• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ئاوریلی ٢٠١٨ی زایینی - ٠١ی بانەمەڕی ١٣٩٧ی هەتاوی  

تایبەتمەندیی دیكەی هەڵبژاردنی دێموكراتیك، دادپەروەرانە بوونی هەڵبژاردنە

زایینی: ٠٦-٠٣-٢٠١٢ - هەتاوی: ١٣٩٠/١٢/١٦ - ٢١:٤٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
تایبەتمەندیی دیكەی هەڵبژاردنی دێموكراتیك، دادپەروەرانە بوونی هەڵبژاردنە
وتووێژی ماڵپەڕی كوردستان میدیا لەگەڵ "كەریم پەرویزی" ئەندامی دەفتەری سیاسیی حیزبی دێموكراتی كوردستانی ئێران

مژاری وتووێژ: خولی نۆیەمی هەڵبژاردنی مەجلیسی رێژیمی ئێران

نۆیەمین خولی هەڵبژاردنی مەجلیسی رێژیمی ئێران كەمتر لە دوو حەوتووی دیكە بەڕێوە دەچێت. ئەو هەڵبژاردنە لەلایەن ئوپۆزیسیۆنی ئێرانەوە بە هەندێك هۆكارەوە تەحریم كراوە.

ك/مــــــــیدیا:
پرسیاری سەرەكی ئەوەیە كە هەڵبژاردنێكی ئەمڕۆیی كە تاكەكانی كومەڵگا هەست بە بوونی نوێنەرانی خۆیان لە ئورگانەكانی دەسەڵاتدا بكەن، دەبێ لە خۆگری چ تایبەتمەندییەك بێت كەلە هەڵبژاردنەكانی كۆماری ئیسلامیدا نییە؟

ك. پەرویزی: بەپێی ئەزموون و لێكدانەوەی مرۆیی و جیهانی، هەڵبژاردنێك بۆ ئەوەی بتوانێ نێوی هەڵبژاردنی راستەقینە و دێموكراتیكی لێ بنرێ دەبێ لانیكەم خاوەن سێ تایبەتمەندیی سەرەكی و بنەمایی بێ ئەو سێ تایبەتمەندییە بریتین لە: "ئازاد"، "رەقابەتی" و "دادپەروەرانە".
هەڵبژاردنی ئازاد بەو مانایە كە هەر كەس و لایەنێكی سیاسی و كۆمەڵایەتی لە وڵاتدا بە هەر جۆرە روانین و بۆچوون و هەڵسوكەوتی سیاسییەوە، لە واقیعدا بە هەر جۆرە هزر و حەزێكی سیاسییەوە بتوانێ و رێگایان پێ درابێ كەلە خۆ پاڵاوتن و بەربژار بووندا بەشدار بن و هەروەها هەموو تاكەكانی كۆمەڵگا دەرەتانی ئازادیی ئەوەیان هەبێ و ئیمكانی ئەوە لوابێ كە سەلیقە و حەزی خۆیان لەنێو بەربژارەكاندا هەڵبژێرن.

لەلایەكی دیكەشەوە ئەوانەی كە بەشداری هەڵبژاردن دەبن، دەبێ ئازاد بن لەوەدا كە هەموو سیاسەت و بەرنامە و خوازراوەكانی خۆیان پێشكەشی خەڵك و پـڕوپاگەندەی بۆ بكەن و لەلایەكی دیكەوە، هەموو سیاسەت و بەرنەمەكانی دەسەڵات ببەنە ژێر پرسیار رەخنەی لێبگرن و تەنانەت بتوانن ئەساس و بنەمای حكوومەت و سیاسەت لەو وڵاتەدا ببەنە ژێر پرسیار. هەتاكوو خەڵك دەرەتانی ئازادانەی هەڵبژاردنیان لەباری سیاسەت و بەرنامەوە هەبێت.
لەلایەكی دیكەوە هەموو ئەو لایەنە سیاسی و سەلیقە جیاوازانە، بێ هیج فیلتەر و بەربەستێك بەشدار بن و هیچ گوشارێكی سیاسی و مادی و نیزامی نە بۆ سەر راگەیاندن و نە بۆ سەر دەنگدەران نەبێ كە زۆر ناچاریان بكات دەنگ بە كەس و لایەن و هزرێكی دیاریكراو بدەن.

بەڵام ئایا ئەم تایبەتمەندییانە لە هەڵبژاردنی رێژیمی ئیسلامیی ئێراندا بەدی كراون؟ ئەوەی هەتا ئێستا بە درێژایی زیاتر لە 30 ساڵ لە رێژیمی ئیسلامیی ئێران رووی داوە، تێكـڕای بنەماكانی هەڵبژاردنی ئازاد پێشێل كراون و قۆناغ بە قۆناغ بازنەكە تەنگتر كراوەتەوە و بە هەڕەشە و گوڕەشەی زیاتر و توندوتیژتر، هەموو كەس جگەلە گوێڕایەڵانی رێژیم لە گۆڕەپانی سیاسی وەلا نراون. لەلایەكی دیكەوە هەڵبژاردن دەبی رەقابەری بێ، بەو مانایە كەلە گۆڕەپانی سیاسی و تەبلیغاتیدا چەندین لایەنی جیاواز، كە هەركام رەهەند و كونجێكی سیاسەت نوێنەرایەتی و بانگەشەی بۆ بكەن، ئامادە و چالاك بن، هەتاكوو دەرەتانی بژار كردن لەنێو بەربژارەكاندا، هەڵبژاردن بە دەنگدەران بدرێ. ئەگەر لایەنێك بە تاك تەنیا یان بە ركابەرێكی لاواز كراوەوە و سڕینەوە و وەلانانی ركابەرەكانی دیكەوە بـڕواتە گۆڕەپانی هەڵبژاردنەوە هەر لە سەرەتاوە براوە دیارە و هیچ مانایەك بۆ هەڵبژاردن نامێنێتەوە. وەك ئەوەی كە رێژیمی ئیسلامیی ئێران دەیكا و هەموو كەس و لایەنێك لە رەوتی ئەو سی ساڵەدا وەلا ناوە تەنیا وەلیی فەقیە و گۆپاڵ بەدەستەكانی ماونەتەوە و ئیدیعا دەكەن هەڵبژاردن بەڕێوە دەبەن لەنێو خۆیان و لە نەبوونی ركابەردا!

تایبەتمەندیی دیكەی هەڵبژاردنی دێموكراتیك، دادپەروەرانە بوونی هەڵبژاردنە كە دەبێ هەموو ئیمكاناتی بەشداری و تەبلیغی و چاوەدێری و ژماردنی ئاكامی دەنگدان بۆ هەموو لایەنەكان وەكوو یەك بێ، هەتاكوو ستەم له لایەنێك نەكرێ و ئیمكاناتی تەبلیغیی زۆرتر نەدرێتە خزمەت لایەنێك و بە هەڕەشە و وادە و بەڵێنی، دەنگ بۆ لایەنێك كۆ نەكرێتەوە و لە ئاكامیشدا لە ژماردنی دەنگەكاندا فرت و فێڵ نەكرێ، بەڵام هەموو تایبەتمەندییەكان هەڵبژاردنێكی دێموكراتیك لەژێر دەسەڵاتی رێژیمی ئیسلامیی ئێراندا پێشێل كراون و لەنێو براون لە ئاكامدا نمایشكێكی كارتۆنی بەڕێوە دەچێ كە خۆیان پێی دەڵێن هەڵبژاردن و خەڵكی پێی دەڵێن شانۆگەری.

ك/مــــــــیدیا: لە كاتێكدا كە ئوپۆزیسیۆنی راستەقینەی ئێرانی مافی خۆپاڵاوتنی نیە و كەسانێكی زۆریش هەن كە خۆیان ئامادە نین ببن بە نوێنەری مەجلیسی رێژیم. لە وەها حاڵێكدا دیسان لەنێو پاڵێوراواندا رەتی سەڵاحییەت هەیە. فەلسەفەی رەتی سەلاحییەت كردنی خۆپالێوراوان لەلەلایەن رێژیمی ئێرانەوە بۆ چ دەگەڕێتەوە و هەنگاوەكانی رێژیم لەو راستایەدا بەرەو چ ئامانجێكن؟

ك. پەرویزی: لە بنەڕەتدا دەسەڵات رەتیسەلاحییەت كردن و پێكهێنانی ئۆرگانێك بە ناوی شوورای نیگابان، لە ئیدئۆلۆژیی ویلایەتی فەقیەوە سەرچاە دەگرێ كە بەپێی ئەو ئیدئۆلۆژی و روانینە تەنیا یەك كەس ئەویش وەلیی فەقیه، زانا و تێگەیشتوو و ئاگایە و هەموو مرۆڤەكانی نێو كۆمەڵگا، لە باری عەقڵییەوە كەمیان هەیە و دەبێ وەلیی فەقیه بۆیان دیاری بكا كە دەنگ بە چ جۆرە كەسانێك بدەن و پێڕەوی لە چ جۆرە یاسایەك بكەن و چ رێوشوێنێك بگرنە بەر، چونكە خۆیان بەرژەوەندی و مەسڵەحەتی خۆیان نازانن و دەبێ وەلیی فەقیه وەكوو شوانێك بە سەریانەوه بێ تاكوو لە رێگای خرانە داوی ئەودا بـڕۆنە سەر كانی!

یەكێكی دیكە لە تایبەتمەندییەكانی بیر كردنەوەی ویلایەتی فەقیه گومان كران لە "زات" و "جەوهەری" مرۆڤەكانە و پێی وایە كە مرۆڤەكان لە بنەڕەتدا خراپن و هەردەم ئەگەر هەڵخلیسكانیان بە لای خراپەدا هەیە و بۆیە گومانی تەنانەت لە نزیكترین كەسەكانی هەیە و بەردەوام پیویستی بە رەتی سەلاحیەت كردن هەیە، چونكە ئیدئۆلۆژیی ویلایەتی فەقیه پێی وایە ئەمـڕۆ كەسێك بە تەواوی گوێڕایەڵی وەلیی فەقیه بێ رەنگە سبەینێ بە بەرژەوەندییەك هەڵخەڵەتێ و بەلاڕێدا بچێ، بۆیە دەبینین خومەینی جێگری خۆی واتە مونتەزریی بەو شێوازە وەدەر نا و خامنەییش لە هەموو كەس و هەموو دونیا بە گومانە!

ك/مـــــــیدیا: تەحریمی هەڵبژاردنی مەجلیسی رێژیمی ئێران لەلایەن ئوپۆزیسیۆنی ئەو وڵاتەوە تەنیا دەربڕینی ناڕەزایەتی لە هەمبەر شێوەی هەڵبژاردنە یان هێز و خێرایی دانێكە بە رەوتی خەباتی ئازادیخوازی دژبەرانی رێژیمی ئێران؟

ك. پەرویزی: ئەگەر تەحریم كردن و بایكوتی هەڵبژاردن تەنیا وەكوو ناڕەزایی دەربـڕین و نیشان دانی گلەیی و گازندەیەك چاو لێ بكەین ئەوە لە كرۆك و نێوەڕۆكی ئەو سیاسەتە و ئەو بیركردنەوە بە تەواوەتی نزیك نەبووینەتەوه.

بەشداری كردنی خەڵك لە هەڵبژاردنێكی ئازاد و رەقابەتی و دادپەروەرانەدا، هەڵسوكەوتێكی دێموكراتیك بۆ كاریگەری دانان لەسەر سیاسەت و ئیدارەی وڵاتە و بەشداری نەكردنیش لە هەڵبژاردنی نادادپەروەرانە و نادێموكراتیكدا، هەڵسوكەوتێكی دێموكراتیك مافێكی دێموكراتیك بۆ لەقاو دانی بنەمان چەواشە كراوەكان و وشیار كردنەوەی خەڵك و دەربـڕینی ناڕەزایەتی و لە ئاكامدا كاریگەری دانان لەسەر رەوتی گشتیی ئیدارەی كۆمەڵگا دەوست كردنی رای گشتییه.

گەر چاوێك لە مێژووی هەڵبژاردنەكان و لە راستیدا شانۆگەرییەكان هەڵبژاردن لە رێژیمی كۆماری ئیسلامیدا بكەین، بە خێرایی بۆمان دەردەكەوێ كەلە هەركام لە قۆناغەكانی رەوتی بەڕیوەبردنی سیناریۆی هەڵبژاردندا هێز و لایەنی سیاسیی جۆراوجۆر بەشدار بوون، بەڵام لە قۆناغی دواتردا بەشێكیان لێی كشاونەتەوە و دەستیان داوەتە تەحریم كردن.

بە واتایەكی دیكە مێژووی سیاسیی ئێران، لەژێر دەسەڵاتی رێژیمی ئیسلامیی ئێراندا چەندین ساڵ و چەندین قۆناغی تێپەڕاندووە و هەتا زۆربەی هەرە زۆری هێز و لایە سیاسییەكان بەو قانعەتە بگەن كه لەژێر دەسەڵاتی كۆماری ئیسلامیدا ئەوە بەڕێوە دەچێ هەڵبژاردن نییە، بەڵكوو هەڵخەڵەتاندنی خەڵك و نیهاد و هەڵبژێردراوەكانیش هیج دەسەڵاتێكیان یێجگەلە رازاندنەوەی رێژیمی ئیسلامیی ئێران نییە.

حیزبی دێموكراتی كورددستانی ئێران لە یەكەم دەوری هەڵبژاردنی مەجلیس لە ئێراندا بەشدار بوو هەر بەو فرت و فێڵ و هەڵوەشاندنەوەی ئاكامی دەنگدان و هەڕەشە و گوڕەشەكان، بۆی دەركەوت كە ئەم رێژیمە هەڵبژاردنی تەنیا بۆ سیناریۆ سازی و خۆڵ لە چاوی خەڵك كردن دەوێ و لەو كاتەوە هەڵبژاردنی تەحریم كردووە و هەوڵی دا خەڵكی دیكە و لایەنی دیكە وشیار بكاتەوە كە ئەم رێژیمە خەریكی چ جۆرە بەلاڕێدا بردنی بیر و هزرەكان دامەزراندنی دیكتاتۆرییەت لەژێر پەردەی بەناو هەڵبژاردن دایە، بەلام خۆ هەموو كەس و هەموو لایەنێك هەر ئەوكات بەو قەناعەتە گەیشتن، بەڵكوو هەر لایەنێك لە قۆناغێكدا حەزف كرا و فێڵی لێكرا، هەتا ئێستا دەبینین لەم هەڵبژاردنە كارتۆنییەی خولی نۆیەمی مەجلیسی رێژیمدا تەنیا گوێ لەمستانی ویلایەتی فەقیه بەشدار بوون و پـڕوپاگەندەی بۆ دەكەن.

تەحریم كردن و وەئاگا هێنانەوەی خەڵك، لە بنەڕەت و لە ژێرخانی كۆمەڵگادا پێگەی رێژیم لەرزۆك دەكا و بە هەموو جیهان نیشان دەدا كە ئەم رێژیمە هیچ پێگەیەكی لەنێو خەڵكدا نییە و ورەی خەباتگێڕانەش بە خەڵك دەدەدا كە دەبینین رێژیم و گۆپاڵ بەدەستەكانی بە تاقی تەنیا ماوەنەتەوە و بڕوایان بە هێزی خۆیان، واتە هێزی راستەقینەی شۆڕش و گۆڕانكاری كە هێزی جەماوەری خەڵكه،زیاتر و گەشتر دەبێ.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: