کوردستان میدیا: سپای پاسداران ده‌یهه‌وێ به دروست کردنی رووداوی پێکدادان بۆ نه‌وتهه‌ڵگرێکی گه‌رووی هورموز، ئاوی که‌نداو پیس بکات و ده‌وترێ ئه‌م خراپکارییه وه‌ڵامێک بۆ گه‌مارۆکانی رۆژئاوا له‌دژی ئێران ده‌بێت.
به‌گوێره‌ی زانیاریی رێکخراوه هه‌واڵگرییه‌کانی رۆژئاوا، محه‌ممه‌د عه‌لی جه‌عفه‌ری فرمانده‌ری سپای پاسدارانی رێژیمی ئیسلامیی ئێران که به فرمانده‌رێکی توندئاژۆی سپا ناسراوه، هاوڕێ له‌گه‌ڵ عه‌لی فێده‌وی فرمانده‌ری هێزی ده‌ریایی سپای پاسداران، پیلانیان بۆ خراپکاری له که‌نداو داڕشتووه که له ئه‌گه‌ری جێبه‌جێ کردنی کاره‌ساتی ژینگه‌یی روو ده‌دات.
رۆژنامەی ئه‌شپیگل نووسیویه‌تی به‌ڵگه‌ی ئه‌م پیلانه به وشه‌ی نهێنیی آب گل‌آلود که وه‌کوو به‌ڵگه‌یه‌کی ته‌واو نهێنی ده‌سته به‌ندی کراوه، له‌به‌ر ده‌ست دایه و به پێی ئه‌م پیلانه گه‌رووی هورموز له رێگه‌ی کاره‌ساتێکی ئه‌نقه‌ست که بۆ نه‌وتهه‌ڵگرێک دێته پێشه‌وه، تووشی لێقه‌ومانی ژینگه‌یی ده‌بێ و به شێوه‌یه‌کی به‌ربڵاو پیس ده‌بێت.
سپای پاسدارانی رێژیمی ئیسلامیی ئێران وه‌کوو دەسەڵاتێکی تری نێو ده‌سه‌ڵات رۆڵ ده‌گێڕێت و له هێزی چه‌کدار پێکهاتووه، که به‌شه جۆراوجۆره ئابوورییه‌کانی ئێرانی کۆنترۆڵ کردووه.
ئێستا ئه‌و پیلانه له لای خامنه‌یی‌یه، که ده‌بێ وه‌کوو به‌رزترین ده‌سه‌ڵاتی بڕیارده‌وه ته‌ییدی بکات هه‌تا جێبه‌جێ بکرێت.
به‌گوێره‌ی زانیاریی رێکخراوه هه‌واڵگرییه‌کانی رۆژئاوا، محه‌ممه‌د عه‌لی جه‌عفه‌ری فرمانده‌ری سپای پاسدارانی رێژیمی ئیسلامیی ئێران که به فرمانده‌رێکی توندئاژۆی سپا ناسراوه، هاوڕێ له‌گه‌ڵ عه‌لی فێده‌وی فرمانده‌ری هێزی ده‌ریایی سپای پاسداران، پیلانیان بۆ خراپکاری له که‌نداو داڕشتووه که له ئه‌گه‌ری جێبه‌جێ کردنی کاره‌ساتی ژینگه‌یی روو ده‌دات.
رۆژنامەی ئه‌شپیگل نووسیویه‌تی به‌ڵگه‌ی ئه‌م پیلانه به وشه‌ی نهێنیی آب گل‌آلود که وه‌کوو به‌ڵگه‌یه‌کی ته‌واو نهێنی ده‌سته به‌ندی کراوه، له‌به‌ر ده‌ست دایه و به پێی ئه‌م پیلانه گه‌رووی هورموز له رێگه‌ی کاره‌ساتێکی ئه‌نقه‌ست که بۆ نه‌وتهه‌ڵگرێک دێته پێشه‌وه، تووشی لێقه‌ومانی ژینگه‌یی ده‌بێ و به شێوه‌یه‌کی به‌ربڵاو پیس ده‌بێت.
سپای پاسدارانی رێژیمی ئیسلامیی ئێران وه‌کوو دەسەڵاتێکی تری نێو ده‌سه‌ڵات رۆڵ ده‌گێڕێت و له هێزی چه‌کدار پێکهاتووه، که به‌شه جۆراوجۆره ئابوورییه‌کانی ئێرانی کۆنترۆڵ کردووه.
ئێستا ئه‌و پیلانه له لای خامنه‌یی‌یه، که ده‌بێ وه‌کوو به‌رزترین ده‌سه‌ڵاتی بڕیارده‌وه ته‌ییدی بکات هه‌تا جێبه‌جێ بکرێت.
