کوردستان میدیا: نرخی دولار لە بازاڕەکانی ئێراندا، ڕێکۆردی نوێی تۆمار کردووە.
نرخی دولار لە بازاڕەکانی ئێراندا، بەردەوام لە هەڵکشان و داکشان دایە و ڕۆژی یەکشەممە ١٩ی سەرماوەزی ١٣٩٦ی هەتاوی، دولاری ئامریکا ڕێکۆردی ٤٢١٧ تمەنیی تۆمار کرد و یۆرۆ بە ٥٤٠٥ تمەن گەیشت، بەڵام ئەمڕۆ سێشەممە دولار بۆ ٤٠٩٦ تمەن دابەزیوە و یۆرۆ بۆ ٤٨٨٤ تمەن دابەزی.
بڵاوکراوەکانی کۆماری ئیسلامیی ئێران هۆکاری سەرەکیی ئەو بەرز بوونانەی دولار لە بازاڕەکانی ئێراندا، بە کۆمەڵێک پرسی نێوخۆیی و لەوانە کێبڕکێی پشکدارانی بوورس لە قەڵەم دەدن، بەڵام چاوەدێرانی سیاسی و کارناسانی ئابووری هۆکاری سەرەکیی ئەو هەڵکشانانە بە پلانی خۆدی ڕێژیمی ئێران بۆ قەرەبوو کردنەوەی کەمیی بوودجە و هەروەها گەمارۆوە ئابوورییەکانی ئامریکا دژ بە دامەزراوە و شیرکەتە ئێرانییەکانی سەر بە سپای پاسداران دەزانن.
شاهین شایانئارانی، کارناسی بواری ئابووری، لەو بارەوە وتوویە: گەمارۆوە نوێیەکانی ئامریکا و بەتایبەت گەمارۆ بۆ سەر تمەنی ئێران و ڕێگری کردن لە مامەڵە بە پارەی ئێرانی لە بازاڕە جیهانییەکان، کەمبوونەوەی داخوازییەکان بۆ پارەی ئێرانی لە دەرەوە و بە پێچەوانە زیاد بوونی داخوازییەکان بۆ دولاری ئامریکایی لە ناو ئێرانی لێ دەکەوێتەوە، کە ئەویش ڕاستەوخۆ دەبێتە هۆی بەرز بوونەوەی نرخی دولار لە بازاڕەکانی ئێران و گرانی بە دوای خۆی دێنێت.
سەرکۆماری ڕێژیمی ئێران، حەسەن ڕۆحانی، لە گەڵاڵەی پیشنیاریی بوودجەی ساڵی ١٣٩٧ی هەتاوی، بۆ پارلەمانی ئەو وڵاتە، نرخی دولاری ئامریکایی بە ٣٥٠٠ تمەن مەزەندە کردووە.
نرخی دولار لە بازاڕەکانی ئێراندا، بەردەوام لە هەڵکشان و داکشان دایە و ڕۆژی یەکشەممە ١٩ی سەرماوەزی ١٣٩٦ی هەتاوی، دولاری ئامریکا ڕێکۆردی ٤٢١٧ تمەنیی تۆمار کرد و یۆرۆ بە ٥٤٠٥ تمەن گەیشت، بەڵام ئەمڕۆ سێشەممە دولار بۆ ٤٠٩٦ تمەن دابەزیوە و یۆرۆ بۆ ٤٨٨٤ تمەن دابەزی.
بڵاوکراوەکانی کۆماری ئیسلامیی ئێران هۆکاری سەرەکیی ئەو بەرز بوونانەی دولار لە بازاڕەکانی ئێراندا، بە کۆمەڵێک پرسی نێوخۆیی و لەوانە کێبڕکێی پشکدارانی بوورس لە قەڵەم دەدن، بەڵام چاوەدێرانی سیاسی و کارناسانی ئابووری هۆکاری سەرەکیی ئەو هەڵکشانانە بە پلانی خۆدی ڕێژیمی ئێران بۆ قەرەبوو کردنەوەی کەمیی بوودجە و هەروەها گەمارۆوە ئابوورییەکانی ئامریکا دژ بە دامەزراوە و شیرکەتە ئێرانییەکانی سەر بە سپای پاسداران دەزانن.
شاهین شایانئارانی، کارناسی بواری ئابووری، لەو بارەوە وتوویە: گەمارۆوە نوێیەکانی ئامریکا و بەتایبەت گەمارۆ بۆ سەر تمەنی ئێران و ڕێگری کردن لە مامەڵە بە پارەی ئێرانی لە بازاڕە جیهانییەکان، کەمبوونەوەی داخوازییەکان بۆ پارەی ئێرانی لە دەرەوە و بە پێچەوانە زیاد بوونی داخوازییەکان بۆ دولاری ئامریکایی لە ناو ئێرانی لێ دەکەوێتەوە، کە ئەویش ڕاستەوخۆ دەبێتە هۆی بەرز بوونەوەی نرخی دولار لە بازاڕەکانی ئێران و گرانی بە دوای خۆی دێنێت.
سەرکۆماری ڕێژیمی ئێران، حەسەن ڕۆحانی، لە گەڵاڵەی پیشنیاریی بوودجەی ساڵی ١٣٩٧ی هەتاوی، بۆ پارلەمانی ئەو وڵاتە، نرخی دولاری ئامریکایی بە ٣٥٠٠ تمەن مەزەندە کردووە.
