• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ژانویەی ٢٠١٨ی زایینی - ٠١ی رێبەندانی ١٣٩٦ی هەتاوی  

زستان بە هەموو سارد و سڕییەکانەوە تێدەپەرێ و رووڕەشی بۆ خەڵووز دەمێنێتەوە!

زایینی: ٢٢-٠٤-٢٠١٢ - هەتاوی: ١٣٩١/٠٢/٠٣ - ١٨:٢١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
زستان بە هەموو سارد و سڕییەکانەوە تێدەپەرێ و رووڕەشی بۆ خەڵووز دەمێنێتەوە!
دارا ناتق

تیرۆریزم یەکێک لەو دیاردانەیە کە رێژیمی مرۆڤکوژی کۆماری ئیسلامی باوەڕێکی قووڵی پێی هەیە و وەک ئیدەئاڵترین میکانیزم و ستراتیژی بۆ سەرکوتی موخالیفان و پاراستنی نیزام و مانەوەی دەسەڵاتی نگریسی خۆی پێڕەوی دەکات.

بە دوای شۆڕشی گەلانی ئێران لە ساڵی 1357ی هەتاوی بەملاوە، تیرۆریزم بەشێکی دانەبڕاو بووە لە سیاسەتی ئێران. کاربەدەستانی پایەبەرزی ئەو رێژیمە بە گشتی لەسەر ئەو باوەڕەن کە کوشتن، بارمتەگرتن و بۆمبدانان و تەقاندنەوە بۆ گەیشتن بە ئامانجە سیاسییەکانی رێژیم لە ئاستی نێوخۆیی و دەرەوەی وڵاتدا کەرەستەیەکی یاسایین، لەو ڕووەوە ئێران رێژیمێکی تیرۆریستییە.

خومەینی لە هەڵویستێکی نامرۆڤانەدا بە دوور لە هەر چەشنە عورف و یاسایەکی نێونەتەوەیی و پرەنسیپێکی ئەخلاقی فەرمانی قەدەغەکردنی رێکخراوە سیاسییەکان و رۆژنامەکانی دەرکرد و هەروەها بڕیاری جیهادی بە دژی گەلی کورد و کوشتن و سەرکوتی ئازادیخوازانی وڵاتەکەمانی راگەیاند. پاش دەرچوونی ئەو فەرمانە، تا هەنووکەش تاریکپەرەستانی ئاخوندی لە ماوەی زیاتر لە سێ دەیە لە دەسەڵاتداریی خۆیاندا بە پراکتیزەکردنی بیری تیرۆریستیی خۆیان بە سەدان کەس لە ئازادیخوازانی وڵاتەکەمان بە تایبەتی رێبەرانی پایەبەرزی حیزبی دێموکراتی کوردستانی ئێرانی بە شێوەی جۆراوجۆر و لەسەر مێزی ئاشتی و دیالۆگ لە دەرەوە و لە نێوخۆشدا تیرۆر کردووە.

رێژیمی کۆماری ئیسلامی بەتایبەتی پێی وابوو کە بە تیرۆرکردنی د.قاسملوو تەڤگەری ئازادیخوازیی نەتەوەی کورد لە کوردستانی رۆژهەڵات تووشی ئاشبەتاڵ یان لانیکەم بە رادەیەکی بەرچاو تووشی بێهیوایی و لاوازی دەبێت، بەڵام قوتابی مەکتەبی دێموکرات، د.سادق شەرەفکەندی وەکوو کەسایەتییەکی شۆڕشگێڕ، لێبڕاو، ناسراو و نەتەوەپەرەست و گرینگتر لە هەمووی ئاکادێمیست و دیپلۆمات و ئاشنا لەگەڵ بارودۆخ و سیاسەتی جیهانی، ناوچەیی و کوردستانی، ئاڵای خەباتی شەکاوە راگرت و ئەمەش بوو بە هۆی ئەوەی کە رێژیم هەست بە مەترسییەکی گەورە بکات، چوونکە ئەمە بە پێچەوانەی خواستی کۆماری تێرور بوو، هەر بۆیە جارێکی دیکە رێبەری ئازادیخوازیی نەتەوەکەمان بووە ئامانجی تیرۆری رێژیم.

بۆیە هەر زۆر زوو دڕندەکانی نیشتەجێی جەماران، ئەو شەمشەمە کوێرانەی کە لە ترسی رووناکی خزابوونە ئەشکەوتە تاریکەکانی بیر و هزری چاخە کۆنەکان، دەنگی دلێر و سیمای بەهەیبەتی رێبەر و خەباتکاری بە ورە و شۆڕشگێڕی ئازادیخوازیی نەتەوەکەمان، دوکتور سادق شەرەفکەندییان پێ تەحەمول نەکرا و لە ڕۆژی 26ی خەرمانانی ساڵی 1371ی هەتاوی، تاقمێک لە خوێنڕێژانی خۆیان و چڵکاوخۆرانی حیزبۆڵڵای بەرەو بێرلین بەڕێ کرد و لە ریستورانی میکونووس لە کاتی بەڕێوەچوونی کۆبوونەوەی هێزە ئێرانییەکاندا، رێبەری گەورەی نەتەوەکەمانی شەهید کرد.

تیرۆرێک کە بە پێچەوانەی تیرۆرەکانی دیکەی رێژیم، شەپۆلێکی بەرینی لە هاوخەمی و هاوسۆزی دروست کرد، واتە لە پرۆسەی بەرۆژەڤکردنی پەروەندەی تیرۆرەکە و دادگاییکردنەکەیدا ئۆپۆزیسیۆنی ئێرانی و دڵسۆزانی ئێرانی و بیانی هاوکاری تەواویان لەگەڵ دادگاکەدا کرد. هەر بۆیە بە هاوکاریکردنی سەرجەم لایەنەکان، سەرەڕای هەوڵی زۆری کۆماری ئیسلامی بۆ پێشگرتن لە بەڕێوەچوونی ئەو دادگایە، لقێکی سەربەخۆی دادگای بەرزی بێرلین لە دادگاییەکی بە تەواوی سەربەخۆ و عادڵانەدا کە نزیک بە 5 ساڵی خایاند و پاش گوێدان بە شایەتیدانی نزیک بە 180 کەس و تاوتوێکردنی هەزاران لاپەڕە بەڵگەی موستەنەد، رێکەوتی 22ی خاکەلێوەی 1376ی هەتاوی، لە بڕیارێکی مێژووییدا کاربەدەستانی پایەبەرزی رێژیمی ئێرانیان بە گەڵاڵەداڕێژ و بەڕێوەبەری تیرۆرەکە مەحکووم کرد و «واواک»ی بە تاوانبار و هاوبەش لەم تیرۆرەدا ناساند، هەروەها حوکمی دەستبەسەرکرانی نێونەتەوەیی بە دژی علی فەلاحیان، وەزیری ئەوکاتی ئیتلاعاتی ئێرانی راگەیاند.

ئاکامی ئەو دادگایە ئەوەی سەلماند کە تیرۆر بەشێکی سەرەکی لە چییەتی و پێکهاتەی دەسەڵاتداری و ئۆتۆریتەی خۆسەپێنەرانەی کۆماری ئیسلامیی ئێرانە، هەروەها لە دەقی حوکمەکەدا باس لە سیستمی جینایەت و تیرۆری رێژیم دەکرێ کە چۆن و بە چ شێوەیەک بەرنامەی لەنێوبردنی هەموو نەیارانی خۆی داڕشتووە و لەو پێناوەشدا لە هەر جۆرە کەرەستەیەکی تیرۆریستی کەڵک وەردەگرێت.

حوکمی دادگای میکۆنووس بوو بە نوختە وەرچەرخانێکی گرینگ بۆ لێکۆڵینەوە لەو کاربەدەستانەی ئێران کە نەتوانن لەوە زیاتر درێژە بە تیرۆری نێونەتەوەیی بدەن، بڕیارێک کە بوو بە هۆی ریسوایی زیاتری رێژیم لە ئاست بیروڕای گشتیداو روخساری تیرۆریستیی کۆماری ئیسلامی بە جیهان ناساند و زۆرێک لە وڵاتانی ئورووپایی و جیهانی بە نیشانەی مەحکوومکردنی ئەم تێرۆرە باڵویزەکانیان لە تاران کشاندەوە و زۆربەی وڵاتانی جیهان و کەسایەتی و رێکخراوە مرۆڤدۆستەکان کۆماری ئیسلامییان وەک ئەنجامدەری ئەو تیرۆرە مەحکووم کرد.

بڕیاری دادگای میکونووس راستییەکی حاشاهەڵنەگر لەو جینایەت و تاوانانەی کۆماری ئیسلامی بوو کە تەنانەت کاربەدەستانی رێژیمیش ناتوانن حاشا لەو کردەوە دزێوەی خۆیان بکەن و لە دوایین وتەکانی یەکێک لە بەرپرسانی رێژیم بە نێوی «عەباس سەلیمی نمین» باس لە رۆڵی رەفسنجانی لە تیرۆری ریستورانی میکونووس و تەقاندنەوەی بنکەی نیزامی ئامریکا لە عەرەبستان و... هتد دەکات و هەڕەشەی ئەوە دەکات و دەڵێت ئەگەر هاشمی بێدەنگ نەبێت زۆرێک لەو تیرۆر و جینایەتانەی کە لە سەردەمی سەرکۆماریی ئەو و بە بڕیاری ناوبراو و لە لایەن وەزیری ئەوکاتی ئیتلاعاتی ئێران (عەلی فەلاحیان) بەرێوەچوون، ئاشکرا دەکات. راستییەک کە دواتر رەفسەنجانی دانی پێدانا و رایگەیاند کە ئەم کردەوەیە کاری «عەواملی خودسەر» لە نێو رێژیمدا بووە، واتە ناوبراو بەو جۆرە قسانە دەیهەوێ بە شێوەیەکی زۆر بێشەرمانە بێئاگایی خۆیان لەو تێرۆرەدا نیشان بدات. جینایەتگەلێکی کە دوای دەیان ساڵ حاشالێکردن لە لایەن ئەنجامدەران و بەرپرسانی رێژیمەوە، هەنووکە خۆیان دانی پێ دەنێن. کوردگوتەنی زستان بە هەموو سارد و سڕییەکانەوە تێدەپەرێ و رووڕەشی بۆ خەڵووز دەمێنێتەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".