کوردستان میدیا: بەرپرسانی ڕێژیمی ئێران، ماوەی چەند ساڵە دەیانهەوێت ئەزموونی کۆنکوور لە بەشی پەروەردە و بارهێنان لاببەن، بەڵام سەرکەوتوو نەبوون.
بەپێی ڕاپۆرتە بڵاوکراوەکان، وەزارەتی زانستی ڕێژیمی ئێران، جارێکی دیکە باسی لەوە کردووە، کە بڕیاری لابردنی کۆنکوور لەو وەزارەتخانەیە تاوتوێ دەکات و سازمانی سەنجێشـیش لەگەڵ ئەو بابەتە هاودەنگیی خۆی دەربڕیوە.
بەرپرسانی ڕێژیمی ئێران لە بەشی پەروەردە و بارهێنان باس لەوە دەکەن، کە کۆنکوور مافیای ئامووزشـە و ساڵانە چەندین میلیارد تمەن داهاتی هەیە، کە تەنیا بۆ هەندێک کەس و ئیدارەی تایبەتی ڕێژیمە.
لەو بارەیەوە مەنسوور غوڵامی وەزیری زانستی ڕێژیمی ئێران وتوویەتی: کۆنکوور لادەبردرێت و هەڵبژاردنی خوێندکاران بۆ زانکۆکان لە ڕووی پێشینەی خوێندن و گوزینشەوە ئەنجام دەدرێت؛ هاوکات بۆ لابردنی کۆنکوور وەزارەتی زانست دەبێ بەرنامەیەکی جێگرەوە بێنێتە ئاراوە.
ماوەی ٤٨ ساڵە کە کۆنکوور لە ئێراندا بەڕێوە دەچێت، ئێستە دۆخی کۆنکوور کە بە هۆی ترس و دڵەڕاوكێی قوتابییان لەو تاقیکارییە، بە دێوەزمەی کۆنکوور ناوی دەرکردووە، گەیشتووەتە ئاستێکی زۆر ئاسان و لاواز کە تەنانەت کەسانی پێوارـیش (غایب) دەتوانن بەشداری لەو تاقیکارییەدا بکەن.
کارناسان هۆکاری ئەوەی کە بەرپرسانی ڕێژیم دژایەتی خۆیان لەگەڵ لابردنی کۆنکوور دەردەبڕن بۆ ئەوە دەگەڕێننەوە، کە داهاتی کۆنکوور سەرسوڕهێنەرە و ئەوەش تەنیا دەخرێتە گیرفانی چەند کەس و ئیدارەیەکی تایبەتی ڕێژیمەوە.
لە دوای چەندین ساڵ قسە و باسی بەرپرسانی ڕێژیمی ئێران بۆ لابردنی کۆنکوور تا ئێستا بە ئەنجامێک نەگەیشتوون و ئەو پڕۆسەیە وەک خۆی ماوەتەوە.
بەپێی ڕاپۆرتە بڵاوکراوەکان، وەزارەتی زانستی ڕێژیمی ئێران، جارێکی دیکە باسی لەوە کردووە، کە بڕیاری لابردنی کۆنکوور لەو وەزارەتخانەیە تاوتوێ دەکات و سازمانی سەنجێشـیش لەگەڵ ئەو بابەتە هاودەنگیی خۆی دەربڕیوە.
بەرپرسانی ڕێژیمی ئێران لە بەشی پەروەردە و بارهێنان باس لەوە دەکەن، کە کۆنکوور مافیای ئامووزشـە و ساڵانە چەندین میلیارد تمەن داهاتی هەیە، کە تەنیا بۆ هەندێک کەس و ئیدارەی تایبەتی ڕێژیمە.
لەو بارەیەوە مەنسوور غوڵامی وەزیری زانستی ڕێژیمی ئێران وتوویەتی: کۆنکوور لادەبردرێت و هەڵبژاردنی خوێندکاران بۆ زانکۆکان لە ڕووی پێشینەی خوێندن و گوزینشەوە ئەنجام دەدرێت؛ هاوکات بۆ لابردنی کۆنکوور وەزارەتی زانست دەبێ بەرنامەیەکی جێگرەوە بێنێتە ئاراوە.
ماوەی ٤٨ ساڵە کە کۆنکوور لە ئێراندا بەڕێوە دەچێت، ئێستە دۆخی کۆنکوور کە بە هۆی ترس و دڵەڕاوكێی قوتابییان لەو تاقیکارییە، بە دێوەزمەی کۆنکوور ناوی دەرکردووە، گەیشتووەتە ئاستێکی زۆر ئاسان و لاواز کە تەنانەت کەسانی پێوارـیش (غایب) دەتوانن بەشداری لەو تاقیکارییەدا بکەن.
کارناسان هۆکاری ئەوەی کە بەرپرسانی ڕێژیم دژایەتی خۆیان لەگەڵ لابردنی کۆنکوور دەردەبڕن بۆ ئەوە دەگەڕێننەوە، کە داهاتی کۆنکوور سەرسوڕهێنەرە و ئەوەش تەنیا دەخرێتە گیرفانی چەند کەس و ئیدارەیەکی تایبەتی ڕێژیمەوە.
لە دوای چەندین ساڵ قسە و باسی بەرپرسانی ڕێژیمی ئێران بۆ لابردنی کۆنکوور تا ئێستا بە ئەنجامێک نەگەیشتوون و ئەو پڕۆسەیە وەک خۆی ماوەتەوە.