• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

خەباتی ڕۆژهەڵات بەردەوامە

زایینی: ٢٠-٠١-٢٠١٨ - هەتاوی: ١٣٩٦/١٠/٣٠ - ١٨:٤٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
خەباتی ڕۆژهەڵات بەردەوامە
گەلێک ئازادی بوێ دەبێ نرخی ئەو ئازادییەش بدات.

شەهید دوکتوور قاسملوو
شەماڵ تەرغیبی

بەشی دووهەم

بەڕێکخراوەیی کردنی خەبات


گه‌لی كورد له‌ كوردستانی ئێران دوای ئه‌و تێكشكانانه‌، وازی له‌ هه‌وڵدان بۆ خۆڕێكخستنه‌وه‌ به‌ مەبەستی داواكردنی مافه‌ نه‌ته‌وه‌ییه‌كانی نه‌هێنا و به‌ كه‌ڵك وه‌رگرتن له‌ هه‌لومه‌رجه‌ ناوچه‌یی‌ و جیهانییه‌كان، تێكۆشانی‌ خۆی‌ به‌ مه‌به‌ستی‌ پێكهێنانی رێكخراوێكی سیاسی، كه‌ بتوانێ هه‌ستی رزگاریخوازانه‌ی نەتەوه‌ی كورد له‌و پارچه‌یه‌ی كوردستاندا په‌ره‌ پێ بدا، ده‌ستپێكرد. پێشه‌نگ و بژارده‌ و رووناكبیرانی كورد له‌ رۆژهه‌ڵاتی كوردستان، به‌ كه‌ڵك وه‌رگرتن له‌ هه‌لومه‌رجی سیاسی پێكهاتوو له‌ ئه‌نجامی‌ شه‌ڕی جیهانیی دووهه‌م، له‌ رۆژی ٢٥ی گەلاوێژی ١٣٢١ی هەتاوی (١٦ی ئووتی ١٩٤٢ی زایینی) رێكخراوی نهێنی "ژ ـ ك"، (كۆمه‌ڵه‌ی ژیانه‌وه‌ی كورد)یان دامه‌زراند. دوای سێ ساڵ خه‌باتی نهێنی و ئه‌زموونی رێكخراوه‌یی، له‌ ٢٥ی گەلاوێژی ١٣٢٤ی هەتاوی (١٦ی ئووتی ١٩٤٥ی زایینی)دا و له‌سه‌ر بنه‌ما ته‌شكیلاتییه‌كانی‌ ئه‌م رێكخراوه‌یه‌ و به‌ خوێندنه‌وه‌یه‌كی واقیعبینانه‌ و سه‌رده‌میانه‌، حیزبی دێموكراتی كوردستان، وه‌ك رێكخراوێكی مۆدێڕن دامه‌زرا. دامه‌زرانی حیزبی دێموكراتی كوردستان به‌ رێبه‌ری پێشه‌وا قازی محه‌ممه‌د، و‌ڵامێكی به‌جێ و مێژوویی بوو بۆ ئه‌و قۆناغه‌ گرنگه‌ی بزاڤی رزگاریخوازانه‌ی نه‌ته‌وه‌كه‌مان. دامه‌زرانی حیزبی دێموكراتی كوردستان وه‌ك تاكه‌ پێشه‌نگ و رێكخه‌ری جووڵانه‌وه‌ی میللی ــ دێموكراتیكی خه‌ڵكی كوردستان، له‌ مێژووی خه‌باتی نه‌ته‌وایه‌تی كورد له‌ پێناو مافی دیاریكردنی چاره‌نووسیدا، به‌ خاڵێكی وه‌رچه‌رخانیش ده‌ژمێردرێ. چوونكه‌ له‌ رووی مێژووییه‌وه‌، حیزبی دێموكرات یه‌كه‌مین حیزبی كوردستانی بوو كه‌ هه‌ستی به‌ گرینگی رێكخراوی‌ سیاسی كرد و هه‌ر به‌ رێبه‌رایه‌تی‌ ئه‌م حیزبه‌ پێشڕه‌وه،‌ خه‌ڵكی‌ كورد بۆ یه‌كه‌مجار له‌ مێژوودا، بوو به‌ خاوه‌نی‌ دەسەڵاتێكی‌ نیشتمانی‌ و دێموكراتیك له‌ شێوه‌ی‌ كۆماریدا. پێشه‌وا قازی محه‌ممه‌د رێبه‌ری هه‌ڵكه‌وتووی ئه‌م حیزبه‌ له‌ ٢ی ڕێبەندانی ١٣٢٤ی هەتاوی (٢٢ی ژانویه‌ی ١٩٤٦) به‌ ڕه‌سمی دامه‌زرانی "كۆماری كوردستان" ی ڕاگه‌یاند و بوو به‌ سه‌ركۆماری ئه‌م كۆماره‌.

به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.

لە ساڵی ١٣٢٦ ەوە هەتا کۆتاییەکانی ١٣٥٧ی هەتاوی، لە ماوەی سەردەمی ڕەشی سەرەڕۆیی رێژیمی پاشایەتیدا هەزاران كەس لە ئەندامان و لایەنگرانی حیزب زیندانی كران و ئازار و ئەشكەنجە دران، لە كوردستان وەدەرنران، ئاوارە بوون و دەیان ڕۆڵەی خەباتگێڕی حیزب ئێعدام كران، بەڵام تێكۆشانی حیزب هەرگیز ڕانەوەستا.

خه‌باتی چه‌كداری ساڵه‌كانی ١٣٤٦-١٣٤٧ (١٩٦٧- ١٩٦٨) له‌ لایه‌ن حیزبی دێموكراته‌وه‌، بۆ جارێكی دیكه‌ش دوای كۆماری كوردستان، ده‌نگی ئازادیخوازیی گەلی كوردیان به‌ گوێی جیهان گه‌یاند. هه‌ر چەند ئه‌و جاره‌ش پۆلێك له‌ رێبه‌رانی شۆڕشگێڕی دێموكرات خوێنیان رژایه‌ سه‌ر خاكی كوردستان، به‌ڵام به‌و ڕاپه‌ڕینه‌ لاپه‌ڕه‌یه‌كی دیكه‌ی پڕ له‌ شانازی و حه‌ماسه‌یان له‌ مێژووی جووڵانه‌وه‌ی كورددا تۆمار كرد و ئه‌و راستییه‌یان به‌ دۆست و دوژمنانی ئازادی و نه‌ته‌وه‌ی كورد سه‌لماند، كه‌ رێبه‌رانی حیزبی دێموكرات هه‌میشه‌ له‌ ریزی پێشه‌وه‌ی خه‌بات و گیانبازیدان. هه‌ر ئه‌و فیداكاری و له‌خۆبوردووییه‌یه‌ كه‌ تا ئێستاش بووه‌ته‌ یه‌كێك له‌و هۆكارانه‌ی‌، حیزبی دێموكراتی كردووەته‌ حیزبی خۆشه‌ویست و جێگەی بڕوا و متمانه‌ی كۆمه‌ڵانی خه‌ڵكی كوردستان.

پاش سه‌ركوتی ئه‌م جووڵانه‌وه‌یه‌، رێبه‌ری زانای كورد، د. عه‌بدولڕه‌حمان قاسملوو رێبه‌رایه‌تیی حیزب و له‌م ڕێگەیه‌شه‌وه‌ رێبه‌رایه‌تی بزووتنه‌وه‌ی میللی ــ دێموكراتیكی نه‌ته‌وه‌ی كورد له‌ كوردستانی‌ ئێرانی‌ به‌ده‌سته‌وه‌ گرت. د. قاسملوو به‌رنامه‌ و پێڕه‌و و پێكهاته‌ی حیزبی له‌سه‌ر بنه‌مای فه‌رهه‌نگی شۆڕشگێڕانه‌ و ئوسوول و پرەنسیپه‌ دێموكراتییه‌كان رێكخسته‌وه‌ و حیزبی دێموكراتی گه‌یانده‌ ئاستێكی نوێی سیاسی.

دوای راپه‌ڕینی به‌رینی گه‌لانی ئێران له‌ ساڵی ١٣٥٧ی هه‌تاوی (١٩٧٩ی زایینی)، حیزبی دێموكراتی كوردستان له‌ رۆژی ١١ی ڕه‌شه‌ممه‌ی‌ ١٣٥٧ی هه‌تاویدا (٢٦ی فیوریه‌ی ١٩٧٩ی زایینی)، پاش زیاتر له‌ ٣٠ ساڵ خه‌باتی نهێنی، له‌ میتینگێكی گه‌وره‌ له‌ شاری مه‌هاباد، خه‌باتی ئاشكرای خۆی ڕاگەیاندەوه‌. حیزبی دێموكراتی كوردستانی‌ ئێران داخوازه‌ نه‌ته‌وه‌ییه‌كانی گه‌لی كوردی به‌ شێوه‌یه‌كی‌ ئاشتیخوازانه‌ خستنه‌ به‌رده‌م رێبه‌رایه‌تیی نوێی ئێرانه‌وه‌؛ به‌ڵام ڕێژیمی نوێ به‌ شه‌ڕ و سه‌ركوت وڵامی داخوازه‌كانی نه‌ته‌وه‌ی‌ كورد و حیزبی دێموكراتی دایه‌وه‌. هه‌ر له‌و كاته‌دا ڕێژیمی تازه‌ به‌ ده‌سه‌ڵات گەیشتوو، شه‌پۆلێكی توندئاژۆیی و دژایه‌تی له‌گه‌ڵ گه‌لان و به‌شێك له‌ وڵاتانی جیهان و هاووڵاتیانی جیابیری، ده‌سپێكرد.

لەم کۆبوونەوەدا شەهیدی نەمر دوکتور قاسملوو چەند وتەیەکی پێشکەش کرد؛ دوکتور قاسملوو لە وتەکانیدا دامەزراندنی سیستمێکی دێموکراتیکی لە ئێراندا، بە زامنی دەستەبەربوونی داواکارییە ڕەواکانی نەتەوەی کورد زانی، هەروەها باسێکی لە سەر مێژووی خەباتی حیزبی دێموکرات لە سەردەمی شاهەنشاهیدا پێشکەش کرد و باسی لەوە کرد کە: تاوانبارکردنی نەتەوەی کورد بە تەجزیەتەلەبی قسەیەکی کۆنە و ئەوەش دوژمنان وەپاڵ حیزبی دێموکراتی دەدەن.

ڕێبەری بلیمەتی کورد لە قسەکانیدا لە سەر مافی چارەنووس و ئیدارەی کوردستان پێداگری کردەوە و ڕایگەیاند کە کوردستانی ئێران دەبێت لە فەزای نیزامی و میلیتاریزه بێتە دەر و پادگانە نیزامییەکان دەبێ لە نزیکیی سنوورەکان بێت نەک لە نێو شارەکاندا.

لەو کۆبوونەوەیەدا دوکتور قاسملوو ڕایگەیاند: تێرۆری فیکری دەبێ حەزف بکرێت و هیچکەس نابێت به هۆی بیر و ڕای جیاوازەوە هەڕەشەی لێ بکرێت؛ ڕوو لە ئەندامان و کادرەکانی حیزبی دێموکراتیش ڕایگەیاند: ئەرکی ئەندامان و لایەنگرانی حیزبی دێموکراته کە ڕوانگه و بەرنامە و داواکارییەکانی حیزب ببەنە نێو کۆمەڵانی خەڵک و سەرنجی خەڵک بۆ پشتیوانی لە حیزبی دێموکرات ڕابکێشن؛ هاوکات بۆ زیندوو کردنەوە و دامەزراندنی ئۆرگانەکانی حیزبی دێموکرات هەوڵ بدەن و نابێ لە بیر بکەن "تەشکیلات" گرینگترین چەکی ئێمەیە.

ئاشكرایە كە بە سەركەوتنی شۆڕشی گەلانی ئێران و ڕووخاندنی ڕێژیمی حەمەرەزا شای پەهلەوی لە ساڵی ١٣٥٧ی هەتاویدا، هەلومەرجی كوردستانی ئێران گۆڕانی قووڵی بە سەردا هات، بە ڕادەیەك كە بە سەرەتای قۆناغێكی نوێ بۆ وەدیهێنانی مافە نەتەوایەتییەكانی گەلی كورد دێتە ئەژمار. حیزبی دێموكراتی كوردستانی ئێران، پاش سی و دووساڵ خەباتی نهێنی و ژیانی ئاوارەیی سەر لە نوێ ئاشكرا بوونی خۆی ڕاگەیاندەوە. كوردستانی ئێران بۆ یەكەمجار لە دوای ڕووخاندنی كۆماری كوردستاندا تامی ئازادی ڕاستەقینەی دەچێشت و دەسەڵاتی ناوەندی بە سەرەوە نەبوو؛ پاش بێ ئاكام بوونی گفتوگۆی نێوان هەیئەتی نوێنەرایەتی گەلی كورد و ڕێژیمی كۆماری ئیسلامی، ڕێژیم بڕیاری دا كێشەی كورد لە ڕێگەی هێرشی نیزامیی و گەمارۆی ئابوورییەوە یەكلایی بكاتەوە؛ هەر بۆیە لە بەهاری ساڵی ١٣٥٨ی هەتاویدا هێرشێكی بەربڵاوی نیزامیی بۆ سەر كوردستان دەست پێكرد كە پاشان خومەینی بە دەركردنی فەتوای جیهاد لە ٢٨ی گەلاوێژی ١٣٥٨ی هەتاویدا ڕەنگ و بۆنێکی فەرمی پێ بەخشی و لەشكركێشی پاسدارانی ڕێژیمی بۆ كوشتاری ڕۆڵەكانی نەتەوەی كورد لە كوردستانی ئێران دەست پێكرد كە تا ئێستاش لە شێوەی جۆراوجۆردا هەر بەردەوامە.

هەر لە سەرەتای شۆڕشی گەلانی ئێراندا شەهید دوكتور قاسملوو یەكەم كەسی كورد و ئێرانی بوو كە هەوڵە پاوانخوازییەكانی خومەینی و تاقمەكەی بە هەوڵێك بۆ دامەزراندنی دیكتاتۆرییەتێكی مەزهەبی لە ئێراندا لە قەڵەم دا؛ هەر بۆیە حیزبی دێموكرات ڕیفراندۆمی ڕێژیمی بۆ دامەزراندنی «كۆماری ئیسلامی» بایكوت كرد، بەڵام زۆر لایەنی چەپ و ماركسیستی، ئەو باوەڕەیان لا دروست ببوو كە خومەینی لە دژایەتیكردنی ئیمپریالیزم و بە تایبەت ئامریكا هەنگاو دەنێت، هەر بۆیە بە كردەوە پشتیوانیان لە سیاسەتەكانی ڕێژیم دەكرد. تەنانەت ئەم لایەنانە كاتێك باڵوێزخانەی ئامریكا لە ١٣ی خەزەڵوەری ١٣٥٨ی هەتاوی لە لایەن تاقمێك خوێندكاری تووندڕەوی سەر بە ڕیژیمی نوێ دەستی بە سەردا گیرا و هێرشی نیزامیی ڕێژیم بۆ سەر كوردستان دەستی پێكرد، پشتیوانیان لەو حەرەكەتەی خوێندكارانی پێڕەوی ئیمام و هێرشی ڕێژیم بۆ سەر كوردستان كرد. لە بەرامبەریشدا حیزبی دێموكراتی كوردستانی ئێران بە ڕێبەرایەتی دوكتور قاسملوو ئەو كردەوەی ڕێژیمی كۆماری ئیسلامی، واتە گرتنی باڵوێزخانەی ئامریكای مەحكووم كرد كە ئیستا ئەم هەڵوێستە مێژووییە بۆتە جێگای ڕێزی زۆربەی حیزب و ڕێكخراوە سیاسییەكانی كورد و ئێرانی و بیانی.

لەو كاتەوه داخوازه نەتەوەییەكانی گەلی كورد له كوردستانی ئێران به بەردەوامی (بەڵام به داخوازیی گونجاو لەگەڵ هەلومەرجی سەردەم)، هاندەر و هەوێنی گشت چالاكییه سیاسییەكانی كۆمەڵانی خەڵك و حیزبی دێموكرات، بوون. بزووتنەوەی نەتەوەیی له كوردستانی ئێران وێڕای وەدواكەوتنی مافە نەتەوەییەكانی گەلی كورد لەو پارچەیه، هاوكات بوو به مەكۆی خەبات له دژی هەر جۆره كۆنەپەرستی، دیكتاتۆری و چەوسانەوەیەكیش. به شێوەیەك كه نەتەنیا هەموو ئازادیخوازانی كورد له هەموو بەشەكانی كوردستان، بەڵكوو تێكۆشەرانی بەشەكانی دیكەی ئێرانیش، له كوردستانەوه هاواری ئازادیخوازیی خۆیان به گوێی نەتەوەكەیان و به ئاگاداریی جیهان گەیاندووه.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.