کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پێشمه‌رگه‌كانی شار پەیامی پیرۆزباییان ئاراستەی کۆنگرەی ١٦ی حیزب کرد

15:05 - 11 رەشەمه 2717

کوردستان میدیا: لە درێژەی ناردنی پەیامەکانی پیرۆزبایی کۆتایی هاتنی سەرکەوتووانەی کۆنگرەی ١٦ی حیزبی دێموکراتی کوردستانی ئێران، پێشمەرگەکانی شار سەر بە حیزبی دێموکرات له‌ شاری بۆکان، پەیامی پێرۆزبایی خۆیان ئاراستەی حیزبی دێموکرات کرد.

دەقی پەیامەکەیان بەم چەشنەیە:

به‌ بۆنه‌ی كۆتایی هاتنی سەرکەوتووانەی كۆنگره‌ی راسانی رۆژهه‌ڵات، ئێمه‌ پێشمه‌رگه‌كانی شار له‌ شاری بۆكان پیرۆزبایی خۆمان ئاراستەی‌ بنه‌ماڵه‌ی سەربەرزی شه‌هیدان و زیندانیانی سیاسی و خه‌ڵكی تێكۆشه‌ری رۆژهه‌ڵاتی كوردستان دەکەین و له‌ رێگەی ئێوه‌شەوه‌ پیرۆزبایی خۆمان ئاراسته‌ی كادر و پێشمه‌رگه‌كان و ئه‌ندامان و لایه‌نگران و دۆستانی حیزبه‌كه‌مان، حیزبی دێموكراتی كوردستانی ئێران ده‌كه‌ین.

ئێمه‌ پێشمه‌رگه‌كانی راسان له‌ پێناوی كورد و كوردستان و مافی نه‌ته‌وایه‌تی گه‌ل له‌ رۆژهه‌ڵاتی كوردستان تا سه‌ركه‌وتن له‌ گه‌ڵ بانگه‌وازی راسانین.

سه‌ركه‌وتن هه‌ر بۆ گه‌له