• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

حیزبی دێموکرات و کۆمەڵە: پێش بە ماشینی کوشتاری ڕێژیم بگرن

زایینی: ١١-٠١-٢٠١٨ - هەتاوی: ١٣٩٦/١٠/٢١ - ١٧:٢١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حیزبی دێموکرات و کۆمەڵە: پێش بە ماشینی کوشتاری ڕێژیم بگرن
کوردستان میدیا: حیزبی دێموکراتی کوردستانی ئێران و کۆمەڵەی شۆڕشگێڕی زەحمەتکێشانی کوردستانی ئێران، لە ڕاگەیندراوێکی هاوبەشدا, داوایان لە کۆمەڵگای نێودەوڵەتی کرد، بە هانای خەڵکی ئێرانەوە بچن و پێش بە ماشینی کوشتار و داپڵۆسێنی ڕێژیمی کۆماری ئیسلامی لە ئێراندا بگرن.

دەقی ڕاگەیندراوەکە:

پێش بە ماشینی کوشتاری ڕێژیم بگرن

کۆمەڵانی خەڵکی کوردستان

نەتەوە مافخوازەکانی ئێران

خەڵکی ئازادیخواز

کۆڕ و کۆمەڵە نێونەتەوەیییەکان

هەروا کە بینیمان لە میانەی چەند ڕۆژ خۆپێشاندانی ئێعترازیی جەماوەری و سەرتاسەرییەکانی خەڵکی وەزاڵەهاتووی ئێران و هاواری مافخوازیی نەتەوەکان لە ئێراندا، کۆماری ئیسلامی ئەم جارەش بە بەرچاوی هەموو جیهانەوە جگە لە سەرکوت و داپڵۆساندن، هیچ وڵامێکی دیکەی بۆ داخوازی ڕەوا و مەدەنییانەی خەڵکانی ناڕازی نەبوو.

لەم ماوەیەدا بەپێی ئامارە فەرمی و نافەرمییەکان، بە هەزاران کەس لە لایەن دامودەزگا سەرکوتکەرەکانی ڕێژیمەوە دەسبەسەر کراون و سەدان کەس بریندار و دەیان کەسیش لە سەر ناڕەزایەتی دەربڕین لە شەقامەکان، بە دەستی هێزەکانی ڕێژیم کوژراون.

لە ڕەوتی دەسبەسەرکردنی ناڕازییان، بەوپەڕی توندوتیژییەوە هەموو مافە ئینسانی و یاسایییەکانی دەسبەسەرکراوان پێشێل کراون. کۆماری ئیسلامی ئەم جارەش تەنیا به ئەشکەنجە و سەرکوت و داپڵۆسین وڵامی داخوازییەکانی کۆمەڵانی خەڵکی دایەوە. لەم ڕۆژانەشدا، خامنەیی ڕێبەری ڕێژیم ڕایگەیاند کە ئەو کەسانەی لە خۆپیشاندانەکاندا بەشدار بوون مۆرەی دوژمنن و وێڕای بە "وەحشی" ناوی بردنیان، فەرمانی سەرکوتی توندوتیژتری دەرکرد و بۆیەش مەترسیی گیانی دەسبەسەرکراوان و خەڵکی ناڕازی و زیندانییانی سیاسی زۆرتر بووەتەوە.

بەپێی هەواڵەکان چەند کەس لە دەسبەسەرکراوان لە ژێر ئەشکەنجەدا کوژراون و بۆ چاوترسێن کردنی خەڵک، ڕێژیمی کۆماری ئیسلامی بە نیازی ڕێخستنی شەپۆلێکی دیکەی ئێعدامی زیندانییانی سیاسییە.

ویژدانە ئازادیخوازەکانی جیهان!

ڕێژیمی کۆماری ئیسلامی، سەرچاوەی تیرۆریزمی نێودەوڵەتییە و خەڵکی ڕاپەڕیو وئازادیخوازی ئێران پێویستیان بە پشتیوانیی هەموو جیهانە تا بە دەستی بەتاڵ بەڕەوڕووی ئەم ڕێژیمە نەبنەوە. ئەم ڕێژیمە لە ڕابردووشدا نیشانی داوە و ئیستەش هەمان ڕەوت درێژە دەدات و تۆڵەی هەموو شکستە سیاسی و پووچەڵ بوونەوەی پیلان و ئاژاوەگێڕییەکانی لە خەڵکی بێدەسەڵاتی وڵاتەکەی خۆی دەستێنێتەوە و بۆ ئەمەش لە زیندانییەکانەوە دەست پێ دەکات. بۆیە پێویسته هەرچی زووتر کۆمەڵگای جیهانی هەڵوێستی هەبێ و پێش بە ماشینی کوشتار و تاوانەکانی کۆماری ئیسلامی بگرێت.

هەر لەو پێوەندییەدا، وەزیری ئیتلاعاتی ڕێژیمی تاران، هەڕەشەی لە حیزبەکانی کوردستان کردووە و ڕایگەیاند کە گورزی قورسیان لێ دەوەشێنن. ئێمە نیگەرانی کردەوە و پیلانە تیرۆریستییەکانی کۆماری ئیسلامین، بەتایبەت بەرامبەر به ژن و منداڵی کوردانی ئێران کە لە کوردستانی عێراق نیشتەجێن. جێی وەبیرهێنانەوەیه پێشتریش بە دەیان کەس ئەندام و ڕێبەرانی حیزبەکانی کوردستانی ئێران لە لایەن کۆماری ئیسلامییەوە تێرۆر کراون و هەمیشە کردەوەی تیرۆریستی و تەقینەوە بە دژی ژن و منداڵی کوردەکانی ئێران لە کوردستانی عێراق ئەنجام دراوە.

خاوەن هەڵوێست بوونی کۆمەڵگای نێونەتەوەیی و کۆڕ و کۆمەڵ و ڕێکخراوە مافی مرۆیییەکان و وشیاری ڕای گشتی جیهانی و میدیاکان بۆ بە هاناوە چوونی خەڵکی بێدەسەڵات و ناڕازی ئێران دەتوانێت یارمەتیدەرێکی بەهێز بێت بۆ وەستانی ماشینی کوشتار و داپڵۆسینی ڕێژیمی کۆماری ئیسلامی لە ئێران.

کۆمەڵەی شۆڕشگێڕی زەحمەتکێشانی کوردستانی ئێران
حیزبی دێموکراتی کوردستانی ئێران

٢١ی بەفرانباری ١٣٩٦
١١ی ژانویەی ٢٠١٨
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: