیاریەتییەكیان لە ئاست خەڵكی ماڵوێران نییە. لە درێژەی قسەكانیشیدا جەختی لەسەر رۆڵی هێزەكانی سوپای پاسداران و هێزە ئەمنییەكانی دیكە لە ناوچەكە كردەوە.

لەلایەكی دیكەوە رابەری كۆماری ئیسلامی ئێرانیش وەفدێكی رەوانەی ناوچەكە كرد، كە زۆربەیان ئایەتوڵڵا و پیاوانی ئایینی نووسینگەی خۆی بوون و هیچ شارەزاییەكیان لە هەڵسەنگاندنی بارودۆخەكە نەبوو و جیا لەوەش لە نێو ئەو دۆخە پڕ لە كارەساتبارەدا سەرقاڵی وێنەگرتنی سێلفی بوون.

دوای رووداوەكەش حكومەتی ئێران لە جیاتی رەوانەكردنی لایەنە پەیوەندیدارەكان بە كێشە سروشتییەكان بۆ ناوچەكە هێزە ئەمنییەكانی خۆی رەوانە كرد. ئەم هێزانە نەك تەنها بۆ پاراستنی گیان و ماڵی خەڵك و یارمەتیدان نەبوون، بەڵكوو تەنها بۆ پاراستنی ئەو ئاسایشە توند و رەهایە بوون كە حكومەت مەبەستی بوو. بە مانایەكی دیكە رەوانە كردنی هێزە ئەمنییەكان تەنها بۆ سەركوتكردنی خەڵك بوون و بوونیان لە ناوچەكە تەنانەت ئاسایشی كۆمەڵایەتی خەڵكی تێكدا لەبەر ئەوەی چەندین حاڵەتی دزی و بردنی كەلوپەلی ماڵی خەڵكیان ئەنجام داوە و هەوڵیان داوە ئەوەندەی دیكە خەڵكی ناوچەكە نغرۆ بكەن. لە هەمان كاتیشدا هێزە ئەمنییەكان لەمپەڕیان لەبەردەم گەیاندنی یارمەتی خەڵك دروستكردووە و رێگایان نەداوە یارمەتی خەڵك بگاتە دەست ئاوارەكان.

بە سەیر كردنی ئەو نمونانەی سەرەوە بۆمان روون دەبێتەوە كە لە لوتكەی دەسەڵاتی ئێرانەوە، بە شێوەیەكی دیكە سەیری كورد دەكرێت. ئەم شێوازە سەیركردنە بە تەواوی شێوازێكی كۆلۆنیالیستییە و تەنانەت لە قسەكانی رۆحانی سەركۆماری ئێرانیش لەوە خراپتر بەدەر دەكەوێت و بەتەواوی بە كۆیلە سەیر كردنی خەڵكی تێدا دەبیندرێت. كاتێك كە دەڵێت:"خەڵك خۆیان خانووەكانیان بنیات دەننەوە" جیا لە ئاشكراكردنی ئەوەیكە حكومەت هیچ بەرپرسیاریەتییەك ناگرێتە ئەستۆ، مانای ئەوەیشە كە خەڵكی كورد لە ئێراندا تەنانەت وەك كۆیلەش سەیر ناكرێن بۆیە دەڵێت:"خۆیان". ئەمەش رێك رستەی هەمان كۆیلەدارە كە دەیگووت:"ئەمن چی بكەم خۆتان دروستی بكەنەوە".

هەمووی ئەم روداوانەی كە لە سەرەوە باسكرا و لە ماوەی چەند رۆژی رابردوودا بینیمان ئەوەمان بۆ دەردەخەن كە حكومەتی ئێران بەشێوەیەكی كۆلۆنیالیستی سەیری ناوچە كوردنشینەكان دەكات و هەموو كردار و رەفتارەكانیشی لە هەمان چوارچێوەدا ئەنجام دەدات. چوارچێوەیەك كە هیچ ئەركێك ناخاتە ئەستۆی حكومەت بۆ ئاوەدانی و رووبەڕووبوونەوەی كارەساتەكان و تەنها دەستی ئەوەی بۆ ئاوەڵا دەكات كە تاڵان و بڕۆی ناوچەكە بكات. بە مانایەكی دیكە هەموو سەرچاوە سروشتییەكانی سەرزەوی و ژێرزەوی بەرێت و هیچی بۆ ناوچەكە نەهێڵێتەوە و یا خود نەیگێڕیتەوە و بەرپرسیاریەتیش لە ئاست رووداوە سروشتییەكان وەرنەگرێت. ئەم چوارچێوە، فۆرمێكە كە حكومەتی ئێران ماوەیەكی زۆرە كاری پێدەكات و هەموو رەهەندە فكری و سیاسی و ئابوورییەكانی بۆ خۆی پێناسە كردووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.