کوردستان میدیا

ماڵپەڕی ناوەندیی حیزبی دێموکراتی کوردستانی ئێران

دادگای ئێران تریبۆناڵ کۆمکوژییه‌کانی ده‌یه‌ی ٦٠ی مه‌حکووم کرد

13:15 - 7 خەزەڵوەر 2712

کوردستان میدیا: دادگای ئێران تریبۆناڵ، رێژیمی ئێرانی به‌ تاوانی جنایەت بە‌ دژی مرۆڤایه‌تی مه‌حکووم کرد.


به‌شی دووهه‌می دادگای ئێران تریبۆناڵ که‌ له‌سه‌ر کۆمکوژیی زیندانیانی سیاسیی ده‌یه‌ی ٦٠ بوو، به‌ ده‌نگی دادوه‌رانی دادگا کۆتایی به‌ کاره‌کانی هێنا.
ئه‌م دادگایه‌ به‌ بیستنی ده‌نگی گه‌واهیی ده‌یان زیندانیی سیاسی له‌پێوه‌ندی له‌گه‌ڵ کۆمکوژییه‌کانی ده‌یه‌ی ٦٠، رێژیمی ئیسلامیی ئێرانی به‌ تاوانی جنایەت له‌دژی مرۆڤایه‌تیتاوانبار کرد.
ماڵپه‌ڕی تایبه‌ت به‌ دادگای ئێران تریبۆناڵ بڵاوی کردووه‌ته‌وه، له‌ به‌شی یه‌که‌می دادگا ٨٠ شایه‌تحاڵ و له‌ به‌شی دووهه‌میشدا ٧٥ ئه‌ندامی بنه‌ماڵه‌ی قوربانیانی ده‌یه‌ی ٦٠، له‌ دادگا ئاماده‌ بوون.
ره‌وتی کاریی کاره‌کانی دادگا به‌ ئاماده‌ بوونی راگه‌یه‌نه‌ جۆراوجۆره‌کان و بڵاو بوونه‌وه‌ به‌ شێوه‌ی راسته‌وخۆی ئینتێرنێتی، ئه‌نجام دراوه.
دادگای ئێران تریبۆناڵ به‌ دادگایه‌کی خه‌ڵکیی نێوده‌وڵه‌تی ناسراوه‌ و یه‌که‌م دادگای نێوده‌وڵه‌تییه‌‌ که‌ به‌ شێوه‌یه‌کی گشتی و ئاشکرا تاوانه‌کانی ده‌یه‌ی ٦٠ تاوتوێ ده‌کات.

دادوەرانی ئەو دەزگا قەزاییە پێکهاتوو لە بەناو بانگترین مافناسانی جیهان کە لە وڵاتانی فەرانسە، بلژیك، بریتانیا، ئەمریکا و کنیاوە هاتوون.