• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

رۆژنامەی کوردستان ئەو ئەرکەی دەبێت کە ئەو هیوا و ئومێدە لە ناو خەڵکدا بە زیندوویی رابگرێت

زایینی: ١٨-٠٤-٢٠١٢ - هەتاوی: ١٣٩١/٠١/٣٠ - ١٩:٤٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
رۆژنامەی کوردستان ئەو ئەرکەی دەبێت کە ئەو هیوا و ئومێدە لە ناو خەڵکدا بە زیندوویی رابگرێت
دیمانەی ماڵپەڕی کوردستان میدیا لەگەڵ بەڕێز "کەریم پەرویزی" ئەندامی دەفتەری سیاسیی حدک ئێران، سەبارەت بە رۆژنامەی کوردستان، ئۆرگانی کۆمیتەی ناوەندیی حدک ئێران، لە 114مین ساڵڕۆژی رۆژنامه‌گه‌ریی کوردیدا

کوردستان میدیا: بەپێی ناوەڕۆک و ئەو بابەتانەی کەلە رۆژنامەی کوردستاندا چاپ بوون،بەڕای ئێوە تەمەنی ئەو رۆژنامە لە ماوەی ٦٥ساڵی رابردوودا بە چەند قۆناغ دابەش دەکرێت؟

کەریم پەرویزی: بە پێویستی دەزانم کە لەم رۆژەدا پیرۆزبایی لە هەموو رۆژنامەڤان و رۆژنامەنووسانی کورد بکەم کەلە پێناوی گەیاندنی زانیاری بە خەڵک هەوڵیان داوە و تەنانەت هەندێکیان لەو پێناوەدا گیانی خۆیان فیدا کردووە.

بەپێی رەوتی خەبات و تێکۆشان لە کوردستانی ئێراندا، رۆژنامەی کوردستانیش کە ئۆرگانی کۆمیتەی ناوەندیی حدک ئێرانە، هاوکات لەگەڵ بەرەوپێشچوونی رەوتی خەبات لەم بەشەدا، ئالوگۆڕی بەسەردا هاتووە و بە چەندین قۆناخدا تێپەڕیوە. ئێمە کە باس لە خەباتی رۆژنامەی کوردستان دەکەین بەتایبەتی لەو کاتەوە کە حدک ئێران، پێی ناوەتە گۆڕەپانی خەبات، دەبێ بگەڕێنەوە بۆ سەرەتاکانی ئەو سەردەمە و کۆتایی هاتنی شەڕی دووهەمی جیهانی و ئەو دەسەڵاتەی کە حدک ئێران توانیی وەک یەکەم کیانی سیاسی و مۆدێڕن بۆ نەتەوەی کورد لەسەر خاکی کوردستان دابمەزرێنێ، کۆماری کوردستانی لە مەهاباد لەسەر دەستی پێشەوا قازی محەمەد پێک هێنا.

لەو سەردەمەدا لە پێناوی دروست کردنی کیانێکی سیاسیدا دەبینین کە حدک ئێران پێوەیستیی بەوە هەیە کە وشیاریی نەتەوی لە ناو خەڵکدا بەرز بکاتەوە و ئەو زانیارییەی بە خەڵک بگەیەنێ کە ئێمەی کورد خاوەنی هەموو ئەو مافانەین کە هەموو مرۆڤەکان لە جیهاندا هەیانە و پێویستە ئێمە مافی نەتەویی و کیانی سیاسیی خۆمان بەدەست بێنین. رۆژنامەی کوردستان لەو پێناوەدا کار دەکات و دەیەوێت بسەلمێنێت ئێمەی کوردیش مافی ئەوەمان هەیە کە چارەنووسمان بە دەستی خۆمان بێت، ئەوە یەکەم قۆناخی دروست کردنی ناوەڕۆک و کرۆکی ئەساسیی نەتەویی و سیاسیی کورد کە پێویستیی کیانی سیاسی بۆ کورد بێنێتە ئاراوە. دوای ئەوە کە کۆماری کوردستان دادەمەزرێ و خۆی دەسەلمێنێ و سەقامگیر دەبێت، رۆژنامەی کوردستانیش پێ بەپێی کارەکانی کۆمار دەڕواتە پێشەوە، لە راستیدا ئەوە بوو بە توخمی سەرەتای رۆژنامەی کوردستان.

لە دوای ئەوەدا بە رووخانی کۆماری کوردستان و ئەو گوشارانەی کە بۆ سەر خەباتگێڕانی کورد لە کوردستانی ئێراندا دێت، رۆژنامەی کوردستانیش وەکوو ئورگانی کۆمیتەی حدک ئێران ئاڵوگۆڕی بەسەردا دێت و دەڕواتە خەباتی نەهێنیەوە و دەیەوێت بە خەڵک بڵێت کە خەبات لەپێناوی گەیشتن بە مافەکان درێژەی هەیە و شۆڕشگێڕان و خەباتکاران چۆکیان دانەداوە، ئەگەر چی دەسەڵاتی سیاسیی کۆماری کوردستان رووخاوە، بەڵام شۆڕشگێڕان درێژەی ئەو رێبازە دەدەن و لە نێو خەڵکدا رۆژنامەی کوردستان ئەو ئەرکەی دەبێت کە ئەو هیوا و ئومێدە لە ناو خەڵکدا بە زیندوویی رابگرێت. واتە دەیەوێت دەنگی هیوابەخش و ورەبەخش بێت کە بە خەڵک بڵێت حیزبی کۆمار خراوەتە قۆناخێکی سەختی خەباتەوە، بەڵام خەبات درێژەی هەیە.

دوای ئەو قۆناخەدا، بە تایبەت دوای کۆنگرەی 2ی حدک کە گوشارە سیاسییەکان لەسەر حدک زۆر دەبێتەوە، دەبینین ئەرکی رۆژنامەی کوردستانیش دەگۆڕێت و لە دەرەوەی وڵاتیش کەسێکی وەک د. قاسملۆ درێژەدەری گەیاندنی دەنگی حەقخوازانەی خەڵک دەبێت و رۆژنامەی کوردستان لە دەرەوەی وڵات بڵاو دەکاتەوە، ئەو قۆناخە دەتوانین بڵێین قۆناخێکی زۆر کورتە و بەپێی ئیمکاناتی ئابووری و پێرسۆنێلی کە لەبەر دەستدا هەبوو، چەند ژمارەیەک زیاتر لێی بڵاو نەبوووە، بەڵام قۆناخێک بوو کە دەڵێت بە هەموو ئەو گوشارانە هێشتا حیزبی دێمۆکرات زیندووە و سەربەخۆی سیاسیی خۆی کە لەسەر نەتەوەی خۆی بڕیار بدات دەپارێزێت.

قۆناخی دوای ئەوە قۆناخێکە کە ئیمکاناتێکی زۆرتر بۆ حدک ئێران و بۆ رۆژنامەی کوردستان دابین دەبێت کە بتوانێت بە شێوەیەکی رێکوپێکتر و بەردەوامتر لە جاران بڵاو بکاتەوە بە تایبەت دوای ئەوە کە بەیانی 11ی ئازار لە کوردستانی عێراق دەردەچێت و نیوچە وتووێژێک، یان نیوچە بە فەرمی ناسینێک لە نێوان کورد و حکوومەتی عێراق لەو سەردەمەدا پێک دێت و رۆژنامەی کوردستانیش لەو سەردەمەدا گەشەیەکی زۆرتر دەکات. بەڵام ئەو قۆناخەشدا رۆژنامەی کوردستان ئەرکی خۆی درێژە پێدەدات و ناکەوێتە داوی دوژمنانی کوردەوە، تەنانەت لە پێناوی پاراستنی هێڵی ئەساسیی نەتەوەی بوونی خۆیدا تووشی گرفتیش دەبێت کە دەسەڵاتی عێراق داوای لێ دەکات کە رۆژنامەی کوردستان دەنگێک بێت لە دژی دەنگی کورد، بەڵام رۆژنامەی کوردستان ئورگانی کۆمیتەی ناوەندیی حدک ئێران قەبووڵی ناکات.

بەڵام لەدوای هاتنە سەرکاری رێژیمی ئیسلامی ئێران و رووخانی رێژیمی پاشایەتی، دەتوانین بڵێین دەچێتەوە سەر قۆناخی پێشوو کە دەیهەوێت دەنگێکی ئازادیخوازانە بێت و دەنگێک بێت کە بە خەڵکەکە بڵێت کە خەبات درێژەی هەیە، بەڵام بەو جیاوازیەی کە ئەوکات پێویست نەبوو کە بە خەڵک بڵێت ئێمەش وەکۆ خەڵکێک و وەکوو نەتەوەیەک خاوەنی مافەکانی خۆمانین، چۆنکە خەڵک بەو رادە لە وشیاری گەیشتووە و لە دەوری ئەو خەباتە کۆ بوونەتەوە و رۆژنامەی کوردستان دەرەتانێکی زۆرتر پەیدا دەکات و دەڕواتە قۆناخێکی دیکەوە.

کوردستان میدیا:
پاش شۆڕشی گەلانی ئێران و قەدەغە بوونی چالاکی سیاسیی حیزبی دێمۆکرات، چ گۆڕانکارییەک لە چوارچێوە، فۆرم و ناوەڕۆکی رۆژنامەی کوردستان هاتە پیش؟

کەریم پەرویزی: ئەوەی لەسەر گۆڕانکاریی چوارچێوەی فۆرم و ناوەرۆکەوە بتوانین باسی لێوە بکەین، ئەوەیە کە حدک ئێران لەلایەن رێژیمی ئێرانەوە قەدەخە دەکات و خومەینی فەرمانی جیهاد لە دژی کورد دەدات، لەو سەردەمەدا ئیمکاناتی بەردەستی حیزبی دێمۆکرات و بەڕێوەبەرانی رۆژنامەی کوردستان زۆر کەم دەبێت، بە تایبەت کە بەو ئیمکاناتە کەمەی کەلە شاخ هەیە و ئەو گوشارە سیاسی و نیزامییە لەسەر حیزبی دێمۆکرات و نووسەران و بەڕێوەبەرانی رۆژنامەی کوردستان هەیە و دەمێ لە ژێر بەردەکان و لەژێر تۆپباراندا کار بکەن، یەکجار بەرتەسک دەبێتەوە و ئەسڵی ئەساسی ئەرکی رۆژنامەی کوردستان دەکات بە دەنگی خەباتی گەلی کورد کەلە شاخەکاندا بەڕێوەیە و بە گوێی خەڵکی کورد و خەڵکی دیکەی ئێران و جیهان بگەیەنێت، بەڵام لەبەر ئیمکاناتە کەمەکەی ناتوانێت لە بواری فۆرم و نێوەڕۆک و رۆژنامەگەریی سەردەم و راگەیەنەکانی زانستیی کەلە جیهاندا هەیە وەدوا دەکەوێت، بەڵام دەتوانێت ئەرکی خۆی لەو قۆناخە سەختەدا بەرێوە ببات.

کوردستان میدیا: ئاراستەی گوتاری نەتەوەیی لە دوو توێی بابەت و نووسراوەکانی کوردستان چۆن پێناسە دەکەی؟

کەریم پەرویزی: رۆژنامەی کوردستان هەروەک لە ناوەکەیدا دیارە، دەیهەوێت لەسەر کوردستان کار بکات، کوردستان وەکوو کیانێکی سیاسی وەکوو خاکێک کە خەڵکانێکی تێدا دەژین. گرێدراوی خەڵک و خاکێک کە مانا و چەمک و ئاراستەیەکی سیاسی بە خۆیەوە بگرێت، دەبێت بە دروست کردنی نەتەوەیەک. نەتەوەیەک کە دەیهەوێ بوونی خۆی بسەلمێنێت. کاتێک بە هەموو بابەتەکانی رۆژنامە و کوردستاندا دەڕوێتەوە، ئاراستەیەکی نەتەوی پێوە دیارە و دەیهەوێت ئەو بیرە نەتەوەییە گەشە پێ بدات، بە رای من رۆژنامەی کوردستان قۆتابخانەیەکی گەورە و بەپێز و پڕ نێوەرۆکی نەتەوایەتییە کە لە سەرەتاوە هەوڵی داوە بە هەموو رووناکبیران و نووسەران بڵێت کە ئێمەش نەتەوەیەکین و خاکێکمان هەیە و لەو پێناوەدا بە هەموو شێوەیەک هەوڵی داوە کە تاکی کۆمەڵگای کوردی بە تایبەتی رۆناکبیران تێ بگەیەنێت کە ئێوە ئەرکتانە بۆ گەیاندنی کۆمەڵگا بۆ ئاستێکی بەرزتردا هەوڵ بدەن و خەڵک وشیار بکەنەوە.

کوردستان میدیا: رۆژنامەی کوردستان وەک رۆژنامەی حیزبێکی بەرپرسیار لە هەمبەر پرسە نەتەوەیی و فەرهەنگییەکان لە بووژانەوە، پاراستن و گەشە پێدانی زمانی کوردیدا چ دەور و رۆلێکی گیڕاوە؟

کەریم پەرویزی:
هەموو خوێنەران و تاکێکی کورد دەزانێت کە هەر نەتەوەیەک بە زمان و فەرهەنگی خۆیەوە دەناسرێتەوە و گەر زمان و فەرهەنگ و تەوەرە گرینگەکانی بپارێزێت و گەشە بکات، دەتوانێ بوونی نەتەوەی خۆی باشتر بسەلمێنێت. لەو پێناوەدا ئەرکی رۆژنامەی کوردستان ئەوە بووە کە زمانی کوردی بپارێزێت و پەرەی پێ بدات، ئەو ئەرکەی بەڕێوە برووە و بەڕێوەش دەبات و توانیویەتی ستانداردەکانی زمانی کوردی جێ بخات. نووسەران و شا‌رەزایان و بیرمەندانی گەورە لە رۆژنامەی کوردستاندا کاریان کردووە و هەوڵیان داوە کە تەوەر و بناخە ئەساسییەکانی زمانی کوردی دروست بکەن کە ئێستاش لە زۆربەی رۆژنامە و گۆڤاری کوردی بە تایبەتی لە کوردستانی عێراق و کوردستانی ئێراندا لەو چوارچێوە و بنەمایانە کەڵک وەردەگرن کە نووسەران، شاعیران و ئەدیبانی گەورەی کورد لە رۆژنامەی کوردستاندا پێکیان هێناوە و هەوڵیان داوە کە زمانێکی ستاندارد بۆ کورد دروستی بکەن، وەکو مامۆستا هەژار وەکوو مامۆستا هێمن و وەکوو رێبەری گەورە عەبدوڵڕەحمان قاسملوو کە خۆی سەردەمانێک ئەندامی کۆڕی زانیاری لە بەغدا بووە.

کوردستان میدیا: پرسی رۆژنامەنووسی ئازاد و رۆژنامە نووسی حیزبی (ئۆرگانێک) چۆن لێک دەدەیەوە، ئاخۆ کوردستان لە نێوان ئەم دوو مەسەلەیەدا خاوەن چ پێگەیەکە؟

کەریم پەرویزی:
رۆژنامەی کوردستان بە روونی رایگەیاندوووە کە ئورگانی کۆمیتەی ناوەندیی حدک ئێرانە و لە بواری سیاسییەوە دەنگی حزبی دێمۆکراتە، لە بواری نەتەوەییەوە لەسەر پرسە نەتەوەییەکان کار دەکات، لە بواری فەرهەنگییەوە لەسەر پرسە فەرهەنگییەکان کار دەکات و هەوڵ دەدات دەنگێک و زمانێک و راگەیاندنێکی نەتەوی بێت کەلە سەرتاوە کاری لەسەر کرووە و ئێستاش دەکات و لە داهاتووشدا دەکات، دەنگی نەتەوەیەک بێت پەرەپێدەری شوناس و فەرهەنگی نەتەوەیەک بێت، بەڵام لە بواری سیاسییەوە دەنگی حیزبی دێمۆکراتی کوردستانی ئێرانە و ئەوشی نەشاردۆتەوە و هەر ئەوەی کە دەنگی فەرمیی حیزبێکی سیاسییە، هەندێ بەربەستی و چوارچێوەی سیاسیی بۆ پێش دێنێت، بەڵام رۆژنامەی کوردستان لەو بوارەشەوە بە دروستی کاری کردووە و لەگەڵ خەڵکی خۆیدا درۆی نەکردووە و بە راستی و بە روونی بە زمانێکی پاراوی لەگەڵ خەڵکی خۆی قسەی کردووە و سیاسەتەکانی حیزبی دێمۆکراتی بردۆتە ناو خەڵکی خۆیەوە. رۆژنامەی سەربەخۆ رەنگە مەبەستتان رۆژنامەیەک بێت کە سەر بە حیزب یان لایەنەک نەبێت، ئەوا ئەرکێکی جیاوازتری هەیە، ئەو راگەیاندنەی کە دەیهەوێ ئازاد بێت، دەبێ هەموو لایەنێک تێیدا قسەی خۆی بکات و خەتێکی سیاسیی تایبەت نەدات، هەرچەند ئەو جۆرە راگەیاندنە زۆر زەحمەتە و زۆر کەمە، زۆربەی راگەیاندن و رۆژنامەکانی جیهانیش کە باس دەکەن ئازاد و سەربەخۆن، کە دەڕۆیتە نێو کرۆکی بابەتەکانی دەبینی کە ئاراستەیەکی سیاسیی تایبەت بە خۆیانەوە دەگرن، بەڵام رۆژنامەی کوردستان وەکوو رۆژنامەیەکی حیزبی کار دەکات کە سیاسەتێکی دیاری حیزبی بەڕێوە دەبات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.