کوردستان میدیا: نوێنەرێکی مەجلیسی ڕێژیم ڕایگەیاندووە، کە تەنیا ٥ لەسەدی گۆلی ورمێ ئاوی هەیە و ٩٥ لەسەدی وشک بووە.
هادی بەهادوری، نوێنەری ورمێ لە مەجلیسی ڕێژیم، لەسەر بارودۆخی گۆلی ورمێ، باسی لەوە کردووە، کە دەوڵەت دەبێت بوودجەی تایبەت بۆ ڕزگار کردنی گۆلی ورمێ تەرخان بکات و ئاماژەی بەوە کردووە، کە تەنیا ٥ لەسەدی ئەو گۆلە ماوە.
بەرپرسانی ڕێژیمی ئێران، بە بەردەوامی دروشمی ڕزگار کردنی ئەو گۆلە دەدەن و تا ئێستە چەندین پرۆژەیان لەسەری بەڕێوە بردووە و تێچوویەکی زۆریان بەفێڕۆ داوە و تەنانەت چەندین جار ڕایانگەیاندووە، کە بارودۆخی گۆلی ورمێ بەرەو باشبوونە، بەڵام بەپێی قسەی کارناسانی ژینگە و خەڵکی ناوچەکە لەنێوچوونی سەد لەسەدە.
لەسەر وشکبوونی گۆلی ورمێ نەک تەنیا خەڵکی کوردستان و ئێران بەدەنگ هاتوون، بەڵکوو زۆربەی ڕێکخراوە جیهانییەکانی ژینگەیش هۆشداریان داوە و تەنانەت یارمەتی ئابووریی ڕێژیمی ئێرانیشیان بۆ ئەو پرۆژەیە داوە و ئاخرین نموونەیان وڵاتی ژاپۆنە کە یارمەتیی ماڵیی ئەو پرۆژەیان داوە.
ڕێژیمی ئێران، لەو بارەوە تەنیا دروشمی هەبوو و بوودجە دیاریکراوەکان دابین ناکات و تەنانەت سەرمایە دەرەکییەکانیش لەو کارە بەکار ناهێنن و پرۆژەی ژیاندنەوەی ئەو گۆلە به هۆی دابین نەکردنی بوودجە ڕاگیراوە.
هادی بەهادوری، نوێنەری ورمێ لە مەجلیسی ڕێژیم، لەسەر بارودۆخی گۆلی ورمێ، باسی لەوە کردووە، کە دەوڵەت دەبێت بوودجەی تایبەت بۆ ڕزگار کردنی گۆلی ورمێ تەرخان بکات و ئاماژەی بەوە کردووە، کە تەنیا ٥ لەسەدی ئەو گۆلە ماوە.
بەرپرسانی ڕێژیمی ئێران، بە بەردەوامی دروشمی ڕزگار کردنی ئەو گۆلە دەدەن و تا ئێستە چەندین پرۆژەیان لەسەری بەڕێوە بردووە و تێچوویەکی زۆریان بەفێڕۆ داوە و تەنانەت چەندین جار ڕایانگەیاندووە، کە بارودۆخی گۆلی ورمێ بەرەو باشبوونە، بەڵام بەپێی قسەی کارناسانی ژینگە و خەڵکی ناوچەکە لەنێوچوونی سەد لەسەدە.
لەسەر وشکبوونی گۆلی ورمێ نەک تەنیا خەڵکی کوردستان و ئێران بەدەنگ هاتوون، بەڵکوو زۆربەی ڕێکخراوە جیهانییەکانی ژینگەیش هۆشداریان داوە و تەنانەت یارمەتی ئابووریی ڕێژیمی ئێرانیشیان بۆ ئەو پرۆژەیە داوە و ئاخرین نموونەیان وڵاتی ژاپۆنە کە یارمەتیی ماڵیی ئەو پرۆژەیان داوە.
ڕێژیمی ئێران، لەو بارەوە تەنیا دروشمی هەبوو و بوودجە دیاریکراوەکان دابین ناکات و تەنانەت سەرمایە دەرەکییەکانیش لەو کارە بەکار ناهێنن و پرۆژەی ژیاندنەوەی ئەو گۆلە به هۆی دابین نەکردنی بوودجە ڕاگیراوە.