• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

٢ی ڕێبەندان لە وڵاتی سوئید پیرۆز کرا

زایینی: ٢٢-٠١-٢٠١٨ - هەتاوی: ١٣٩٦/١١/٠٢ - ١٥:٤٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
٢ی ڕێبەندان لە وڵاتی سوئید پیرۆز کرا
کوردستان میدیا: ٧٢هەمین ساڵڕۆژی دامەزراندنی کۆماری کوردستان، لە شاری ستۆکهوڵم پێتەختی وڵاتی سوئید بەڕیوە چوو.

ڕۆژی شەممە ڕێکەوتی ٣٠ی بەفرانباری ١٣٩٦ی هەتاوی، کۆمیتەی گشتیی حیزبی دێموکراتی کوردستانی ئێران، بە هاوئاهەنگیی کۆمیتەی هاوکاریی هێزە سیاسییەکانی کورد و کوردستانی لە سوئید، بۆ ڕێزگرتن لە یاد و بیرەوەری دامەزراندنی کۆماری کوردستان، بە بەشداری جێگری سکرتێری گشتیی حیزب، ئەندامانی ڕێبەری حیزب لە دەرەوەی وڵات، نوێنەرایەتی حکوومەتی هەرێمی کوردستان لە وڵاتی سوئید و نوێنەرانی حیزب و ڕێکخراوە سیاسی و مەدەنییەکانی کوردستانی و سوئیدی و هەروەها هەزاران کەس لە کوردانی دانیشتووی وڵاتی سوئید ڕێوڕەسمێکی بەشکۆیان بەڕێوە برد.

سەرەتای ڕێوڕەسمەکە بە سروودی نەتەوەویی "ئەی ڕەقیب" لە لایەن کۆڕی سروودی یەکیەتیی لاوانی دێموکراتی کوردستانی ئێران و خولەکێک بێدەنگی بۆ ڕێزگرتن لە گیانی پاکی شەهیدانی کوردستان دەستی پێکرد.

دواتر "کاکەبرا ئەلیاسی" بەرپرسی کۆمیتەی گشتیی حیزب، وێڕای بەخێرهاتنی بەشداران و پێرۆزبایی ٧٢هەمین ساڵڕۆژی کۆماری کوردستان، لە خەڵکی مافویستی کوردستان، داوای لە "حەسەن شەرەفی" جێگری سکرتێری گشتیی حیزبی دێموکراتی کوردستانی ئێران کرد، پەیامێک بە بۆنەی ٢ی ڕێبەندان ٧٢هەمین ساڵڕۆژی دامەزراندنی کۆماری کوردستان پێشکەش بکات.

شەرەفی لە وتەکانیدا لەسەر سێ ڕووداوی گرینگ قسەی کرد؛ یەکەمیان، داگیرکرانی شاری کەرکووک و ناوچە کوردستانییەکانی دەرەوەی ئیدارەی هەرێمی کوردستان بوو، کە لەو بارەوە وێڕای دەربڕینی نیگەرانی، بە ئازارێکی ساڕێژنەبووی وەسف کرد، کە لە ئەنجامی سیاسەتی شۆڤینیانەی حکوومەتی ناوەندیی عێراقدا ڕووی دا.

دووهەمیان، ئەو بوومەلەرزەی کە هەردوو بەشی ڕۆژهەڵات و باشووری کوردستانی گرتەوە و بەپەرۆشەوە باسی لە زیان و خەسارە ماددی و گیانییەکانی ئەو ڕووداوەی دەکرد، کە لە ئاکامی ئەو کارەساتە سرووشتییەدا گیانیان لە دەست داوە، یان بریندار و بێماڵ و جێگە ماونەتەوە. هاوکات باسی لە ڕۆڵی کوردانی شارەکانی تری کوردستان کرد کە بە هانایانەوە چوون و بەو هەڵوێستەشیان وێڕای نیشاندانی هەستی بەرزی مرۆڤانە و نەتەوەیییانە ڕوو بە هاوخوێنەکانی خۆیان، پەیامێکی توندیان بە کۆماری ئیسلامیی ئێران دا، کە وەک بوومەلەرزەیەک پەیکەری ئەو ڕێژیمەی وەلەرزە خست.

سێیەمیان، ڕاپەڕینی ئەو دواییانەی خەڵکی ئێران بەگشتی و نەتەوەکانی نێو ئێران بەتایبەتی بوو. لەو بارەوە جەختی کردەوە، کە کۆماری ئیسلامیی ئێران، ئەگەر لە ڕێگەی ئەشکەنجە و زیندان و هێزی سەربازییەوە، بۆ ماوەیەکی کورتیش بتوانێ دەنگی وەزاڵەهاتووی خەڵک بێدەنگ بکات، ئەوە لە داهاتوودا و دووبارە لەو چەشنە ڕاپەڕینانە سەرهەڵ دەدەنەوە، چوونکە خەڵک لەو ڕاستییە گەیشتوون کە کۆماری ئیسلامیی ئێران، دژ بە هەموو بەها مرۆیییەکانە و مەبەست و ئامانجیشی سەرخستن و بڵاوکردنەوەی ئیدئۆلۆژی ڕێژیمەکەیەتی کە لەسەر حیسابی هاونیشتمانیانی ئێرانی و نەتەوەکانی ژێردەستی خۆیەتی.

شەرەفی لە بەشێکی دیکەی وتەکانیدا، ئاوڕی دایەوە لە چۆنیەتی دامەزراندنی کۆماری کوردستان و گرێدانەوەی بە جووڵانەوەی ڕزگاریخوازی گەلی کورد لە ئێستەدا.

شەڕەفی ئاماژەی بەو ئیرادە نەتەوەیییە کرد، کە لە نێو کۆڕی نیشتمانپەروەرانی کوردستاندا هەبوو و هەوێنی سەرەکیی دامەزراندنی کۆمار بوو. بۆ سەڵماندنی ئەو ڕاستییەش نموونەی بە دامەزراندنی پێشوەختەی حیزبی دێموکراتی کوردستانی ئێران کرد، کە بناغەدانەری کۆماری کوردستان بوو.

جێگری سکرتێری گشتیی حیزبی دێموکرات، لە بەشێکی دیکەی وتەکانیدا باسی لە چۆنیەتی دامەزراندنی کۆماری کوردستان و گرێدانەوەی بە جووڵانەوەی ڕزگاریخوازی گەلی کورد لە ئێستەدا کرد و لەوەش گرینگتر یەکیەتی و تەبایی نێوان ئازادیخوازانی کورد و هاوخەباتیی کوردەکان لە هەموو بەشەکانی کوردستان بوو.

لەبەشێکی دیکەی ڕێوڕەسمەکەدا ئەو پەیامانە خوێندرانەوە:

ـ پەیامی کۆمیتەی هاوکاریی هێزە سیاسییە کورد و کوردستانییەکان لە وڵاتی سوئید
ـ پەیامی تێکۆشەر کاک باباعەلی میهرپەروەر
ـ پەیامی هاوبەشی یەکیەتییەکانی لاوان، ژنان و کوردان
ـ فرێدریک ماڵم، ئەندام پارلەمانی سوئید لەسەر لیستی لیبڕاڵەکان.
ـ خاتوو مارگەرێتا سێدەرفێلت لە پارتی مۆردێرات
هەروەها ئەو برووسکانەش کە بۆ ئەو ڕێوڕەسمە نێردرابوون بریتین له:
ـ حکوومەتی هەرێمی کوردستان لە وڵاتی سوئید
ـ پارتی دێموکراتی کوردستان
ـ کۆمەڵەی شۆڕشگێڕی زەحمەتکێشانی کوردستانی ئێران
ـ پارتی سووسیالیستی کوردستان – باکوور
ـ پارتی ماف و ئازادی (هاکپار)
ـ کۆمەڵەی زەحمەتکێشانی کوردستان
ـ پارتی دێموکراتی کوردستان – باکوور
ـ کۆمەڵەی کوردی شاری ڤێسترۆس
ـ ڕێکخراوی دێموکراتیکی یارسان
ـ فیدراسیۆنی کۆمەڵە کوردستانییەکان لە وڵاتی سوئید لە لایەن کەیا ئیزۆل.
ـ کۆمەڵەی گوڵان
ـ یەکیەتیی ژنانی کوردستان لە سوئید
ـ بزووتنەوەی گۆڕان

لە بەشی دووهەمی ڕێوڕەسمەکەدا، هونەرمەندان کازۆ و ناسری ڕەزازی بە ئاهەنگ و شایی ڕێوڕەسمەکەیان ڕازاوەتر کرد.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.