• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ژانویەی ٢٠١٨ی زایینی - ٢٩ی بەفرانباری ١٣٩٦ی هەتاوی  

"رێفۆرمخوازه‌کان به‌ هیچ شێوه‌یه‌ک له‌ هه‌ڵبژاردنی‌ داهاتووی‌ مه‌جلیسی‌ شوورای‌ ئیسلامیدا به‌شداری‌ ناکه‌ن."

زایینی: ٠٦-٠٣-٢٠١٢ - هەتاوی: ١٣٩٠/١٢/١٦ - ٢٢:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
رێفۆرمخوازه‌کان و هه‌ڵبژاردنی‌ داهاتوو
مسته‌فا هیجری‌

رێفۆرمخوازه‌کان بۆ به‌شداری‌ له‌ هه‌ڵبژاردنی‌ مه‌جلیسی‌ نۆیه‌مدا خوازیاری‌ ئازادیی‌ به‌ندکراوانی‌ سیاسی‌، پێبه‌ندبوونی‌ هه‌مووان به‌ یاسای‌ بنه‌ڕه‌تی‌ و دابین بوونی‌ ئیمکانی‌ به‌ڕێوه‌بردنی‌ هه‌ڵبژاردنی‌ بێگه‌رد و ئازادن." محه‌ممه‌د خاته‌می‌ "به‌و هۆیه‌وه‌ که‌ شه‌رت و مه‌رجه‌ لانیکه‌مییه‌کانی‌ محه‌ممه‌د خاته‌می‌، سه‌رکۆماری‌ پێشوو، دابین نه‌بووه‌ هه‌ڵبژاردنی‌ داهاتووی‌ مه‌جلیس هیچ سوودێکی‌ بۆ خه‌ڵکی‌ ئێران نیه‌."

کۆمه‌ڵێک له‌ نوێنه‌رانی‌ خوله‌کانی‌ مه‌جلیسی‌ ئێران، نیشته‌جێی‌ ده‌ره‌وه‌ی‌ وڵات.

"رێفۆرمخوازه‌کان به‌ هیچ شێوه‌یه‌ک له‌ هه‌ڵبژاردنی‌ داهاتووی‌ مه‌جلیسی‌ شوورای‌ ئیسلامیدا به‌شداری‌ ناکه‌ن." سازمانی‌ موجاهیدینی‌ ئینقلابی‌ ئیسلامی‌ رێکخراوی‌ موجاهیدینی‌ ئینقلابی‌ ئیسلامی‌ هه‌روه‌ها له‌ به‌یاننامه‌ی‌ رۆژی‌ شه‌ممه‌، سێهه‌می‌ جۆزه‌ردانی‌ خۆیدا، رایگه‌یاندووه‌ که‌ هه‌ڵبژاردنی‌ خولی‌ نۆیه‌می‌ مه‌جلیسی‌ شوورای‌ ئیسلامی به‌ "نه‌ک هه‌ڵبژاردنێکی‌ راسته‌قینه‌، به‌ڵکوو به‌ شانۆیه‌کی‌ ئه‌ندازیاری کراو به‌ ئاکامی‌ له‌ پێشدا دیاریکراو بۆ پێکهێنانی‌ مه‌جلیسێکی‌ خاترجه‌م" ده‌زانێ‌.

بزاڤی رێگه‌ی‌ سه‌وزی‌ ئومید له‌ هه‌ڵبژاردندا به‌شداری‌ ناکا.

له‌ ده‌قی‌ زۆربه‌ی‌ نزیک به‌ ته‌واوی‌ ئه‌م به‌یاننامانه‌ و لێدوانانه‌دا سفه‌تگه‌لێک وه‌ک "نمایشی‌"، "فه‌رمایشی‌" و "ئه‌ندازیاریکراو" بۆ هه‌ڵبژاردنی‌ داهاتوو به‌کار براوه‌. ئه‌م هه‌ڵوێستانه‌ له‌لایه‌ن گرووپه‌ جۆراوجۆره‌ رێفۆرمخوازه‌کانه‌وه‌ له‌ دوو لایه‌نه‌وه‌ جێگای‌ باس و تاوتوێ کردنن:
1ـ چاوه‌ڕوانیی‌ ئه‌وه‌ که‌ کۆماری‌ ئیسلامیی‌ ئێران، ئیمکانی‌ به‌ڕێوه‌بردنی‌ هه‌ڵبژاردنێکی‌ ئازاد دابین بکا، به‌ندکراوانی‌ سیاسی‌ ئازاد بکا و پێبه‌ندی‌ یاسای‌ بنه‌ڕه‌تی‌ بێ‌ تا ئه‌م دۆستانه‌ له‌ هه‌ڵبژاردندا به‌شداری‌ بکه‌ن و ... هه‌ر په‌ره‌دان به‌و گومانانه‌یه‌ که‌ چه‌ندین ساڵ رێفۆرمخوازه‌کان پێیان له‌سه‌ر داده‌گرت تا به‌ دانی‌ نرخه‌کانی‌ هه‌رچه‌ندیش قورس بێ‌، ئه‌و گومانه‌ له‌ نێو خه‌ڵکدا پێک بێنن که‌ ئه‌م حکوومه‌ته‌ پوتانسیه‌ل و توانایی‌ گۆڕان و رێفۆرمی‌ هه‌یه‌، هه‌ر بۆیه‌ شیاوه‌ ته‌واوی‌ هێزه‌کان له‌ پێناوی‌ رێفۆرمی‌ رێژیمدا به‌کار ببرێن نه‌ک له‌ پێناو گۆڕینی‌ ته‌واویه‌تی‌ ئه‌ودا.

له‌ ماوه‌ی‌ ده‌یه‌کانی‌ رابردوو و له‌ ده‌سپێکی‌ هاتنه‌سه‌رکاری‌ کۆماری‌ ئیسلامییه‌وه‌، ئه‌م رێژیمه‌ بێ‌ ترس و دوودڵی‌ رۆژانه‌ و له‌ به‌رانبه‌ر چاوی‌ خه‌ڵکی‌ جیهاندا، له‌ پێناوی‌ یه‌کده‌ستکردنی‌ کۆمه‌ڵگا و سڕینه‌وه‌ی‌ جیابیران، ئازادیخوازان، چالاکانی‌ سیاسیی‌ نه‌ته‌وه‌کانی‌ ئێران، ژنان، خوێندکاران و به‌گشتی‌ توێژه‌ ئاگا و مافخوازه‌کانی‌ خه‌ڵکی‌ ئێران بۆ دزێوترین کرده‌وه‌ ده‌ستی‌ بردووه‌ و له‌م پێوه‌ندییه‌دا ته‌نانه‌ت له‌ به‌گژداچوونی‌ زانایانی‌ ئایینی‌ و که‌سانێک که‌ له‌ دامه‌زراندنی‌ ئه‌م رێژیمه‌شدا فیداکاریی‌ زۆریان کردووه‌ تۆزقاڵێک خۆی‌ نه‌بواردووه‌.

به‌ڵام لایه‌نی‌ به‌رانبه‌ر، واته‌ رێفۆرمخوازه‌کان و کۆمه‌ڵێکی‌ به‌رچاو له‌ رووناکبیرانیش هیچکات له‌ په‌ره‌دان به‌م گۆمانانه‌ کۆتایی‌یان نه‌کردووه‌ و هه‌وڵی‌ زۆریان داوه‌ تا به‌ڵکوو ئه‌م رێژیمه‌ تۆتالیتار و مرۆڤکوژه‌ به‌ شیاوی‌ قبووڵ و پاساوهه‌ڵگر نیشان بده‌ن و ئه‌و رێژیمه‌"وه‌ک قه‌تارێک که‌ له‌ هێڵ (ره‌یل) لای‌ داوه‌ بگه‌ڕێننه‌وه‌ سه‌ر هێڵه‌که‌ی‌" و متمانه‌ و ئابڕوو و ره‌وایی‌ له‌ده‌ستچووی‌ بۆ بگێڕنه‌وه‌. ئه‌م گرووپه‌ سه‌ره‌ڕای‌ گله‌یی‌‌و گازنده‌ کردن له‌ رێژیم هه‌ر کات که‌ ده‌بوو کارێک بکرێ‌ به‌ هانایه‌وه‌ چوون، له‌و به‌هاناچوونانه‌ ده‌توانین ئاماژه‌ به‌ هه‌ڵبژاردنه‌کانی‌ رابردووی‌ رێژیم بکه‌ین که‌ به‌ زۆری‌ و به‌ بیانووی‌ جۆراوجۆر و هاومه‌به‌ست له‌گه‌ڵ کارگێڕانی‌ رێژیم خه‌ڵکیان ته‌یار کردووه‌ تا هه‌رچی‌ زیاتر له‌سه‌ر سندووقه‌کانی‌ ده‌نگدان کۆ ببنه‌وه‌ و به‌م شێوه‌یه‌ ده‌ستی‌ رێژیم له‌ راگه‌یاندنی‌ ئه‌و ئاکامگیرییه‌ که‌ به‌شداریی‌ جه‌ماوه‌ری‌ خه‌ڵک له‌ هه‌ڵبژاردندا هۆی ره‌وایی‌ رێژیمه‌، ئاوه‌ڵا بهێڵنه‌وه‌. له‌م پێناوه‌دا هه‌ڵبه‌ت له‌ نووسینی‌ نامه‌ بۆ رێبه‌رانی‌ رێژیم له‌وانه‌ بۆ وه‌لی‌ فه‌قیه له‌ پێوه‌ندی‌ له‌گه‌ڵ ئامۆژگاریی‌ دڵسۆزانه‌ش! خۆیان نه‌بواردووه‌ به‌و هیوایه‌ که‌ رێژیم به‌ پێڕه‌ویکردن له‌ ئامۆژگارییه‌کانی‌ ئه‌وان بۆ چاکسازی‌ و پته‌وکردنی‌ خۆی‌ هه‌وڵ بدا و له‌ مه‌ترسیی‌ رووخان و رووبه‌ڕووکردنه‌وه‌ی‌ وڵات له‌گه‌ڵ شه‌ڕدا و ... رزگاری‌ بێ‌. له‌ دوایین نموونه‌ی‌ ئه‌م نامه‌نووسینانه‌ ده‌توانین ئاماژه‌ به‌ ده‌قی‌ نامه‌ی‌ 157 که‌س له‌ چالاکانی‌ سیاسی‌، مه‌ده‌نی‌، خوێندکاری‌ و زانستگایی‌ و هه‌روه‌ها نامه‌ی‌ به‌ڕێز نووریزاد بکه‌ین.

سه‌یره‌ له‌وڵاتێکدا که‌ رێبه‌ران و به‌ڕێوه‌به‌رانی‌، خه‌ڵک به‌ پووش و په‌ڵاش (خس و خاشاک) و ئازادیخوازان و جیابیران به‌ شه‌ڕکه‌ر دژی‌ خودا، "مفسد فی‌ الارچ"، گوێڕایه‌ڵی‌ بێگانه‌ و دژی‌ ته‌ناهیی‌ نه‌ته‌وه‌یی‌ و ... ده‌زانن و به‌م تۆمه‌تانه‌ ئه‌وان دادگایی‌ و به‌ په‌تی‌ سێداره‌ ده‌سپێرن و یان به‌ زیندانی‌ درێژماوه‌ مه‌حکوومیان ده‌که‌ن و له‌ به‌ندیخانه‌کاندا ئه‌وی‌ که‌ ناشێ‌ به‌سه‌ریاندا دێنن، ئه‌وسا ئه‌م مه‌حکوومکراوانه‌! پاش ده‌یان ساڵ ئه‌زموون و ئاگایی‌ له‌ گۆڕان هه‌ڵنه‌گربوونی‌ رێژیم، هه‌روا له‌ ته‌پڵی‌ رێفۆرمخوازی‌ ده‌ده‌ن و بۆ به‌شداریی‌ خۆیان له‌ هه‌ڵبژاردندا بۆ ده‌سه‌ڵاتبه‌ده‌ستان شه‌رت و مه‌رج دیاری‌ ده‌که‌ن، له‌ کاتێکدا رێژیم رایده‌گه‌یه‌نێ‌ که‌ پێویست ناکات ئه‌وان له‌ هه‌ڵبژاردندا به‌شداری‌ بکه‌ن.

ئه‌م گرووپه‌ له‌ هاونیشتمانانی‌ ئێمه‌ وادیاره‌ ته‌نیا یه‌ک ئاڵترناتیڤ ده‌ناسن که‌ ئه‌ویش چاکسازی‌ له‌ رێژیمدایه‌ و هه‌ر کات باس له‌ ئاڵترناتیڤێکی‌ دیکه‌ بۆ نموونه‌ رووخانی‌ رێژیم ده‌کرێ‌، هه‌ڵده‌چن و به‌ فێڵ و چه‌واشه‌کاریی‌ جۆراوجۆر و به‌ڵگه‌هێنانه‌وه‌ی‌ دووپاتکراوی‌ خۆیان پاساو بۆ مانه‌وه‌ی‌ حکوومه‌ت و هێندێ‌ جار یاسای‌ بنه‌ڕه‌تیی‌ ئێستای‌ ـ که‌ خۆی‌ یه‌کێک له‌ ناوه‌نده‌کانی‌ دیکتاتۆرپه‌روه‌رییه‌ ـ ده‌هێننه‌وه‌ و خه‌ڵک له‌ ده‌ره‌نجامه‌ چاوه‌ڕواننه‌کراو و نه‌رێنییه‌کانی‌ هه‌وڵدان بۆ رووخانی‌ رێژیم ده‌تۆقێنن و ئه‌وان تووشی‌ دوودڵی‌ و گومان ده‌که‌ن، که‌ نه‌کا ئه‌و به‌هه‌شته‌ی‌ که‌ ئێستا ئه‌م حکوومه‌ته‌ بۆیانی‌ دابین کردووه‌ له‌ده‌ست بده‌ن. ئه‌و کاته‌ که‌ بژارده‌کان و رووناکبیرانی‌ وڵات که‌ ده‌بێ‌ میکانیزمی‌ گۆڕان و وه‌رچه‌رخان بن پاش چه‌ند ده‌یه‌ هه‌روا له‌ بیری‌ رێفۆرمی‌ رێژیمدان و به‌م مه‌به‌سته‌ له‌گه‌ڵ رێبه‌رانی‌ رێژیمدا نامه‌نووسینی‌ یه‌ک لایه‌نه‌ ده‌که‌ن و بۆ به‌شداریی‌ خۆیان له‌ هه‌ڵبژاردندا شه‌رت و مه‌رج داده‌نێن، واته‌ ئه‌وه‌ی‌ که‌ رێژیم به‌ فرمی‌ و له‌سه‌ر حه‌ق ده‌زانن، هه‌رچه‌ند گله‌ییگه‌لێکیشیان له‌ حکوومه‌ت هه‌یه‌. ئاکامی‌ ئه‌م جۆره‌ تێڕوانین و کرده‌وه‌یه‌، ده‌بێته‌ ئه‌و ره‌وشه‌ی‌ که‌ ئێستا له‌ وڵاتدا ده‌یبینین و ده‌سه‌ڵاتبه‌ده‌ستانێک که‌ به‌بێ‌ نیگه‌رانییه‌کی‌ ئه‌وتۆ ته‌ڕاتێن ده‌که‌ن و ئه‌سپی‌ خۆیان تاو ده‌ده‌ن. ئێمه‌ له‌ کاتێکدا شایه‌تی‌ ئه‌م بابه‌ته‌ داخاوییه‌ین که‌ ته‌نیا له‌ ماوه‌ی‌ یه‌ک ساڵی‌ رابردوودا خه‌ڵکانی‌ راپه‌ڕیوی‌ چه‌ند وڵاتێک له‌ دوور و نزیکمان، به‌ لێیڕاوی‌ و بێ‌ دوودڵی‌ بۆ رووخاندنی‌ حکوومه‌ته‌ دیکتاتۆره‌کان هاتوونه‌ته‌ مه‌یدان و به‌ دانی‌ نرخه‌که‌ی‌ به‌ ئامانجی‌ خۆیان گه‌یشتوون و ئێمه‌ پاش چه‌ند ده‌یه‌ هه‌روا له‌ سه‌ره‌تای‌ پێچی‌ کۆڵانێکن(اندر خم یک کوچه‌ایم).
2ـ پێداچوونه‌وه‌ی‌ دووباره‌ی‌ مه‌رجه‌کانی‌ رێفۆرمخوازه‌کان بۆ به‌شداری‌ له‌ هه‌ڵبژاردنی‌ داهاتوودا: "ئازادیی‌ به‌ندکراوانی‌ سیاسی‌، دابینبوونی‌ ئیمکانی‌ به‌ڕێوه‌بردنی‌ هه‌ڵبژاردنی‌ ئازاد و بێگه‌رد و ..." و ئێستا که‌ ئه‌م مه‌رجانه‌ دابین نه‌بوون هه‌ر بۆیه‌ له‌م هه‌ڵبژاردنه‌ "فه‌رمایشی‌، نمایشی‌ و ..."دا به‌شداری‌ ناکه‌ن.

پرسیارێک که‌ لێره‌دا دێته‌ ئاراوه‌ ئه‌وه‌یه‌ که‌ ئاخۆ ته‌نیا ئه‌م هه‌ڵبژاردنه‌ فه‌رمایشی‌ و نمایشییه‌ و هه‌شت هه‌ڵبژاردنی‌ مه‌جلیس و ده‌ هه‌ڵبژاردنی‌ سه‌رکۆماری‌ له‌ ماوه‌ی‌ سی‌ ساڵی‌ رابردوودا فه‌رمایشی‌ و نمایشی نه‌بوون که‌ ئه‌م دۆستانه‌ تێیاندا به‌شدارییان کرد و که‌سانی‌ دیکه‌شیان هان دا بۆ به‌شداریکردن تێیدا؟ ئاخۆ له‌ ماوه‌ی‌ سێ‌ ده‌یه‌ی‌ رابردوودا ئازادیی‌ به‌ندکراوانی‌ سیاسی و ئیمکانی‌ پێکهێنانی‌ هه‌ڵبژاردنی‌ بێگه‌رد و ئازاد ره‌خسابوو؟ له‌ بنه‌ڕه‌تدا چ جیاوازی‌ یان جیاوازیگه‌لێک له‌ نێوان میکانیزمه‌کان و یاساکانی‌ هه‌ڵبژاردنی‌ ده‌وره‌ی‌ نۆیه‌می‌ مه‌جلیسی‌ شوورای‌ ئیسلامی‌ له‌گه‌ڵ هه‌ڵبژاردنه‌کانی‌ پێشوودا هه‌یه‌؟ وادیاره‌ که‌ وه‌ڵامی‌ ئه‌م پرسیارانه‌ به‌ ته‌واوی‌ روونه‌ چوونکه‌ له‌ هه‌ڵبژاردنه‌کانی‌ رابردووشدا ئێمه‌ شایه‌تی‌ دووپاتکردنه‌وه‌ی‌ راگه‌یاندنی‌ "فه‌رمایشی‌ بوون و نمایشی‌ بوون و هه‌ڵبژاردنی‌ ئه‌ندازیاری‌ بۆکراو" بووین که‌ به‌ زۆری‌ له‌ زمانی‌ به‌ربژاره‌ رێفۆرمخوازه‌ شکستخواردووه‌کانه‌وه‌ ده‌رده‌بڕدران. ئێستا ئه‌گه‌ر رێفۆرمخوازه‌کان ئه‌و راستییه‌یان قبووڵ بێ‌ که‌ له‌ هه‌ڵبژاردنه‌کانی‌ رابردووشدا مه‌رجه‌ دێموکراتیکه‌کان بۆ هه‌ڵبژاردن دابین نه‌بوون و به‌م هۆیه‌وه‌ ئه‌وان و ته‌واوی‌ خه‌ڵک شایه‌تی‌ فه‌رمایشی‌ بوونی‌ هه‌ڵبژاردنه‌کان و ئاکامه‌کانیان بوون، به‌م پێیه‌ نه‌ده‌بوو له‌و هه‌ڵبژاردنانه‌شدا به‌شدارییان کردبا ـ ئه‌و ئاکامه‌ی‌ که‌ له‌م هه‌ڵبژاردنه‌دا پێی‌ گه‌یشتوون که‌ ئاکامێکی‌ درووسته‌ ـ هه‌ر بۆیه‌ لانیکه‌م داوای‌ لێبوردنێک به‌ هاونیشتمانانی‌ خۆیان قه‌رزدارن، به‌و هۆیه‌وه‌ که‌ به‌ وته‌ی‌ کۆماری‌ ئیسلامی‌ بۆ "شێواندنی‌ بیروڕای‌ گشتی" هه‌وڵیان داوه‌ و له‌ هه‌ڵبژاردندا به‌شدارییان کردووه‌ و خه‌ڵکیان بۆ به‌شداربوون تێیدا هان داوه‌ له‌ کاتێکدا که‌ "ئیمکانی‌ به‌ڕێوه‌بردنی‌ هه‌ڵبژاردنی‌ بێگه‌رد" دابین نه‌ببوو.

به‌م رابردووه‌وه‌ به‌ سانایی‌ جێگای‌ تێگه‌یشتنه‌ که‌ راگه‌یاندنی‌ به‌شدارینه‌کردن له‌ هه‌ڵبژاردنی‌ خولی‌ نۆیه‌می‌ مه‌جلیسی‌ شوورای‌ ئیسلامیدا که‌ بڕیاره‌ له‌ مانگی‌ ره‌شه‌مه‌دا به‌ڕێوه‌ بچێ‌، له‌ لایه‌ن رێفۆرمخوازه‌کان و ئه‌م گرووپه‌ له‌ رووناکبیران نه‌ک به‌ هۆی‌ ده‌سته‌به‌رنه‌بوونی‌ مه‌رجه‌کانی‌ ئه‌وان بۆ به‌شداری‌ له‌ هه‌ڵبژاردن، به‌ڵکوو له‌وه‌وه‌ سه‌رچاوه‌ ده‌گرێ‌ که‌ ئه‌م جاره‌ له‌ لایه‌ن شوورای‌ نیگابانه‌وه‌ "زم"ه‌که‌ به‌ تیژتر ده‌بینن و به‌و راستییه‌ گه‌یشتوون که‌ نه‌ ته‌نیا باسێک له‌ قبووڵکردنی‌ مه‌رجه‌ داواکراوه‌کانی‌ ئه‌وان له‌ لایه‌ن حکوومه‌ته‌وه‌ له‌ئارادا نیه‌ به‌ڵکوو ئه‌وه‌ رێبه‌ریی‌ رێژیمه‌ که‌ بۆ به‌شداری له‌ هه‌ڵبژاردندا مه‌رج بۆ ئه‌وان داده‌نێ‌ و راده‌گه‌یه‌نێ‌: که‌سانێک له‌وان ده‌توانن له‌ هه‌ڵبژاردندا به‌شداری‌ بکه‌ن که‌ له‌ کرده‌وه‌کانی‌ خۆیان په‌شیمانبوونه‌وه‌ رابگه‌یه‌نن و به‌ڵێن بده‌ن که‌ بۆ جارێکی‌ دیکه‌ تووشی‌ وه‌ها هه‌ڵه‌گه‌لێک نابن. ئاکامی‌ ئه‌م هه‌ڵوێسته‌ی‌ رێژیم راست به‌و واتایه‌ بوو که‌ ئه‌سته‌م دێته‌ به‌رچاو رێژیم سه‌ڵاحییه‌تی‌ که‌مینه‌یه‌کی‌ هه‌رچه‌ند لاواز له‌ به‌ربژاره‌کانی‌ ئه‌م گرووپه‌ په‌سند بکا تا ئه‌وان ده‌رفه‌تی‌ به‌شداری‌ له‌ کێبه‌رکێکانی‌ هه‌ڵبژاردنیان هه‌بێ‌، به‌م پێیه‌ جارێ‌ ده‌رگا به‌ روویاندا به‌ته‌واوی‌ داخراوه‌.

به‌ره‌نجامی‌ ئه‌م به‌ڵگه‌هێنانه‌وه‌یه‌ ئه‌وه‌یه‌ که‌ ئه‌مجاره‌ش رێفۆرمخوازه‌کان خه‌ریکی‌ شێواندنی‌ بیروڕای‌ گشتین، چوونکه‌ به‌ته‌مان به‌ نادرووست وه‌ها له‌نێو بیر و مێشکی‌ خه‌ڵک بهاوێن که‌ ئه‌وان به‌ هۆی‌ ده‌سته‌به‌رنه‌بوونی‌ داخوازییه‌کانیان که‌ "ئازادیی‌ به‌ندکراوانی‌ سیاسی‌، پێبه‌ندبوونی‌ هه‌مووان به‌ یاسای‌ بنه‌ڕه‌تی‌ و دابیننه‌بوونی‌ ئیمکانی‌ به‌ڕێوه‌بردنی‌ هه‌ڵبژاردنی‌ بێگه‌رد و ئازاد"ه‌، له‌ هه‌ڵبژاردندا به‌شداری‌ ناکه‌ن تا به‌م شێوه‌یه‌ له‌ به‌رانبه‌ر خه‌ڵک و له‌ جێگای‌ ئه‌و هه‌مووه‌ خزمه‌تکردنه‌ به‌ رێژیم و به‌تینڕاگرتنی‌ ته‌نووری‌ هه‌ڵبژاردنه‌کانی‌ رابردووی‌، له‌ باتیی داوای‌ لێبوردن، داواکاریش بن!، له‌ کاتێکدا که‌ پێشینه‌ی‌ ئه‌م به‌ڕێزانه‌ ده‌رخه‌ری‌ ئه‌وه‌یه‌ که‌ ئه‌گه‌ر ئه‌وان به‌و ئاکامه‌ش گه‌یشتبان که‌ ژماره‌یه‌کی‌ که‌میان ده‌یتوانی‌ له‌ بێژنگی‌ شوورای‌ نیگابانه‌وه‌ تێپه‌ڕێ‌ و بتوانێ‌ له‌ کێبه‌رکێی‌ ئه‌م هه‌ڵبژاردنه‌ "نمایشی‌، فه‌رمایشی‌ و بێ‌ سوود و ..."دا به‌شداری‌ بکا، بێ‌ تۆزقاڵێک دوودڵی‌ جارێکی‌ دیکه‌ به‌شدارییان ده‌کرد، هه‌روا که‌ له‌ رابردوودا به‌شدارییان کردووه‌ و ئازادنه‌بوونی‌ به‌ندکراوانی‌ سیاسی‌ و ... ویستی‌ پته‌وی‌ ئه‌وانی‌ بۆ گه‌رمکردنی‌ ته‌نووری‌ هه‌ڵبژاردن له‌رزۆک نه‌ده‌کرد، چوونکه‌ سه‌ره‌ڕای‌ ته‌واوی‌ ئه‌و گله‌یی و دڵ ئێشاوییانه‌ی‌ که‌ له‌ رێژیم هه‌یانه‌، ئه‌وان به‌ سه‌دان به‌ند به‌ ناوکی‌ رێژیمه‌وه‌ گرێدراون و به‌م هۆیه‌وه‌ ده‌بینین له‌ ته‌واوی‌ ئه‌م راگه‌یه‌ندراو و به‌یاننامانه‌دا نه‌ باس له‌ بایکۆتکردنی‌ هه‌ڵبژاردنه‌ و نه‌ هاندانی‌ خه‌ڵک بۆ به‌شدارینه‌کردن تێیدا، چوونکه‌ هێشتاش چاوه‌ڕێی‌ به‌خششی‌ رێبه‌ری‌ و ئاوڕدانه‌وه‌یه‌کی‌ پڕ له‌ گه‌وره‌یی‌ شوورای‌ نیگابانن تا به‌ڵکوو له‌ رووی‌ به‌زه‌ییه‌وه‌ ده‌لاقه‌یه‌کی‌ چووکه‌ به‌ره‌و روویان بکاته‌وه‌ و ئه‌وان له‌ دوایین ده‌رفه‌ته‌کاندا خۆیان بۆ ته‌بلیغ به‌ مه‌به‌ستی‌ به‌شداریی‌ خه‌ڵک له‌ هه‌ڵبژاردندا به‌رهه‌ڤـ بکه‌ن و به‌م شێوه‌یه‌ ئه‌رکی‌ نه‌ته‌وه‌یی‌ و ئیلاهیی‌ خۆیان له‌ هه‌مبه‌ر رێژیمه‌که‌یان راپه‌ڕێنن و نیشانی‌ بده‌ن که‌ ئه‌وان هه‌روا ئاماده‌ن له‌ رێگای‌ هه‌رمانکردنی‌ ئه‌م رێژیمه‌ له‌ ژێر هه‌ر ئه‌م یاسا بنه‌ڕه‌تییه‌دا "بێ‌ یه‌ک وشه‌ زیاد و یه‌ک وشه‌ که‌م" و هه‌بوونی‌ "بنه‌مای‌ به‌رزی‌! وه‌لی فه‌قیه" دڵسۆزی‌ و نیازپاکیی‌ خۆیان به‌ حکوومه‌تی‌ ئیمام زه‌مان بسه‌لمێنن. له‌ به‌رانبه‌ردا ته‌نیا چاوه‌ڕوانییان هه‌بوونی‌ به‌شێکی‌ هه‌رچه‌ند که‌م له‌ ده‌سه‌ڵات و پوانگه‌لێکه‌ که‌ لێی‌ بێبه‌ش بوون.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.