كوردستان میدیا: ژنێكی تەمەن ٣٨ ساڵ لە ناوچەی سەوڵاوا بە هۆیەكی نادیار بەدەستی براكەی كوژرا.
بەپێی هەواڵی گەیشتوو بە ماڵپەڕی كوردستان میدیا، فریشتە سەمەدی خەڵكی ئاوایی تازەوای سەر بە شارستانی سەوڵاوا چەند رۆژ لەمەوبەر لەلایەن براكەیەوە خێنكێنراوە.
بەوتەی دانیشتوانی ئەو ناوچەیە هەتا ئێستا هۆكاری كوژرانی ئەو هاووڵاتییە تەمەن ٣٨ ساڵەیە روون نەبۆتەوە.
هەتا بڵاو بوونەوەی ئەو هەواڵە بكووژی ئەو ژنە واتە براكەی خۆی رادەستی هیچ كەس نەكردووە و هەڵاتووە.