• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

سپای پاسداران، رێكخراوێكی تیرۆریستی

زایینی: ٢٢-٠٤-٢٠١٢ - هەتاوی: ١٣٩١/٠٢/٠٣ - ١٨:١٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سپای پاسداران، رێكخراوێكی تیرۆریستی
ناسر ساڵحی ئەسڵ

بە ماوەیەكی كەم، واتا 21 رۆژ دوای راگەیاندنی ریفراندۆمی نادێموكراتیكی 12ی خاكەلێوەی 1358 ی هەتاوی، لە 2ی بانەمەڕی ئەو ساڵەدا بە فەرمان و رێنوێنیی شەخسی خومەینی «سپای پاسدارانی ئینقلابی ئیسلامی» دامەزرا.

ئامانجی سەرەكی دارودەستەی باندی خومەینی لە دامەزرانی سپای پاسداران، لە لایەك پاراستنی رێژیمی كۆماری ئیسلامی و سەركوتكردنی بزووتنەوەی نەتەوەكانی ئێران و حیزب و رێكخراوە سیاسییەكان و لە لایەكی دیكەوە ناردنە دەرەوەی شۆڕشی ئیسلامی و دەستێوەردان لە كاروباری وڵاتانی ئیسلامی بە هۆی دامەزرانی رێكخراوەگەلی تیرۆریستییەوە بوو.

لێرەدا بە كورتی ئاماژە بە كردەوەكانی سپای پاسداران لە دوو ئاستی نێوخۆیی و دەرەوەی ئێراندا دەكەین:

ــ كردەوەكانی سپای پاسداران لە ئاستی نێوخۆی ئێراندا:

سپای پاسداران بە كردەوە لە كاتی هێرش بۆ سەر خەڵكی كوردستانی ئێران و نەتەوەكانی دیكەی ئێران بەتایبەت توركەمەن سەحرا و خوزستان رۆڵی سەرەكی هەبووە. لە قەڵاچۆكردنی خەڵكی بێ‏تاوانی كوردستان و وێرانكردنی شار و گوندەكان و میلیتاریزەكردن دەستی باڵای هەبووە و هەیە.

تیرۆری فیزیكی كەسایەتییە سیاسی، فەرهەنگی و ئایینییەكان بەتایبەت تیرۆری دوو رێبەری ناوداری نەتەوەی كورد و سكرتێری گشتیی حیزبی دێموكراتی كوردستانی ئێران، شەهیدان دوكتور عەبدولڕەحمان قاسملووی رێبەر و د.سەعید شەرەفكەندیی بلیمەت لە كردەوە تیرۆریستییەكانی سپای پاسداران بوو.

هەروەها سپای پاسداران لە ژێر ناوی كاری فەرهەنگیدا لە پەروەردەكردن و بارهێنانی ئەندامانی تاقم و گرووپە تیرۆریستییەكان لە ژێر ناوی خوێندكارانی وڵاتانی ئیسلامی لە زانستگا و قوتابخانەكانی سپای پاسداران، هەروەها پشتیوانیی ماڵی و دابینكردنی چەكوچۆڵ بۆ تاقمە تیرۆریستییەكان، دەستی هەبووە.

ــ كردەوەكانی سپای پاسداران لە ئاستی دەرەوەی ئێراندا:

ئەركێكی دیكەی سپای پاسداران لە هەلومەرجی ئێستادا دژایەتیكردن لەگەڵ سیستمگەلی دێموكراتیك و فیدراڵە. هەر بۆیە بۆ بڕەودان بەم سیاسەتە و نائارامكردنی وڵاتانی رۆژهەڵاتی نێوەڕاست لە رێگای تاقمە تیرۆریستییەكان، سیاسەتی نافەرمی خۆی دەگرێتە بەر و لەو رێگایەوە دەیهەوێت بە شێوەی ناڕاستەوخۆ گۆڕانكاری دڵخوازی خۆی بێنێتە دی.

سپای پاسداران لە دەرەوەی ئێراندا لە دوو فاكتەر بۆ بڕەودان بە سیاسەتی تیرۆر كەڵك وەردەگرێت كە بریتین لە:

یەكەم: ناسەقامگیركردنی وڵاتانی دێموكراتیك و فیدراڵ لە رۆژهەڵاتی نێوەڕاست و ناسەركەوتوونیشاندانی ئەو شێوازە لە دەسەڵات لە ناوچەدا.

دووهەم: كەڵك لە نانەوەی ترس و تۆقاندن و ئامووزشی تاقمە تیرۆریستییەكان وەردەگرێ، تا لەم رێگایەوە پێش بە ئاڵوگۆڕە دێموكراتیكەكان لە ناوچەدا بگرێت.

بەڵام بە ئاشكرابوونی سیاسەتی نامرۆڤانە و دەستێوەردانی لە كاروباری وڵاتانی دیكەدا، رای گشتیی جیهان لەسەر ئەو باوەڕەیە كە سپای پاسداران سەرچاوەی بڕەودان بە سیاسەتی تیرۆر و تیرۆریزمە لە جیهان و ناوچەدا. هەر بۆیە هەر رۆژ رێژیمی كۆماری ئیسلامی بەرەو قەیرانی قووڵتر دەبات و چاوەڕوانی ئەوە ناكرێت كە سپای پاسداران دەست لە سیاسەتی تیرۆر و تیرۆریزم ‎پەروەری هەڵگرێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک