• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

پشتیوانیی یه‌کیه‌تیی شۆڕشگێڕانی کوردستان، له‌ "که‌مپه‌ینی 10ی خاکه‌لێوه‌"

زایینی: ١٠-٠٤-٢٠١٢ - هەتاوی: ١٣٩١/٠١/٢٢ - ١٧:٤٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پشتیوانیی یه‌کیه‌تیی شۆڕشگێڕانی کوردستان، له‌
کوردستان میدیا: یه‌کیه‌تیی شۆڕشگێڕانی کوردستانی ئێران پاڵپشتیی خۆیان له‌ که‌مپه‌ینی 10ی خاکه‌لێوه‌ راگه‌یاند.

ده‌قی بڵاوکراوه‌ی پاڵپشتیی یه‌کیه‌تیی شۆڕشگێڕان به‌م شێوه‌یه‌:

هاونیشتمانانی خۆڕاگر

لاوانی ناسیۆنالیست

بنه‌ماڵه‌ی سه‌ربه‌رزی شه‌هیدانی کوردستان

به‌رپرسانی ناوه‌نده‌ بڕیار به‌ده‌سته‌کانی باشووری کوردستان

بۆ هه‌ر نه‌ته‌وه‌یه‌ک کۆمه‌ڵێک هێما و رووداوی مێژوویی هه‌ن که‌له‌ پاش تاوتوێ کردنیان له‌ پا‌رڵمان، یان ناوه‌نده‌ بڕیار به‌ده‌سته‌کان، وه‌ک رۆژ، یان رۆژانی نه‌ته‌وه‌یی به‌ فه‌رمی ده‌ناسرێن و هه‌ر نه‌ته‌وه‌یه‌ک به‌ شێوازێک یاد و ئه‌و رۆژانه‌ له‌ کاتی دیاری کراوی خۆیدا به‌رز ده‌نرخێنێت.

له‌ مێژووی گه‌لی کوردیشدا چه‌ندین رووداوی تاڵ و شیرین هه‌ن که‌ شایسته‌ی ئه‌وه‌ن وه‌ک رۆژانی نه‌ته‌وه‌یی و نیشتمانی بناسرێن و گه‌ل له‌و رۆژانه‌دا یادیان بکاته‌وه‌.

هه‌ر له‌و پێوه‌ندییه‌دا رۆژی 10ی خاکه‌لێوه‌، واته‌ رۆژی له‌ سێداره‌دانی پێشه‌وا قازی محه‌ممه‌د و یارانی، که‌ چه‌ندین ساڵه‌ کۆمه‌ڵێک حیزب و رێکخراوی کوردستانی ئه‌و رۆژه‌یان وه‌ک رۆژی شه‌هیدانی کوردستان ناوزه‌د کردووه‌ و هه‌موو ساڵوه‌گه‌ڕێکی ئه‌و رۆژه‌ رێوڕه‌سمی تایبه‌تی بۆ ده‌گیرێت.

ئێستا که‌له‌ باشووری کوردستان، گه‌لی کورد خاوه‌نی پارلمانی خۆیه‌تی، زۆر ئاساییه‌ که‌ پارلمانتاره‌ ئه‌مه‌گناسه‌کان و وه‌فادارانی پێشه‌وا به‌ ده‌م داواکاری که‌مپینه‌که‌وه‌ بچن و تاوتوێی داواکارییه‌که‌یان بکه‌ن و زۆریش له‌ جێدایه‌ که‌ 10 خاکه‌لێوه‌ له‌لایه‌ن پارلمانی کوردستانه‌وه‌ وه‌ک رۆژی شه‌هیدانی کوردستان بناسێندرێت.

کۆمیته‌ی ناوه‌ندیی یه‌کیه‌تیی شۆڕشگێڕانی کوردستان له‌م راگه‌یندراوه‌دا ده‌نگی خۆی ده‌خاته‌ پاڵ ده‌نگی که‌مپینی 10ی خاکه‌لێوه‌ و هه‌مان بانگه‌واز ئاراسته‌ی به‌ڕێزان کاک مه‌سعود بارزانی سه‌رۆکی هه‌رێم و سه‌رۆکایه‌تی پارلمانی کوردستان ده‌کات بۆ به‌ فه‌رمی ناسینی 10ی خاکه‌لێوه‌ وه‌ک رۆژی شه‌هیدانی کوردستان.

بژی کورد

پایه‌دار بێت کوردستان

کۆمیته‌ی ناوه‌ندیی یه‌کیه‌تیی شۆڕشگێڕانی کوردستان

18ی نه‌ورۆزی 2712 ی کوردی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک