• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ

زایینی: ٠٥-٠١-٢٠١٨ - هەتاوی: ١٣٩٦/١٠/١٥ - ١٦:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.

ئەم وتووێژە ڕێکەوتی ١٠ی بەفرانبار ئەنجام دراوە.


لە ڕۆژی پێنجشەممەوە، ڕێکەوتی ٧ی بەفرانباری ١٣٩٦ی هەتاوی، خۆپیشاندان و کۆبوونەوەی ئێعترازی بەربڵاو، لە شارە جیاوازەکانی کوردستان و ئێران دژ بە سیاسەتە فاشیستیی و دژەمرۆییەکانی ڕێژیمی ئێران سەری هەڵداوە. بەپێی دوایین هەواڵەکان، لانیکەم ٤٠ شاری گەورە و بچووکی ئێران و کوردستان بۆ ڕووخانی ڕێژیمی تێرۆریستیی ئێران تێکەڵ بەم ناڕەزایەتییە خەڵکییانە بوون. هەر لەم پێوەندییەدا شەوی شەممە ڕێکەوتی ٩ی بەفرانبار شەش کەس لە خەڵکی ناڕازیی شاری "دووڕوو" سەر بە پارێزگای لوڕستان، بە تەقەی ڕاستەوخۆی هێزە سەرکوتکەرەکانی ڕێژیم کوژران و چەکدارە تێرۆریستەکانی سپا، ئیتلاعات و بەسیج بە جێگیر کردنی بەشێکی بەرچاو لە هێزەکانیان و بە نواندنی ڕێژەیەکی زۆر لە زرێپۆش و ماشینە ئاوپڕژێنەکان، کەشوهەوایەکی تەواو پۆلیسی و خەفەقانیان بەسەر شارەکانی کوردستاندا سەپاندووە. لەم پێوەندییەدا و هەر لە یەکەم کاتژمێرەکانی دەسپێکی ئەم ناڕەزاییەتییانەدا، بەرپرسانی پلەبەرزی چەندین وڵاتی جیهان لە هەمبەر ئەم ڕووداوانە دژکردەوەیان نیشان دا و وەزارەتی دەرەوەی ئامریکاش بە بڵاوکردنەوەی ڕاگەیەندراوێک داوای لە کۆمەڵگەی نێونەتەوەیی کرد، کە پشتیوانیی لە خۆپیشاندانە خەڵکییەکانی ئێران بکەن.

لە ماوەیەکی کورتدا پاش خۆپیشاندانەکانی مەشهەد بینەری بەرفراوان بوونەوەی ئەم خۆپیشاندانانە لە شارەکانی دیکەی ئێران بووین؛ بەرێزتان خێرایی و ئاستی بڵاوبوونەوەی ئەم ناڕەزایەتییانە چۆن دەبینن؟

بە ڕای من هۆکاری پەرەسەندنی ڕێژەی ئێعترازەکان بۆ شارەکانی دیکە، دەگەڕێتەوە بۆ گشتگیر بوونی ئێش و ئازاری خەڵکی ئێران لە سەرانسەری ئەم وڵاتەدا یان وەک باوە، بوونی ئێشێکی هاوبەش؛ ئەگەرچی لە پەراوێزی ئێران و بەتایبەت لەو ناوچانەی کە نەتەوە غەیرە فارسەکان تێیدا دەژین تووشی زوڵمی دووقات بوون، بەڵام بەشێوەیەکی گشتی زۆربەی هەرە زۆری خەڵکی ئێران هەژارن و قەیرانە جۆراوجۆرەکان یەخەی دادڕیون.

لەلایەکی دیکەشەوە ئەم قەیرانانە ڕابردوویەکی دوورودرێژیان هەیە و مانگ بە مانگ و ساڵ بە ساڵ ئێش و ئازارەکانی دەرهاویشتەی ئەم دۆخە، لەسەر یەک کەڵەکە بوون و هیچ هەنگاوێکیش بۆ چارەسەری ئەم کێشانە و سووک کردنی قورسایی ئەم ئاریشانە لە سەر شانی خەڵک هەڵنەگیراوە. ڕق و بوغزی پەنگخواردووی خەڵک تەقییەوە و پاش ئەزموون کردنی تاک و جیناحە جیاوازەکان لە ماوەی ٤٠ ساڵی ڕابردوودا، هیچ ڕێگەیەک جگە لە تەقینەوەی تووڕەیی خەڵک بوونی نەما.

وەزارەتی دەرەوەی ئامریکا داوای لە وڵاتانی جیهان کردووە تاکوو پشتیوانی ئێعترازە خەڵکییەکان لە ئێران بەدژی ڕێژیمی ئیسلامی بن، مەبەست لەم پشتیوانییە چییە و لە چ ئاستێکدایە؟

هەموومان بینەری ئەوە بووین کە پڕێزیدێنت ترامپ بەهۆی هەندێک ئایدیای ڕوون سەبارەت بە کۆماری ئیسلامی و ئێران هەڵبژێردرا و سەرۆکایەتی ویلایەتە یەکگرتووەکانی ئامریکای وەدەست هێنا. لە چەند مانگی ڕابردوودا چەندین جار لەلایەن سەرکردە سیاسییەکانی ئامریکاوە، پەیام ئاراستەی کۆماری ئیسلامی کراوە. من پێم وایە ئامریکا پێویستی بە شۆڕشێکی گشتیی لەلایەن خەڵکی ئێرانەوە هەیە تاکوو بتوانێ کۆمەڵێک ئاڵوگۆڕ لە ئێراندا ئەنجام بدات. ڕێکارەکانی گۆڕینی ڕێژیم لە عێراق و ئەفغانستان بۆ ئامریکا بە قازانج نەبوون بۆیە باشتر وایە ئێرانییەکان بۆ خۆیان بەشێوەی ڕاستەوخۆ ڕەوتی گۆڕان دیاری بکەن و بەشێک لە بەرپرسایەتیی چارەنووسی سیاسییان بکەوێتە دەستی خۆیان. ڕۆژی ڕابردووش پرێزیدێنت ترامپ و وەزارەتی دەرەوەی ئامریکا بە ڕوونی پشتیوانی خۆیان لە پرسی گۆڕینی ڕێژیم لە ئێران دەربڕی و بە بڕوای من ئەم پشتیوانییە تا ئەو جێگە دەچێتە پێش کە پاڵپشتی لە دژبەرانی کۆماری ئیسلامی بکرێت؛ بۆ ئەم مەبەستەش ئامریکا هەوڵ بۆ کۆکردنەوەی پشتیوانییەکی جیهانی دەدات.

کوردستان لە زۆربەی کاتەکاندا شاهێدی ئێعترازی بەربڵاو و گشتگیر بووە کە زۆربەی شارەکانی ئەم نیشتمانەش لە خۆ دەگرێ؛ بۆ وێنە خۆپیشاندانە بەربڵاوەکانی ئەم دواییانەی بانە، سنە و کرماشان لە ئێعتراز بە کوشتنی کۆڵبەران کە بەشێوەیەکی نامرۆڤانە لەلایەن چەکدارانی ڕێژیمەوە سەرکوت کرا بەڵام هیچ کاتێک نەمانبینی کە ئەو وڵاتانەی ئەمڕۆ پشتگیری خۆپیشاندانەکانی ئێران دەکەن، پاڵپشتیش لە ئێعترازی کوردەکان بکەن. پێتان وایە هۆکارەکەی چییە؟

بەشێک لەم پرسە بەستراوەتەوە بە بەرژەوەندییەکانی ئەو وڵاتانە و جۆری پێوەندییەکانیان لەگەڵ حکومەتی ناوەندیی ئێران، بۆوێنە ئێمە لە پاش تێرۆری شەهید دوکتور قاسملوو بینیمان کە ماف و دادپەروەری، کرانە فیدای بەرژەوەندییە بازرگانی و ئابوورییەکانی ئۆتریش لەگەڵ ڕێژیمی زاڵ بەسەر ئێران؛ لە ئێستاشدا شێوازی ڕوانینی دەوڵەتە ڕۆژئاواییەکان گۆڕانێکی ئەوتۆی بەسەردا نەهاتووە. بۆوێنە پشتیوانی نەکردنی ئۆرووپاییەکان لە ئاکامی ڕیفراندۆمی کوردستانی باشور و کاتالۆنیا لە ئیسپانیا. لەپێوەندی لەگەڵ ڕۆژهەڵاتی کوردستانیش هەمان سێناریۆیە و من پێم وایە ڕۆژئاواییەکان سرنج دەدەنە ناوەند و پەراوێزەکان لەبیر دەکەن.

بەشێکی دیکەی ئەم پرسەش دەگەڕێتەوە بۆ خودی کوردەکان. ستایل و شێوازی کار و لابی‌گەری حیزبە کوردستانییەکان و ڕێژەی بایەخێک کە بە دیپلۆماسی دەیدەن، کاریگەری ڕاستەوخۆی هەیە لە سەر ڕەوتی ڕاکێشانی سرنجی ڕۆژئاواییەکان بۆ پرسی کورد. لە کۆتاییدا من پێم وایە ئیرادەی گشتی کوردەکان لە ئێران بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ. ئەوەیکە بۆ من ڕوون و ئاشکرایە تەنیا ملکەچ بوونی جیهانە لەبەرامبەر ئیرادەی نەتەوە و هیچی دیکە.

بە ڕای ئێوە نوێنەرایەتییەکانی حیزب لە دەرەوەی وڵات چەندە دەتوانن بۆ ڕاکێشانی بیروڕای گشتی و ڕای وڵاتانی دنیای ئازاد لەمەر پشتیوانی لە جووڵە ئێعترازییەکانی خەڵک بەتایبەت لە جمانە خۆڕسکەکان کاریگەرییان هەبێ و لەم پێوەندییەدا دەتوانن چی بکەن؟

بە باوەڕی من نوێنەرایەتییەکانی حیزب پێش لە هەموو شتێک دەبێ بە شێوەیەکی پڕۆفیشناڵ بچنە نێو گۆڕەپانی دیپلۆماسی و کاری حیزبی؛ ئەمە بەشێکە لە کەمایەسییەکانی ئێمە. تا ئەو کاتەی کە ئێمە نەتوانین بەشیوەی پڕۆفیشناڵ کاروباری حیزبی ڕاپەڕێنین نابێ چاوەڕوانی ئاکام و دەرەنجامی مەزن و پۆزەتیڤ بۆ حیزب بین. بە کۆدەنگی لەسەر ئەم پرسە دەتوانین لە ماوەیەکی زەمەنی کورتدا ڕێژە و چییەتی نوێنەرایەتییەکانی حیزب لە دەرەوەی وڵات ببەینە سەر و هاوتەریب لەگەڵ پێویستییەکانی حیزب و نەتەوەی کورد لە ئێران ڕێکیان بخەین. نابێ ئەوە لە بیر بکەین کە بەشی بەرچاوی شانس بۆ سەرکەوتن لە "مەیدان داری"دایە و ئەمەش شێواز و تەوەری جۆربەجۆەری هەیە. نەتەوەی کورد تێچووی زۆر قورسی لەم پێناوەدا داوە. ئەم نەتەوە سەربەرزە، خاوەنی هەزاران شەهیدە لە ڕێگەی وەدیهێنانی ئازادی و دێموکراسی و باقی بایەخە جیهانییەکانی دیکە. لە ڕاستیدا ئێمە پێبەند و ئەرکدارین کە قەرزی خۆمان بەم لەخۆبووردووییانە بدەینەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.