کوردستان میدیا: ئیسرائیل بە ئاشکرا ڕایگەیاندووە، کە ئیزن نادات ڕێژیمی ئێران لە سووریە بمێنێتەوە، هاوکات ئێرانیش دەستی داوەتە هەڕەشە و چاوسوور کردنەوە لە ئیسرائیل.
بەیانی ڕۆژی دووشەممە ٢٠ی خاکەلێوە، فڕۆکەخانەی سەربازی تیفووری سووریە، لە لایەن فڕۆکە شەڕکەرەکانی ئیسرائیلەوە کرا ئامانج و لەو بۆمبارانەدا حەوت پاسداری ڕێژیمی ئێرانیش کوژراون.
عەلیئەکبەر ویلایەتی، ڕاوێژکاری عەلی خامنەیی بۆ کاروباری نێودەوڵەتی، ڕۆژی سێشەممە ٢١ی خاکەلێوەی ١٣٩٧ی هەتاوی، هەڕەشەی لە ئیسرائیل کردووە و ڕایگەیاندووە، کە ئەو هێرشەی ئیسرائیل بێوڵام نامێنێتەوە.
ناوبراو سەبارەت بە هۆکارەکانی هێرشی فڕۆکەکانی ئیسرائیلی ڕایگەیاندووە، کە سەرکەوتنەکانی ئێمە و سپای ئەسەد لە شەڕی غووتەدا ئامریکا و ئیسرائیلی تووڕە کردووە.
ئاویگدێر لیبرمەن، وەزیری بەرگریی ئیسرائیل ڕۆژی سێشەممە لە بەرزاییەکانی گوڵان، لە پرێسکۆنفڕاسێکدا ڕایگەیاندووە: ئیسرائیل بە هیچ شێوەیەک بەردەوامی و مانەوەی ئێران لە سووریە قەبووڵ ناکات.
هێزەکانی سپای پاسدارانی ڕێژیمی ئێران لە سووریە، کە بە هەموو شێوەیەک لە سەرکوتی نەیارەکانی ئەو وڵاتە، هاوکار و یاریدەدەری بەشار ئەسەدن، چەند ڕۆژ پێشتر لە هێرشەکانیان بۆ سەر شاری دووما لە ناوچەی غووتە، چەکی کیمیاویان بەکار هێناوە، لەو هێرشە کیمیاوییەدا بە سەدان خەڵکی سڤیل و ژن و منداڵی بێتاوانیان کوشتووە.
ئەو تاوانەی هێزەکانی ڕێژیمی ئێران و بەشار ئەسەد بووەتە هۆی تووڕەیی وڵاتانی جیهان، بەڵام هەنووکەش ڕووسیە هەر بڕیارێکی جیهانی دژ بە بەشار ئەسەد ڤێتۆ دەکات.
بەیانی ڕۆژی دووشەممە ٢٠ی خاکەلێوە، فڕۆکەخانەی سەربازی تیفووری سووریە، لە لایەن فڕۆکە شەڕکەرەکانی ئیسرائیلەوە کرا ئامانج و لەو بۆمبارانەدا حەوت پاسداری ڕێژیمی ئێرانیش کوژراون.
عەلیئەکبەر ویلایەتی، ڕاوێژکاری عەلی خامنەیی بۆ کاروباری نێودەوڵەتی، ڕۆژی سێشەممە ٢١ی خاکەلێوەی ١٣٩٧ی هەتاوی، هەڕەشەی لە ئیسرائیل کردووە و ڕایگەیاندووە، کە ئەو هێرشەی ئیسرائیل بێوڵام نامێنێتەوە.
ناوبراو سەبارەت بە هۆکارەکانی هێرشی فڕۆکەکانی ئیسرائیلی ڕایگەیاندووە، کە سەرکەوتنەکانی ئێمە و سپای ئەسەد لە شەڕی غووتەدا ئامریکا و ئیسرائیلی تووڕە کردووە.
ئاویگدێر لیبرمەن، وەزیری بەرگریی ئیسرائیل ڕۆژی سێشەممە لە بەرزاییەکانی گوڵان، لە پرێسکۆنفڕاسێکدا ڕایگەیاندووە: ئیسرائیل بە هیچ شێوەیەک بەردەوامی و مانەوەی ئێران لە سووریە قەبووڵ ناکات.
هێزەکانی سپای پاسدارانی ڕێژیمی ئێران لە سووریە، کە بە هەموو شێوەیەک لە سەرکوتی نەیارەکانی ئەو وڵاتە، هاوکار و یاریدەدەری بەشار ئەسەدن، چەند ڕۆژ پێشتر لە هێرشەکانیان بۆ سەر شاری دووما لە ناوچەی غووتە، چەکی کیمیاویان بەکار هێناوە، لەو هێرشە کیمیاوییەدا بە سەدان خەڵکی سڤیل و ژن و منداڵی بێتاوانیان کوشتووە.
ئەو تاوانەی هێزەکانی ڕێژیمی ئێران و بەشار ئەسەد بووەتە هۆی تووڕەیی وڵاتانی جیهان، بەڵام هەنووکەش ڕووسیە هەر بڕیارێکی جیهانی دژ بە بەشار ئەسەد ڤێتۆ دەکات.