• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

گوڵوەنی، هێمای خۆڕاگری نەتەوەیەکه

زایینی: ٠٤-٠٢-٢٠١٨ - هەتاوی: ١٣٩٦/١١/١٥ - ١٩:٣٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
گوڵوەنی، هێمای خۆڕاگری نەتەوەیەکه
ژیلا موستەئجێر

فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.

یەکێک لە فەرهەنگەکانی کۆمەڵگە بێگومان جۆری جل پۆشینی ئەو کۆمەڵگەیەیە، لە یەکەمین هێماکانی هەر کۆمەڵگەیەک و ناساندنی هەر نەتەوەیەک جلوبەرگ و جۆری پۆشینی جلی تاکەکانی کۆمەڵگەیە.

لە هەموو جیهان کاتێک بتهەوێ باسی شوناس و فەرهەنگی نەتەوەیەک بکەی، یەکێک لە ئاماژەکان باس لەسەر جلوبەرگی ئەو نەتەوەیە، نەتەوەی کوردیش لە ڕۆژهەڵاتی کوردستان وەکوو هەموو نەتەوەکان، سەرەڕای ژێردەستە بوون و هەوڵی بەربڵاوی داگیرکەر بۆ ئاسیمیلەی فەرهەنگی، توانیویەتی بە باشترین شێوە فەرهەنگی ڕەسەنی خۆی بپارێزێت؛ یەک لەوانەش پاراستنی جلی کوردەواری لە هەموو ناوچەکانی ڕۆژهەڵاتی کوردستانە.

ئەم ڕاپۆرتە هەوڵ دەدات تایبەتمەندی یەکێک لە جلوبەرگەکانی کرماشان کە ناوچەیەکە بەهۆی فرە کلتووری، ئایینی و زمانی و هەروەها ستراتێژی داگیرکەر، زیاتر لە ناوچەکانی دیکەی کوردستان کەوتووەتە بەر سیاسەتی ئاسیمیلە، شڕۆڤە بکات.

جلوبەرگێک کە بەپێی نەخش و دیزاینەکەی مێژوویەکی٣ هەزارساڵەی هەیە و ژنان و پیاوانی ناوچەی باشووری زاگرۆس لە دەوری سەر بە شێوازی جۆراوجۆر دەیبەستن.

سەروەن، سەروێن یان گوڵوەنی، دەسماڵێکی هەورێشمی و چوار گۆشەیە کە ژنان و پیاوان لە ناوەندی سەریانەوە بە لای چەپ و ڕاستدا دەیبەن و دیسانەوە لە ناوەندی سەریانەوە گرێی دەدەن.

جۆری بەستنی سەروێن یان گوڵوەنی بەپێی ئەوەی لە چ ڕێوڕەسمێک و لە چ بۆنەیەکدا بەشداری بکەی جیاواز بووە و ئێستاش ئەم جیاوازییە هەر هەیە، بۆ نموونە ژنە لوڕەکان لە کاتێکدا کە دەچوونە زەماوەند یان لە کاتی کەیخوایی کردندا شێوازی بەستنی گوڵوەنییەکەیان جیاواز بووە. جۆری ئەم جیاوازییەش زۆرتر لە شێوازی گرێ و درێژی و کورتی گوڵوەنییەکەدا دەردەکەوێت. لە زەماوەند و ڕێوڕەسمە خۆشییەکاندا ڕەنگی گوڵوەنییەکان ڕۆشنتر و گوڵوەنییەکان درێژتر بوون، لە کاتی سەرەخۆشیشدا گوڵوەنی بچووکتر و کورتتر دەبەسترێت.

ئەم جیاوازییە جیا لە ڕێوڕەسمەکان لە نێو هۆزەکانی باشووری زاگرۆسیش دەبینرێ و بووەتە هۆکارێک بۆ ئەوەی سەروێن، چەندین ناوی هەبێت و مۆدێلی بەستنیشی جیاواز بێت؛ بۆنموونە خەڵکی کەلهۆر، گوڵوەنی بۆ بەستنی سەروێن بەکاردێنن بە جۆرێک کە گوڵوەنی یەکێک لە کەرەستەکانی سەروێنە و خودی سەروێن لە گوڵوەنی و کەساری پێک دێت، بەڵام خەڵکی ناوچەی لوڕستان تەنیا گوڵوەنی دەبەستن. ئەم دەسماڵە هەورێشمیە تەنانەت ب پێی ڕەنگیش جیا دەکرێتەوە. ئەو دەسماڵانەی کە قەراخەکەیان ڕەنگی سوور بێت "عەلیخانی" و ئەو دەسماڵانەی کە قەراخیان ڕەنگی قاوەیی بێت"تاکاری" و ئەو دەسماڵانەی سپی و سوور بن "گوڵوەنی" یان پێ دەوترێت. شایانی باسە ڕەنگی ئەو گوڵوەنییەی کە لە سەرەخۆشیەکاندا بەکاردێت ڕەشە.

لەم پەیوەندیەدا "ئاراس جەواد"، ڕۆژنامەنووس و چالاکێکی ناسراوی ناوچەی ئیلام و کرماشان بە ڕۆژنامەی ”کوردستان“ی ڕاگەیاند: گوڵوەنی سەروەنی تایبەت بە ژنانی ناوچەکانی باشووری ڕۆژهەڵاتی کوردستانە، لوڕستانیش بەشێکە لەو ناوچەیە، بۆیە گوڵوەنی لە کرماشان و ئیلام و لوڕستان و ناوچەکانی دیکەی باشووری ڕۆژهەڵاتی کوردستان هەمان گوڵوەنییە، بەڵام لەوانەیە لە هەندێک شوێندا، نەخش و نیگارەکەی یان ڕەنگەکەی، یاخود شێوازی بەستنەکەی کەمێک جیاواز بێت.

ئاراس ئاماژە بە ناوی گوڵوەنی دەکات و دەڵێت: نەخش و نیگار و ڕەنگی گوڵوەنییەکان، سیمبولی جوانی و ڕازاوەیین، هەروەک لە ناوەکەشیەوە دیارە، گوڵ +وەنی یان گوڵ+بەندی، هەروەک چۆن گوڵە ڕەنگاوڕەنگەکان سیمبول و هێمای جوانی و ناسکی و ڕازاوەیین، نەخش و نیگاری گوڵوەنیش هێمای جوانی و ناسکی و ڕازاوەیی ژنانی ناوچەکانی کوردە.

سەبارەت بەوەیکە پیاوانیش گوڵوەنی دەبەستن و شێواز و جۆرەکەی ئایا لەگەڵ گوڵوەنی ژنان جیاوازیەکی هەیە، ئاراس وتی: گوڵوەنی لە ناوچەکانی ئێمەدا تەنیا تایبەتە بە ژنان و بۆ پیاو بەکارناهێنرێت. لە‌ هه‌ندێك له‌ ناوچه‌‌كانی باشووری ڕۆژهه‌ڵاتی كوردستان، ژنان له‌ جێگه‌ی گوڵوه‌نی، ده‌سماڵێك ده‌به‌ستن به‌ سه‌ریانه‌وه‌ كه‌ له‌ هه‌ندێك ناوچه‌دا پێی ده‌گوترێت (مشكی) و له‌ هه‌ندێك ناوچه‌ی تریشدا پێی ده‌ڵێن (ده‌سماڵ سه‌ر) یاخود (بیم). مشکی وەکوو گوڵوەنی تەنیا تایبەت بە خانمان نییە، بەڵکوو پیاوانیش دەیبەستن بە سەریانەوە.

خاتوو "نێدا پورکەلهوڕی" لە چالاکانی فەرهەنگی ناسراوی ناوچەی کرماشان بەتایبەت ناوچە کەلهوڕنشینەکان لەبارەی نەخش و نگاری دەسماڵی گوڵوەنی بە ڕۆژنامەی ”کوردستان“ی ڕاگەیاند: گوڵوەنی چەند جۆر نەخشی هەیە کە سەرەکیترین نەخش، لە بەرگ و گوڵی گیایەک بە ناوی "موورت" گیراوە.

ئەو دەڵێت گیای موورت لە باوەڕی کوردان و بە تایبەت کرماشانییەکان ڕیشەیەکی پیرۆزی هەیە، هەروەها کە سەروەن بۆ ژنانی کورد هێمای کەسایەتی هەیە، ژنانی گەورەماڵەکان سەروەنەکانیان گەورەتر بووە، لە ..
..و ژنانی ڕۆژهەڵاتی کوردستان وەکو هێمایەک بۆ خەبات و نیشانەی سەرهەڵدانی بزووتنەوەیەکی نوێی ژنان لە رۆژهەڵاتی کوردستان کەڵکیان لێوەرگرت.

یەکیەتیی ژنانی دێموکراتی کوردستان ئێران، گوڵوەنی وەکوو هێمایەک بۆ بزووتنەوەی ژنانی ڕۆژهەڵات هەڵبژاردووە؛ لە زۆربەی چالاکی و ڕێوڕەسمەکانی تایبەت بە ژنان وەکوو ڕەمزێک کەڵک لە گوڵوەنی وەردەگیردرێ.

خاتوو فاتمە عوسمانی سکرتێریی گشتیی یەکیەتیی ژنانی دێموکراتی کوردستانی ئێران لەو بارەوە دەڵێ ” لە کاتێکدا بزووتنەوەی ژنان زیاتر لە٧٠ ساڵ مێژووی تێکۆشانی بۆ خۆی تۆمار کردووە، بەڵام هیچ ڕەمز و هێمایەک بۆ ئەم بزووتنەوە نەبوو، بیرمان لەوە کردەوە کە نیشانەیەک هاوتای ڕەمزی جامانە بۆ ژنان هەڵبژێرین، گوڵوەنی باشترین و بەهێزترین بژاردەی ئێمە بوو“.

خاتوو فاتمە دەڵێت: گوڵوەنی لە کۆنەوە یەکێک لە کەرەستە جلوبەرگییەکانی ژنان لە ناوچە جیاجیاکانی ڕۆژهەڵات بووە و بەپێی لێکۆڵینەوەکانی ئێمە نەخش و تەرحی گوڵوەنی باس لە خۆڕاگری و مانەوەو بەردەوام بوونی نەتەوەیەک دەکات.

سکرتێری یەکیەتیی ژنان لە کۆتاییدا دەڵێت سەرەڕای ئەوەیکە بەکارهێنانی گوڵوەنی لە ڕۆژهەڵاتی کوردستان باوە، بەڵام ئێستە لە بۆنە و ڕێوڕەسمە تایبەتەکانی ژنان یان هەر چەشنە چالاکییەکی ناوخۆ، ژنانی ڕۆژهەڵات لەم هێمایە وەکوو ڕەمزی خەبات و تێکۆشانی ژنان کەڵک وەردەگرن.

ساڵی ڕابردوو دوابەدوای ئەوەیکە ڕێکخراوەکانی ژنانی ڕۆژهەڵاتی کوردستان لە دەوری یەک کۆبوونەوە و هەوڵیان دا خەباتێکی هاوبەش بەناوی ناوەندی ژنانی ڕۆژهەڵاتی کوردستان بۆ ئازادی ژنان و دەستەبەرکردنی مافی یەکسانی و بەرابەری وەڕێ بخەن، لە کاتی ڕاگەیاندنی چالاکی بایکۆتی هەڵبژاردنەکانی سەرکۆماری ئێران، بەکارهێنانی گوڵوەنییان وەکوو هێمایەک بۆ ئەم خەباتە گشتگیرە هەڵبژارد و داوایان لە پیاوان و ژنان کرد تا لە چوارچێوەی کەمپەینی''لەپێناو ژنانی وڵاتەکەم شار چۆڵ دەکەم'' بۆ پشتیوانی لە خەبات و تێکۆشانی ژنان و دژ بە هەموو ئەو هەڵوێست و رەفتارە دژ بە یەکسانی و ژنانەی کە رێژیمی ئێران لە بەرامبەر ژنان ئەنجامی دەدا، بە بایکۆت کردنی هەڵبژاردن لە ڕۆژی هەڵبژاردندا ڕوو لە چیا و دەشتەکانی کوردستان بکەن و بەشداری هەڵبژاردن نەکەن.

چەند ساڵ پێش، دوای هەوڵ و تەقەلای کچانی لوڕستانی لە پێوەندی لەگەڵ پاراستنی گوڵوەنی، ڕۆژی ٢٦ بانەمەڕ وەکوو ڕۆژی سەروەن و گوڵوەنی دیاری کراوە. لەم ڕۆژەدا ژنان و کچانی لوڕستان بە بەستنی گوڵوەنی ڕێوڕەسمێک بەڕێوە دەبەن و هەوڵ دەدەن ئەم بەرگە ڕەسەنە بپارێزن.

یەکێک لە تایبەتمەندییەکانی گوڵوەنی ئەوەیە کە جیا لە هەموو جلەکانی دیکەی کوردەواری، بەشێوەی گشتی نە نەخش و نیگار و نە شێوازی بەستنی گوڵوەنی گۆڕینی بەسەردا نەهاتووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.