• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

پەیامی نەورۆزیی مستەفا هیجری سکرتێری گشتیی حیزبی دێمۆکرات

زایینی: ٢٠-٠٣-٢٠١٣ - هەتاوی: ١٣٩١/١٢/٣٠ - ١٧:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی نەورۆزیی مستەفا هیجری سکرتێری گشتیی حیزبی دێمۆکرات
کوردستان میدیا: بەڕێز مستەفا هیجری سکرتێری گشتیی حیزبی دێمۆکراتی کوردستانی ئێران بەبۆنەی ساڵی نوێی کوردی پەیامێکی ئاراستەی کۆمەڵانی خەڵکی کوردستان کرد.


هاونیشتمانانی بەڕێز
خوشک و برایانی خۆشەویست
ساڵی تازە و نەو‌رۆزتان پیرۆز بێ


ساڵی رابردوو ساڵێکی پڕ لە ئێش و ئازار و بێ‌بەشی بۆ هەموو خەڵکی ئێران و بەتایبەت نەتەوە ستەملێکراوەکان و یەک لەوان نەتەوەی کورد بوو.


ساڵی ١٣٩١ی هەتاوی درێژەی ساڵانی دەسەڵاتداریی رێژیمی دواکەوتوو و نامۆ لەگەڵ ئازادی و هەموو نۆڕم و پرەنسیپە مرۆڤایەتییەکانی ئەم سەردەمە بە ناوی کۆماری ئیسلامیی ئێران بوو.


جیاوازییەک کە لەو ساڵدا بە هەڵسەنگاندن لەگەڵ ساڵانی رابردوو دەی‌بینین ئەوە بوو کە ئێعدام، زیندانی کردن و سەرکوتی جیابیران، پەرەی زیاتری سەند، داڕمانی ئابووری ئەو وڵاتە لە بەر درێژەدانی سیاسەتی هەڵەی ئابووری و سیاسی لە نێوخۆ و لە ئاستی نێونەتەوەییدا بوو بەهۆی سەخت‌تر بوونی ژیانی رۆژانەی خەڵک و ئاکامەکەشی بریتی بوو لە چوونە سەری ژمارەی بێکاران، جورم و جینایەت و دیاردە کۆمەڵایەتییەکان لە ئێراندا.


بەهۆی سیاسەتی هەڵا‌واردن و جیاوازی دانان، کوردستان لەو ئاکامە ماڵوێرانکەرە بەشێکی زیاتری بەرکەوت، بەو حاڵەشەوە بەربەرەکانی لەگەڵ رێژیم و داخوازیی ئازادی لە لایەن خەڵکەوە هەروا لە گەشە کردندا بوو.


هەر بەو هۆیەشەوە بوو کەلە ساڵی رابردوودا زیندانەکان لە تێکۆشەرانی سیاسی و ئازادیخوازانی کورد ئاخێندرا بوون.


بەڵام هاونیشتمانانی ئازادیخواز و تێکۆشەر، ئەو دیمەنە تاڵ و نەخوازراوە بەشێک لە واقعی ساڵی ١٣٩١ بوو، بەشەکەی دیکە لە دیمەنی ئەو ساڵە درێژەی بەربەرەکانێی ئازادی و ئازادیخوازی لە بەرانبەر چەقبەستوویی، دواکەوتوویی و دیکتاتۆری لە ئێران و زۆر لە وڵاتانی دوور و نیزیکی ئێمە بوو.


لە میسری دوای حوسنی موبارەک و توونێس و بەتایبەت سووریە کۆڵ نەدانی خەڵک لە بەربەرەکانێ دژی دیکتاتۆری و بێبەشی و رازی نەبوون بە وەزعی مەوجوود کە بە سەریاندا سەپاوە و هێنانە سەر دەسەڵاتی حکوومەتی دڵخوازی خۆیان هەروا لە پەرە گرتندا بوو.


لە کۆماری ئیسلامیشدا ئێمە لەوساڵە دا شاهیدی ئاڵوگۆڕ بە قازانجی دواڕۆژی خەڵک و لاوازی و بێدەرەتانی رێژیم بووین.


پێکهاتنی درزی ئاشکرای نێوان باندەکانی مافیایی دەسەڵات کە بە بناژۆخواز ناسراون لە بەرەبەری شانۆی هەڵبژاردنی دەورەی دەهەمی سەرۆک کۆماری، لە دەست چوونی زیاتری مەشرووعییەتی "وەلی فەقیهـ" ‌ کە کۆڵەکەی ئەو دەسەڵاتەیە، بێ دەسەڵاتی حکوومەت و داماوییەکەی لە چارەسەرکردنی گیر و گرفتە ئابووری و سیاسەتە نێونەتەوەییە شکست خواردووەکانی و زۆر نیشانەی دیکە، پێمان دەڵێن کە سەرەڕای هەموو ئەو سەختی و نەهامەتیانەی کە کۆماری ئیسلامی بۆ خەڵکی ئێران و ناوچەی بە دیاری هێناوە، هیوا بۆ گەیشتن بە ئازادی و رزگاری نەک هەروا زیندووە بەڵکوو بەهێزتر بووە، تێپەراندنی ئەو مەودایەش بەستراوەتەوە بە رادەی وشیاری و خەباتی یەکگرتوانەی نەتەوەکانی ئێران و بەتایبەت نەتەوەی کورد.


هەربۆیە ئێمە لە کاتێکدا بەرەو پیری نەورۆزی ١٣٩٢ دەچین کە باوەڕمان بە بەرەو پێش چوونی ئاڵوگۆڕەکان و رزگاریی خەڵک لە چنگ زوڵم و زۆرداریی کۆماری ئیسلامی و تەنانەت پێکهاتنی ئاڵوگۆڕی بەرچاو لە سەر پرسی کورد بەگشتی، لە ساڵی تازەدا زیاتر لە رابردوویە.


با ئەو باوەڕە پۆڵایینە بە بڵێسەی ئاگری رووناکی و تین خولقێنی نەورۆز و ئاوات و ئارەزووەکانی گەنجانی وڵاتەکەمان بکەینە بنەمای بەربەرەکانێی بە هێزتر بۆ نەهێشتنی دەسەڵاتی رێژیمی کۆماری ئیسلامیی ئێران و بنیاتنانی حکوومەتێکی دڵخوازی خەڵکی تامەزرۆی ئازادیمان.


بە بۆنەی نەورۆزی ١٣٩٢ی هەتاوی جوانترین پیرۆزبایی خۆمان ئاراستەی هەموو گەلانی ئێران، گەلی کورد لە هەرچوار پارچەی کوردستان و بەتایبەت لە کوردستانی ئێران دەکەین.


پیرۆز بێ نەورۆز لە بنەماڵەی سەربەرزی شەهیدان، لە زیندانیانی سیاسی کە رۆژانی نەو‌رۆز لە زیندانەکانی کۆماری ئیسلامیدا تێپەڕ دەکەن، هەروەها پیرۆز بێ لە بنەماڵەی زیندانیانی سیاسی کە لەو رۆژانەدا زیاتر لە هەموو کاتێک بیری خۆشەویستانی زیندانییان دەکەنەوە.


بە هیوای ساڵێکی گەشاوە و پڕ لە خۆشی و سەرکەوتن بۆ هەموو ئازادیخوازان

مستەفا هیجری

١ی خاکەلێوەی ١٣٩٢ی هەتاوی
٢١ی مارسی ٢٠١٣ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.