کوردستان میدیا: دووهەمین رۆژی کاریی کۆبوونەوەی شۆرای ئەنترناسیۆنال سوسیالیست بە بەشداریی شاندی حیزبی دێمۆکرات لە وڵاتی پورتەغال بەڕێوەچوو.
بەپێی راپۆرتی ماڵپەڕی کوردستان میدیا، رێکەوتی ١٦ و ١٧ی رێبەندان، شاندێکی حیزبی دێمۆکراتی کوردستانی ئێران بە سەرپەرستیی لوقمان ئەحمەدی ئەندامی کۆمیتەی ناوەندی و بەرپرسی پێوەندییەکانی دەرەوەی حیزب لە شاری کەسکاشیایی وڵاتی پورتەغال، لە کۆبوونەوەی شۆرای سوسیالیست ئەنترناسیۆنالدا بەشداریی کرد.
رۆژی دووهەمی شۆرا بۆ تاوتوێ کردنی پرسی سیاسیی هەرێمی ساهێل لە ئەفریقا تەرخان کرابوو و دوانیوەڕۆی هەمان رۆژ لەسەر ئەم خاڵانە بڕیار درا:
ــ دامەزراندنی کومیسیۆنی تایبەت بۆ دەستنیشان کردنی پرسە گرینگ و جیهانییەکان
ــ دامەزراندنی کۆمیتەی هەرێمیی تایبەت
ــ باس کردن لەسەر کەمپەینەکانی داهاتوو و گرووپەکانی کار لەنێو سوسیالیست ئەنترناسیۆنالیستدا
ــ هەڵبژرادنی سێ جێگرسەرۆک
بەشی کۆتایی رۆژی دووهەمی شۆرای ئەنترناسیۆنال سوسیالیست بۆ پەسند کردن بڕیار و گەڵاڵەکان تەرخان کرابوو و لەم پیوەندییەدا گەڵاڵەی بارودۆخی مافی مرۆڤی نەتەوەکانی ئێران کە لەلایەن حیزبی دێمۆکراتی کوردستانی ئێرانەوە ئامادە و پێشنیار درابوو، پەسند کرا.
لەم بڕیارنامەیەدا رەخنەی توند لە رێژیمی کۆماری ئیسلامیی ئێران لەمەڕ پێشێل کردنی مافی مرۆڤ و زیاد بوونی رێژەی ئیعدام کردنی چالاکانی سیاسیی کورد، بەلووچ و عەرەب لە ئێراندا گیراوە.
بەپێی راپۆرتی ماڵپەڕی کوردستان میدیا، رێکەوتی ١٦ و ١٧ی رێبەندان، شاندێکی حیزبی دێمۆکراتی کوردستانی ئێران بە سەرپەرستیی لوقمان ئەحمەدی ئەندامی کۆمیتەی ناوەندی و بەرپرسی پێوەندییەکانی دەرەوەی حیزب لە شاری کەسکاشیایی وڵاتی پورتەغال، لە کۆبوونەوەی شۆرای سوسیالیست ئەنترناسیۆنالدا بەشداریی کرد.
رۆژی دووهەمی شۆرا بۆ تاوتوێ کردنی پرسی سیاسیی هەرێمی ساهێل لە ئەفریقا تەرخان کرابوو و دوانیوەڕۆی هەمان رۆژ لەسەر ئەم خاڵانە بڕیار درا:
ــ دامەزراندنی کومیسیۆنی تایبەت بۆ دەستنیشان کردنی پرسە گرینگ و جیهانییەکان
ــ دامەزراندنی کۆمیتەی هەرێمیی تایبەت
ــ باس کردن لەسەر کەمپەینەکانی داهاتوو و گرووپەکانی کار لەنێو سوسیالیست ئەنترناسیۆنالیستدا
ــ هەڵبژرادنی سێ جێگرسەرۆک
بەشی کۆتایی رۆژی دووهەمی شۆرای ئەنترناسیۆنال سوسیالیست بۆ پەسند کردن بڕیار و گەڵاڵەکان تەرخان کرابوو و لەم پیوەندییەدا گەڵاڵەی بارودۆخی مافی مرۆڤی نەتەوەکانی ئێران کە لەلایەن حیزبی دێمۆکراتی کوردستانی ئێرانەوە ئامادە و پێشنیار درابوو، پەسند کرا.
لەم بڕیارنامەیەدا رەخنەی توند لە رێژیمی کۆماری ئیسلامیی ئێران لەمەڕ پێشێل کردنی مافی مرۆڤ و زیاد بوونی رێژەی ئیعدام کردنی چالاکانی سیاسیی کورد، بەلووچ و عەرەب لە ئێراندا گیراوە.