کوردستان میدیا

ماڵپەڕی ناوەندیی حیزبی دێموکراتی کوردستانی ئێران

٨ حیزبی کوردستانی جێژنی نه‌ورۆزیان له‌وڵاتی بلژیک به‌ڕێوه‌برد

23:07 - 3 خاکەلێوه 2713

کوردستان میدیا: ئاهەنگی سەری ساڵی نوێ کوردی لە بلژیک، بە هاوکاریی ٨ حیزبی کوردی هەرچوار پارچەی کوردستان بەڕێوەچوو.
بەپێی هەواڵی ماڵپەڕی کوردستان میدیا، رێکەوتی ٣ی خاکەلێوەی ١٣٩٢ی هەتاوی، به‌به‌شداریی سه‌دان هاووڵاتیی کوردی هه‌ر چوار پارچه‌ی کوردستان، نه‌ورۆز، جه‌ژنی نه‌ته‌وه‌یی کورد له‌وڵاتی بلژیک به‌رز راگیرا.
سه‌ره‌تای جێژنه‌که‌به‌خوێندنه‌وه‌ی سروودی نه‌‌ته‌وه‌یی ئه‌ی ره‌قیب و راگرتنی خوڵه‌کێک بێده‌نگی بۆ ریزگرتن له‌گیانی پاکی شه‌هیدانی رێگای رزگاریی کوردستان ده‌ستی پێ کرد.
پاشان، سدقی تیروانشی، به‌نوێنه‌رایه‌تیی ٨ پارتی سیاسیی کورد له‌بلژیک، په‌یامێکی هاوبه‌شی پێشکه‌ش کرد. له‌و په‌یامه‌دا وێڕای پیرۆزبایی جێژنی نه‌ته‌وه‌یی نه‌ورۆز، گرینگیی به‌ڕێوه‌بردنی ئه‌و جێژنه‌له‌نێوان کوردانی هه‌موو پارچه‌کانی کوردستان گرینگ زانرابوو و هه‌ر به‌و هۆیه‌وه‌ئه‌م ئاهه‌نگه به‌هاوکاریی کۆمیته‌کانی ٨ پارتی سیاسی کوردستانی له‌بلژیک‌به‌شێوه‌یه‌ی هابه‌ش به‌ڕێوه‌ چوو.

رێوڕەسمەکە بە گورانیی هونەرمەندان رۆنی جان و هه‌ژار عومه‌ر و گۆڤه‌ند و هه‌ڵپه‌رکێی به‌شدارن کۆتایی پێ هات.
ئه‌مه‌بۆ یه‌که‌مین جاره‌له‌وڵاتی بلژیک که‌ ٨ حیزبی سیاسی کوردی، جێژنی نه‌ته‌وه‌یی نه‌ورۆزیان به‌شێوه‌یه‌کی هاوبه‌ش به‌ڕێوه‌ برد.
ژماره‌یه‌کی به‌رچاو له‌ئه‌ندام و لایه‌نگرانی حیزبی دێموکراتی کوردستانی ئێران له‌بلژیک، له‌م ئاهه‌نگەدا به‌شدارییان کرد.
پارته‌کانی رێکخه‌ری جێژنی نه‌ورۆز له‌بلژیک بریتی بوون له:

ــ حیزبی دێمۆکراتی کوردستانی ئێران ــ بلژیک

ــ پارتی دێمۆکراتی کوردستان لیژنه‌ی ناوچه‌ی بلژیک

ــ یه‌کیه‌تیی نیشتمانیی کوردستان ــ کۆمیته‌ی رێکخستنی بلژیک

ــ پارتی يه‌كيه‌تيى كورد له سووريە

ــ پارتی دێمۆكراتی كورد له سووريە(الپارتی)

ــ پارتی يه‌كيه‌تيی دێمۆكراتی كورد له سووريە

ــ پارتی دێمۆكراتی پێشڤه‌روی كورد له سووريە

ــ پارتی دێمۆكراتی كورد له سووريە (ئەلپارتی نەسرەدین)