کوردستان میدیا

ماڵپەڕی ناوەندیی حیزبی دێموکراتی کوردستانی ئێران

لاوێکی کورد پله‌ی یه‌که‌می فستیڤاڵی جیهانیی ٢٠١٢ی وۆشۆی به‌ده‌ست هێنا

15:46 - 19 رەزبەر 2712

کوردستان میدیا: لاوێکی شنۆیی خه‌ڵاتی میداڵیای رێزی له‌ رشته‌ی وه‌رزشیی وۆشۆ مسۆگه‌ر کرد.


به‌پێی راپۆرتی ماڵپه‌ڕی کوردستان میدیا، عه‌باس حیجازی‌فه‌ر له‌ فیستیڤاڵی جیهانیی وۆشۆ ٢٠١٢، که‌له‌ وڵاتی ئاڵمان به‌ڕێوه‌چوو، پله‌ی یه‌که‌می به‌ ده‌ست هێنا و خه‌ڵاتی زێڕی پێ به‌خشرا.
عه‌باس به‌ مسۆگه‌ر کردنی میداڵی زێڕی وۆشۆی جیهان، بۆ جارێکی دیکه‌ خۆشحاڵی خسته‌ نێو دڵی خه‌ڵکی کوردستان و به‌تایبه‌ت خه‌ڵکی شاری شنۆ.

2397.jpg


هه‌روه‌ها ماوه‌یه‌ک له‌وه‌ پێشیش لاوێکی وه‌رزشوانی خه‌ڵکی شنۆ به‌ناوی ره‌سووڵ ره‌سووڵی ئازه‌ر سه‌رکه‌وتنی له‌ رشته‌ی وه‌رزشیی مه‌له‌وانیی دوو ئه‌ستێره‌ له‌ دوورگه‌ی قشم لە باشووری ئێران به‌ده‌ست هێنا و مه‌دره‌کی نێوده‌وڵه‌تیی ئه‌و رشته‌یه‌ی له‌لایه‌ن ئیتالیاوه‌ پێ به‌خشرا.
ئه‌مساڵ ئه‌مه‌ چه‌نده‌مین جاره‌ که‌ لاوانی شاری شنۆ له‌ رشته‌ وه‌رزشییه‌ جۆراوجۆره‌کاندا سه‌رکه‌وتن به‌ده‌ست ده‌هێنن.