• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ژانویەی ٢٠١٨ی زایینی - ٣٠ی بەفرانباری ١٣٩٦ی هەتاوی  

خەباتی ڕۆژهەڵات بەردەوامە

زایینی: ٠٥-٠١-٢٠١٨ - هەتاوی: ١٣٩٦/١٠/١٥ - ١٥:٥٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
خەباتی ڕۆژهەڵات بەردەوامە
بەشی یەکەم

گەلێک ئازادی بوێ دەبێ نرخی ئەو ئازادییەش بدات.

شەهید دوکتوور قاسملوو

شەماڵ تەرغیبی

بەرایی


سەربوردە و بەسەرهاتی گەلی کورد ڕەنگە یەکێک لە ناخۆشترین بەسەرهاتەکانی مێژووی مرۆڤایەتی بێ کە تەنیا هاوشێوەکەی لە نێو سوورپێستەکانی ئامریکا یان ڕەش‌پێستەکانی ئافریقا ببیندرێتەوە؛ بەچەشنێک کە زۆر لەوە ناخۆشترو کارەساتبارترە کە ناوی بنرێ تراژێدیا. زۆر زەحمەتە مرۆڤ بتوانێت ناوێکی گونجاو بۆ چارەنووسی خوێناوی کورد بدۆزێتەوە. بەهەر حاڵ تراژێدیا، ژینۆساید، کارەسات یان هەر ناوێکی دیکە؛ ئەوەیکە گرینگە ڕەنگە ئەو پرسیارە بێت کە هۆکارەکانی ئەم دۆخە چین؟ یان بە واتایەکی دیکە هۆکاری سەرهەڵدانی تراژێدیای گەلی کورد چییە وکێ بەرپرسیاری خوڵقاندنی ئەم کارەساتەیە؟

زۆر کەس لەو بڕوایەدان کە هۆکارە نێوخۆییەکان وەک خیانەت، جیاوازی ئایینی وعەشیرەتی، لاواز بوونی سیاسەت و دیپلۆماسی، دواکەوتوویی سیاسی و کۆمەڵایەتی بوونەتە هۆکاری یەکلاکەرەوەی نەگەیشتنی کورد بە مافی خۆی؛ بەدڵنیاییەوە ئەم هۆکارانە هەر کام بۆخۆیان دەور و ڕۆڵ و شوێندانەرییان لە پێکهاتنی ئەم دۆخەدا هەبووە، بەڵام بێ‌شک ناتوانن هۆکاری یەکلاییکەرەوە بن و چەندین پرسی دیکەش نەخشیان گێڕاوە.

کوردستان خاوەن هەڵکەوتێکی هەستیاری جوغرافیایی و ژێئۆپۆلتیکییە کە دەتوانین بێ دوودڵی بڵێین لە هەستیارترین شوێنی جیهان واتە ڕۆژهەڵاتی نێوەڕاستدا هەڵکەوتووە؛ لە ڕۆژهەڵاتی نێوەڕاستیشدا لە گرینگترین شوێن واتە ئاخێزگەی شارستانیەت هەڵکەوتووە و توانیویەتی لە ڕووی سیاسی، ئابووری، کۆمەڵایەتی و کلتوورییەوە باندۆڕی زۆر لە سەر هاوکێشە جیهانییەکان دابنێ، هەرئەمەش بووەتە هۆکارێک لەمەڕ ئەوەیکە بە درێژایی مێژوو ببێتە جێگای ململانێ و مشت‌ومڕی سیاسی و ئابووری هێزە نێوخۆیی و ناوچەیی و جیهانییەکان کە بەشی زۆریان بۆ وەدەستخستنی بەرژەوەندی سیاسی و ئابووری ڕوویان لەم ناوچەیە کرد و بوونە هۆکارێکی سەرەکی لەمەڕ گۆڕینی ڕەوشی ناوچەکە و چارەنووسی زۆربەی نەتەوەکانی ئاکنجی ئەم ناوچەیان گۆڕی کە لەم نێوانەدا گەلی کورد پشکی شێری بەرکەوت و زلهێزەکان ڕاستەوخۆ دەستیان لە چارەنووسی وەردا، بەچەشنێک کە چارەنووسی کورد بووە قوربانی بەرژەوەندی ئابووریی و سیاسی ئەم زلهێزانە، لە سەرووی هەمووانیشەوە بریتانیا، ڕووسیاو فەڕانسە.

زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.

واتە ئەگەر لە چوارچێوەی بەرژەوەندی زلهێزەکاندا ببا، بێ ئەوە کورد هیچ خەباتێکی بکردبایا یان تەنانەت ئاگاشی لێ نەبایا(وەک گەلی ئەفغانستان، سوریا، عێراق، بەحرەین، کوەیت و..) دەبوو بە خاوەن دەوڵەت و سەروەری، بەڵام چونکە بە پێچەوانەوە بوو، لە مافی دامەزراندنی دەوڵەتی نەتەوەیی خۆی بێبەش کراو هەرچەندە خەباتیشی کرد، بێ ئەکام بوو.

پاش ئەم قۆناغی دابەشکردنی ناوچە لەلایەن زلهێزەکانەوە کە لە ئاکامیدا کورد پارچە پارچە بوو و کەوتە ژێر دەست و دەسەڵاتی داگیرکەران کە هیچ ڕێزێکیان لە سەروەری و مافی ئەم گەلە بەشخوراوە نەدەگرت، کورد هیچ ڕێگەیەکی بۆ نەمایەوە جگە لەوەی کە دەست بکات بە خەباتێکی ڕزگاریخوازانەی دوورو درێژ و خوێناوی و گەلێ لە ڕۆڵە قارەمانەکانی ئەم نەتەوەیە لەم ڕێگا پیرۆزەدا گیانی خۆیان فیدا کرد، بەڵام بەداخەوە ئەمجارەش بەرژەوەندی زلهێزەکان سەری هەڵدایەوەو تێکەڵ بە زێدەخوازی دەوڵەتە داگیرکەرەکان بوو و لە ئاکامی ئەم هاوپەیمانییە دزێوەدا ڕاپەڕینە یەک لەدوای یەکەکانی کورد هەرەسیان هێنا و پاش ئەوە، کوشتن وسووتاندن وکاولکارییەکان دەستیان پێکرد. دەوڵەتە داگیرکەرەکان مانی خۆیان لە نەمانی ئەم گەلە بندەستەدا دەدیت وبۆ گەیشتن بەم ئامانجە دزێوەش بۆنی نەوتیان کرد بە لووتی زلهێزە چاوڕژدەکان و جیهانی ئازادیان کوێر و کەڕ کرد.

کورد هەموو ڕێگەیەکی تاقی کردەوە تاکوو بە مافە ئینسانی و نەتەوەییەکانی بگات، دەستی دۆستایەتی بۆ هەموو کەسێک درێژکرد، متمانەی بە گەلێک لایەن کرد، بەڵام خەیانەتی پێکراو سەرەنجام بەم ئەنجامە گەیشت کە تەنیا دۆستێک هەیەتی شاخەکانی کوردستانن.
بەتاوانی ئەوەیکە دەیهەویست کورد بێت، کورد بمێنێ و لەسەرخاکی باب‌وباپیرانیدا بە ئازادی وسەربەرزی بژی، بەهایەکی گرانی دا، ئەوەندە گران کە تەنانەت مێژووش بەشەرمەوە نکۆڵی لێدەکات.

لەسەدەی بیستەمدا، یەکەم نەتەوە بوو کە لە بەرامبەر بیروڕای بەڕواڵەت ئازاد و مافی مرۆڤپەروەری ڕۆژئاوا! و بانگەشەکەرانی ئازادی و یەکسانی! بوو بەقوربانی چەکی کیمیایی و قوربانی ئاپارتایدی سیستماتیکی دەستپەروەردەکانی باوەپیارانی دێموکراسی و شارستانی.

بۆ کوورت کردنەوەی بەرایی باسەکەم لێرەدا ئاماژە بە وتەیەکی بەناوبانگی "دانیەل میتران" چالاکی نێونەتەوەیی بواری مافی مرۆڤ دەکەم؛ ناوبراو لە ساڵی١٩٩٧ لە ئاخێوەرییەک لە پارلمانی فەڕانسە ئاماژە بە خاڵێکی سەرنجڕاکێش دەکات و دەڵێ:"کوردەکان تەنیا تیرۆر بووانێکن کە هەمیشە بە تووندوتیژ ناودێر کراون". ئەم ڕستەیە دەرخەری ڕاستییەکی تاڵ و تۆقێنەری بزووتنەوەی ئازادیخوازانەی نەتەوەی کوردە لەم دووسەدەیەی دواییدا. نەتەوەیەک کە بەردەوام حەقیقەتی بوونی لە تەواوی لایەن و ڕەهەندەکانییەوە نکۆڵی لێکراوە.

کورد گەورەترین نەتەوەی بێ‌دەوڵەت

هەروەک پێشتریش ئاماژەی پێکرا، کورد لە جیهاندا گەورەترین نەتەوەی بێ‌دەوڵەتە؛ خاکی کوردستان لە پاش شەڕی چاڵدێران لە ساڵی ١٥١٤ی زایینی لە نێوان دوو ئیمپراتۆری عوسمانی و سەفەویدا بەکردەوە دابەش کرا؛ ئەم دابەشکردنە لە ساڵی ١٦٣٩ بە واژۆکردنی پەیمانی زەهاو لە نێوان حکومەتی سەفەوی و عوسمانی بە فەرمی ڕاگەیەندرا. دوای شەڕی یەکەمی جیهانی و هەڵوەشانەوەی ئیمپراتوری عوسمانی، خاک و خەڵکی کوردستان بۆ جارێکی دیکە ڕووبەڕووی دابەشکردنێکی تازە بوویەوە و دواجار بە سەر ٣ وڵاتی تازەدامەزراوی تورکیە، عێراق و سوریە و وڵاتی ئێرانی پاش سەفەوی دابەش کرا.

لە پاش ئەم ڕووداوە، نەتەوەی کورد لە هەموو بەشەکان کەوتە بەر پۆستاڵی داگیرکەران و مافە نەتەوایەتییەکانی (ئەمجارەیان بەشێوەیەکی یاسایی و حقوقی) پێشێل کرا؛ لە کۆتاییەکانی سەدەی ١٩ی زایینییەوە هزری نەتەوەیی لە ڕۆژهەڵاتی نێوەڕاستدا سەری هەڵدا و کاریگەری ڕاستەوخۆی لەسەر بزووتنەوەی مافویستانەی گەلی کورد لە هەموو پارچەکانی کوردستانیش دانا.

له ساڵی ١٨٨٠ی زایینی بە دواوه، بە دەستپێكردنی ڕاپەڕینی شێخ عوبەیدوڵلای نەهری به دژی هەر دوو دەسەڵاتی عوسمانی و قاجاڕ و به هێنانەگۆڕی داخوازی دامەزراندنی دەوڵەتێكی سەربەخۆی كوردی، بەردی بناغەی بیری نەتەوەیی لە هەموو کوردستاندا دانرا.

له‌ ساڵانی كۆتایی شه‌ڕی جیهانیی یه‌كه‌مدا، به‌ هاتنه‌ سه‌ركاری ڕه‌زاخانی په‌هله‌وی، سمایل ئاغای شكاك سه‌رهه‌ڵدانێكی‌ نه‌ته‌وه‌یی‌ له‌ باكووری كوردستانی ئێران، به‌ مه‌به‌ستی‌ دامه‌زرانی‌ قه‌واره‌یه‌كی نه‌ته‌وه‌یی بۆ گه‌لی كورد، وه‌ڕێ‌ خست. هاوكاتبوونی ڕاپه‌ڕینی سمكۆ له‌گه‌ڵ سه‌رهه‌ڵدانه‌ نه‌ته‌وه‌ییه‌كانی شێخ مه‌حموودی به‌رزه‌نجی و شێخ سه‌عیدی پیران له‌ باشوور و باكووری كوردستان، له‌ به‌رامبه‌ر ده‌وڵه‌ته‌ تازه‌ دامه‌زراوه‌كانی عێراق و توركیه‌دا، ده‌رفه‌تێكی مێژوویی بۆ كورد ره‌خساند، تا بتوانێ چاره‌نووسی خۆی به‌ ده‌سته‌وه‌ بگرێ. به‌ڵام هه‌لومه‌رجی دژواری نێونه‌ته‌وه‌یی كه‌ به‌ هۆی شۆڕشی سوسیالیستییه‌وه‌ هاتبووه‌ ئاراوه‌، زیاتر ناوچەكەی كرده‌ مه‌یدانی گه‌مه‌ی زلهێزه‌كان. ئاماده‌نه‌بوونی زه‌مینه‌ی نێوخۆیی و هێرشه‌ هه‌مه‌لایه‌نه‌كانی هه‌ر سێ دەوڵه‌تی تازه‌دامه‌زراو و پشتیوانه‌كانیان بۆ سه‌ر كوردستان، هه‌ر سێكی ئه‌و راپه‌ڕینانه‌یان تێك شكاند.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.