• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

بەڕێز «مستەفا هیجری» لە وتووێژ لەگەڵ «هاووڵاتی»دا:

زایینی: ٢٢-٠٤-٢٠١٢ - هەتاوی: ١٣٩١/٠٢/٠٣ - ١٨:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بەڕێز «مستەفا هیجری» لە وتووێژ لەگەڵ «هاووڵاتی»دا:
رۆژنامەی «هاووڵاتی»، وتووێژێکی لەگەڵ بەڕێز مستەفا هیجری، سکرتێری گشتیی حیزبی دێموکراتی کوردستانی ئێران پێکهێناوە. گۆڕانکارییەکانی ئەمدواییانە ناوچەی رۆژهەڵاتی نێوەڕاست، لێڕوانینی وڵاتانی زڵهێز بەنیسبەت پرسی کورد و هەلومەرجی پێوەندیی نێوان حیزبە کوردستانییەکان لە تەوەرە سەرەکییەکانی ئەم وتووێژەن. «کوردستان» لەبەر گرینگیی بابەت و تەوەرەکانی وتووێژەکە، بەپێویستی زانی دەقەکەی بڵاو بکاتەوە کە سەرنجی خوێنەرانی بەڕێزی بۆ رادەکێشین.

هاوڵاتی: بەشێک لە سەرکردەکانی رۆژهەڵاتی ناوەڕاست بەم دواییانە کەوتوونەتە بەر شەپۆلی ناڕەزایی شەقام و میللەت. کۆماری ئیسلامی دەڵێت ئێمە ئەو دۆخەمان دەمێکە تێپەڕاندووە ئەویش پاش کودتای ساڵی 1979 و گەڕانەوەی ئیمام خومەینی. ئێوە دەڵێن چی؟
ـ بۆچوونی کۆماری ئیسلامی لەو گۆشەنیگایەوە راستە کە سیوسێ ساڵ بەر لە ئێستا دیکتاتۆریی پاشایەتی بە ئیرادەی جەماوەر لە ئێران داڕما و لە رۆژهەڵاتی ناوەڕاست ساڵێکە ئەم شەپۆلە دەستی پێکردووە، بەڵام ئەوە ناگەیەنێ چوونکە خەڵکی ئێران زووتر سیستمێکی دیکتاتۆری رووخاندووە کەوابوو بە ئاواتەکانی خۆی کە ئازادی و دێموکراسی بووە گەیشتووە و دەسەڵاتی دوای دیکتاتۆریی شا گەرەنتی هەیە لە لایەن خەڵکی ئێرانەوە. بەڵکوو لێکدانەوەی دروست بۆ ئەو پرسە ئەوەیە کە خەڵکی ئێران سێ دەیە لەمەوبەر دیکتاتۆری رووخاند بۆ ئەوەی سیستمێکی دێموکراتیکی لە جێگا دابنێ و لە سێبەری ئەم سیستمەدا بە ئازادی بگا بۆ ئەو مەبەستە هەر چۆنێک بێ سیستمی کۆماری ئیسلامی هەڵبژارد کە ئێستا لە دەسەڵاتدایە، بەڵام بەداخەوە ئەو سیستمە نەک هەر خواستە دێموکراتیکەکانی خەڵکی وەدی نەهێنا، بەڵکوو شەریعەتی ئیسلامیشی وەک ئامرازێک بەکار هێنا بۆ بنیادنانی حکوومەتی دیکتاتۆری ـ ئایینی کە زۆر لە دەسەڵاتەکەی پێشوو سەرەڕۆتر و دژی گەلیتر بوو، بۆیە بەربەرەکانێیەک کە 33 ساڵ بەر لە ئێستا لە ئێراندا دژی دیکتاتۆری دەستی پێکرد تا ئێستاش بەردەوامە و تا ئەو کاتەی خەڵک بە ئامانجەکانی خۆیان دەگەن درێژەی دەبێ.

جیاوازی ئەم بەربەرەکانێیە لەگەڵ شەپۆلی ئێستای ناڕەزایەتیی رۆژهەڵاتی ناوەڕاست لەوەدایە کە ئەگەر 33 ساڵ لەوە پێش خەڵکی ئێران لە رووی ناشارەزایی و لە ژێر باندۆری پیلانەکانی ئاخوندەکان دەنگیان بە حکوومەتێکی ئایینی دا، ئێستا بەم راستییە گەیشتوون کە حکوومەتی ئایینی ناتوانێ ویست و داخوازە دێموکراتیکەکانی خەڵک دابین بکا، بۆیە خەبات و بەربەرەکانێى ئێستایان بۆ رووخاندنی حکوومەتی دیکتاتۆری ئایینی و هێنانەسەرکاری دەسەڵاتێکی دێموکراتیکی سکولارە، ئەزموونێک کە خەڵکی باقی وڵاتانی رۆژهەڵاتی ناوەڕاست لێی بێ بەهرەن، بۆیە لانیکەم بەشێک لەوان خەریکن بەو رێچکەیەدا دەڕۆن کە پێشتر خەڵکی ئێران بە هەڵە هەڵیانبژارد و ناکام بوون.

هاوڵاتی: کۆماری ئیسلامیی ئێران پاش ئەو پێشهات و گۆڕانکارییانەی لە ناوخۆ و ناوچەکەدا روو دەدەن، ئێستا چ تێڕوانینێکیان بۆ مافی نەتەوەی کورد لە کوردستانی ڕۆژهەڵات هەیە و بەگشتی سەقفی داواکارییەکانی کوردی رۆژهەڵات خۆی لەچیدا دەبینێتەوە بەرامبەر هەر ئەگەر و گۆرانکارییەک؟

ـ ئێمە ئێستا مافی نەتەوەی کورد لە ئێرانێکی دێموکراتێکی فیدراڵدا دەبینین کە کورد و باقی ئەو نەتەوانەی لەسەر خاکی خۆیان دەژین حکوومەتی ناوچەیی یان هەرێمی خۆیان پێک بێنن و، لە چوارچێوەی یاسایەکی بنەڕەتی دێموکراتیکدا لە بەڕێوەبردنی ئێراندا شەریک بن و بەم چەشنە هەموو نەتەوەکانی پێکهێنەری حەشیمەتی ئێران لە مافی یەکسان بەهرمەند بن.

ئەمە سەقفی داواکانی نەتەوەی کورد و بگرە نەتەوەکانی دیکەیشە لە ئێراندا، بەڵام ئەو گومانەش نەماوە کە ئەو مافانە لە لایەن رێژیمی کۆماری ئیسلامیی ئێرانەوە دابین ناکرێن و هەمووی بەستراوەتەوە بە هەلومەرجی پاش رێژیم.

هاوڵاتی: ماوەی چەند ساڵێک دەبێت پارت و لایەنە کوردییەکانی رۆژهەڵات لە هەوڵی پێکهێنانی بەرەیەکی هاوبەشن، بەڵام ئەمە پێک نەهێنرا. هەندێک هۆکارەکە بۆ پارچەپارچەبوون لێکدابڕانی کۆمەڵە و دێموکرات دەزانن، ئێوە هۆکاری سەرنەکەوتنی ئەم هەوڵە تا ئێستا لەچیدا دەبیننەوە؟

ـ دابەشبوونی حیزبەکانی رۆژهەڵات گرنگترین کۆسپی سەر رێگای پێکنەهاتنی بەرە یان هەر چەشنە هاوکارییەک لەگەڵ یەکترن، بەڵام لەم پێوەندییەدا نابێ دەوری ئەو بۆچوونانەش فەرامۆش بکەین کە بەرژەوەندیی حیزبی بە هەڵە لە سەرووی بەرژەوەندیی نەتەوەیی دادەنێن و لە ئاکامدا زۆرتر هەوڵیان داوە و هەوڵ دەدەن کە ویست و بەرنامەکەی ئەوان سەرکەوتوو بێ، بە بێ لەبەرچاوگرتنی ویستەکانی لایەنی بەرامبەر. لەم راستایەدا شوێندانەریی پیلانەکانی لاوەکی نەیارانیش نابێ لە بیر بکەین کە هەم لە دابەشبوونەکانی حیزبەکان شوێندانەر بوون و هەم هۆکارێک بوون بۆ لێک دوورکەوتنەوە و لە ئاکامدا پێکنەهاتنی بەرە یان هاوکاری لەسەر خاڵە هاوبەشەکان.

هاوڵاتی: لە لایەن سەرکردایەتی کوردەوە هەست بە جۆرێک لە بێئومێدی دەکرێت بەرامبەر ئەمریکا بۆ پاراستنی مافی کورد و بەدەستهێنانی مافە رەواکان، لەم روانگەیەوە ئێستا هەست بەوە دەکرێت بۆ پرسی مافی چارەی خۆنووسین گەیشتن بە مافە رەواکان زیاتر مەیلی سەرکردایەتیی کورد بۆ لای وڵاتانی ئورووپا دەڕوات بەتایبەت فەڕانسە و بریتانیا. ئەمە تا چەند بە ئیجابی دەزانی؟

ـ ئێمەی رۆژهەڵاتی و لەو نێوانەشدا بە تایبەت دانیشتووانی رۆژهەڵاتی ناوەڕاست کە کوردیش بەشێک لەوانە، وەکوو خەڵکانێکی زۆرتر بە هەست و عاتیفی وا بیر دەکەینەوە کە هۆی ناکامییەکانمان دوژمنەکانمانن و بۆ خۆمان بێکەموکوڕین و لەو پێوەندییەدا بەرپرسایەتییەک وە ئەستۆ ناگرین، ئەوە ساکارترین و لە هەمان کاتدا ناسیاسیترین تەوجیهی ناکامییەکانمانە، بۆیە مەحکوومین بەوەی هەڵە و کەموکوڕییەکانمان دووپات و دووپات بکەینەوە بە بێ ئەوەی لە رووداوەکان فێر بین و هەڵەکانمان راست بکەینەوە.

بێهیوایی ـ ئەگەر بێهێوایی هەبێ ـ سەرکردەی کوردیش لە پاراستنی مافی کورد لە لایەن ئەمریکاوە شتێکی لەو چەشنەیە. ئەمریکا بە رووخاندنی دیکتاتۆرێکی وەکوو سەددام حسێن یارمەتییەکی گەورەی بە خەڵکی عێراق و کوردەکانی ئەو بەشە دا، بۆ ئەوەی هەلومەرجی پێکهاتوی دوای سەددام حسێن بە قازانجی خۆیان بقۆزنەوە، بەڵام بێجگە لە عەرەبەکان، کوردیش بە شێوەی پێویست نەیتوانی لەم دەرفەتە کەڵک وەربگرێ و لە هەرێمی خۆیدا بنەمایەکی تۆکمە بۆ دواڕۆژی خۆی بنیات بنێ، لەو پێوەندییەدا کەموکوڕی و هەڵەکان یەکجار زۆرن کە لەم باسەدا جێگایان نیە. من لەو باوەڕەدام ئەگەر ئەم کەموکوڕی و هەڵە نێوخۆییانە نەبوایەتن و کوردستان دوای زیاتر لە یەک دەیە لە دەسەڵاتداریی خۆی، دەیتوانی بە بەرنامەی درووست و گرتنە بەری سیاسەتێکی نەتەوەیی بەرنامەداڕێژراو، یارمەتیی ئەمریکاو باقی وڵاتانی پێشکەوتوو زیاتر بۆ لای خۆی راکێشێ. بەڵام ئەگەر بێت و وەک لە پرسیارەکەدا هاتووە کورد بیهەوێ ئورووپا لە جیاتی ئەمریکا دابنێ بۆ پشتیوانی لە داخوازەکانی، تووشی هەڵەیەکی گەورە بووە، چوونکە ئەزموونەکان دەریان خستووە لە بڕیارە گرینگە سیاسییەکانی ناوچەدا، ئورووپا بە بێ پشتیوانیی ئەمریکا زۆر زەحمەتە سەرکەوتن بەدەست بێنێ.

هاوڵاتی: بەرای ئێوە ئەو بارودۆخەی ئێستای باشووری کوردستان تا چەند توانای دەوڵەتداری تێدایە؟

ـ ئەگەر مەبەستتان لە دەوڵەتداری، توانای بەڕێوەبردنی دەوڵەتی سەربەخۆیە، وڵامی من ئەوەیە کە بە هۆی هەڵەو کەموکورتییەکان، نە لە ناوخۆ و نە لە ناوچە و نە لە رادەی نێونەتەوەییدا زەمینەی پێکهاتنی دەوڵەتی سەربەخۆ بۆ کوردستانی باشوور پێک نەهاتووە تا قسە لە توانای دەوڵەتدارییەکەی بکەین.

هاوڵاتی: دەپرسین بەلای بەڕێزتانەوە بەدەستهێنانی ڕەزامەندیی وڵاتانی دراوسێ لە پێشتر و گرنگترە یان وڵاتانی زلهێزی دەرەوە؟

ـ بەداخەوە هەلومەرجی ژێئۆپۆلیتیکی کوردستان جۆرێکە کە لە نێو چەند وڵات و حکوومەتی نادێموکراتیک کە باوەڕیان بە مافی کورد نیە دابەش کراوە، وڵاتانی دیکەی ناوچەش هەر کام بە شێوەیەک دژی مافە دێموکراتیکەکانی گەلانی بندەستن، بۆیە هەر دووکی ئەم هێزانە دەتوانن کۆسپی گەورەمان بۆ پێک بێنن، لە لایەکی دیکەوە ئەمڕۆ بە بێ بڕیاری وڵاتانی زلهێزی جیهان پێکهێنانی ئاڵوگوڕ لە سنوورەکاندا نایەتە ئاراوە بۆیە کورد بەرپرسایەتییەکی قورسی دەکەوێتە سەر شان لە راگرتنی پارالێل (تەوازن) لە نێوان ئەو هێز و لایەنانەدا و ناکرێ هیچکامیان فەرامۆش بکا.

هاوڵاتی: ئاشکرایە بارودۆخ و هەلومەرجی سیاسی و ئابووریی کوردانی باشوور لە بەشەکانی تری کوردستان باشترە. ئەگەر لەم بەشەدا کار بۆ جاڕدانی دەوڵەت بکرێت، پێتوایە کوردی بەشەکانی تر چۆن پێشوازی لێ دەکەن؟

ـ بە هۆی ئەوە کە کورد لە مێژ ساڵە خەون بە بوونی کوردستانی گەورەوە دەبینێ و مافی خۆشیەتی، بۆیە بانگەواز بۆ گەیشتن بەو خەونە لە لایەن کۆمەڵانی خەڵکی کوردستان خەبەرێکی خۆشە، بەڵام بیرکردنەوە لە سەرکەوتنی ئەم بانگەوازە گرینگتریشە، چوونکە راگەیاندنی ئەم بانگەوازە و سەرنەکەوتنی، بێهیواییەکی زۆر لە ناو خەڵکدا پێک دێنێ.

هاوڵاتی: ئەگەر ئەم بەشەی کوردستان لە باشوور جاڕی دەوڵەت بدات خوێندنەوەی تۆ لەسەر هەڵوێستی کۆماری ئیسلامیی ئێران بۆ ئەم مەسەلەیە چیە و کۆماری ئیسلامیی ئێران چۆن رووبەڕووی ئەم بابەتە دەبێتەوە؟

ـ کۆماری ئیسلامی دژی سەرەتاییترین مافە دێموکراتیکەکانی گەلی کوردە، بۆیە راگەیاندنی دەوڵەتی سەربەخۆ لە کوردستانی باشوور، لەگەڵ دژکردەوەی توندی رێژیمی کۆماری ئیسلامی بەرەوڕوو دەبێ.

پرۆفایل:
ناوی سیانی: مستەفا هیجری
ساڵی لەدایک بوون: 1945
شوێنی لەدایک بوون: نەغەدە
بڕوانامە،پسپۆری: بەکالوریس لە زمانو ئەدەبیاتی فارسی
شوێنی دانیشتن و پیشەی پێشوو ئێستا: پێشتر مامۆستای ناوەندی، شارى نەغەدە بووە لە ئێستادا سکرتێری گشتیی حیزبی دێمۆکراتی کوردستانی ئێرانە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.