کوردستان میدیا: که‌سایه‌تییه‌کی کورد، له گوندی عه‌لیاوای باخی سه‌ربه‌ ناوچه‌ی هه‌وشار به‌هۆی نه‌خۆشی کۆچی دوایی کرد.


به‌پێی راپۆرتی ماڵپه‌ڕی کوردستان میدیا: مه‌لا محه‌ممه‌ سه‌مه‌دی له‌ دایک بووی گوندی عه‌لیاوای باخ و دانیشتووی شاری بۆکان به‌هۆی نه‌خۆشیی دڵ ـه‌وه‌ له‌ ته‌مه‌نی ٦٠ ساڵیدا کۆچی دوایی کرد.
مه‌لا محه‌ممه‌د له‌ ساڵی ١٣٥٨ـه‌وه‌ هه‌تا ١٣٦٣ی هه‌تاوی، وه‌ک کادری کۆمیته‌ی شارستانی هه‌وشاری حیزبی دێمۆکراتی کوردستانی ئێران خزمه‌تی به‌ گه‌ڵ و نیشتمانه‌که‌ی کردووه.
ئه‌و که‌سایه‌تییه‌ به‌هۆی ده‌ست کورتی بنه‌ماڵه‌که‌ی و پێڕاگه‌یشتن به‌ بارودۆخیان، ساڵی ١٣٦٣ گه‌ڕاوه‌ته‌ شاری بۆکان.

حیزبی دێمۆکراتی کوردستانی ئێران، پرسه و سه‌ره‌خۆشیی خۆی ئاراسته‌ی بنه‌ماڵه و که‌س و کاری ناوبرا ده‌کات و خۆی لە خه‌م پەژارەیاندا بە شه‌ریک و بەشدار ده‌زانێت.

رۆحی شاد