كوردستان میدیا: چەند رۆژ لەمەوبەر دایكی دوو شەهیدی حیزبی دێمۆكراتی كوردستانی ئێران لە ناوچەی گەوركایەتیی سەقز ماڵ ئاوایی لە ژیان كرد.


بەپێی هەواڵی سایتی كوردستان میدیا، حەلیمە رەسووڵی خەڵكی ئاوایی هێجانانی سەر بە ناوچەی گەوركایەتی لە تەمەنی ٧٠ ساڵیدا كۆچی دوایی كرد.
حەلیمە رەسووڵی دایكی ئەحمەد و محەممەد سەحرا گەرد دوو شەهیدی حیزبی دێمۆكرات بوو.
حیزبی دێمۆكراتی كوردستانی ئێران وێڕای دەربڕینی هاودەردی و هاوخەمی، سەرەخۆشی لە بنەماڵەی حەلیمە رەسووڵی و خەڵكی ناوچەكە دەكات.

رۆحی شاد