کوردستان میدیا: ئەندامێکی حیزبی دێمۆکراتی کوردستانی ئێران و هەروەها کەسایەتییەکی ناسراوی ناوچەی کرماشان کوچی دوایی کرد.
بەپێی هەواڵی ماڵپەڕی کوردستان میدیا، رۆژی پێنج شەممە رێكەوتی ٨ی خاكەلێوەی ١٣٩٢ی هەتاوی ئەندامێكی حیزبی دێموكراتی كوردستانی ئێران بەناوی عەزیز كیاست ناسراو بە كوێخا عەزیز كەسایەتی ناسراوی شاری سەرپێل‌زەهاو لە تەمەنی ٩٢ ساڵیدا كۆچی دوایی كرد.
كوێخا عەزیز كەسایەتییەكی جێی متمانەی خەڵک لە شارەكانی سەرپێڵی زەهاو، قەسری‌شیرین، كرندی غەرب‌ و شائاباد بوو، ناوبراو مرۆڤێكی نیشتمانپەروەر ‌و دڵسۆزی حیزب‌ و گەڵەكەی بوو ‌و هەتا دوایین ساتەكانی ژیانی لە خزمەتی حیزب و گەلدا بوو.
حیزبی دێمۆكراتی كوردستانی ئێران سەرەخۆشی لە كەس‌و‌كار ‌و بنەماڵەی کوێخا عەزیز دەكات ‌و خۆی بە شەریك خەمیان دەزانێ.
رۆحی شاد