• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ژانویەی ٢٠١٨ی زایینی - ٢٩ی بەفرانباری ١٣٩٦ی هەتاوی  

راگەیەندراوی هاوبەشی حیزبی دێمۆکرات و کۆمەڵە بە بۆنەی شەپۆلی تازەی دەسبەسەر کردن لە کوردستان

زایینی: ١٢-٠٣-٢٠١٣ - هەتاوی: ١٣٩١/١٢/٢٢ - ٠٩:٥٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگەیەندراوی هاوبەشی حیزبی دێمۆکرات و کۆمەڵە بە بۆنەی شەپۆلی تازەی دەسبەسەر کردن لە کوردستان
کوردستان میدیا: کۆمەڵەی شۆڕشگێڕی زەحمەتکێشانی کوردستانی ئێران و حیزبی دێمۆکراتی کوردستانی ئێران بە بۆنەی شەپۆلی دەسبەسەر کردنی ئەم دوایانەی هاووڵاتییانی کوردستانی رۆژهەڵات راگەیەندراوێکی هاوبەشیان بڵاو کردەوە.


دەقی راگەیەندراوەکە:

کۆڕ و کۆمەڵە جیهانییەکانی لایەنگری مافی مرۆڤ،
خەڵکی ئازادیخوازی ئێران،
هاونیشتمانانی کورد،


دەزگای سەرکوت و داپڵۆسینی کۆماری ئیسلامی بۆ جارێکی دیکە پەرەی بە دەسبەسەر کردن ‌و گوشارهێنان بۆ چالاکانی فەرهەنگی و بەگشتی خەڵکی کوردستان داوە و بە پیلانێکی دیکەوە دەستی داوەتە پێکهێنانی کەشی ترس و تۆقاندن لە کوردستان.


لە ماوەی نزیک بە یەک حەوتووی رابردوودا زیاتر لە ٣٠ کەس لە شار و شوێنە جیاجیاکانی کوردستان لەلایەن دەزگا ئیتلاعاتی ‌و سەرکوتکەرەکانی رێژیمی کۆماری ئیسلامییەوە بێ‌هیچ هۆیەکی دیار دەسبەسەر کراون و لە زۆربەیاندا تەنانەت بنەماڵەکانیشیان ئاگاداری شوێنی دەسبەسەرکردنیان و چارەنووسی ئەو گیراوانە و هەروەها تۆمەتە وەپاڵدراوەکانیان نین.


لەو کەسانەی کەلە ناوچە جیاوازەکانی کوردستان دەسبەسەر کراوەن دەکرێ‌ئاماژە بە ئەم کەسانە بکەین:



مەهاباد:
قاسم ئەحمەدی، خوسرەو کوردپوور، مەسعوود کوردپوور، کە ئەم سێ‌کەسە لە رۆژانی ١٦ و ١٧ و ١٩ی رەشەمەدا دەسبەسەر کران.


پاوە:
لە رۆژی ١٩ی رەشەمە ٥ کەس بە ناوەکانی قانیع حاتەمی، محەمەد نیگاری، بابەک عەباسی، موعتەسەم شافیعی ‌و جەهانبەخش ئەحمەدی دەسبەسەر کران و پێشتر لە رۆژی ١٧ی رەشەمەدا یاسر کاکایی و لە رۆژی ١٤ی رەشەمەشدا سێ کەس بە ناوەکانی بەختیار رەسووڵی، موختار ئەحمەدی و سەتار ئەحمەدی لە شاری پاوە و گوندی خانەگا دەسبەسەر کرابوون. ئەمە لە کاتێک دایە کە چەند رۆژ لەوە پێش دوو کەس بە ناوی کەیهان عەزیزی و داوود غەفاری بە تۆمەتی نادیار دەسبەسەر کرابوون و لەژێر ئەشکەنجەدا وەزعی تەندروستیی کەیهان عەزیزی نالەبارە. هەر لەو شارە دوو کەسی دیکە بە ناوەکانی فەردین رەسووڵی و بەختیار کاکایی دەسبەسەر کرابوون.


نەغەدە:
٥ کەس بە ناوەکانی محەمەد سوهرابی، ناسر نیعمەت‌خواهـ، کامران عوسمانی، شەهاب ئەحمەدی ئازەر ‌و یووسف حاجی خۆش لەلایەن دام و دەزگای ئەمنیەتیی رێژیمەوە دەسبەسەر کراون.


شنۆ:
دوو کەس بە ناوەکانی قادر داستان و رەحیم فتووحی بە بێ هۆ دەسبەسەر کراون.


هەروەها لە سنە: لە رۆژی ١٧ی رەشەمە ٥ کەس بەناوەکانی عەلی ئازادی، بێهزاد فەرەجوڵڵاهی، حەمید مەحموودنژاد، سەید خالیس حوسێنی ‌و وەفا قادری بە تۆمەتی بەڕێوە بردنی رێوڕەسمی رۆژی ژن دەسبەسەر کراون.


ئەم شەپۆلە نوێیەی دەسبەسەر کردن و پێشێل کردنی ئازادییەکانی خەڵک و ئەشکەنجە کردنی دەسبەسەر کراوان، لە کاتێکدا لەلایەن دام و دەزگای سەرکوتکەری رێژیمەوە بەڕێوە دەچێ‌کە هەم کۆمەڵگای ئێران لە ژێر قەیرانە ئابوورییەکانی خولقاوی دەستی رێژیمدا خەریکی شڵەژان و سەرهەڵدانە و هەم لە بەرەبەری نەورۆزدا، وەک نەریتی هەمیشەیی نەتەوەی کورد کە بە پێشوازی جێژنی رزگارییەوە دەچن، رێژیم لە ئاکامی ئەو رووداوە کەلە پێشیانە دەترسێ. لە لایەکی دیکەوە رێژیم خەریکی خۆ ئامادە کردن بۆ وەڕێخستنی دەورێکی دیکەی بەناو هەڵبژاردنە و بۆ دروست کردنی فەزای ترس و تۆقاندن، لە گرتن و ئازاردانی رۆژنامەنووسان و هەروەها دەسبەسەر کردن و ئەشکەنجەدانی چالاکان و خەڵکی ئاسایی کوردستانەوە دەستی پێ کردووە و بەم شێوازە دەیەوێ‌هەم نەورۆز و ساڵی نوێ‌لە خەڵکی کوردستان و ئێران بکا بە شەوی ترس و دڵەڕاوکێ و هەم لە "ملەی هەڵبژاردن" بە سەلامەت تێپەڕێ ‌و بۆ سەرخستنی ئەم پیلانانەشی گورزەکەی لە ئازادیخوازان ‌و بەتایبەت نەتەوەی ئازادیخوازی کورد دەوەشێنێ.


لە هەموو کۆڕو کۆمەڵە نێونەتەوەیی‌یەکان داواکارین کە ئیجازە نەدەن رێژیمی کۆماری ئیسلامی بە بەرچاوی جیهانیانەوە، سەرکوت و سەرەڕۆیەکانی بەردەوام بکا و کۆمەڵگای جیهانی نابێ بێ‌دەنگ بێ.


داوا لە خەڵکی ئازادیخوازی کوردستان دەکەین کە وەک هەمیشە بەو هروژمە ناڕوایانەی رێژیم چاوترسێن نەبن و رێوڕەسمەکانی نەورۆزیان بە شکۆیەکی زیاترەوە بەڕێوە ببەن تاکوو بە دەسەڵاتی سەرەڕۆی کۆماری ئیسلامی بسەلمێنن کە نە تەنیا بەو جۆرە چاو زەق کردنەوانە، گەلی کورد بە چۆکدا نایەت بەڵکوو بە خەباتی جەماوەری و یەکگرتوانەی خۆی لە بەرەبەری ساڵی نوێ‌و هەروەها لە نەورۆزی ئەمساڵدا تێ دەکۆشێت هیچ دەسبەسەرکراو و زیندانییەکی سیاسی لە زیندانەکانی رێژیمی کۆماری ئیسلامیدا نەمێنێ.


حیزبی دێمۆکراتی کوردستانی ئێران
کۆمەڵەی شۆڕشگێڕی زەحمەتکێشانی کوردستانی ئێران

٢١ی رەشەمەی ١٣٩١‌ی هەتاوی
١١ی مارسی ٢٠١٣‌ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.