• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٥ی دێسامبری ٢٠١٧ی زایینی - ٢٤ی سەرماوەزی ١٣٩٦ی هەتاوی  

عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ

زایینی: ٢١-١١-٢٠١٧ - هەتاوی: ١٣٩٦/٠٨/٣٠ - ١٨:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:

سەرەتا پێتان وایە کە زەویلەرزەی کرماشان رووداوێکی سرووشتی بووە یان ناسروشتی؟

هەرچەند ئێمە و هەموو خەڵكی كوردستان ئازیەتبارین، بەڵام سەرەخۆشی لە کەس و کاری قوربانیانی كارەساتی زەویلەرزەی پارێزگای كرماشان و باشووری کوردستان دەکەم و هیوای چاكبوونەوەی خێراش بۆ برینداران دەخوازم.

ئەو زەویلەرزەیە كه پانتاییەكی زۆری هەبوو و لە كرماشانەوە دەستی پێكرد و گەیشته ڕوانسەر، جوانڕۆ و سەلاس و بەرەو دەشتی زەهاو و سەرپێل و داڵەهۆ ڕۆیشت، کە بە داخەوە زۆر گەورە، بەهێز و خەسارەتبار بوو، ئەگەر سرووشتی بێت یان ناسرووشتی بەو شێوەیەی كه له تۆڕه كۆمەڵایەتیەكاندا باسی لێوە دەكرێت كه خەڵك ڕووناکاییان بینیوه و بە هۆکاری تاقیکردنەوەی چەكی ناوكی، مووشەكی یان "هارپ"ی دەزانن، هێشتا به ڕوونی دیار نییه و داهاتوو هەموو شتێك روون دەكاتەوە، هەرچەند ئەو ژینگە ئەمنییەتیەی به تایبەت له ناوچەی ئەزگله لەلایه ن ڕێژیمەوه بەڕێوه دەچێت و تا ئێستاش ناهێڵێت هیچ ڕاگەیاندن و میدیاكارێك بچێته ئەو ناوچەیە و له ژێر كونتڕۆڵی سپای پاسداراندایە، شك و گومانی زۆری لای خەڵك دروست كردووە و ڕەنگە لە داهاتوودا ئەمە روون ببێتەوە.

ئایا دەوڵەت و حکوومەت بە ئەرک و بەرپرسایەتیان لە هەمبەر ئەو کارەساتە و لێقەوماوانیدا هەستاون؟

ڕێژیم و حكوومەتێك کە هی خەڵك نەبێت و خۆی به خەڵكی نەزانێت، خەڵكیش هیچ چاوەڕوانیەكیان لێی نابێ. ڕێژیم نە تەنیا یارمەتی خەڵكی لێقەوماوی نەكردووه، بەڵکوو بەربەستی زۆری بو ئەو خۆبەخشانەش درووست كردووه کە دەیانەوێت یارمەتی خەڵك بكەن. له زۆر شوێن بەرپرسانی ڕێژیم هاوکارییەکانی خەڵکیان بە تاڵان بردووە و هەروەها لە زۆر شوێنی دیکەش ئیداراتی دەوڵەتی ویستوویانه دەست بە سەر یارمەتی خەڵكیدا بگرن و به ناوی خۆیانەوه، بەشێکی بە خەڵك ببەخشن. حكوومەت ژیان و ماڵ و حاڵی خەڵكی ئێران و به تایبەتیتر خەڵكی كوردستانی بەلاوه گرینگ نیه و ئەو بەرپرسایەتیەی له بەرانبەر رێکخراوە تێرۆریستیەکانی ناوچە و هەروەها خەڵكی لوبنان، فەلەستین و ... هەیەتی، یەک لە سەدی ئەمەی له بەرانبەر خەڵكی ئێران و بە تایبەتی كوردستاندا نیەتی.

هۆکارەکە لە چیدا دەبینن کە رێژیم خۆی لە یارمەتیدانی خەڵکی ئەو ناوچەیە دەدزێتەوە؟

به گشتی حكوومەت چاوی به گەلی كورد و خاكی كوردستان هەڵ نایەت، بەڵام ئەم ناوچەیه بیرەوەری زۆر تاڵ و ناخۆشی بۆ ڕێژیم هەیه. بڕبڕەی پشتی بزووتنەوەی شۆڕشگێڕیی و رزگاریخوازانەی باشووری ڕۆژهەڵاتی كوردستان، ناوچەی زلزلەلێدراو بە گشتی و داڵەهۆ بە تایبەتی بووە. تەنیا ناوبانگی هێزی داڵەهۆ بەسە بۆ ڕق و قینی ڕێژیم لەم ناوچەیه. شتێكی دیكەش كه لەم كات و ساتەدا جیا له بەشە سیاسییەكەی كه باسمان كرد و ناتوانین چاوپۆشی لێ بكەین، بواری ئابووری ڕێژیمە کە له خراپترین دۆخی خۆیدایه. وێڕای پەیڕەوکردنی سیاسەتی سەرکوت و قات و قڕی و برسیکردنی خەڵک، ئەوەندەی کە سەرفی بەهێزکردنی پێگەی لەشکریی خۆی دەکات، چەند قات زیاتریش لە دەرەوەدا خەرجی تێکدان و ئاژاوەگێڕی و ناسەقامگیری ناوچەکە و بردنە پێشی سیاسەتە شەرئەنگێزییەکانی خۆی دەکات و ئەوەیکە بۆی گرینگ نییە، خەڵکی ئێران و بە تایبەتی گەلی کوردە کە ئاڵاهەڵگری خەبات و تێکۆشانی مافخوازی و ئازادیخوازی دژی ئەو رێژیمە نگریسە بووە لە هەموو ماوەی تەمەنیدا. ئەو ڕێژیمە کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ.

بێجگە لەو خاڵانەی کە باستان کرد ڕێژیم وێڕای خۆبواردن لە یارمەتیدانی خەڵکی ئەو ناوچەیە بە گشتی، بەڵام سیاسەتێکی جیاواز و توندتر بە نیسبەت ناوچە یارسان نشینەکان گرتووەتە بەر، هۆکارەکەی لە چیدا دەبینن؟

بڕبڕەی پشتی بزووتنەوەی رزگاریخوازی له باشوری ڕۆژهەڵات، داڵەهۆ و دەوروبەرییەتی، كه زۆربەیان سەر به ئایینی یارسانن، كەواته گەلی كورد له چاوی ڕێژیم دا چەنده بێزراوە، هی یارسانەكان دووقاتە، چوونکە هەم كوردن، هەمیش ئایینیان یارسانه و جیاواز له ئایینی فەرمی ڕێژیمە و بە كافریان دەزانن. هەڵاواردن به نیسبه ت كورده یارسانییەكان شتێكی نوێ نییە و لە مێژە کە پەیڕەو دەکرێت. لەو پێوەندییەدا پێویسته بگوترێ کە نەتەنیا له ناوچەی داڵەهۆ بەڵکوو له ناوچەی هەرسین و سەحنەش، كوردە لەكه یارسانیەكانیش له لایەن ڕێژیمەوه زۆر تووشی هەڵاواردن دەبن.

بۆچی ناوچەکە لە لایەن رێژیمەوە ئەمنییەتی کراوە و پێش بە ئاماری راست و گواستنەوەی زانیاری دروست گیراوە؟

له كاتی روودانی كارەساتێكی وەهادا، حكوومەتێكی بەرپرسیار، زۆر زوو بەدەم خەڵكەوە دەچێت و پێویستییەكانی ژیانیان بۆ دابین دەکات، بەڵام بۆ ڕێژیمێكی توتالیتێر و دژی گەلیی وەكوو ئەم ڕێژیمەی ئێران، بە هۆی ناڕەزایەتی سیاسیی و قەیرانی مەشروعیەتییەوە، درزێكی گەوره له نێوان خەڵك و حكوومەت دروست بووه كە پێگە و سەرمایەی كۆمەڵایەتی حكوومەت له نێوان خەڵك نەماوه. له حاڵەتێكی وەهادا كه ڕێژیم مەشروعیەتی نییه، خەڵكیش تووڕە، ناڕازی و برسی بن، كەس و كار و ماڵ و حاڵیان له دەست دابێ، و حكوومەتێكیش نەبێ کە به هانایانەوه بچێت، ئەو خەڵکە بەلەنگاز، بەڵام سەربەرزە وەكوو كوورەی ئاگرن و ده توانێت ڕق و قینیان بتەقێتەوه، بۆیه ناوچەكه ئەمنیەتی دەكرێت و له جیاتی ئامبوڵانس، هێزی دژه شۆڕش دەنێردرێت بۆ ئەو ناوچەیە. هەروەها وەكوو شەڕی نەرم له میدیاكانیەوه ژمارەی كوژراوان زۆر بە كەمی باس دەكات كه شتەكه بچووك دەربكەوێت، چونکە له شۆڕشی خەڵك دەترسێت.

سەفەری ڕووحانی بۆ کرماشان و وادەکانی چۆن لێک دەدەنەوە؟

نەتەنیا روحانی، بەڵکوو هیچ یەک له كەسایەتییەكانی ڕێژیم و دەوڵەتە یەك له دوای یەكەكانی ئێرانیش، له كاتی خۆشی و ناخۆشیدا، هیچیان بۆ ناوچه كوردنشینەكان و بە تایبەتی ئەم ناوچەیە نەكردووه . روحانی كه ڕۆیشتە ناوچەکە، له ئوتۆمبیلەکەی نەهاته خوارەوە و ئەوەنده مرۆڤایەتی و جوامێری تێدا نەبوو کە ڕاستەوخۆ بچێته نێو ئاپۆڕای خەڵكەوه و دڵنەواییان بداتەوە، ئینجا چۆن چاوەڕێ بین كارێك بۆ ئەو خەڵكه بكات. روحانی مامۆستای عەوامفەریبی و درۆیە. هەموو دنیا بیستی کە رووحانی ڕایگەیاند له سەد ڕۆژدا ئابووری ئێران چاك دەکەم، بەڵام پاشان وتی نەمگوتووه! هەر لەو پێوەندییەدا، ئەو هەموو سەردارەی سپا كه هاتبوون، تاکە كاریان وێنەگرتنی سێڵفی بوو و به شایەتی خەڵكی ناوچه، له ڕۆژێكدا، چوار وەزیر و چەندین سەردار سەردانی یەک شوێنیان كردووه، تەنانەت یەک چادریان پێ نەبووه. واته هەموو كەسانی سەر به رێژیم و لە پێش هەموویان روحانی، تەنیا بۆ خۆدەرخستن و بەرژەوەندییه شەخسی و جیناحیەكانیەوه بوون و هیچ سودێكیان بۆ ئەو خەڵكه نەبووە. ئەگەر روحانی بوودجەی ٢٥٠٠ ملیارد تمەنی زەویلەرزه خه رج بكات، ئه و كاته دەردەكەوێت وادی ئەم جارەی ڕاسته یان وەكوو پێشوو تەنیا درووشم و درۆیەكی بێ نێوەڕۆك وبێ‌بنەمایە.

ئەو حەماسەیەی لە لایەن خەڵکی ناوچە جۆراوجۆرەکانی کوردستانی ڕۆژهەڵاتەوە بۆ هاوکاریی خوشک و براکانیان کرا، چۆن دەبینی و هەڵگری چ پەیامێکە؟

تا ٤٨ كاتژمێر دوای كارەساتەكه، دەوڵەت نەهاته سەر خەت و دەیانەویست زۆر بە هێمنی و بێدەنگ، دەربازی بێت، بەڵام خەڵك بەهۆی توڕە كۆمەڵایەتییەكان و ئەو ویدیۆ و وێنانەی كه بڵاو دەكرانەوە، هاتنه خەت. هەر لە یەكەم ساتەكانی دوای زەویلەرزەكە كه به یەكێك لە دە زەویلەرزە بەهێزەکانی مێژووی ئێران هەژمار دەكرێت، خەڵكی بەشەرەفی كوردستان هەر له ماكۆ و سەڵماسەوە تا وەكوو مێهران و دێهلۆڕان و لوڕستان هاتنه سەر خەت و بەڕاستی كارەساتی زەویلەرزەیان كرده حەماسەیێكی مێژوویی نەتەوەیی .بە سەدان كاروان بە هەزاران ئۆتۆمبیلەوە، له شار و گوندی كوردستانەوه له هەر چوار پارێزگا كوردنشینەكانەوه (ورمێ، سنه، ئیلام و كرماشان) و هەروەها لوڕستان و كوردەكانی خوراسانەوه، روویان كرده ناوچەكه و یارمەتیی خەڵكیان كرد. دوای ئەم حەماسەیەی خوشك و برا كوردەكانمان بوو كه خەڵكی دیكەی ئێرانیش، تا ڕادەیەك یارمەتی خەڵكیان كرد و دەوڵەت كه چاوەڕوانی ئەم هاوخەمی و هاوسۆزییەی نەدەكرد، بۆ ئەوەی خۆی پیشان بدات، ویستی یارمەتییه خەڵكییەكان له بازگەكاندا وەربگرێت و به ناوی خۆیەوە بڵاوی بكاته وه، بەڵام بۆی نەچووه سەر، خەڵك باوەڕیان به دەوڵەت نییه و ڕاستەوخۆ خۆیان یارمەتییەكان دەدەنه برا و خوشكە لێقەوماوەكانیان . من پەیامی ئەم هەرەوەزیه، وه كوو هاوپەیمانی نەتەوەیی دەبینم، خەم و ئازارەكانمان یەكه، بۆ یەك دەژین و بۆ یەك دەمرین، خۆمان دەتوانین خۆمان رزگار بکەین.

وانەی هەرە گرینگ کە دەبێ کورد لە زەویلەرزەی کرماشان وەربگرێت، چییە؟

ئەو كارەساته وێڕای ئەوەیکە زۆر تاڵ و تراژێدیکە، بەڵام وانەی زۆری تێدایە و زۆر شتی فێر كردین کە له یەکیەتی و یەكبوون دا دەتوانین به سەر هەموو كۆسپە ئەستەمەكاندا زاڵ بین. بێجگه له خۆمان نابێت چاوەڕوانی هیچ کەس و دەوڵەتێک بین. خەڵكی كوردستان زۆر فیداکار و ئەمەگناسە، لە پێناو دۆزی خۆیان و خوشک و براکانیاندا ئامادەی هەر چەشنە قوربانیدانێکن. پێشوازی له كاروانه یارمەتیدەرەکان بۆ لێقەوماوانی کرماشان و هەروەها پێشوازیی بەرچاوی خەڵکی شارەکانی ڕوانسەر، كامیاران، سنه، سەقز، دیواندەرە، بۆكان و شارۆچکەکانی دیکەی ڕۆژهەڵات له تەرمی پیرۆزی شەهید ئەبووبەكر مەعرووفی، نیشانەی ئەوپەڕی وشیاری و ڕێزگرتن لە نرخ و بەهاکانی ئەو میللەتەیە. ئەو کارەساتە نیشانی دا کە خەڵکی کوردستان چەندە بە نیسبەت دام و دەزگاكانی ڕێژیم بێ باوەڕن و چاوەڕوانییەکی ئەوتۆیان لەو ڕێژیمە دژی کوردەیان نییە. ئەو رووداوە وەبیرهێنەرەوەی ئەوەیە کە كۆمەڵگای مەدەنی دەتوانێ چ نەخش و ڕۆڵێکی سەرەكی له رووداوەكاندا بگێڕێت. كرماشان دڵی ڕۆژهەڵاته و سەربەرزە بە گەلە چەوساوە و لەخۆبردووەکەی خۆی.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.