کوردستان میدیا: کۆمه‌ڵه‌ی کولتووریی کوردی باکووری نوروێژ، له کۆنفڕانسی رێکخراوه مه‌ده‌نییه‌کان به‌شداریی کرد و تێیدا پرسی خویندنی لاوان و په‌نابەران باسی له‌سه‌ر کرا.


به‌پێی راپۆرتی ماڵپه‌ڕی کوردستان میدیا، شاندێکی کۆمه‌ڵه‌ی کولتووریی کوردی باکووری نوروێژ، پێکهاتوو له ئازاد نارستی( عەبداڵی) و مسته‌فا ئاره‌سزاده، له کۆنفرانسی رێکخراوه مه‌ده‌نییه‌کان له شاری ترۆندهایم به‌شداریی کرد.
کۆمه‌ڵه‌ی کولتووریی کورد وه‌ک تاکه رێکخراوی کوردی له باکووری نوروێژ، به شیوه‌یه‌کی فه‌رمی بانگهێشتی ئه‌و کۆنفرانسه کرابوو.
له‌و کۆنفرانسەدا، جیا له رێکخراوه مه‌ده‌نییه‌کان، زۆربه‌ی که‌سایه‌تییه سیاسییه‌کان له ئه‌حزابی نوروێژی تێیدا به‌شدار بوون.
پرسی په‌نابه‌ران، خوێندنی لاوان و جیاوازییه کولتوورییه‌کان بابه‌ته سەرەکییه‌کانی ئه‌م کۆنفرانسه بوون.