کوردستان میدیا: نەوەد لەسەدی نەوتی ئێران لە خوزستاندایە، بەڵام یەک لەسەر سێی بنەماڵەکانی ئەو پاریزگایە کێشەی برسیەتییان هەیە.
بەپێی لێکۆڵینەوەیەکی زانکۆی زانستە پزیشکییەکانی جۆندی شاپووری ئەهواز، لە نێوان هەر سێهەزار بنەماڵەی پارێزگای خوزستان، هەزار بنەماڵەیان تووشی کێشە جۆربەجۆرەکانی برسیەتی هاتوون؛ بەرپرسی ئەو زانکۆیە وتوویەتی: زەنگی مەترسیی نەبوونی ئەمنیەتی خوراک لەو پارێزگایە لێدراوە.
ئیرەج نەزەری، بەرپرسی زانکۆی زانستە پزشکیەکانی جوندی شاپور وتوویەتی: لەوانەیە کەسێک لەم پارێزگایە نەبێت کە یەکەمین کاری ڕۆژانەی خۆی بە تێرکردنی زگی خۆی و منداڵەکانی نەزانیت، ئێستە بزانن ئەو کەسەی کە ئەوەندە توانایی نەبێ زگی خۆی تێر بکات دەبێ چەندە کێشەی هەبێت.
نەزەری خوازیاری چارەسەری کێشەی برسیەتی و کار لەو پارێزگایە بووە و وتوویەتی: قبووڵ کردنی ئەو دۆخە، لەحاڵێکدایە کە خوزستان نەوەد لەسەدی سەرمایەی نیشتمانی ئێران دابین دەکات، زۆر سەخت و ناعادڵانەیە.
ئەگەرچی پارێزگاکانی عەرەبستان و هەروەها پارێزگاکانی کوردستانی ئێران بەشێکی هەرە زۆری سەرمایەی ئێران دابین دەکەن و بەردەوامیش بوونەتە قوربانی فراوانخوازییەکانی کۆماری ئیسلامی و زۆرجار لە شەڕدا تووشی خەساری گەورە بوون، بەڵام لە کەمترین خزمەتگوزاری و خۆشبژێوی بێبەشن و بەردەوام لەگەڵ کێشەگەلی جۆراوجۆری بێهداشتی و خۆراک دەست و پەنجە نەرم دەکەن.
کرماشان، سەرپێڵی زەهاو و ئیلام، سێ ناوچەی دەوڵەمەند لەڕووی هەبوونی کانزای نەوتن و چەندین ساڵە، ڕێژیم لەو ناوچانە نەوت بەرهەم دێنێت، بەڵام خەڵکی بوومەلەرزەلێدراوی ئەو ناوچەیە لە یارمەتی حکومەت بێبەش کراون و لەم سەرما و بۆرانەی زستاندا تەنیا چاوی هیوایان بڕیوەتە دەستی خوشک و برا کوردەکانیان کە یارمەتیان بدەن بۆ درێژەدانی ژیان و نۆژەن کردنەوەی خانووەکانیان.
بەپێی لێکۆڵینەوەیەکی زانکۆی زانستە پزیشکییەکانی جۆندی شاپووری ئەهواز، لە نێوان هەر سێهەزار بنەماڵەی پارێزگای خوزستان، هەزار بنەماڵەیان تووشی کێشە جۆربەجۆرەکانی برسیەتی هاتوون؛ بەرپرسی ئەو زانکۆیە وتوویەتی: زەنگی مەترسیی نەبوونی ئەمنیەتی خوراک لەو پارێزگایە لێدراوە.
ئیرەج نەزەری، بەرپرسی زانکۆی زانستە پزشکیەکانی جوندی شاپور وتوویەتی: لەوانەیە کەسێک لەم پارێزگایە نەبێت کە یەکەمین کاری ڕۆژانەی خۆی بە تێرکردنی زگی خۆی و منداڵەکانی نەزانیت، ئێستە بزانن ئەو کەسەی کە ئەوەندە توانایی نەبێ زگی خۆی تێر بکات دەبێ چەندە کێشەی هەبێت.
نەزەری خوازیاری چارەسەری کێشەی برسیەتی و کار لەو پارێزگایە بووە و وتوویەتی: قبووڵ کردنی ئەو دۆخە، لەحاڵێکدایە کە خوزستان نەوەد لەسەدی سەرمایەی نیشتمانی ئێران دابین دەکات، زۆر سەخت و ناعادڵانەیە.
ئەگەرچی پارێزگاکانی عەرەبستان و هەروەها پارێزگاکانی کوردستانی ئێران بەشێکی هەرە زۆری سەرمایەی ئێران دابین دەکەن و بەردەوامیش بوونەتە قوربانی فراوانخوازییەکانی کۆماری ئیسلامی و زۆرجار لە شەڕدا تووشی خەساری گەورە بوون، بەڵام لە کەمترین خزمەتگوزاری و خۆشبژێوی بێبەشن و بەردەوام لەگەڵ کێشەگەلی جۆراوجۆری بێهداشتی و خۆراک دەست و پەنجە نەرم دەکەن.
کرماشان، سەرپێڵی زەهاو و ئیلام، سێ ناوچەی دەوڵەمەند لەڕووی هەبوونی کانزای نەوتن و چەندین ساڵە، ڕێژیم لەو ناوچانە نەوت بەرهەم دێنێت، بەڵام خەڵکی بوومەلەرزەلێدراوی ئەو ناوچەیە لە یارمەتی حکومەت بێبەش کراون و لەم سەرما و بۆرانەی زستاندا تەنیا چاوی هیوایان بڕیوەتە دەستی خوشک و برا کوردەکانیان کە یارمەتیان بدەن بۆ درێژەدانی ژیان و نۆژەن کردنەوەی خانووەکانیان.