کوردستان میدیا: ئەحمەد تورک ئەندام پارلمانی تورکیە، دەزگا هەواڵگرییەکانی رێژیمی ئێران و سووریەی لە تیرۆری سێ ژنە چالاکی کوردی تورکیە، بە تاوانبار لەقەڵەم دا.
ئەحمەد تورک پارلمانتاری سەربەخۆی شاری مێردین و هاوسەرۆکی گشتیی کۆنگرەی کۆمەڵگەی دێمۆکراتی (KCD) رێژیمەکانی ئێرانی و سووریەی لە تیرۆری ٣ ژنە چالاکڤانی کوردستانی تورکیە تۆمەتبار کرد.
ماڵپەڕی خەبەر تورک بڵاوی کردەوە، ئەحمەد تورک لە نێو پارلمانی تورکیە وتوویەتی: لەو بڕوایەدا نییە کە دەوڵەتی تورکیە ئەو تیرۆرەی ئەنجام دابێت و بەو هۆیەوە کە وڵاتانی ئێران و سووریە نایانهەوێ تورکیە لە ناوچەکەدا ببێتە هێز، ئەو سێ ژنە چالاکە کوردەیان لە پاریس تیرۆر کرد.
ناوبراو وتیشی: چارەسەر کردنی پرسی کورد لە تورکیە، ئەو وڵاتە دەکاتە یەکەمین هێزی ناوچە، کە ئەو کارەش لە بەرژەوەندیی وڵاتێکی وەکوو ئێراندا نییە.
ئەحمەد تورک لەو کۆنگرە رۆژنامەوانییەدا رایگەیاند: دەزگای هەواڵگریی رێژیمی ئێران و سووریە پێکەوە کار دەکەن و پێشبینیی من ئەوەیە ئەم تیرۆرە کاری رێژیمی ئیسلامیی ئێرانە.
تورک ئاشکراشی کردووە: ئەگەری ئەوە لە ئارا دایە رێژیمی ئێران لە رێگەی دەزگا هەواڵگرییەکانی وڵاتانی دیکەوە ئەو کارەی ئەنجام دابێت و لە پلەی یەکەمیشدا حکوومەتی فەڕانسە لە ئاشکرا کردنی ئەنجامدەرانی ئەو تیرۆرە بەرپرسیارە.
رێکەوتی ٢٠ی بەفرانباری ١٣٩١ی هەتاوی، سێ ژنە چالاکی کوردی کوردستانی تورکیە، بەناوەکانی سەکینە جانسز، لەیلا سۆیلەمز و ڤیدان دۆغان، لە پایتەختی فەڕانسە کەوتنە بەر هێرشێکی تیرۆریستیی کەسانێکی نەناسراو و گیانیان لە دەست دا.
هەر لە یەکەم رۆژەکانی تیرۆری ئەو سێ ژنە چالاکە کوردەی کوردستانی تورکیە، قامکی ئەنجام دانی ئەو تاوانە بەرەوڕووی رێژیمی ئێران راکێشرا.
ئەحمەد تورک پارلمانتاری سەربەخۆی شاری مێردین و هاوسەرۆکی گشتیی کۆنگرەی کۆمەڵگەی دێمۆکراتی (KCD) رێژیمەکانی ئێرانی و سووریەی لە تیرۆری ٣ ژنە چالاکڤانی کوردستانی تورکیە تۆمەتبار کرد.
ماڵپەڕی خەبەر تورک بڵاوی کردەوە، ئەحمەد تورک لە نێو پارلمانی تورکیە وتوویەتی: لەو بڕوایەدا نییە کە دەوڵەتی تورکیە ئەو تیرۆرەی ئەنجام دابێت و بەو هۆیەوە کە وڵاتانی ئێران و سووریە نایانهەوێ تورکیە لە ناوچەکەدا ببێتە هێز، ئەو سێ ژنە چالاکە کوردەیان لە پاریس تیرۆر کرد.
ناوبراو وتیشی: چارەسەر کردنی پرسی کورد لە تورکیە، ئەو وڵاتە دەکاتە یەکەمین هێزی ناوچە، کە ئەو کارەش لە بەرژەوەندیی وڵاتێکی وەکوو ئێراندا نییە.
ئەحمەد تورک لەو کۆنگرە رۆژنامەوانییەدا رایگەیاند: دەزگای هەواڵگریی رێژیمی ئێران و سووریە پێکەوە کار دەکەن و پێشبینیی من ئەوەیە ئەم تیرۆرە کاری رێژیمی ئیسلامیی ئێرانە.
تورک ئاشکراشی کردووە: ئەگەری ئەوە لە ئارا دایە رێژیمی ئێران لە رێگەی دەزگا هەواڵگرییەکانی وڵاتانی دیکەوە ئەو کارەی ئەنجام دابێت و لە پلەی یەکەمیشدا حکوومەتی فەڕانسە لە ئاشکرا کردنی ئەنجامدەرانی ئەو تیرۆرە بەرپرسیارە.
رێکەوتی ٢٠ی بەفرانباری ١٣٩١ی هەتاوی، سێ ژنە چالاکی کوردی کوردستانی تورکیە، بەناوەکانی سەکینە جانسز، لەیلا سۆیلەمز و ڤیدان دۆغان، لە پایتەختی فەڕانسە کەوتنە بەر هێرشێکی تیرۆریستیی کەسانێکی نەناسراو و گیانیان لە دەست دا.
هەر لە یەکەم رۆژەکانی تیرۆری ئەو سێ ژنە چالاکە کوردەی کوردستانی تورکیە، قامکی ئەنجام دانی ئەو تاوانە بەرەوڕووی رێژیمی ئێران راکێشرا.
