کوردستان میدیا

ماڵپەڕی ناوەندیی حیزبی دێموکراتی کوردستانی ئێران

هێزه‌ ئیتلاعاتییه‌کانی رێژیم زه‌خت و گوشاریان خستۆته‌ سه‌ر بازاری دینار فرۆشانی بانه‌

20:34 - 24 رەزبەر 2712

کوردستان میدیا: هێزه‌ ئه‌منیه‌تییه‌کانی سه‌ر به‌ ئیداره‌ی ئیتلاعاتی رێژیم سه‌ره‌ڕای گرتن و ئه‌شکه‌نجه‌ و کوشتن هاووڵاتیانی کورد، چه‌ندین هاووڵاتیی مه‌ده‌نیی کوردیان که‌ سه‌رقاڵی کڕین و فرۆشی دینار و دۆلارن بانگهێشت‌ کردووه.


هێزه‌کانی رێژیم به‌بێ‌ هیچ هۆکارێک رژاونه‌ته‌ بازاری دینار و دۆلار فرۆشانی شاری بانه‌ و ئه‌و بازاره‌یان داخستووه.
به‌پێی هه‌واڵی ماڵپه‌ڕی کوردپا، پێشتریش له‌مانگی ره‌زبه‌ردا ژماره‌یه‌ک کاسبکار له‌ بازاری دۆلار فرۆشانی سه‌رده‌شت له‌لایه‌ن هێزه‌ لیباس شه‌خسییه‌کانه‌وه‌ ده‌ستبه‌سه‌ر کرابوون.
هێزه‌کانی رێژیم به‌ بازاریانی شاری سه‌رده‌شتیان راگه‌یاندبوو، مافی کڕین و فرۆشی دۆلار و دینارییان نییه.