کوردستان میدیا: پۆلێک لە ژینگەپارێزان و شاخەوانانی کوردستانی ڕۆژهەڵات بە مەبەستی دەربڕینی ناڕەزایەتی لەهەمبەر ڕاگواستنی ئاوی خەرپاپ و لێدانی بەنداوی باوەلە لە سەیرانگەی خەرپاپ کۆبوونەوەی ئێعترازییان وەڕێخست.
بەپێی هەواڵی گەیشتوو بە ماڵپەڕی کوردستان میدیا، ڕۆژی هەینی ڕێکەوتی ١٨ی ڕەشەمەی ١٣٩٦ی هەتاوی بەشێک لە ژینگەپارێزان و شاخەوانان و چالاکانی مەدەنی ناوچەی موکریان، لە بەردەم تاڤگەی خەرپاپ کۆبوونەوە و بە هەڵگرتنی پلاکاردی تایبەت ئێعترازی خۆیان لەهەمبەر لێدانی بەنداو لەم ناوچەیە دەربڕی.
لەم ئێعترازە مەدەنییەدا سەرەتا بۆ ڕێزلێنان و یادکردنەوەی شاخەوانی بلیمەت و ژینگەپارێزی ناسراو کەریم مەعرووف زادە، کە حەوتووی ڕابردوو لە کێوی تووچاڵ دڵی لە لێدان کەوت، خولەکێک بێدەنگی ڕاگەیەندرا.
دواتر چەند بابەت و وتار سەبارەت بە پێویستیی ڕاگرتنی پڕۆژەی بەنداوی باوەلە و مەترسییەکانی درووست کردنی لەلایەن نوێنەری گرووپە شاخەوانییەکان خوێندرایەوە کە سەرنجی ئامادەبووانی بۆ لای خۆی ڕاکێشا.
بەشێک لەو گرووپانەی کە بەشداری ئەم ئێعترازە مەدەنییە بوون بریتین لە: ژینگەپارێزان و شاخەوانان و چالاکانی کۆمەڵگەی مەدەنی شارەکانی مەهاباد، شنۆ، نەغەدە، پیرانشار، میراوێ، بۆکان و سەردەشت.
لێدانی بەنداو لە شارەکانی کوردستانی رۆژهەڵات نەک بەمەبەستی خزمەتگوزاری و ئاوەدانی بەڵکوو بە کۆمەڵێک مەبەستی ئامانجداری سیاسی و ئەمنیەتی لەلایەن کۆماری ئیسلامییەوە ڕەچاو دەکرێت؛ چەند ساڵ پێش ئێستاش سەرەڕای هەوڵی ژینگەپارێزان بۆ ڕاوەستاندنی پڕۆژەی بەنداوی داریان لە نۆدشە و دانی هۆشداری لەمەڕ مەترسییەکانی دوای درووست بوونی، ڕێژیم بەنداوی داریانی لە سەر کانی بڵ درووست کرد.
بەپێی هەواڵی گەیشتوو بە ماڵپەڕی کوردستان میدیا، ڕۆژی هەینی ڕێکەوتی ١٨ی ڕەشەمەی ١٣٩٦ی هەتاوی بەشێک لە ژینگەپارێزان و شاخەوانان و چالاکانی مەدەنی ناوچەی موکریان، لە بەردەم تاڤگەی خەرپاپ کۆبوونەوە و بە هەڵگرتنی پلاکاردی تایبەت ئێعترازی خۆیان لەهەمبەر لێدانی بەنداو لەم ناوچەیە دەربڕی.
لەم ئێعترازە مەدەنییەدا سەرەتا بۆ ڕێزلێنان و یادکردنەوەی شاخەوانی بلیمەت و ژینگەپارێزی ناسراو کەریم مەعرووف زادە، کە حەوتووی ڕابردوو لە کێوی تووچاڵ دڵی لە لێدان کەوت، خولەکێک بێدەنگی ڕاگەیەندرا.
دواتر چەند بابەت و وتار سەبارەت بە پێویستیی ڕاگرتنی پڕۆژەی بەنداوی باوەلە و مەترسییەکانی درووست کردنی لەلایەن نوێنەری گرووپە شاخەوانییەکان خوێندرایەوە کە سەرنجی ئامادەبووانی بۆ لای خۆی ڕاکێشا.
بەشێک لەو گرووپانەی کە بەشداری ئەم ئێعترازە مەدەنییە بوون بریتین لە: ژینگەپارێزان و شاخەوانان و چالاکانی کۆمەڵگەی مەدەنی شارەکانی مەهاباد، شنۆ، نەغەدە، پیرانشار، میراوێ، بۆکان و سەردەشت.
لێدانی بەنداو لە شارەکانی کوردستانی رۆژهەڵات نەک بەمەبەستی خزمەتگوزاری و ئاوەدانی بەڵکوو بە کۆمەڵێک مەبەستی ئامانجداری سیاسی و ئەمنیەتی لەلایەن کۆماری ئیسلامییەوە ڕەچاو دەکرێت؛ چەند ساڵ پێش ئێستاش سەرەڕای هەوڵی ژینگەپارێزان بۆ ڕاوەستاندنی پڕۆژەی بەنداوی داریان لە نۆدشە و دانی هۆشداری لەمەڕ مەترسییەکانی دوای درووست بوونی، ڕێژیم بەنداوی داریانی لە سەر کانی بڵ درووست کرد.
