• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ئاوریلی ٢٠١٨ی زایینی - ٣٠ی خاکەلێوەی ١٣٩٧ی هەتاوی  

پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی

زایینی: ٢١-٠٣-٢٠١٨ - هەتاوی: ١٣٩٧/٠١/٠١ - ٠٠:٠٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
شێرە خوشکان، برایانی دلێر

وێڕای حورمەتی شایستەی ئەم بەیەکگەیشتنەوەمان؛ بۆ من شەرەف و شانازییەکی یەکجار زۆر گەورەیە کە لە بارەگای بەرزی جەماوەرە بەرینەکەی ڕاسانی ڕۆژهەڵاتدا، بە زیارەتی ئێوە دەگەمەوە و باوەش بە گەردنی بەرزی ئێوەدا دەکەمەوە.

خۆشەویستانم لەم هەلومەرجە ناسکەدا کە شادەمارەکانی جوگرافیای لەت لەتی وڵاتی ئێمە لەژێر هەڕەشەی قەڵت و بڕی مۆدێل تازەدایە و گەلی ئێمە لەژێر ڕەهێڵەی تیشکی چەکە لەیزەرییە وێرانکارەکاندا بە چۆلگەی مەحەشەرە خوێناوییەکاندا تێپەڕدەبێت، جێی ڕێز و قەدر زانییە کە هاوڕێیانی ئێمە بە ئەرکی پیرۆزی گرتنی کۆنگرەی ١٦هەمی حیزبی دێموکرات هەستاون و لە شەمەندەفەرە خوێناوییەکەی ڕاسانی ڕۆژهەڵاتدا لە سەر بڕین و پێوانی ڕێبازە سەختەکان هەروا بەردەوام ماون.

خۆشەویستانم، هەم زمانحاڵی کۆنگرەو هەم واقعیەتی موشەخەسی ناوچە، هەم سیگناڵ و ئیشاراتی دەوروبەر ئەو حەقیقەتە دەخەنە باوەشی ئێمە کە کۆنگرەی ئەوجارەمان لەگەڵ کۆنگرەکانی ڕابردوو جیاوازییەکی یەکجار زۆری هەیە، بەو مانایەی کە هەلومەرجەکان و ئاڵوگۆڕی ئیحتماڵی هاوکێشە ئاڵۆزەکان، ئەرکی زۆر قورس و گەورە و گران و لە عەینی حاڵدا تازە و نوێ دەخەنە سەر شانی ئێمە، چاوەڕوانییەکانیش ئەوەن کە بە ئیلتیزام بە ئایینی هاوسەنگەری و بە تەعەهودی سەریح و شەفافی نیاز پاکانە وەڵامی ئەو سیگناڵانە بدرێتەوە.

خۆشەویستانم، لەو کاتەیدا کە لە بورجە بەرزەبەرینەکەی ڕاسانی ڕۆژهەڵاتدا لە خزمەتاندا ڕاوەستاوم پێـم خۆشە ئیجازە بدەن پێکەوە حورمەت بۆ شەهیدانی هەر چوار پارچەی کوردستان و سڵاو و ڕێزی تایبەتی بۆ چوار ڕووداوی تازەی ناوچە واتە سڵاو بۆ قوربانیانی تەکانە سەرتاسەرییەکەی ئێران، بۆ تازیەبارانی بوومەلەرزەکەی ڕۆژهەڵاتی کوردستان و بۆ شەهیدانی شەوەکەی دووبارە ئەسیربوونەوەی قودسی کوردەکان وە هەروەها بۆ بێپەنایانی عەفرین و ڕێز و نەوازشی تایبەتیش بۆ سوارچاکانی ڕاسان بنێرینەوە؛ ئەو شاسوارانەی کە گوڵاڵەئاسا سوورگوڵ‌ئاسا لەهەرەک جەنگەی گەشانەوەیاندا سەریان نایەوە و سوجدەیان بۆ دارو بەردە خوێناوییەکەی کوردستان بردەوە و لە هەناوی عەرزە هەڵاڵییەکەیاندا سەریان وە بەردی خەوی ئەبەدی کردەوە، باوەشی گەرم بۆ ئەو گوڵە کێویلانەی کە لە نێو خۆڵە خوێناوییەکەی ڕاساندا ڕوانەوە و ڕیشەیان داکوتایەوە و ڕاژاندن و لاوانەوەی ڕۆحیش بۆ ئەو شە‌هینە بەرزە فڕانەی کە لە کۆچە سوورەکەیاندا بەرەو میحراجی ئەبەدی هەڵفڕین و هەرگیز نەگەڕانەوە.

شێرە خوشکانم برایانی دلێرم،

دێمە نێو هەستی خۆم، بۆ من کوڵ و ئازارێکی گران بوو کە دەیان ساڵ بوو لە کۆنگرەکانی حیزبی دێموکرات دابڕابوم؛ ئێستا سەر لە نوێ ژیانەوەمە کە خۆم ڕووبەڕووی خەباتکارانی نێو سەنگەر و داهێنەرانی نەخشەڕێگای ڕاسان و ڕێبوارانی ڕێگای جوڵان و تەکان و ڕابوونی دلێرانەدا دەبینمەوە؛ گەڕانەومە لە تاراوگەیەکی سڕ و تەزیو و گۆڕستانێکی تاریک و خامۆش بەسەر دنیای ڕوون کە خۆم ڕووبەڕووی سیاسەتمەدارانی بەئەزموونی خوێنی جگەر خواردوو، گەرم و سارد چەشتوو، سیاستوانانی بەبڕشت و تازە نەفەس و جەنگاوەرانی دلێردا دەبینمەوە و دەنگی هەنگاوەکانیان وەک هاژەی شەپۆلی دەریایەکی بەرین هەست و دەروونم دەلاوێننەوە، خۆزگە لە هەلومەرجێکدا بوومایە بمتوانیایە تاجە گوڵینەیەکی گەورەی بە بەرزی هیمەتی گیان لەسەر دەستان و گەشی خوێنی شەهیدانی قۆناغی تازەمان لە بەردەم بارەگای بەرزی کۆنگرەی ١٦هەمی حیزبی دێموکراتی کوردستانی ئێراندا دابنێم، لەم بارەوە بە داخم بۆیە تکا دەکەم ئیجازەم بدەن بەو کلیلە ڕەمزییەی بۆخۆتان وەک میداڵی شانازی بە منتان بەخشیوە دەروازە ڕەمزییە بەرینەکەی کۆنگرەی ١٦هەمی حیزبی دێموکراتی کوردستانی ئێران بە هیممەتی ئێوە بکەمەوە، وە شەرەف و شانازی حزوورم لەو فەزا پیرۆزەیدا وەدەست بێنم و پێشەکی ڕێز و ئەمەکناسی و پیرۆزبایی خۆم و نزیکترین کەسانم بە ئێوە یەک یەکی بەشداربووانی کۆنگرە، وە لە ڕێگای ئێوەوە بە تێکڕای بنەماڵەی شەهیدان و زیندانیانی سیاسی و ئەندامان و هەواداران و سەوداسەرانی ئازادی و دێموکراسی و سەرەوەری نەتەوەیی ڕابگەیێنم.

خۆشەویستانم، شانازی دەکەم کە حیزبی دێموکراتی کوردستانی ئێران بەو هەموو قۆناغە سەخت و خوێناوی و دژوارانەدا تێپەڕدەبێت، بەڵام لە هەناسەدان ناکەوێ. ئێمە هەموومان شاهیدی زۆر خولی هەژێنەرین شاهیدی زۆر ڕەشەشەوی دوور و درێژ و تاریک و تروک هەین، لێرەدا ڕەنگە باسکردنی هێندێک مەسەلە هەم بە فیڕۆدانی وەخت، هەم تاڵ و نالەبار و هەم ناسیاسیانە بێت، بەڵام مێژوویە و ناتوانین بێ ئاوڕدانەوە باس لێکردن بەسەریاندا بازدەین، لێرەدا زۆر بە کورتی تەنیا نیوەنیگایەک بە یەک قۆناغدا دەخشێنینەوە، هەموومان شاهیدی ئەو قۆناغە مەینەتبارەیی هەین کە حیزبی دێموکراتی کوردستانی ئێران لە حەوت ئاسمان ئەستێرەیەکی نەما، هەڵوەدای نێو مەیدانێکی وا سامناک بوو کە جگە لە بەشێکی کەم لە دۆستان و هاوپەیمانانی دێرینمان، جگە لە دەروازە لەسەر پشتانی دڵسۆزانی ناوخۆ هەموو دەرگاکان بەڕووی حیزبی دێموکراتی کوردستانی ئێراندا داخران، بەڵام حیزبی ئێمە ئارام و پشوودرێژ وەک کێو لە نێو ئەم مەیدانە سامناکەیدا چەقی، هەیکەلی کوردانەی نەچەمایەوە وە لەسەر بڕین و پێوانی تاریکستانەکان و شەق کردنی شەوەزەنگەکان لێبڕاوانە پێی داگرت و پشتی وە عەرزێ نەکەوت.

خۆشەویستانم، سەربەرزم زۆریش سەربەرزم کە حیزبی دێموکراتی کوردستانی ئێران هەڵمەتی ڕاسانی لەژێر چەتری دیفاعدا، دیفاع وەک ئەسڵی مەنتقی و گونجاو ڕاگەیاندووە، وە ئاوڕێکی جیددی و بە کردەوەی لە هەلومەرجی ئێستاو هێڵی جینایەتکاران و لەشکری قرەقوشی جەمهوری ئیسلامی ئێرانێ داوەتەوە، جگە لە حەقیقەت شتێكمان نەوتووە، ئەگەر بڵێین ڕاسان وەرچەرخان و زەروورەتی مێژوویی و گەڕانەوەی شکۆ و ئیعادەی هەیبەتی شۆڕشگێرانەی حیزبی دێموکراتی کوردستانی ئێران و ڕاماڵینی شەوەزەنگی نائومێدی و بێئاسۆیی بوو، ڕیسالەتێك بوو دلێرانە ئەنجام درا وە ئێستاش سەرەڕای ئەو هەموو ئازارە، با و زریانە با و گەردەلوول و تۆفانانەی کە خۆیان بە سیمای هەیکەلی برینداری حیزبی دێموکراتی کوردستانی ئێراندا دەکێشن، حیزبی ئێمە لەسەر جەماوەریتر کردن و بەرینتر کردن و خەڵکیتر کردنی ڕاسان هەروا بەردەوام ماوەتەوە و بەردەوامیش دەمێنێتەوە.

خۆشەویستانم ئێوە باشتر ئاگادارن هێندێک دەنگی ناساز هەیە دەیانهەوێ نەک تەنیا شەرعی بوونی ڕاسان بەڵکوو ڕەوابوونی خەباتی گەلی ئێمە بەرنە ژێر پرسیارەوە، بەڵام بەخۆشییەوە بەڵگەی یەکجار زۆری ڕەوابوون و عادڵانە بوونی خەباتی گەلی ئێمە و حەقانیەت و شەرعیەتی ڕاسان بەدەستی ئێمەوەن کە تەنیا بەیەک نموونەی چووکە ئیکتفا دەکەین، زۆربەی زۆری هێزە سیاسییەکانی ڕۆژهەڵاتی کوردستان وەک دەنگی حەقخوازانەی ئەکسەرییەتی گەلی کورد لە ڕۆژهەڵات ڕەخنەیان لە ڕاسان هەبوو، تێبینی و مولاحەزاتی تایبەتی خۆیان هەبوو بەڵام لە کێشەی ڕاساندا زۆر خۆیان بە جیا نەزانی وە ئێستاش ئەوەندەی ئێمە بزانین لە نێو زۆربەی زۆری ئەو هێزە سیاسییانەدا جیا لە جیاوازی سەلیقە و بۆچوون سەنگەری جیاواز نابینرێت، نەک تەنیا سەنگەری جیاواز نابینرێت بەڵکوو سەنگەری خوێناوی هاوبەش لەسەر ئەرزی واقیع گەش گەش دەتروسکێتەوە و دەگەشێتەوە کە ئەمن بەش بە حاڵی خۆم ئەوەی بە نیشانەی دابەزاندنی ئاشتی پایەدار و سیگناڵی ڕێکخستنی پلاتفۆرمی سیاسی هاوبەش و سەرەتای پێکهێنانی بەرەیەکی دێموکراتیکی ڕۆژهەڵاتی دەبینم کە ئاواتەخوازم هەرچی زووترە پێک بێت.

خۆشەویستانم ڕاستە حیزبی ئێمە لە پرۆسەی ڕاساندا هەزینەی قورس و بەهای گرانی کەوت سەرشان بەڵام گیان لەسەردەستانی ئێمە گەلێک پەیامی بەسۆز و کوڵ و زۆر نیدای بەرزی ئینسانیان بە گوێی چەوساوەکانی ناوخۆ و ڕۆژهەڵاتی ناوەڕاست و بەشێکی بەرچاوی دانیشتوانی سەر ئەم گەردوونە گەیاند، گیان لەسەر دەستانی ئێمە لە بەرزترین مینبەری خۆبەخشینەوە، لە بەرزترین مینبەری فیداکاری و گیانبازییەوە هاواریان کرد، هاواریان کرد کە ڕۆژهەڵاتی کوردستان و داماویی و دەستەپاچەیی و بێهەڵوێستیان نەگوتووە، ڕۆژهەڵاتی کوردستان و مل ڕاکێشان و تەسلیم بوون بە ئیرادە و چارەنووسی لە پێشدا دیاریکراویان نەگوتووە، ڕۆژهەڵاتی کوردستان و بت پەرستی و چاوبەستی و "لەبەیکی ڕیاکارانە" بە موجریانی فتوای نگریسی جیهادی جادووگەرانیان نەگوتووە، ڕۆژهەڵاتی کوردستان و "ڕەوزەخانی" و حینگەشەلە و هەنگڵەشەلەی سیاسی نابەوەختیان نەگوتووە، ڕۆژهەڵاتی کوردستان و شانۆسازی و سیناریۆڕەنگاندن و "دیزە بەدەرخۆنە کردنی" پرسە هەستیارەکان و بازرگانی کردن بە سیاسەتیان نەگوتووە، لە بەرانبەردا شەهیدانی ئێمە لە قووڵایی ویژدانیانەوە چریکاندیان، چریکاندیان کە ڕۆژهەڵاتی کوردستان و نەعرەتەی شێرانە و ئیرادەی جیددی و عەقڵی ئازاد و دیفاع و مقاومەتی سەرسەختانە و دلێرانەی مەیدانی لێک دەوەشێنەوە، ڕۆژهەڵاتی کوردستان و بەگژداچوونەوەی جەلادان و خوێنمژان و تابووتانی میراتگرانی تابووت و لەڕووهەڵچوونەوەی ستەمکارانی مێژوو یەکتر دەخوێننەوە، ڕۆژهەڵاتی کوردستان و شکاندنی تەلیسمەکان و هەڵتەکاندنی بوتەکان و نای یەکجاری گوتن بە سیستەمی ویلایەت‌سالاری دەبێت دەست‌لەملانی یەکتر بن، ڕۆژهەڵاتی کوردستان ناتوانێ بۆ هەمیشە "قانگەلاشکی نێو شەپۆلەکان و لایەزی دەم ڕووبارەکان و خێشكی بیلائیرادەی دوای ڕووداوە سیاسییەکان" بێت، ڕۆژهەڵاتی کوردستان ئیرادە و کەسایەتی مونحەسیر بە فەردی خۆی هەیە، گەشاوەتەوە و لەگەڵ دەرهاتووە، جگە لە پسپۆڕانی کەم وێنەی زانستە جۆراوجۆرەکان گەلێک ڕۆژنامەوانی چاونەترس و سینەماکارانی موعجیزەگەر و سیاسەتمەدارانی بەتوانا و مودافێعانی سەرسەختی حقوقی بەشەری لە نێو هەناوی خۆیدا پەروەردە کردووە، راستە کە ڕێژیم بە تەنیا لە کوردستانەوە ناڕووخێت وە حیزبی ئێمە هەرگیز ئەوەندەی ئەمن پێم شک بێت نە لە زمانی ڕەسمی و نە لە ئەدەبیاتی سیاسی خۆیدا ئەو ئیدێعای نەکردووە، بەڵام لیرەدا لە ساحەتی موقەدەسی کۆنگرەدا پێمان شوورەیی نییە و بە ڕاشکاوی ڕایدەگیەنین کە ڕۆژهەڵاتی کوردستان وەک هەمیشە دەتوانێ سەنگەری ئازادیخوازان و دیواری پۆڵایین و پاڵەو پشتێکی قایم و قۆڵی جێی متمانەو باوەڕ بێت وە لە هەلومەرجی ڕەخساودا وێڕای میللەتانی چەوساوەی ئێران دەتوانن ببنە لافاوێکی بەرین و کۆشکی جادووگەران و دزانی سەرگەردەنە بۆ هەمیشە ڕاماڵن؛ لە ڕابردوودا گوتوومانە و ئێستاش دەیڵێین و سەدان جاری دیکەش پێمان شوورەیی نییە لە دواڕۆژدا بیڵێین و بیڵێینەوە، ڕاسان وەچەرخان و سەرلەنوێ ژیانەوە و هەستانەوە و شەرەف و کەرامەتی ئێمەیە وە بۆ پاراستنی ئەو کەرامەتەمان ئامادەین ئاخرین نوکەی توانامان وەگەڕبخەین وە دڵنیاشین دواڕۆژی میللەتانی چەوساوەی ئێرانێیە.

خۆسەویستانم ڕاسان جارێکی دیکەش ئەو حەقیقەتەی پشت ڕاست کردەوە کە هەر میللەتێکی چەوساوە ئەگەر کادری سیاسی بە تواناو لێوەشاوەی لە مەیدانی گەرمی کێشەکانی ناوخۆدا نەبێت لە ئامانجەکانی دوور دەکەوێتەوە، هەر گەلێکی ژێرچەپۆک ئەگەر جەنگاوەری گیان لەسەر دەست و جەربەزە و فیداکاری، لە مەیدانی گەرمی کارزاری حەق و ناحەق و لێكڕاکێشان و پێکدادانی تاریکی و ڕووناکیدا نەبێت ناکەوێتە سەر ڕەیل و ڕێبازی سەرکەوتن نەبوونی ئەو دوو عونسورە کاریگەرە شانبەشان و هاوتەریب لەگەڵ یەکتر بەمەبەستی دیفاع و پارێزگاری لە مان و مەوجوودیەت و باوەش لێدانی بەها بەرزە ئینسانییەکان چۆکی میللەتانی ژێر دەستی دنیا دەشکێنێ.

عەرایزم درێژبووە و شەرمەندەی ئێوە و داوای لێبوردنتان لێدەکەم؛ بۆیە سەبارەت بە ناوەڕۆکی کۆنگرە تەنیا ئەوەندەتان عەرزدەکەم کە هاوڕێیانی ئێمە بەمەبەستی چاکسازی، وە بەمەبەستی تەکانی سالم و حەکیمانە گەلێک پێشنیاری جیددی و ڕێنوێنی خەلاق و شوعاری گونجاو لەگەڵ سەردەمیان پێیە کە لە پڕۆسەی کارو باری کۆنگرەدا بە عەرزی کۆنگرەیان دەگەیەنن، هیوادارم کۆنگرەی ١٦هەمی حیزبی دێموکراتی کوردستانی ئێران ببێتە هەوێن و جەوهەری هاودەنگی، ببێتە سەکۆیەک بۆ هەڵفڕین بەرەو قۆناغێکی تازە کە لەو قۆناغەدا حیزبی ئێمە بتوانێ بە ئەو پەڕی یەکگرتوویی و بە ئەوپەڕی پشوودرێژی و بە ئەوپەڕی یەکگرتوویی کەم وێنە و پارادایم و میتۆدی گونجاو خەباتی خۆی لەگەڵ جوغرافیای سیاسی و ئاڵوگۆڕ و موعەدەلاتی ناوخۆ و ئیقلیم و گەردوون هەماهەنگ بکاتەوە
سڵاو دەنێرم بۆ ئازادیخوازانی سەرتاسەری ئەو دنیایە
کڕنۆش بۆ ئیمامانی سیاسی، پێشەوا، قاسملوو ،شەرەفکەندی
ڕێز و نەوازش و لاواندنەوەی ڕۆحی بێ جیاوازی، بێ فەرق و فروق، بۆ گیانی پاکی شەهیدانی ڕۆژهەڵات وە بەتایبەت شەهیدانی قۆناغی تازەمان، دڵنیام تاجی شانازی سەرسەری خانەوادەو کەس و کاریان بۆ هەمیشە لە مێژوودا درەوشاوە و درەوشاوەتر دەمێنێتەوە
سڵاو دەنێرم بۆ خەڵکی ڕاپەڕیوی کوردستان و سەرتاسەری ئێران
ڕێز بۆ کەمئەندامان.

سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.

قەڵەمی کادرە تێکۆشەرەکان و دەست و پەنجەی سەر گێلەنگەدەنی ئەو پێشمەرگانە لەسەر سەرم دادەنێـمەوە، کە لە سەنگەری دیفاعدا سەرسەختانە و دلێرانە مقاومەت دەکەن.

سەرکەوتوو بن حیزبی دێموکراتی کوردستانی ئێران و هێزە سیاسییەکانی ڕۆژهەڵاتی کوردستان بۆ پێکهێنانی بەرەیەکی یەکگرتووی ڕۆژهەڵاتی

جەماوەریتر بێ ڕاسان و ئاوڕدانەوەی جیددی و بە کردەوە

سەرکەوێ کۆنگرەی ١٦ەهەمی حیزبی دێموکراتی کوردستانی ئێران

داتەپین بۆ کۆشکی جەردەنشینی جەماران

شەکاوە بێت ئاڵای کوردستان و هەر دڵێ خۆشی نەوێ ڕەبی وەبەر خەنجەر کەوێ

سوپاستان دەکەم
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.