• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ئاوریلی ٢٠١٨ی زایینی - ٣٠ی خاکەلێوەی ١٣٩٧ی هەتاوی  

که‌ریم په‌رویزی: گەر خەڵک لە ئەگەری هێرش بۆ سەر ئێران راپەڕێت، حدک ئێران ئەركی مێژوویی خۆی بە ئەنجام دەگەیەنێت

زایینی: ١٢-٠٤-٢٠١٢ - هەتاوی: ١٣٩١/٠١/٢٤ - ١١:٤٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
که‌ریم په‌رویزی: گەر خەڵک لە ئەگەری هێرش بۆ سەر ئێران راپەڕێت، حدک ئێران ئەركی مێژوویی خۆی بە ئەنجام دەگەیەنێت
كەریم پەرویزی ئەندامی دەفتەری سیاسیی حد‌ک ئێران لە وتووێژێكدا لەگەڵ ماڵپەڕی كوردستان میدیا پرسی به‌رنامه‌ی ناوكیی رێژیمی ئێران و ئەگەری پێشهاته‌كانی شرۆڤە كرد.

کوردستان میدیا: ئاشکرایه‌ که‌ به‌رنامه‌ ناوه‌کییه‌که‌ی رێژیمی ئێران بۆته‌ ترسێک بۆ جیهان به‌گشتی و رۆژئاوا و ئیسراییل به‌تایبه‌تی. له‌م پێوه‌ندییه‌دا به‌ مه‌به‌ستی پێشگرتن له‌ به‌ده‌ستهێنانی چه‌کی ناوکی له‌لایه‌ن رێژیمی ئێرانه‌وه‌ باس له‌ ئه‌گه‌ری هێرشی نیزامی بۆ سه‌ر ئێران ده‌کرێ و هه‌ندێ لایه‌ن پێیان وایه‌ که‌ ئه‌م هێرشه‌ ده‌سپێکێک ده‌بێت بۆ رووخانی رێژیم، رای به‌ڕێزتان له‌م پێوه‌ندییه‌دا چییه‌ و پێتان وایه‌ جگه ‌له‌ به‌رنامه‌ی ناوکی، کرداره‌کانی دیکه‌ی رێژیمی ئێران وه‌ک پێشێل کردنی مافی مرۆڤ، پشتیوانی له‌ تیرۆریزم، ده‌ستێوه‌ردان له‌ کاروباری وڵاتان، کپ کردنی ده‌نگی جیاواز و کۆمه‌ڵێک پرسی دیکه‌ ده‌بنه‌ هۆی ئه‌وه‌ی که‌ وڵاتانی جیهان به‌تایبه‌تی زلهێزه‌کان بکه‌ونه‌ ژێر کاریگه‌ریی جیددی و له‌ نه‌مانی ئه‌م رێژیمه‌دا رۆڵیان هه‌بێت؟

که‌ریم په‌رویزی: له‌م رۆژانه‌دا قۆناخێکی دیکه‌ی وتووێژه‌کان سه‌باره‌ت به‌ پرسی ناوکی و ئه‌و گرفته‌ بنه‌ڕه‌تییانه‌ی که‌ بۆ جیهان هاتۆته‌ پێش له‌ رێگای به‌رنامه‌ی ناوکی ئێرانه‌وه‌ له‌ نێوان ئێران و کۆمه‌ڵگای جیهانیدا ده‌ستپێده‌کاته‌وه.

هه‌رچه‌ند کۆماری ئیسلامی به‌ قسه‌ ده‌لێن نامانه‌وێ چه‌کی ناوکی دروست بکه‌ین و خامنه‌یی رایگه‌یاندووه‌ که‌ چه‌کی ناوکی بۆ ئێمه‌ حه‌رامه‌، به‌ڵام به‌و ئه‌زموونه‌ی که‌ ئێمه‌ هه‌مانه‌ و له‌ نزیکه‌وه‌ ئه‌و رێژیمه‌ ده‌ناسین و زیاتر له‌ 30 ساڵه‌ ئێمه‌ ده‌زانین که‌ ئه‌و رێژیمه‌ چه‌نده‌ له‌گه‌ڵ دونیادا درۆ ده‌کات و به‌ کردار شتێک ده‌کات و به‌ قسه‌ شتێکی دیکه‌ ده‌ڵێت، ده‌زانین که‌ خه‌ریکی درۆ و فرت و فێڵ کردنه‌ و وه‌کوو زۆر شتی دیکه‌ که‌ ده‌ڵێ ئێمه‌ "عه‌دڵی ئیلاهی" دابین ده‌که‌ین و حکوومه‌تێکی دادپه‌روه‌ر دابین ده‌که‌ن و دزی و راوڕۆت و گه‌نده‌ڵی بنبڕ ده‌که‌ن، به‌ڵام ده‌بینین که‌ له‌ کرداردا زۆر شتی دیکه‌ ده‌رده‌که‌وێت.

له‌ راستیدا کۆماری ئیسلامی خه‌ریکی درۆ کردنه‌ و ده‌یهه‌وێ ده‌ستی به‌ چه‌کی ناوکی رابگات. ده‌ست پێڕاگه‌یشتن به‌ چه‌کی ناوکی به‌ چ مه‌به‌ستێک؟ به‌ مه‌به‌ستی سه‌قامگیر کردنی ده‌سه‌ڵاتی سه‌ره‌ڕۆیانه‌ و تیرۆریستانه‌ و ده‌ستیوه‌ردانانه‌ی خۆی و ده‌یانه‌وێ له‌ ناوچه‌ی رۆژهه‌ڵاتی ناوه‌ڕاست و باکووری ئافریقادا وه‌ک هێزێکی گه‌وره‌ بمێینێته‌وه‌ و له‌ معادڵاتی جیهانیدا حیسابیان بۆ بکرێت و ئه‌و شێوه‌ ئیدئۆلۆژیکه‌ی خۆی درێژه‌ پێ بدات و وه‌کوو جه‌مسه‌رێکی ئه‌ساسی له‌ رۆژهه‌ڵاتی ناوه‌ڕاستدا که‌سێکی دیکه‌ نه‌توانێ ده‌سکاری ئه‌و رێژیمه‌ بکات.

بۆیه‌ وه‌ها رێژیمێک به‌و رابردوویه‌ی که‌ هه‌یه‌تی به‌ تیرۆر و تیرۆریزم چ له‌ ناوخۆ و چ له‌ ده‌ره‌وه‌ و چ له‌ به‌رامبه‌ر سیاسه‌ت و به‌رژه‌وه‌ندییه‌کانی رۆژاوا و وڵاتانی دیکه‌، ئه‌م رێژیمه‌ مه‌ترسییه‌ بۆ سه‌ر ئاسایشی ناوچه‌ و جیهان و گه‌ر ده‌ستی به‌ چه‌کی ناوکی رابگات، مه‌ترسی زۆر زیاتر ده‌بێت بۆ ته‌واوی جیهان، بۆیه‌ جیهان به‌ گشتی و رۆژاوا به‌ تایبه‌تی و ئیسرایل پێش له‌ هه‌موویان نیگه‌رانی ئه‌و ره‌وشه‌ن. بگه‌ر وتووێژه‌کان به‌ ئاکام نه‌گه‌ن، رێگای دیکه‌ ده‌گرنه‌ به‌ر و ئامریکاش به‌ جاران باسی له‌وه‌ کردووه‌ که‌ هه‌موو رێگاکان له‌ به‌ر ده‌مدا هه‌ن. به‌ڵام ئێستا به‌ هێرشی نیزامی ده‌بێت یان نا، ئه‌وا ده‌مێنێته‌وه‌ بۆ قۆناخی عه‌مه‌ڵی که‌ کۆماری ئیسلامی بۆ داخوازییه‌کانی کۆمه‌ڵگای نێونه‌ته‌وه‌یی مل راده‌کێشێت یان نا، که‌ من پێم وانییه‌ کۆماری ئیسلامی راست بکات و زیاتر له‌ وتووێژه‌کاندا ده‌یهه‌وێ کات بکڕێت، بۆیه‌ ده‌بیسین که‌ ئه‌وه‌ دواین ده‌رفه‌ته‌کانن و ده‌رگای وتووێژه‌کان خه‌ریکه‌ ده‌به‌سرێت و کۆماری ئیسلامی ده‌بێ فریای خۆی بکه‌وێت.

گه‌ر هێرشێکی نیزامی له‌لایه‌ن ئیسراییله‌وه‌ بکرێته‌ سه‌ر بنکه‌ ناوکییه‌کانی رێژیمی ئێران، ئیسراییل نه‌ ده‌یهه‌وێ رێژیمی کۆماری ئیسلامی بڕۆخێنێت و نه‌ له‌ توانای دایه‌ که‌ ئه‌و رێژیمه‌ بڕۆخێنێت، ئه‌و ته‌نیا ترسی له‌ به‌رنامه‌ ناوکییه‌کانی هه‌یه‌ و گه‌ر هێرشیش بکات ته‌نیا بۆ سه‌ر بنکه‌ ناوکییه‌کان و ره‌نگه‌ هه‌ندێ پایگای که‌ گۆمان هه‌بێ چالاکیی ناوکی و نیزامیی تێدا بکرێت وه‌کوو ئه‌زموونێک که‌له‌ عێراق و سووریه‌ هه‌مانه‌ که‌ ئه‌و دو رێژیمه‌ی نه‌ڕۆخاند، ته‌نیا هێرشی کرده‌ سه‌ر بنه‌که‌ ناوه‌کییه‌کانی، هێرشی نه‌کرده‌ سه‌ر ته‌واویه‌تی ئه‌و رێژیمانه‌ و له‌ تواناشیدا نییه‌ ئه‌و رێژیمانه‌ بڕۆخێنێت.

ئه‌وه‌ی که‌ جیهان له‌ به‌رامبه‌ر سیاسه‌ت و عه‌مه‌ڵکه‌رده‌کانی دیکه‌ی کۆماری ئیسلامی وه‌ک پێشێل کردنی مافی مرۆڤ، ده‌ستێوه‌ردان له‌ کاروباری وڵاتاندا و پشتیوانی له‌ تیرۆریزم و ...هتد، رۆژاوا، “UN”، نه‌ته‌وه‌یه‌کگرتووه‌کان و کۆمه‌ڵگای جیهانی ره‌خنه‌یان هه‌یه‌ و ده‌یانه‌وێ ئه‌و پرسه‌ چاره‌سه‌ر بێت، به‌ڵام هه‌تا ئێستا هیچیان به‌رنامه‌ی رووخانی رێژیمی ئێرانیان نه‌بووه‌. ئه‌‌وان ته‌نیا کرداره‌کانی کۆماری ئیسلامی مه‌حکووم ده‌که‌ن و رێوشوێنی سیاسی له‌ ئاستی جیهانیدا ده‌گرنه‌ به‌ر. ئێمه‌ش وه‌کوو ئوپۆزیسیۆن و دژبه‌ری کۆماری ئیسلامی خوازیاری پشتیوانییه‌کی زیاترین بۆ ده‌سته‌به‌رکردنی ماف و ئازادییه‌کانی خه‌ڵکی ئێران، به‌ڵام ده‌سته‌به‌رکردنی ئازادیی خه‌ڵکی ئێران ته‌نیا پێوه‌ندی به‌ خۆیانه‌وه‌ هه‌یه‌، نه‌ک ئه‌وه‌ی که‌ وڵاتێکی دیکه‌ هێرش بکاته‌ سه‌ر ئێران و ئازادی بۆ خه‌ڵکی به‌ده‌ست بێنێت.
ئێمه‌ خوازیاری ئه‌وه‌ین که‌ به‌ خه‌بات و چالاکیی خۆیان به‌ ئازادی بگه‌ن، به‌ڵام ئه‌رکی مرۆڤی وڵاتانی جیهان، کۆڕ و کۆمه‌ڵه‌ نێونه‌ته‌وه‌ییه‌کان ئه‌وه‌یه‌ که‌ پشتیوانی له‌ خه‌باتی نه‌ته‌وه‌ بنده‌سته‌کانی ئێران بکه‌ن.

کوردستان میدیا: رێژیمی ئێران سه‌باره‌ت به‌ به‌رنامه‌ ناوکییه‌که‌ی سه‌رقاڵی وتووێژ له‌گه‌ڵ گرووپی 5+1ـه‌. پێتان وایه‌ ئه‌مه‌ ده‌رگایه‌ک بێت بۆ چاره‌سه‌ریی پرسی ناوکیی رێژیم؟ له‌ ئه‌گه‌ری سه‌رنه‌که‌وتنی ئه‌م وتووێژانه‌ و ئه‌گه‌ری هێرشێکی نیزامی بۆ سه‌ر ئێران هه‌ڵوێستنی حدک ئێران چی ده‌بێت؟

که‌ریم په‌رویزی: کێشه‌ی ناوکی که‌له‌ نێوان کۆمه‌ڵگای جیهانی و کۆماری ئیسلامیدا هاتۆته‌ ئاراوه‌، کێشه‌یه‌ک نییه‌ که‌ ئێمه‌ خوڵقاندبێت، یان خه‌ڵکی ئێران خوڵقاندبێت و هه‌روه‌ها کێشه‌یه‌ک نییه‌ که‌ به‌رژه‌وه‌ندیی خه‌ڵکی ئێرانی تێدا بێت، کۆماری ئیسلامی راست ناکات که‌ به‌رنامه‌که‌ی بۆ ئامانجی ئاشتیخوازانه‌ بێت ده‌یهه‌وێ هێز و ده‌سه‌ڵاتی نگریسی خۆی له‌ ناوچه‌دا جێگیر بکات، بۆیه‌ ئه‌وه‌ کێشه‌ی خه‌ڵکی ئێران نییه‌ که‌ له‌و نێوه‌دا خه‌ڵکی ئێران هه‌ڵوێستێک بگرێ که‌ پشتیوانی له‌ کۆماری ئیسلامی یان رۆژاوا بکات.

ئێمه‌ له‌ دژی ئه‌وه‌ین که‌ کۆماری ئیسلامی ده‌ستی به‌ چه‌کی ناوه‌کی رابگات. به‌ڵام گه‌ر وتووێژه‌کان شکست بێنێت ــ که‌ به‌ باوه‌ڕی من شکست دێنێت ــ چونکه‌ رێژیم راست ناکات له‌و وتووێژانه‌دا ته‌نیا کات به‌ده‌ست ده‌بات، ئیتر ئه‌و پرسه‌ ده‌چێته‌ قۆناخێکی جیددی‌تره‌وه‌ که‌ دانه‌نیشن و له‌گه‌ڵیدا قسه‌ بکه‌ن. ته‌حریمی زیاتر ده‌خه‌نه‌ سه‌ر و بڕیارنامه‌ی زیاتر له‌ دژی په‌سند ده‌که‌ن و زیاتر ته‌ریکی ده‌خه‌نه‌وه‌ و ره‌نگه‌ له‌ قۆناخێکدا هێرشێکی نیزامیش بکرێته‌ سه‌ر بنکه‌ ناوکییه‌کانی، له‌ وه‌ها حاڵه‌تێکدا نه‌ به‌ داواکاری ئێمه‌ هێرش کراوه‌ته‌ سه‌ر رێژیمی ئێران و نه‌ بۆ به‌رژه‌وه‌ندیی ئێمه‌ش بووه‌، ئه‌وا کێشه‌یه‌که‌ له‌ نێوان کۆمه‌ڵگای جیهانی و کۆماری ئیسلامیدا.

بۆیه‌ ئێمه‌ ناتوانین بلێن ئێمه‌ لایه‌نگری ئه‌و هێرشه‌ هه‌ین، یان نین، کاتی خۆی که‌له‌ نێوان ئێران و عێراقدا شه‌ڕێک ده‌ستی پێکرد، شه‌ڕی خه‌ڵکانی ئێران و ئێراق نه‌بوو، شه‌ڕی دوو ده‌سه‌ڵاتی سه‌ره‌ڕۆ بوو که‌ ده‌یانویست ده‌سه‌ڵاتی خۆیان زیاد بکه‌ن، له‌و شه‌ڕه‌دا، حیزبی دێمۆکراتی کوردستانی ئێران رایگه‌یاند، "گه‌ر رێژیمی ده‌سه‌ڵاتدار له‌ ئێراندا مافی گه‌لانی ئێران دابین بکات و مافی گه‌لی کورد دابین بکات، ئێمه‌ ئاماده‌ین بچینه‌ شه‌ڕه‌وه‌ و به‌رگری له‌ ئێران بکه‌ین و له‌ دژی عێراق شه‌ڕ بکه‌ین".

کۆماری ئیسلامیش ئه‌گه‌ر ئاماده‌ بێ ماف و ئازادییه‌کانی گه‌لانی ئێران دابین بکات، هه‌ر هێرشێک که‌ بکرێته‌ سه‌ر ئێران، ئێمه‌ ئه‌رکمانه‌ که‌ به‌رگری له‌و خاکه‌ بکه‌ین به‌ شه‌رتێک که‌ ئێمه‌ش تێدا بین له‌ ده‌سه‌ڵاتدا به‌شدار بین. به‌ڵام ئه‌گه‌ر دابین نه‌کرابێت، بۆ چی به‌رگری له‌ کۆماری ئیسلامی بکه‌م که‌ سه‌رکوتێکی زیاترم ده‌کات، بۆیه‌ زۆر له‌ لایه‌نه‌کان هه‌ن که‌ ده‌ڵێن "گه‌ر کۆماری ئێسلامی بکه‌وێته‌ وه‌ها حاڵه‌تێکه‌وه‌ و مه‌ترسی له‌سه‌ر بێت،‌ به‌رگری له‌ کۆماری ئیسلامی ده‌که‌ین". ئه‌وه‌ سیاسه‌تێکی شۆڤینیستانه‌یه‌ که‌ ئه‌وان به‌رگری له‌ کۆماری ئیسلامیه‌کی سه‌رکوتکه‌ر ده‌که‌ن. له‌ وه‌ها حاڵێکدا حیزبی دێمۆکراتی کوردستانی ئێران به‌ره‌وانی له‌ کۆماری ئیسلامی ئێران ناکات، گه‌ر ده‌رفه‌ت هه‌بێ که‌ خه‌ڵکی ئێران راپه‌ڕن و بیانه‌وێ به‌ ماف و ئازادییه‌کانی خۆیان بگه‌ن، به‌ دڵنیاییه‌وه‌ حدک ئێران ئه‌رکی مێژۆیی خۆی به‌ ئه‌نجام ده‌گه‌یه‌نێت.

کوردستان میدیا: وه‌ک ئاشکرا بووه‌، ئۆباما په‌یامێکی له‌ رێگای ئه‌ردۆغانه‌وه‌ گه‌یاندۆته‌ خامنه‌یی که‌ گه‌ر رێژیمی ئێران بتوانێ ئاشتیخوازانه‌ بوونی به‌رنامه‌ ناوکییه‌که‌ی بسه‌لمێنێ، ئه‌وا ئامریکا ئێرانێکی خاوه‌ن وزه‌ی ناوکی قه‌بووڵ ده‌کات. پێتان وایه‌ ئه‌م په‌یامه‌ی ئۆباما چی ده‌گه‌یه‌نێ و هه‌تا چه‌نده‌ رێبه‌رانی ئه‌مریکا له‌ داهاتوودا ئه‌م رێچکه‌یه‌ی ئوباما ده‌گرنه‌ به‌ر؟

که‌ریم په‌رویزی: سیاسه‌تی ئامریکا سیاسه‌تێکی ستراتیژیکه‌ که‌ بۆ 25 ساڵ و 50 ساڵ له‌ ئاستی نێونه‌ته‌ویی و ناوچه‌یی بۆ به‌رژه‌وه‌ندییه‌کانی داده‌رێژرێت. وا نییه‌ که‌ به‌ ساڵێک و دوو ساڵ، یان به‌ سه‌رکۆمارێک بۆ سه‌رکۆمارێکی دیکه‌ بگۆڕدرێت. ئه‌‌وه‌ی که‌ ده‌گۆڕدرێت تاکتیکه‌کانن و شێوه‌ی ده‌ربڕینی ئه‌و سیاسه‌تانه‌ن، که‌ ئێمه‌ی کورد ده‌بێ وشیار بین ئه‌و تاکتیکانه‌ی که‌ له‌گه‌ڵ به‌رژه‌وه‌ندییه‌کانمان هاوته‌ریب ده‌بن، که‌ڵکی خۆمانی لێ وه‌ربگرین.

ئه‌وه‌ی که‌ ئامریکا ده‌ڵێت گه‌ر ئێران ئاشتیخوازانه‌ بوونی به‌رنامه‌ی ناوه‌کیی خۆی بسه‌لمێنێت، ئێمه‌ ئێرانێکی خاوه‌ن وزه‌ی ناوه‌کی قه‌بووڵ ده‌که‌ین، ئه‌وه‌ شتێکی تازه‌ نییه‌ و بنه‌مای مه‌سه‌له‌که‌ی ئێران و رۆژاوا ئه‌وه‌یه‌ که‌ ئێران نه‌یتوانیوه‌ بسه‌لمێنێت له‌ به‌رنامه‌که‌ی ئاشتیخوازانه‌یه‌ و به‌ پێچه‌وانه‌وه‌ ئێران به‌و هه‌ڵسۆکه‌وته‌ی که‌ کردۆیه‌تی، گومانه‌کانی له‌سه‌ر به‌رنامه‌ ناوه‌کییه‌که‌ی زیاتر کردۆته‌وه‌ که‌ هه‌ندێ زانیاری به‌ده‌ست گه‌یشتوون که‌ هه‌ندێ چاشنی ناوکیی تاقی کردۆته‌وه‌ و بۆردی مۆشه‌که‌کانی زیاتر ده‌کات و که‌ مه‌ودای 2 هه‌زار و 3هه‌زار کیلۆمێتر ببرێ، ئه‌مانه‌ نیشانه‌ی ئه‌وه‌یه‌ که‌ کۆماری ئیسلامی به‌رنامه‌یه‌کی نهێنیی هه‌یه‌ که‌ به‌ رفتاره‌کانی گومانێکی زیاتر دروست ده‌کات. ده‌نا گه‌ر رێژیم بسه‌لمێنێ که‌ به‌رنامه‌که‌ی ئاشتیخوازانه‌یه‌ خۆ جیهان کێشه‌ی له‌سه‌ر ئه‌وه‌ نییه‌ هه‌ر وه‌ک زۆر له‌ وڵاتانی دیکه‌ی که‌ له‌ وزه‌ی ناوکی که‌ڵک وه‌رده‌گرن. به‌ڵام مه‌سه‌له‌یه‌کی بنه‌ڕه‌تی که‌ له‌سه‌ر ئێران هه‌یه‌ ئه‌وه‌یه‌ که‌ ئێرانێکی خاوه‌ن هه‌موو ئه‌و سه‌رچاوه‌ سروشتی و سامانه‌ به‌رفراوانه‌یه‌، بۆ چی خه‌رجێکی یه‌کجار زۆر له‌ به‌رنامه‌ی ناوکیدا ده‌کات، ئه‌وه‌ بۆخۆی گومان خولقێنه‌. ته‌نانه‌ت له‌ رابروودا به‌ ئێرانیان راگه‌یاند که‌ ئورانیۆمه‌ چڕکراوه‌که‌ی بنێرته‌ ده‌ره‌وه‌ و میله‌ی سووته‌مه‌نیی بۆ دابین ده‌که‌ین و ده‌وا و ده‌رمانیش دابین ده‌که‌ین، پێویست به‌و هه‌موو هه‌زینه‌یه‌ ناکات. که‌ وابوو ئێران راست نا‌کات و به‌رنامه‌که‌ی ئاشتیخوازانه‌ نییه‌.

من پێم وابێ که‌ جیهان به‌و ئاکامه‌ گه‌یشتوون که‌ رێژیمی ئێران هیچ ئالوگۆڕێکی تێدا پێک نایه‌ت. نه‌ له‌ ساختاری ئه‌و رێژیمه‌، نه‌ له‌ سیاسه‌ت و نه‌ له‌ هه‌ڵسوکه‌وتی ئه‌و رێژیمه‌دا ئاڵوگۆری تێدا پێک نایه‌ت. هه‌تا ده‌ڕوا سیاسه‌ته‌کانی، ده‌ستێوه‌ردانی و هه‌ڵسوکه‌وته‌کانی و پشتیوانی له‌ تیرۆریزم زیاتر و توندتر ده‌بێته‌وه‌. بۆیه‌ جیهان به‌و قه‌ناعه‌ته‌ گه‌یشتووه‌ که‌ کۆماری ئیسلامی نه‌ له‌گه‌ڵ سیستمی ئه‌مڕۆدا دێته‌وه‌، نه‌ له‌ سیاسه‌ت و رفتاره‌کانیدا ئالوگۆڕ پێک دێت. بۆیه‌ ده‌بێ ئه‌م رێژیمه‌ بڕ‌وات، جا چۆن بڕوات و چی بکرێت، به‌ رای من ده‌بێ گه‌لانی بنده‌ستی ئێران به‌ یه‌کگرتنێکی سه‌رانسه‌رییه‌وه‌ هه‌وڵ بده‌ن بۆ رووخانی ئه‌م رێژیمه‌ و ئه‌رکی مرۆڤی، ئه‌خلاقی و مێژوویی کۆمه‌ڵگای جیهانیش ئه‌وه‌یه‌ که‌ پشتیوانی له‌ خه‌ڵکی ئێران بکه‌ن بۆ رووخانی ئه‌و رێژیمه.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.