برایم لاجانی
رێژیمی كۆماری ئیسلامی هەموو خراپییەكانی سیستەمە دیكتاتۆر و ئیدولۆژییەكانی لەخۆیدا كۆ كردۆتەوە. گەندەڵیی هەموو لایەنەی دەستەڵاتی فەرمانڕەوا هێندە زەق و بەرچاوە كە تەنانەت لە ژێر پەردەی ئەستووری دین و مەزهەبیش دا ناشاردرێتەوە.
هەلومەرجێك هاتۆتە پێش كە تەنانەت چین و توێژە هەرە موحافەزەكارەكانی نێو كۆمەڵگاش ناچاربوون دەنگی ناڕەزایەتیی خۆیان بە دژێ ئەو وەزعە بەرزكەنەوە كە لەئاكامی سیاسەتە دژی گەلییەكانی دەستەڵاتی ئاخوندی دا پێكهاتووە.
كاربەدەستانی رێژیم و لەسەرووی هەموویانەوە ئاغای خامەنەیی، لەبەرانبەر خەڵكدا خۆیان بە بەرپرس نازانن و هیچ بەرپرسایەتیەك سەبارەت بەو باروودۆخە قبووڵ ناكەن كە وڵاتەكەمانی تێكەوتووە. ئەوان نایشارنەوە و بە ئاشكرا رادەگەیەنن كە تەنیا لە بەرانبەر ئیمام زەماندا خۆیان بە وەڵام دەر دەزانن.بەمجۆرە دەبێ چاوەڕوان بین كە قەیرانی هەموو لایەنەی رێژیم لە مانگ و وەرزەكانی داهاتوودا زۆر لەوەش قوڵتر بێتەوە كە هەیە.
راستە ئێمە دەبێ توانای رێژیم بۆ ئیدارەكردنی قەیران بە كەم نەگرین، بەڵام ئەزموون نیشانیداوە كە قەیرانی سیاسی و ئابووری ئەگەر بۆ ماوەیەكی زۆر درێژەیان كێشا، هیچ حكومەتێك خۆی لە بەرانبەریاندا راناگرێ. هەر لەو چەند دەیەی دواییدا دیتوومانانە كە زۆر دەوڵەتی گەورەتر و بەهێزتریش لە كۆماری ئیسلامی، وەبەر گەردەلوولی قەیرانی سیاسی و ئابووری كەوتوون و ئاسەوارێكیان لێنەماوە.
یەك شت روونە، كۆماری ئیسلامی چۆتە نێو سەخترین قۆناخەكانی تەمەنی خۆی و لە نێو گێژاوی گیر وگرفتە سیاسی و ئابووری و كۆمەڵایەتی و دیپڵۆماسیەكانیدا دەست وپێ داوێ. ئێستا ئیدی خواستی گۆڕانی رێژیم لە ئاستی درووشمێكی سیاسیەوە تێپەڕیوە و بۆتە پێویستیەكی حاشاهەڵنەگر. ئەوە نەك هەر بۆ خەڵكی وڵاتەكەمان، بەڵكوو بۆ كۆمەڵگای نێونەتەوەیش هەر وایە.
دوورە دیمەنی چەكداربوونی كۆماری ئیسلامی بە بۆمبی ئەتۆمی، هێندە بۆ ناوچە و دونیا پڕ مەترسیە، كە بە هیچ جۆر بۆ مرۆڤایەتی پێشكەوتوو قبووڵ ناكرێ. بۆیە خواستی گەلانی ئێران بۆ رووخانی ئەم رێژیمە، لەگەڵ خواستی كۆمەڵگای نێونەتەوەیی بۆ وەلانانی مەترسی كۆماری ئیسلامی لە سەر ئاشتی لە ناوچە و دونیادا پێكەوە یەكدەگرنەوە. ئەوەش شانسێكی زۆر بە بزووتنەوەی ئازادیخوازانەی گەلانی ئێران دەدا هەتا بتوانێ لە خەبات بە دژی ئیستبداد و دیكتاتۆریی ڕەشی مەزهەبیدا، حیسابی زۆرتر لەسەر پشیوانی و هاودەردی و هاوپێوەندیی وڵاتان و كۆڕ وكۆمەڵگا جیهانییەكان بكا.
لە دەورانی گڵۆبازیسیۆن و بە جیهانی بووندا، كە دونیا بە هەزاران هەودای دیار و نادیارەوە پێكەوە بەستراوە، پشتیوانی و هاوپێوەندیی دەرەوە هەمیشە وەك فاكتۆرێكی كاریگەری سەركەوتنی خەباتی گەلانی ئازادیخواز زانراوە. بەڵام لەو هاوكێشەیەدا دەبێ بزانین كە فاكتۆری ئەسڵی خەباتی خۆمان لە نێوخۆی وڵاتدایە. وەك دوكتۆر قاسملوو دەڵێ عامیلی دەرەوە تەنیا دەبێ وەك یارمەتیدەر تەماشابكرێ.
حیزبی دێمۆكراتی كوردستانی ئێران كە خەبات بۆ ئازادی و دێمۆكراسی دەكا و دەیەوێ گەلی كورد بە مافی دیاریكردنی چارەنووسی خۆی بگا، تێدەكۆشێ پشتیوانیی كۆڕ وكۆمەڵە نێونەتەوەییە بەشەر دۆستەكان بۆلای بزووتنەوەی میللی دێموكراتیكی گەلی كورد و گەلانی ئازیخوازی دیكەی ئێران هەر چی پتر راكێشێ. ئێمە نەك هەر شەرم لەوەناكەین كە لە خەباتی رەوا و عادڵانەماندا، كەڵك لە پشتیوانی سیاسی و ئەخلاقی و مەعنەوی گەلان و وڵاتانی دونیا وەرگرین، بەڵكو تێدەكۆشین بە باشترین شێوە لەو ئیمكاناتە كە دونیای هاوچەرخ بۆ كۆمەك بە بزووتنەوەی دێمۆكراسیخوازی و رزگاریخوازی میللەتان پێكی هێناوە كەڵك وەرگرین.
لەو وەزعەدا كە خەریكە دێتە پێشێ پێویستە هەموو ئیمكاناتی نێو گۆڕەپانەكە چ لە ئاستی كوردستان و چ لە ئاستی سەرانسەریدا بۆ بەشداری لە خەباتدا مۆبیلیزە بكەین هەتا ئەو جێیەی دەكرێ دەبێ مەیدانی مانۆڕدانی رێژیم بەرتەسك كەینەوە. هەموو تێكۆشین لە سەر قازانج و بەرژەوەندیە میللیەكان دابین و دستەبەركردنیان بە تەوافوق بگەین. پێویستە دەست لە كوتانی یەكتر هەڵگرین و نەیەڵین هیچی دیكە ئینێرژییەكان لە جیاتی دەكاركردنیان بۆ بردنە پێشی خەبات، بە خۆڕایی لە ململانێ دەگەڵ یەكتریدا بە فیڕۆ بچن.
حیزبی ئێمە لە ژێر رێنوێنیەكانی كۆنگرەی پازدەهەمی خۆیدا لێ بڕاوە كە هەموو تواناكانی خۆی لەو بوارەدا بخاتە خزمەتی خەبات و بەربەرەكانی بە دژی ئیستبدادی رەشی ئاخوندی و بۆ ئەو مەبەستەش تێدەكۆشێ باڵەكانی فڕینی خۆی بۆ فڕین بە بڵندایی ئاسماندا ئازاد بكات.
ناوەرۆکی ئەم بابەتە را و تێبینی نووسەرە و ماڵپەڕی کوردستان میدیا لێی بەرپرسیار نیە
رێژیمی كۆماری ئیسلامی هەموو خراپییەكانی سیستەمە دیكتاتۆر و ئیدولۆژییەكانی لەخۆیدا كۆ كردۆتەوە. گەندەڵیی هەموو لایەنەی دەستەڵاتی فەرمانڕەوا هێندە زەق و بەرچاوە كە تەنانەت لە ژێر پەردەی ئەستووری دین و مەزهەبیش دا ناشاردرێتەوە.
هەلومەرجێك هاتۆتە پێش كە تەنانەت چین و توێژە هەرە موحافەزەكارەكانی نێو كۆمەڵگاش ناچاربوون دەنگی ناڕەزایەتیی خۆیان بە دژێ ئەو وەزعە بەرزكەنەوە كە لەئاكامی سیاسەتە دژی گەلییەكانی دەستەڵاتی ئاخوندی دا پێكهاتووە.
كاربەدەستانی رێژیم و لەسەرووی هەموویانەوە ئاغای خامەنەیی، لەبەرانبەر خەڵكدا خۆیان بە بەرپرس نازانن و هیچ بەرپرسایەتیەك سەبارەت بەو باروودۆخە قبووڵ ناكەن كە وڵاتەكەمانی تێكەوتووە. ئەوان نایشارنەوە و بە ئاشكرا رادەگەیەنن كە تەنیا لە بەرانبەر ئیمام زەماندا خۆیان بە وەڵام دەر دەزانن.بەمجۆرە دەبێ چاوەڕوان بین كە قەیرانی هەموو لایەنەی رێژیم لە مانگ و وەرزەكانی داهاتوودا زۆر لەوەش قوڵتر بێتەوە كە هەیە.
راستە ئێمە دەبێ توانای رێژیم بۆ ئیدارەكردنی قەیران بە كەم نەگرین، بەڵام ئەزموون نیشانیداوە كە قەیرانی سیاسی و ئابووری ئەگەر بۆ ماوەیەكی زۆر درێژەیان كێشا، هیچ حكومەتێك خۆی لە بەرانبەریاندا راناگرێ. هەر لەو چەند دەیەی دواییدا دیتوومانانە كە زۆر دەوڵەتی گەورەتر و بەهێزتریش لە كۆماری ئیسلامی، وەبەر گەردەلوولی قەیرانی سیاسی و ئابووری كەوتوون و ئاسەوارێكیان لێنەماوە.
یەك شت روونە، كۆماری ئیسلامی چۆتە نێو سەخترین قۆناخەكانی تەمەنی خۆی و لە نێو گێژاوی گیر وگرفتە سیاسی و ئابووری و كۆمەڵایەتی و دیپڵۆماسیەكانیدا دەست وپێ داوێ. ئێستا ئیدی خواستی گۆڕانی رێژیم لە ئاستی درووشمێكی سیاسیەوە تێپەڕیوە و بۆتە پێویستیەكی حاشاهەڵنەگر. ئەوە نەك هەر بۆ خەڵكی وڵاتەكەمان، بەڵكوو بۆ كۆمەڵگای نێونەتەوەیش هەر وایە.
دوورە دیمەنی چەكداربوونی كۆماری ئیسلامی بە بۆمبی ئەتۆمی، هێندە بۆ ناوچە و دونیا پڕ مەترسیە، كە بە هیچ جۆر بۆ مرۆڤایەتی پێشكەوتوو قبووڵ ناكرێ. بۆیە خواستی گەلانی ئێران بۆ رووخانی ئەم رێژیمە، لەگەڵ خواستی كۆمەڵگای نێونەتەوەیی بۆ وەلانانی مەترسی كۆماری ئیسلامی لە سەر ئاشتی لە ناوچە و دونیادا پێكەوە یەكدەگرنەوە. ئەوەش شانسێكی زۆر بە بزووتنەوەی ئازادیخوازانەی گەلانی ئێران دەدا هەتا بتوانێ لە خەبات بە دژی ئیستبداد و دیكتاتۆریی ڕەشی مەزهەبیدا، حیسابی زۆرتر لەسەر پشیوانی و هاودەردی و هاوپێوەندیی وڵاتان و كۆڕ وكۆمەڵگا جیهانییەكان بكا.
لە دەورانی گڵۆبازیسیۆن و بە جیهانی بووندا، كە دونیا بە هەزاران هەودای دیار و نادیارەوە پێكەوە بەستراوە، پشتیوانی و هاوپێوەندیی دەرەوە هەمیشە وەك فاكتۆرێكی كاریگەری سەركەوتنی خەباتی گەلانی ئازادیخواز زانراوە. بەڵام لەو هاوكێشەیەدا دەبێ بزانین كە فاكتۆری ئەسڵی خەباتی خۆمان لە نێوخۆی وڵاتدایە. وەك دوكتۆر قاسملوو دەڵێ عامیلی دەرەوە تەنیا دەبێ وەك یارمەتیدەر تەماشابكرێ.
حیزبی دێمۆكراتی كوردستانی ئێران كە خەبات بۆ ئازادی و دێمۆكراسی دەكا و دەیەوێ گەلی كورد بە مافی دیاریكردنی چارەنووسی خۆی بگا، تێدەكۆشێ پشتیوانیی كۆڕ وكۆمەڵە نێونەتەوەییە بەشەر دۆستەكان بۆلای بزووتنەوەی میللی دێموكراتیكی گەلی كورد و گەلانی ئازیخوازی دیكەی ئێران هەر چی پتر راكێشێ. ئێمە نەك هەر شەرم لەوەناكەین كە لە خەباتی رەوا و عادڵانەماندا، كەڵك لە پشتیوانی سیاسی و ئەخلاقی و مەعنەوی گەلان و وڵاتانی دونیا وەرگرین، بەڵكو تێدەكۆشین بە باشترین شێوە لەو ئیمكاناتە كە دونیای هاوچەرخ بۆ كۆمەك بە بزووتنەوەی دێمۆكراسیخوازی و رزگاریخوازی میللەتان پێكی هێناوە كەڵك وەرگرین.
لەو وەزعەدا كە خەریكە دێتە پێشێ پێویستە هەموو ئیمكاناتی نێو گۆڕەپانەكە چ لە ئاستی كوردستان و چ لە ئاستی سەرانسەریدا بۆ بەشداری لە خەباتدا مۆبیلیزە بكەین هەتا ئەو جێیەی دەكرێ دەبێ مەیدانی مانۆڕدانی رێژیم بەرتەسك كەینەوە. هەموو تێكۆشین لە سەر قازانج و بەرژەوەندیە میللیەكان دابین و دستەبەركردنیان بە تەوافوق بگەین. پێویستە دەست لە كوتانی یەكتر هەڵگرین و نەیەڵین هیچی دیكە ئینێرژییەكان لە جیاتی دەكاركردنیان بۆ بردنە پێشی خەبات، بە خۆڕایی لە ململانێ دەگەڵ یەكتریدا بە فیڕۆ بچن.
حیزبی ئێمە لە ژێر رێنوێنیەكانی كۆنگرەی پازدەهەمی خۆیدا لێ بڕاوە كە هەموو تواناكانی خۆی لەو بوارەدا بخاتە خزمەتی خەبات و بەربەرەكانی بە دژی ئیستبدادی رەشی ئاخوندی و بۆ ئەو مەبەستەش تێدەكۆشێ باڵەكانی فڕینی خۆی بۆ فڕین بە بڵندایی ئاسماندا ئازاد بكات.
ناوەرۆکی ئەم بابەتە را و تێبینی نووسەرە و ماڵپەڕی کوردستان میدیا لێی بەرپرسیار نیە
